Mga Larawan: Huling sabak sa kampanya ng mga progresibo, Nacionalista Party

Rogelio Tubije — Sat, 08 May 2010 15:56:04 +0000

Noong Mayo 7, tumungo ang mga tagasuporta ng progresibong mga kandidato sa pagkasenador na sina Satur Ocampo at Liza Maza sa Harbour Centre, Tondo, Maynila, para sa miting de avance ng Nacionalista Party. (Rogelio Tubije)

Nandoon rin ang iba't ibang progresibong party-list sa ilalim ng Koalisyong Makabayan na Kabataan, Anakpawis, Gabriela, Akap Bata, Act Teachers at Bayan Muna. (Rogelio Tubije)

Una sa mga kandidato sa pagkasenador na nagsalita si Ocampo. Ipinakita sa screen ang istorya sa pahayagan nang siya'y ipinakulong ng gobyernong Arroyo noong 2007 bilang bahagi ng panunupil sa oposisyon. Napawalang-sala rin ng Korte Suprema ang kongresista sa kasong rebelyon. (Rogelio Tubije)

Ayon kay Ocampo, tunay na repormang agraryo at pambansang industriyalisasyon ang susi sa tunay na pag-unlad ng bansa. Ipagpapatuloy umano niya sa Senado ang laban para sa ilang mga reporma at kontra sa anti-mamamayang mga polisiya at batas. (Rogelio Tubije)

Sunod na nagsalita si Maza, na nakilala bilang tagapagtanggol sa karapatan ng kababaihan bilang kinatawan ng Gabriela Party-list. (Rogelio Tubije)

Mga Larawan: Ngitngit sa administrasyon ng kaanak ng biktima ng Ampatuan masaker

Rogelio Tubije — Thu, 22 Apr 2010 06:48:12 +0000

Nagsindi ng 57 kandila ang mga kaanak ng 57 sibilyan na biktima ng masaker sa Ampatuan, Maguindanao, sa harap ng tanggapan ng Department of Justice noong Abril 21. Kinondena ng mga kaanak ang pagbasura ni DOJ Sec. Alberto Agra sa kaso laban kina Akmad at Zaldy Ampatuan na dalawa sa itinuturong mga salarin sa masaker. Binatikos nila ang kasalukuyang administrasyon na nagmamaniobra diumano para makalusot ang mga Amaptuan. Hiniling ng mga kaanak na suspendihin muna ang pagdinig sa kaso hangga't walang bagong pangulo. (Rogelio Tubije)

Paghihinagpis ni Monette Salaysay, asawa ng biktimang si Napoleon Salaysay, publisher ng Mindanao Gazette. (Rogelio Tubije)

Sinimbolo nito ang kamatayan diumano ng hustisya para sa mga biktima ng masaker sa Ampatuan sa kamay ni DOJ Sec. Alberto Agra. (Rogelio Tubije)

Pinangunahan ng National Union of Journalists of the Philippines at nilahukan ng iba pang mga sektor ang protesta sa DOJ. (Rogelio Tubije)

Isa sa mga nakiisa sa protesta si Sr. Mary John Mananzan ng St. Scholastica's College at Association of Major Religious Superiors of the Philippines. (Rogelio Tubije)

Itinaas ng mga kaaanak ng mga biktima ang mga larawan ng mga nasawi, nang hindi makalimutan ng publiko ang malagim na masaker noong Nobyembre 23, 2009. (Rogelio Tubije)

Pinoy Weekly » Rogelio Tubije

Mga Larawan: Huling sabak sa kampanya ng mga progresibo, Nacionalista Party

Mga Larawan: Ngitngit sa administrasyon ng kaanak ng biktima ng Ampatuan masaker