Archive - Feb 2008 - photo_essay

Noong Peb. 29, hinarang ng mga guwardiya ang daan-daang mga estudyante ng PUP (Polytechnic Universiy of the Philippines) na nakatakdang salubungin si Rodolfo Noel Lozada Jr., testigo sa eskandalong NBN-ZTE.

(Kuha ni Danny Pata)

Bandang alas-10 ng umaga, umano'y nakatanggap ng bomb threat ang eskuwelahan kaya kinansela ng administrasyon ang pasok. Pero matagumpay na nakapagpumilit ang mga estudyanteng sabik na makita at marinig si Lozada.

(Kuha ni Danny Pata)

Pinalayas ng mga estudyante ang bomb squad na ipinatawag ng administrasyon.

(Kuha ni Danny Pata)

Nagsagawa ng die-in ang mga estudyante ng PUP para ipakita ang paglaban ang kanilang karapatan sa edukasyon at pagkondena sa katiwalian ng gobyernong Arroyo.

(Kuha ni Danny Pata)

Hindi pinayagan ng administrasyon ng PUP si Lozada na pumasok sa loob ng gusali ng paaralan, kaya nagtalumpati na lamang siya sa grounds ng kampus. Nagbigay-pugay siya sa mga estudyanteng kasama niya sa "laban para sa katotohanan." Inorganisa ang aktibidad ng Central Student Council, the Youth Act Now, at Pi Sigma Delta.

(Kuha ni Danny Pata)

Ipinakita ng dalawang socialite na ito ang pagkamuhi nila sa dalawang maka-administrasyong senador. Kuha sa kanto ng Ayala Avenue at Paseo de Roxas sa Makati kung saan isinagawa ang kilos-protesta noong Peb. 15.

(Kuha ni Ilang-Ilang Quijano)

Alas-tres pa lamang, kumapal na ang tao sa kalsada.

(Kuha ni Boy Bagwis)

Inabutan ng dilim sa pagtatalumpati si Joey de Venecia, saksi sa eskandalong NBN-ZTE.

(Kuha ni Boy Bagwis)

Hindi lang mandarambong, binansagan ding mamamatay-tao si Pangulong Arroyo.

(Kuha ni Boy Bagwis)

“Evil si Gloria”! Ito ang laman ng mga karatula ng mga demonstrador sa Philcoa isang araw matapos ibunyag ni Jun Lozada na tinawag ni Romulo Neri ang Pangulo nang ganito.

(Kuha ni John Clemente)