Sama-samang nililinisan ng waterlily ng mga miyembro ng komunidad ang ilog ng San Simon sa Pampanga para mas makadaloy ang tubig at maiwasan ang matinding pagbaha sa lugar. Walang tulong sa gobyerno, kung kaya sila-sila na lamang ang gumagawa ng paraan para mapigilan ang baha kung dumating man ang susunod na bagyo. (Boy Bagwis)
Nagtipon sa pambihirang pagkakataon ang ilan sa 12 senador na bumoto para ibasura ang pananatili ng baseng militar ng US sa bansa noong taong 1991. Sa kabila ng presyur ng gobyernong US at Cory Aquino, bumoto ang Senado, 12-11, para ibasura ang ekstensiyon ng baseng militar ng US sa Clark, Pampanga at Subic, Zambales — isang pambihirang pagkakataon na pagpapapmalas ng makabayang paninindigan ng Senado. Ginanap ang pagtitipon sa Club Filipino, San Juan noong Setyembre 16, ika-20 anibersaryo ng makasaysayang pagboto sa Senado. (Boy Bagwis)
Naglunsad ng lightning rally ang rebolusyonaryong kababaihang miyembro ng Makabayang Kilusan ng Bagong Kababaihan o Makibaka, isang underground na organisasyon, sa Maynila. Ipinagdiwang nila ang ika-38 taong anibersaryo ng National Democratic Front o NDF, isang rebolusyonaryong alyansa ng mga organisasyong nagsusulong ng “digmaang bayan” laban sa kasalukuyang sistemang pulitikal at pang-ekonomiya sa bansa. (Boy Bagwis)
Nagsagawa ng lightning rally ang mga miyembro ng underground na organisasyong Makabayang Kawaning Pilipino (MKP) sa Divisoria, Manila para ipagdiwang ang ika-42 anibersaryo ng New People’s Army (NPA) sa Marso 29 na naglulunsad ng armadong pakikibaka sa bansa. Miyembrong organisasyon ng rebolusyonaryong alyansang National Democratic Front of the Philippines (NDFP) ang MKP. (Boy Bagwis)
Sa loob ng Batasan Pambansa kung saan nagtalumpati si Pangulong Benigno “Noynoy” Aquino III, rumampa ang mga personalidad. Pati ang militanteng kongresista, rumampa rin — siyempre, dala ang mga panawagan ng mga mamamayan.
Share
Share
Share
Loading ...
