Archive - Feb 2008 - larawan_linggo

Naiwan sila para himay-himayin ang mga halamang dagat na ibinebenta ng kanilang mga ama sa palengke. Namatay ang mga ama ng mga batang ito matapos paulanan ng bala ng SWAG-8 ng Philippine Navy at Light Reaction Company (na sinanay ng mga tropang Kano) habang natutulog ang mga residente noong Peb. 4.

(Kuha ng Amirah Ali Lidasan sa Piket, Maimbong, Sulu)

Sa halagang P5 na solbent, solb ang mga batang ito sa buong araw. Di ramdam ang kumakalam na sikmura at nahahalang na bituka.

(Kuha ni Ramil Flores sa Calamba, Laguna)

Habang nagsasalita sa entablado si National Security Adviser Norberto Gonzales, palihim na tumitingin sa isang porn site ang mga sundalong ito.

(Kuha ng Davaotoday.com sa Davao City)

Araw-araw, nagtutulak siya ng mga kahon-kahong padala mula sa Kamaynilaan at sa ibang bansa. Pero ni minsan, hindi siya nakatanggap ng ganitong mga padala.

(Kuha ni Keith Bacongco sa Koronadal City, Mindanaw)