Tala Kaalaman: Sa ilalim ng Sultano

Alam n’yo ba na noong ika-19 na siglo, marami ng aliping babae at lalaki sa hanay ng mga Moro? Binihag sila sa mga reyd na inilunsad ng mga puwersang Moro gamit ang bangkang prahus sa habagatang bahagi ng Pilipinas. Tinatawag silang bisaya o banyaga. Ang mga aliping babae ay nagiging mga kabit, mga tagapagpasuso, tagapaypay, tagapagturo o mga katulong sa bahay ng kanilang mga amo. Sila ang pinakadiskriminado sa mga kababaihan sa ilalim ng sultanato.