Dalawampung panandang-bato sa bagong milenyo

Pagtatag ng Makabayan at pagtakbo nina Satur Ocampo at Liza Maza sa Senado, at pakikipag-alyado sa Nacionalista Party (Nobyembre-Disyembre 2009)

Pag-endorso ng Makabayan kina Sen. Manny Villar at Sen. Loren Legarda: Una sa kasaysayang ng Kaliwa. (KR Guda)

Labindalawang taon matapos mabigong manalo ang mga progresibo sa Senado sa ilalim ng Partido ng Bayan (PnB), muling sinuong ng Makabayang Koalisyon ng Mamamayan (Makabayan) ang hamon. Tatlong sunud-sunod na eleksiyon na ang matagumpay na lumahok ang progresibong mga party-list, napapanahon ang paglahok ng Makabayan sa susunod na halalang 2010.

Noong Nobyembre 2009, idineklara ng Makabayan ang dalawang progresibong kandidato na patatakbuhin nito sa pagkasenador sa halalang 2010: sina Bayan Muna Rep. Satur Ocampo at Gabriela Rep. Liza Maza.

Isa sa susing leksiyon ng mapait na karanasan ng PnB ay mas malapad na pakikipag-alyansa ang kailangan ng mga progresibo para mapalakas ang kanilang tsansa sa eleksiyon . Sa panahong di pa naaabot ng kilusang progresibo ang sapat na bilang ng organisadong mga mamamayan para maipagwagi ang kanilang mga kandidato, kailangan umanong makipag-alyado sa pambansang mga kandidato. Mahalagang kaisa sa plataporma ang mga kandidatong ito.

Matapos ang matagal na negosasyon noong huling bahagi ng 2009, idineklara ng Makabayan ang pakikipag-alyansa sa Nacionalista Party ni Sen. Manny Villar. Ayon kay Ocampo, tanging si Villar lamang sa mga kandidato sa pagkapangulo ang nakapagkomit ng isang makabayang plataporma na malapit sa plataporma ng mga progresibo.

Makasaysayan din ang pag-endorso ng Makabayan kay Villar at sa running mate niyang si Sen. Loren Legarda dahil unang pagkakataon ito na nag-endorso ang tinaguriang Kaliwa ng kandidato sa pagkapangulo.

1 2 3 4 5 6 7 8 9 10 11 12 13 14 15 16 17 18 19 20

Short URL: http://pinoyweekly.org/new/?p=5590

Posted by Pinoy Weekly Staff on Jan 9 2010. Filed under Istorya ng Linggo, Lathalain. You can follow any responses to this entry through the RSS 2.0. You can leave a response or trackback to this entry