Mga larawan: Mahabang martsa ng magsasaka, mula Calamba hanggang Baclaran

Sa may bukana ng Alabang, kung saan pansamantalang humimpil ang Lakbayan, nagpaliwanag ang mga taga-Bikol hinggil sa kawalang-lupa ng mga magsasaka. (Ilang-Ilang Quijano)

Sa Alabang, sinalubong ang mga Lakbayani ng mahigit 300 katao mula sa iba't ibang organisasyon sa National Capital Region. (Ilang-Ilang Quijano)

Nagkamayan at nagyakapan ang mga ito. (King Catoy/May Day Productions)

Si Danilo Ramos, pangkalahatang kalihim ng Kilusang Magbubukid ng Pilipinas, umiinom ng tubig na inalay na mga sumalubong mula sa NCR. (King Catoy/May Day Productions)

Naghandog ang pangkulturang grupo ng Timog Katagalugan ng isang sayaw. (Ilang-Ilang Quijano)

Matapos ang programa, nagpatuloy ang martsa sa central business district ng Alabang, kung saan matingkad ang pagkakaiba ng karangyaan ng lungsod, at ng karalitaan ng mga magsasaka. (Ilang-Ilang Quijano)

Mataas ang diwa ng mga Lakbayani, sa kabila ng mataas na sikat ng araw. (Ilang-Ilang Quijano)

Umaabot na sa tinatayang 1,500 ang kanilang bilang sa puntong ito. (Ilang-Ilang Quijano)

Pansamantalang pagpapahinga sa Las Pinas City. (King Catoy/May Day Productions)

Tubig sa maliliit na supot ang ibinibigay sa mga Lakbayani para mapawi ang uhaw. (King Catoy/May Day Productions)

Sumama sa Lakbayan ang mga mangingisda ng Cavite. (King Catoy/May Day Productions)

Gabi na nang makarating sa Baclaran Church ang mga magsasaka, kung saan sila sinalubong ng mga taong-simbahan at lider-manggagawa. May 29 kilometro ang kanilang minartsa, mula Tunasan hanggang Baclaran. (King Catoy/May Day Productions)