Pagkatapos ng luha

Wala namang debate na si Aquino ay ina ng demokrasya at kailangang ulit-ulitin ang titulong ito dahil ang demokrasyang ipinaglaban at pinagbuwisan ng buhay ng maraming mamamayan bago pa man ang makasaysayang pangyayari noong 1986 ay unti-unting pinapatay ng nakaupong Pangulo.

May dahilan para tumulo ang luha sa gitna ng malakas na ulan nitong unang linggo ng Agosto pero ipagpaumanhin po ninyo kung ang aking pakikipagkaisa’y hindi sa pagluha kundi sa pagsasakonteksto lang ng mga pangyayari, at sa pangakong patuloy ang aking pakikiisa sa anumang paraan para sa pagbabago.

Si Pangulong Aquino ay nararapat na bigyan ng respeto sa kanyang huling paglalakbay papuntang Manila Memorial Park, pero mas magiging makahulugan ang kanyang pagkamatay kung ang kalayaang nakamit noong 1986 ay mahigpit na panghawakan, lalo na’t layunin ng mga nasa kapangyarihan na agawin ito sa atin.

Opo, panahon na para pahirin ang luha sa mata para muling makita ang katotohanan sa gitna ng malakas na ulan. Nananatili ang krisis at ang unos ay nagbabadya. Tuloy ang laban!

Para makipag-ugnayan sa awtor, pumunta sa www.dannyarao.com.

1 2

Short URL: http://pinoyweekly.org/new/?p=3337

Posted by Danilo Araña Arao on Aug 8 2009. Filed under (Kolum), Konteksto. You can follow any responses to this entry through the RSS 2.0. You can leave a response or trackback to this entry