Archive - Jul 13, 2008 - photo_essay

Noong Hulyo 10, pinangunahan ng alyansang Youth Act Now! (Youth for Truth and Accountability Now) ang walkout ng mga estudyante mula sa iba't ibang unibersidad sa Metro Manila para idaing ang krisis pang-ekonomiya sa bansa na dulot umano ng mga polisiya ng gobyernong Arroyo. (Kenneth Guda)

Ipinaliwanag ni Vencer Crisostomo, tagapangulo ng League of Filipino Students, sa mga estudyante ng University of the Philippines Diliman ang kahalagahan ng pagkilos ng mga kabataan sa gitna ng matinding krisis pang-ekonomiya. (Ilang-Ilang Quijano)

Dinagsa ng mga estudyante sa Adamson University ang petisyon para tanggalin ang VAT (Value-Added Tax) sa mga produktong petrolyo. (Ilang-Ilang Quijano)

Isang araw ng pag-aaral ang isinakripisyo ng mga estudyanteng ito ng Adamson University para makisangkot sa mga isyung pambansa na nakakaapekto sa kanila. (Ilang-Ilang Quijano)

Makukulay na islogan ang nakapinta sa mukha ng mga demonstrador. (Ilang-Ilang Quijano)

Paglingkuran ang sambayanan, sigaw ng mga estudyante nang mag-walkout sa UP Manila. (Ilang-Ilang Quijano)

Muling nananawagan ng boykot sa mga klase sa Hulyo 18. (Ilang-Ilang Quijano)

Ang estudyante ng nursing na ito, pinababasura ang Oil Deregulation Law para mapababa ang presyo ng langis. (Ilang-Ilang Quijano)

Pasanin ng mga kabataan ang VAT kaya nananawagan silang alisin ang buwis na ito. Mula sa University of Sto. Tomas, nagmartsa ang mahigit 1,000 estudyante patungong Mendiola. (Kenneth Guda)

Pagpapatalsik sa Pangulo ang tema ng kilos-protesta ng mga kabataang estudyante. (Kenneth Guda)