Archive - May 14, 2008 - story

NAGPROTESTA ang mga miyembro ng KMU (Kilusang Mayo Uno) sa harap ng NCR-RTRWPB (National Capital Region Tripartite Regional Wages and Productivity Board) sa Lungsod Quezon para kondenahin ang diumano’y mapanghating taktika ng ahensiya para tuluyang maibasura ang batas ukol sa P125 dagdag-sahod para sa mga manggagawa.

MATAGUMPAY ang isinagawang tigil-pasada ng mga tsuper at iba’t ibang sektor ng mga mamamayan noong Mayo 12, ayon sa Piston (Pagkakaisa ng mga Samahan ng Tsuper at Operator Nationwide).

PALALAKASIN ang hudikatura ng bagong tatag na Jelacc (Judicial Executive Legislative Advisory and Consultative Council) para makatugon sa mahinang pag-iral ng rule of law sa bansa na kinakitaan ng pagpatay ng mga aktibista at huwes.

MATAGUMPAY na inilunsad ng People’s Caravan ang ikalawang krusada nito sa Bukid Area, North Caloocan noong Mayo 9 para ipanawagan ang sama-samang pagkilos ng mga maralitang lungsod tungo sa paghahanap ng “katotohanan, katarungan at pagbabago”.

KINONDENA ng Tanggulan-Youth Network of Civil Liberties and Human Rights ang panghaharas ng mga ahente ng paniniktik ng Isafp (Intelligence Services of the Armed Forces of the Philippines) kay Glaiza Dimapilis, 19-anyos na lider-estudyante ng PCU (Philippine Christian University).

IPINAGDIWANG ng Karapatan-Southern Tagalog ang pagreretiro kamakailan ni Hen. Hermogenes Esperon bilang hepe ng AFP (Armed Forces of the Philippines). Pinalitan si Hen. Alexander Yano.

NAGPROTESTA sa harap ng Kagawaran ng Turismo noong Mayo 13 ang mga magsasaka at mangingisda mula sa Timog Katagalugan para ipanawagan ang pagpapahinto sa patuloy na pagpapalit-gamit sa lupaing agrikultural sa kanilang lugar tungo sa turismo.

TINATAYANG 2,000 katao ang lumikas dahil sa patuloy na pag-ulan dulot ng bagyong Butchoy na nagdulot ng pagbaha sa Negros Occidental.

Isang 15-anyos na babae ang naitalang nalunod at isa pa ang nawawala dahil sa bagyo.

TATLUMPU'T tatlong kolehiyo sa Western Viasayas ang magtataas ng matrikula sa darating na pasukan.

Batay sa rekord ng rehiyunal na tanggapan ng Ched (Commission on Higher Education), 28 eskwelahan ang magtataas ng kanilang matrikula na aabot sa walong porsiyento.

INAKO ng NPA (New People’s Army) ang pagpaslang kay Paterno Intes, lider ng Sityo Paradise, Brgy. Kapatagan, Digos City noong Mayo 8.

Ayon sa pahayag ng Magtanggol Roque Command ng NPA sa Southern Mindanao, “pinarusahan” si Intes hindi dahil lider ito ng sityo kundi dahil sa agresibong paggampan bilang “ahente” ng AFP (Armed Forces of the Philippines) sa naturang lugar.