Archive - Apr 2008 - photo_essay

Ano na nga lang ba ang mabibili ng P50 sa panahong ito? Sumama ang Pinoy Weekly sa pamamalengke ni Nanay Jenny, residente ng Payatas at mangangalahig sa tambakan ng basura, para malaman ang sagot. 

Dahil sa haba ng pila, may panahon siya para pag-isipan kung paano ibabadyet ang pera. Halos isang beses sa isang linggo lang daw magbenta ang NFA sa lugar. Marami pa ang dumadayo para bumili. Hanggang dalawang kilo lang ang puwede bilhin ng

Isang kilo lang ang nabili ni Nanay Jenny. Suwerte pa nga raw siya dahil P18.25 lang ang persyo kada kilo sa pilang iyon, habang P19 ang benta sa kabilang pila ng NFA, ilang metro lang ang layo roon. (John Clemente)

Alamang ang pinakamurang maaari niyang bilhin sa natitirang pera. Limang piso lamang ito, at pagkatapos magisa, puwede nang iulam. (John Clemente)

Nagmamahalan ang presyo ng mga bilihin sa palengke. Ang mantika, P11 na. (John Clemente)

Nakakita si Nanay Jenny ng tindahang nagbebenta ng tatlo sa sampung pisong itlog. Pero maliliit ang mga itlog. (John Clemente)

Matapos mamili – ng bigas, alamang, mantika, itlog, pati vetsin sa halagang piso – binilang niya ang P4.75 na natira mula sa P50. (John Clemente)

Umuwi siya sa bahay para ihandang lutuin ang mga nabili para sa hapunan ng pamilya sa gabing iyon. (John Clemente)

Noong Abril 12, libu-libo ang nagkilos-protesta laban sa pagtaas ng presyo ng batayang mga bilihin. Mensahe ng martsa na nagsimula sa University of Sto. Tomas: hungkag na sikmura, panahon na mag-alsa! (Yani Lasam)

Hindi importasyon ng bigas, kundi pagpapaunlad ng sariling produksiyon, ang umano'y magsisigurong may laman ang pinggan ng bawat Pilipino. (Yani Lasam)