Alam n’yo ba na kahit noong ika-19 na siglo marami sa aliping babae at lalaki sa hanay ng mga Moro ay bihag sa mga reyd na inilulunsad ng mga puwersang Moro gamit ang bangkang prahus sa habagatang bahagi ng Pilipinas? Tinatawag silang bisaya o banyaga. Ang mga aliping babae ay nagiging mga kabit, tagapagpasuso, tagapaypay, tagapagturo o tutor, o mga katulong sa bahay ng kanilang mga amo. Sila ang pinakadiskriminado sa mga kababaihan sa ilalim ng sultanato.