Nalulugod po ako sa inyong artikulo. Marahil marami ang masasagasaan, pero bato bato sa langit tamaan ay huwag magalit.

“Ang wika ang pag-iisip ng bayan” ika nga ni Jose Rizal. Kaya’t ang aming pangkat ay naglunsad ng isang kilusan sa pagpapalawig ng Wikang Filipino. May bansag ang kampanya na Oplan:WIFI 2035. Hangarin nito na kilalanin bilang isang wikang internasyunal ang Wikang Filipino sa taong 2035. Gayundin, isinusulong din nito ang pagsusulat ng mga lathalain sa ibat ibang larangan gamit ang wikang Filipino.

Isang website ang aming binuksan upang itaguyod ang adhikain ito. Naglalaman ito ng mga artikulo tungkol sa wika. Ang site ay http://kawika2010.wordpress.com

Kaugnay din po ng inyong artikulo, mayroon din po akong naisulat tungkol sa paggamit ng wika sa pagsusulat. May pamagat na “Bakit ako magsusulat sa Wikang Filipino?” at naka-post ito sa Kawika blogsite. Hangad ko rin na mailathala bilang pamphlet ang artikulo upang maabot ang mas maraming tao na hindi nagbabasa ng artikulo sa internet. Ngunit sa kasalukuyan ay wala pa po akong puhunan upang ipalimbag ito.

Sa pamamagitan ng pagbibigay komento sa inyong artikulo, hangad ko na maibahagi din ang gawain ng aming samahan tungkol sa pagpapalawak ng Wikang Filipino

Tulad ninyo hangad namin na isulong at itaguyod ang Wikang Filipino.

Mabuhay kayo at maraming salamat.