Pinoy Weekly » Balita http://pinoyweekly.org/new Philippine news, analysis, and investigative stories Sat, 21 Mar 2015 10:35:23 +0000 en-US hourly 1 http://wordpress.org/?v=4.1.1 ‘P15 dagdag-sahod, ni hindi papasa bilang limos’ http://pinoyweekly.org/new/2015/03/p15-minimum-na-sahod-ni-hindi-papasa-bilang-limos/ http://pinoyweekly.org/new/2015/03/p15-minimum-na-sahod-ni-hindi-papasa-bilang-limos/#comments Thu, 19 Mar 2015 15:21:30 +0000 http://pinoyweekly.org/new/?p=34303 Pinababasura ng mga manggagawa ang Wage Rationalization Law na ginagamit umano ng malalaking kapitalista at gobyerno para manatiling mababa ang sahod nila. Kontribusyon

Pinababasura ng mga manggagawa ang Wage Rationalization Law na ginagamit umano ng malalaking kapitalista at gobyerno para manatiling mababa ang sahod nila. Kontribusyon

Binatikos ng alyansa ng mga manggagawa sa pribado at pampublikong sektor na All Workers’ Unity ang regional wage board ng National Capital Region (NCR) na nag-apruba ng P15 dagdag-sahod. Anila, ni hindi papasa bilang “abuloy” ang naturang halaga.

Matagal nang hirap ang mga manggagawa na pagkasyahin ang mababang sahod sa tumataas na gastusin, kabilang ang tumataas na bayarin sa kuryente at tubig, pamasahe, matrikula sa eskuwela, at presyo ng batayang mga bilihin.

“Hindi tinutugunan ng kakarampot na P15 taas-sahod sa Metro Manila ang pangangailangan ng mga manggagawang Pilipino,” sabi ni Rea Alegre, tagapagsalita ng All Workers’ Unity. “Nakakainsulto ito kasi nauna pang nag-anunsiyo ng P238 hanggang P268 na wage rate increase sa Caraga Region na nagpapayag sa mga kompanya at industriya na bigyan ang mga manggagawa ng mga coupon sa halip na aktuwal na dagdag-sahod.”

Iginiit niya na ang kailangan talaga ng mga manggagawa ay agarang ayuda at isang pambansang minimum wage, na di dapat umano bumaba sa P16,000 kada buwan.

Sa tantiya ng Ibon Foundation, isang research think-tank, aabot lang sa 44 porsiyento ng halagang kailangan ng mga manggagawa ang natutugunan ng kasalukuyang minimum wage, kahit pa may P15 dagdag-sahod na sa Abril pa ipapatupad.

Masyadong mababa ang dagdag-sahod na napakalayo nito sa P1,088 na estimated family living wage sa isang araw o P32,580 sa isang buwan, ayon pa sa Ibon.

Sinabi pa ng naturang grupo na pinipigilan ng maliit na dagdag-sahod na ito ang lakas-paggawa na makaambag nang malaki sa ekonomiya ng bansa.

Samantala, sinabi naman ng Kilusang Mayo Uno (KMU) na kung mababa na nga ang sahod sa NCR, lalong mas mababa pa ang sahod sa ibang rehiyon.

“Sa ilalim ni (Pangulong) Aquino, nanatiling mababa ang minimum wage sa Metro Manila, pero lalo pang mas mababa ang minimum wage levels sa mga rehiyon sa labas ng Metro Manila. Ang masama pa, sa ilalim ni Aquino, tumaas at di bumaba ang pagitan ng regional minimum wage levels,” paliwanag ni Elmer Labog, tagapangulo ng KMU.

Ayon kay Labog, sa limang taon ng panunungkulan ni Aquino, tumaas ang sahod sa Metro Manila ng P77 lang. Pero sa Cordillera Autonomous Region, tumaas lang ito ng P20. Ang iba pang taas-sahod sa mga rehiyon: sa Ilocos, 13; Cagayan Valley, P20; Calabarzon, P42.50; Bicol, P13; Central Visayas, P55; at Autonomous Region in Muslim Mindanao, P28.

Ipinapakita umano nito na pinalalala ng polisiya ng wage regionalization, sa ilalim ng Wage Rationalization Law of 1989, ang kalagayan ng mga manggagawang Pilipino. Patuloy na ginagamit umano ang naturang batas ng malalaking kapitalista at gobyerno para panatilihing mababa ang sahod ng mga manggagawa.

Dahil sa rehiyunalisasyon ng sahod, tumindi ang paglabag sa minimum-wage levels, ayon kay Labog. Inamin umano mismo ng National Statistice office Labor Force Survey na noong Oktubre 2011, umabot sa 46 porsiyento ng mga manggagawa sa bansa ang nakakatanggap nang mas mababa pa sa minimum na sahod.

“Ang kinalalabasan, walang minimum wage sa bansa ngayon. Mula 1989, ibinalik ang mga manggagawang Pilipino sa panahon ng matindi at garapalang pagsasamantala, sa panahon bago natin napagwagian ang implementasyon ng minimum wage sa pamamagitan ng ating mga protesta,” sabi pa ni Labog.

Para naman kay Alegre, nakapagdududa ang intensiyon ng administrasyong Aquino sa pagtulak ng kakarampot at tila pampalubag-loob na dagdag sahod.

“Posibleng dahilan lang ng dagdag-sahod ay pahupain ang galit ng mga mangaggawa, pero lalo lang niyang ginalit tayo,” sabi pa ni Alegre. Nagkataon din umanong inanunsiyo ang dagdag-sahod sa panahon ng pagbagsak ng popularity ratings ni Aquino.

]]>
http://pinoyweekly.org/new/2015/03/p15-minimum-na-sahod-ni-hindi-papasa-bilang-limos/feed/ 0
Ika-284 kaarawan ni Gabriela Silang, ginunita ng kababaihan http://pinoyweekly.org/new/2015/03/ika-284-kaarawan-ni-gabriela-silang-ginunita-ng-kababaihan/ http://pinoyweekly.org/new/2015/03/ika-284-kaarawan-ni-gabriela-silang-ginunita-ng-kababaihan/#comments Thu, 19 Mar 2015 13:25:25 +0000 http://pinoyweekly.org/new/?p=34307 Nag-alay ng bulaklak ang grupong Gabriela sa monumento ni Gabriela Silang sa paggunita sa ika-284 kaarawan ng nasabing bayani. <strong>Pher Pasion</strong>

Nag-alay ng bulaklak ang grupong pangkababaihan na Gabriela sa monumento ni Gabriela Silang sa paggunita sa ika-284 kaarawan ng nasabing bayani. Pher Pasion

Ginunita ng grupong pangkababaihan na Gabriela ang ika-284 na kaarawan ng bayaning si Gabriela Silang sa pamamagitan ng pag-aalay ng bulaklak sa monumento nito sa Makati City ngayong Marso 19.

Ayon sa grupo, napakahalagang ipaalala sa kababaihan ang buhay at pakikibaka ni Gabriela Silang.

“Sa panahong ngayon, dapat tayong patuloy na maging mapagmahal sa ating soberanya gaya ni Gabriela at tulad niya ay handang lumaban para rito,” ayon kay Joms Salvador, pangkalahatang kalihim ng Gabriela.

Sa Santa, Ilocos Sur na lugar ng kapanganakan ni Gabriela Silang, nakiisa naman si Gabriela Women's Party Rep. Emmi de Jesus at iba pang miyembro ng kanyang partido sa unang pagpapakita ng bagong estatwa ng kababaihang bayani. <b>Kontribusyon</b>

Sa Santa, Ilocos Sur na lugar ng kapanganakan ni Gabriela Silang, nakiisa naman si Gabriela Women’s Party Rep. Emmi de Jesus at iba pang miyembro ng kanyang partido sa unang pagpapakita ng bagong estatwa ng kababaihang bayani. Kontribusyon

Dagdag pa ni Salvador, wala na ang dayuhang Espanyol na mananakop. Pero buhay pa rin ang panghihimasok ng mga dayuhan lalo na ng Estados Unidos (US) sa pulitika at ekonomiya ng Pilipinas kaya mahalaga pa rin ang pakikibaka.

“Malinaw ngayon na may pinakamalaking impluwensiya sa ating gobyerno ang US. Makikita ang pakikialam nito sa usaping pulitikal gaya na lang sa pangyayari sa Mamasapano na naging bahagi ang mga Kano sa palpak na operasyon,” sabi pa ni Salvador.

Hinikayat niya ang kababaihan na maging mapangahas sa pakikibaka gaya ni Gabriela at huwag magpalimita sa atrasadong mga pananaw hinggil sa lugar ng kababaihan sa lipunan.

“Marami tayong kakayanan bilang indibidwal at bilang grupo o organisasyon ng kababaihan. Sa katunayan, kung nanaisin natin, kaya rin nating magpalayas sa puwesto ng Presidenteng nagtatraydor sa mamamayang Pilipino. Ang hamon sa atin ngayon, ipakita ang tunay na lakas at totohanin natin ang kakayanang ito,” pagtatapos ni Salvador.

 

]]>
http://pinoyweekly.org/new/2015/03/ika-284-kaarawan-ni-gabriela-silang-ginunita-ng-kababaihan/feed/ 0
Pananakit sa miyembro ng KMP kinondena, tunay na reporma sa lupa iginiit http://pinoyweekly.org/new/2015/03/pananakit-sa-aktibista-para-sa-tunay-na-reporma-sa-lupa-kinondena/ http://pinoyweekly.org/new/2015/03/pananakit-sa-aktibista-para-sa-tunay-na-reporma-sa-lupa-kinondena/#comments Thu, 19 Mar 2015 11:31:02 +0000 http://pinoyweekly.org/new/?p=34305 Tunay na reporma sa lupa ang ipinaglalaban nila. (Macky Macaspac)

Matagal na ang panawagan para sa tunay na repormang agraryo, pero hanggang ngayon kontrolado pa rin ng mga panginoong maylupa ang malalawak na lupaing agrikultural. PW File Photo

Kinondena ng Anakpawis Party-list ang pananakit ng isang legislative security guard ng Kamara sa isa nilang miyembro matapos ang protesta ng grupo kontra sa anila’y bogus na batas para sa reporma sa lupa.

“Bali ang buto sa ilong ni Gary Constantino, kailangang operahan,” sabi sa text message sa Pinoy Weekly ni Anakpawis Rep. Fernando Hicap. Plano ng kanilang grupo na magsampa ng kaso laban sa security guard na nanuntok kay Constantino.

Pinangunahan ng Kilusang Magbubukid ng Pilipinas (KMP), Anakpawis, Amihan at Unyon ng mga Manggagawa sa Agrikultura (UMA) ang kilos-protesta sa session hall lobby ng Kamara para ipanawagan ang pagbasura sa tangkang pagpapalawig pa ng implementasyon ng Comprehensive Agrarian Reform Program sa pamamagitan ng pagpasa sa House Bill 4296 (CARP Extension Bill).

Ayon sa Anakpawis, nagkaroon na ng kasunduan si Pangulong Aquino at mga tagapanukala ng HB 4296 na ipapasa ito para mabigyan ng awtoridad ang Department of Agrarian Reform (DAR) na mag-isyu ng notice of coverage sa mga lupang nasa listahan ng DAR na hindi nasaklaw ng coverage bago magtapos ang CARP noong Hunyo 30, 2014.

“Tulad din ‘yan ng listahan ng Hacienda Luisita. Nilinis na ng DAR para maalis sa listahan ang malalaking lupain ng mga panginoong maylupa bago pa maipasa ang bogus na CARP,” ani Antonio Flores, pangkalahatang kalihim ng Kilusang Magbubukid ng Pilipinas (KMP).

Sabi pa ng grupo, pahahabain ng HB 4296 ang paghihirap ng mga magbubukid at pagpapatuloy sa kontrol sa pulitika, ekonomiya at pyudal na pagsasamantala ng malalaking panginoong maylupa sa kanayunan.

“Palalakasin nito ang katulad ng mga Cojuangco-Aquino sa pagkontrol nila sa mga lupain at asyenda sa buong bansa,” ani Flores.

Pinabulaanan din ng KMP ang akusasyon ng grupong Akbayan na nagsabing ang pagtutol nila sa ekstensiyon ay pakikipag-alyansa sa mga panginoong maylupa. “Silang mga nagpapanukala sa HB 4296 ang totoong alyado ng mga panginoong maylupa tulad ni Aquino. Minamaniobra nila ang pagbuhay sa matagal nang patay na batas na kontra-magsasaka,” sabi pa ni Flores.

Idinagdag pa niya na anumang pagtatangkang buhayin ulit ang CARP ay magpapabilis daw sa pagbagsak ni Aquino.  “Kagaya ng lumalaganap na mga panawagan–‘Tama na, sobra na, CARP ibasura’–nananawagan din kami ng ‘Tama na, sobra na, Aquino patalsikin’,” dagdag ni Flores.

Sinabi naman ni Hicap na gagawin nila ang lahat para harangin ang ekstensiyon ng CARP sa Kamara, maging sa Korte Suprema, kung kailangan.

“Malinaw na wala nang batayan ang ekstensiyon dahil expired na ang batas noon pang 2014,” sabi pa ni Hicap.

Sa halip daw na muling buhayin ang CARP sa pamamagitan ng muling ekstensiyon nito, panawagan ng mga miyembro ng KMP na ipasa na lamang ng Kamara ang House Bill 252 o Genuine Agrarian Reform Bill (GARB).

]]>
http://pinoyweekly.org/new/2015/03/pananakit-sa-aktibista-para-sa-tunay-na-reporma-sa-lupa-kinondena/feed/ 0
Nora Aunor: Aquino, pinakamasahol na presidente sa mga OFW http://pinoyweekly.org/new/2015/03/flor20-aquino-pinakamasahol-na-presidente-sa-mga-ofw/ http://pinoyweekly.org/new/2015/03/flor20-aquino-pinakamasahol-na-presidente-sa-mga-ofw/#comments Tue, 17 Mar 2015 18:27:14 +0000 http://pinoyweekly.org/new/?p=34258
La Aunor, militante
Taas-kamao si Nora Aunor at mga lider-migrante at progresibo, sa simula ng martsa patungong Mendiola. KR Guda
20 taon makalipas
Napaiyak si Russel Contemplacion, anak ni Flor, nang makita si Ate Guy. Pher Pasion
Nakipag-usap din si Nora sa iba pang kaanak ng mga OFW na nabiktima sa ibang bansa. Pher Pasion
Paninindigan
Kasama ni Nora, sa kanan, si Garry Martinez, tagapangulo ng Migrante. KR Guda
Kuha ni KR Guda
Hanay
Kuha ni Pher Pasion
Alay sa kanila
Nagtanghal ang musikerong si Danny Fabella alay sa mga migrante. KR Guda
Nasa alaala
Pinasalamatan ni Russel Contemplacion ang Migrante International at Gabriela Women's Party sa patuloy na paggunita sa alaala ng kanyang ina. KR Guda
Kuha ni Pher Pasion
Kuha ni Pher Pasion
Bagong Flor
Isinalaysay ni Anita Carbonel ang kanyang paghihirap habang nasa kulungan ang asawa sa Saudi Arabia. Pher Pasion
Obrero at La Aunor
Nakiisa ang mga manggagawa ng Kilusang Mayo Uno. Pher Pasion
Pakikiisa
Rita Baua ng International League of Peoples' Struggle-Philippines: Pambansang treasure si Nora Aunor, tunay na artista ng bayan siyang nakikiisa sa laban ng mga migrante at sambayanang Pilipino. KR Guda
Joms Salvador ng Gabriela: 20 taon matapos bitayin si Flor, patuloy ang neoliberal na mga polisiyang nagtutulak sa kababaihan at mga mamamayang Pilipino na mangibang bansa. Pher Pasion
Sining alay sa migrante
Mga likhang sining na nagpapakita ng iba't ibang paghihirap na sinasapit ng mga migranteng Pilipino. Pher Pasion
Kababaihan, obrero
Nakikuha ng larawan ni La Aunor ang kababaihang lider-obrero ng KMU. Pher Pasion
Reseta ni Ate Guy
Hinawakan din ni Nora ang plakard ng mga manggagawang pangkalusugan na nananawagan ng pagbitiw ni Aquino. Pher Pasion
'Pinakamasahol na presidente'
Nagtalumpati si Nora Aunor na nananawagan ng pagbibitiw ni Pangulong Aquino. KR Guda

“Hindi na natin kailangan pa ang maraming biktima ng pangangalakal, pang-aalipin at pagsasamantala. Hindi na natin kailangan ng mga pamilyang naulila’t nagdurusa para sabihin sa ating mga sarili: ‘Tama na, sobra na! Noynoy, resign na!’

Ito ang madagundong na sinabi ng maalamat na aktres na si Nora Aunor, sa kanyang talumpati sa Mendiola Bridge, Manila, sa aksiyong protesta sa ika-20 anibersaryo ng pagbitay sa overseas Filipino worker na si Flor Contemplacion

Pinangunahan ni Aunor ang martsa ng mga miyembro ng Migrante International, kasama ang kaanak ng mga OFW na biktima ng samu’t saring pang-aapi sa ibang bansa, gayundin ang mga miyembro ng progresibong mga grupo, mula Avenida-Recto Avenue patungong Mendiola.

Siya ang gumanap na Flor sa pelikulang The Flor Contemplacion Story, na dinirehe ni Joel Lamangan mula sa iskrip nina Ricardo Lee at Bonifacio Ilagan 20 taon na rin ang nakararaan.

Sa talumpating sinulat-kamay mismo ni Aunor na kanyang binasa sa Mendiola, sinabi pa ng aktres na hungkag at ilusyon lang ang “matuwid na daan” at pagpapakitang-tao lang ito ni Aquino, na di nagpapatupad ng matinong mga programa para sa mga OFW.

Binitay si Contemplacion noong Marso 17, 1995 sa Singapore matapos hatulan ng kamatayan ng korte sa naturang bansa dahil sa pagpaslang diumano sa kapwa OFW na si Delia Maga at alaga ng huli na si Nicholas Huang, 4, noong Mayo 4, 1991.

Mariing itinanggi ni Contemplacion ang naturang bintang. Kasama sa tumulong sa pag-apela niya sa korte ang public interest lawyer at aktibista na si Romeo Capulong. Sa Pilipinas, pinangunahan ng Gabriela at Bagong Alyansang Makabayan ang mga protesta na nag-aapela sa noo’y administrasyong Ramos na umayuda sa kanya.

Malalaking kilos-protesta na yumanig sa administrasyong Ramos ang inilunsad matapos ibalitang tuloy ang pagbitay ng gobyernong Singaporean kay Contemplacion. At matapos bitayin siya, isang gahiganteng funeral march ang naganap mula Maynila tungong huling hantungan niya sa San Pablo, Laguna.

Isinalarawan ito ng ilang tagamasid bilang “pinakamalaking funeral march sa bansa matapos ang kay Sen. Benigno Aquino III”.

“Dalawampung taon na po ang nakakalipas at marami-marami pong salamat dahil nanatili pong buhay sa inyong puso at alaala ang nangyari kay Flor Contemplacion,” ayon kay Russel Contemplacion, anak ni Flor na sumama sa nasabing kilos-protesta.

Kasama si Russel Contemplacion, anak ni Flor, sa rali na pinangunahan ng Migrante International at iba pang progresibong grupo. <b>Pher Pasion</b>

Kasama si Russel Contemplacion, anak ni Flor, sa rali na pinangunahan ng Migrante International at iba pang progresibong grupo. Pher Pasion

Pinakamasahol 

Para sa maraming Pilipino noon, pinakita ng kamatayan ni Contemplacion ang buhay at kamatayang pakikipagsapalaran ng mga migranteng Pilipino na sa ibang bayan kumukuha ng pambuhay sa pamilya. ayon sa Migrante International.

Mula sa kaniyang pagkamatay, naging simbolo umano si Contemplacion ng bawat OFW na itinutulak ng kahirapan na umalis ng bansa.

Pero hindi nabago ng pangyayari kay Contemplacion ang buhay ng maraming OFWs. Lalong lumalala ang kalagayan ng mga ito lalo na ngayon sa ilalim ng administrasyong Aquino, ayon sa Migrante.

“Dalawangpung taon matapos ang kamatayan ni Flor, patuloy tayong nagiging saksi sa buhay at pakikipagsapalaran ng mga libu-libong Flor Contemplacion. Itong mga nagdaang taon ng administrasyong Aquino ang pinakamalagim na kabanata para sa mga OFWs at kanilang mga pamilya,” ayon sa pahayag ng Migrante.

Sa datos ng Migrante, nasa 125 OFW ang nasa death row. Nasa pito ang naitalang binitay sa ilalim ni Noynoy Aquino, pinakamataas sa mga rehimeng nagdaan mula nang bitayin si Flor.

Kabilang sa nararanasan ng mga OFW sa ilalim ni Aquino ang serye ng mga pagbitay sa nasa death rows, digmaang sibil at banta ng gerang agresyon sa Middle East at rehiyon ng North Africa, maraming kaso ng pang-aabuso, pagmamaltrato, at pang-aalipin. Libu-libo din ang mga stranded, ginawang kriminal, at biniktima ng crackdowns sa ibayong dagat, trafficking at illegal recruitment na nagpapatuloy na walang nananagot.

“Pinalala ang lahat ng ito kapabayaan at pagiging incompetent ng gobyernong ito. Pinakamasahol ang kalagayan ng mga OFW sa ilalim ng rehimeng Aquino,” ayon kay Gary Martinez, tagapangulo ng Migrante.

Ayon naman kay Aunor, hindi dapat naging presidente si Aquino.

“Tinatawagan ko ang mga kababayan natin na lumabas-labas sila kung sila po ay naniniwala na ang ating Presidente ngayon ay walang ginagawang kabutihan sa kanyang (mga) mamamayan,” ayon kay Aunor.

Pinagkakakitaan

Walang trabaho, kahirapan, at tulak mismo ng pamahalaan kung bakit 6,000 OFW ang lumalabas ng bansa araw-araw, ayon sa Migrante. Malinaw ang labor-export policy ng gobyerno na nagtutulak sa maraming Pilipino iwanan ang kanilang mga pamilya.

Para sa Kilusang Mayo Uno (KMU), ang pagkaatrasado ng ekonomiya ng Pilipinas na walang nalilikhang trabahao ang dahilan kung bakit maraming Pilipinong walang trabaho. Dahil dito, napipilitan ang mga Pilipinong ibenta ang kanilang lakas-paggawa sa mababang halaga sa loob man o labas ng bansa.

“Maging iyong may mga trabaho, pinipiling iwanan ang kanilang mga propesyon at makipagsapalaran sa ibang bayan dahil sa hindi nakabubuhay na sahod, puro kontraktuwal, walang mga benepisyo,” ayon kay Roger Soluto, pangkalahatang-kalihim ng KMU.

Talumpati ni La Aunor sa Mendiola. <b>KR Guda</b>

Talumpati ni La Aunor sa Mendiola. KR Guda

Ayon naman kay Ferdinand Gaite, tagapangulo ng Confederation for Unity, Recognition and Advanement of Government Employees o Courage, malaki ang pakinabang ng gobyerno ang paglabas ng OFW sa bansa. Nasa $28-Bilyon ang pumapasok na remittance ng mga OFW sa bansa.

Umaabot naman sa  P32,000 ang binabayaran ng isang OFW bago makaalis ng bansa sa mga ahensiya ng gobyerno. Katumbas ito ng P190 milyong piso na koleksyon ng gobyerno sa mga OFW araw-araw.

“Kung wala ang mga OFW matagal nang bumagsak ang ekonomiya ng Pilipinas. Pero pagkatapos pakinabangan, pinababayaan ang marami nating mga kababayan sa ibang bansa at ang iba umuuwing nakakahon o patay na,” ayon kay Gaite.

Para naman sa kababaihan ng Gabriela, walang pinakamainam na larawan ng tunay na kalagayan ng mga mamamayan kundi ang sitwasyon ng kababaihang migrante.

“Paano magkakaroon ng kaunlaran kung nanatiling nakatali sa neo-liberal na programang pang-ekonomiya ang ating pamahalaan, programa sa ekonomiyang hindi nagtitiyak na magkakaroon tayo ng pambansang industralisasyon at tunay na repormang agraryo na siyang lilikha ng trabaho sa ating mamamayan para hindi na mapilitang mangibang bayan ang ating mga ina,” ayon kay Joms Salvador, pangkalahatang kalihim ng Gabriela.

Para naman kay Aunor, higit na mahalagang lutasin mismo ang ugat ng problema. Hindi na kailangang mangibang-bayan pa kung may trabaho sa bansa na kayang bumuhay ng pamilya. Kung may pambansang industriyalisasyon. Kung may tunay na reporma sa lupa. Kung may tunay na pagbabago sa bulok na sistema.

“Ang totoo, si (Aquino) mismo ang pangunahing tagabenta, pahirap at pahamak ng ating mga kababayan. Dahil sa kanyang mga patakaran at kawalang-aksyon, dahil sa kanyang pagpapakatuta sa imperyalistang dayuhan, siya mismo ang nagtataboy sa ating mga manggagawang Pilipino na lumabas ng bansa. At dahil sa kanyang patuloy na pagpapatupad ng patakarang labor export, siya ang pinakamasahol na pangulo para sa migranteng Pilipino at pamilya,” ayon kay Aunor.

Naniniwala naman ang Migrante hindi poprotektahan at hindi maisusulong ang karapatan ng mga OFW sa mga programa at polisiya ng gobyerno sa pagpapatuloy ng labor export policy bagkus lalo lamang nitong pagsasamantalahan at aabusuhin ang mga migranteng Pilipino.

Laban ni Flor

Para sa Migrante, higit ngayon na kailangang magkaisa ang mga OFW sa pagtindi ng kahirapan at kawalang tulong na ginagawa ang gobyerno na mismong nagtutulak sa kanila para mangibang bayan.

“Maraming Flor Contemplacion pa” ang nabubuhay, pinahihirapan sa ibang bansa, at naghihintay ng saklolo mula sa gobyerno ng Pilipinas pero pinababayaan ng gobyerno ni Aquino, ayon sa Migrante.

“Hangga’t mayroong Flor Contemplacion na nangyayari sa kasalukuyang gobyerno, hindi tayo titigil na ipaglaban ang karapatan ng mga migranteng Pilipino,” ayon kay Russel.

Sa panayam ng Pinoy Weekly, sinabi naman ni Aunor na ang mensahe niya sa mga OFW na nakararanas ng pagsasamantala sa ibang bayan ay kailangang sama-sama sila na ipaglaban ang kanilang mga karapatan.

Mga larawan nina KR Guda at Pher Pasion

(Basahin: Eksklusibong panayam ng Pinoy Weekly kay Nora Aunor)

]]>
http://pinoyweekly.org/new/2015/03/flor20-aquino-pinakamasahol-na-presidente-sa-mga-ofw/feed/ 0
‘Pagpapabaya’ ni Aquino sa edukasyon, binatikos sa ‘blackout protest’ ng kabataan http://pinoyweekly.org/new/2015/03/pagpapabaya-ni-aquino-sa-edukasyon-binatikos-sa-blackout-protest-ng-kabataan/ http://pinoyweekly.org/new/2015/03/pagpapabaya-ni-aquino-sa-edukasyon-binatikos-sa-blackout-protest-ng-kabataan/#comments Mon, 16 Mar 2015 03:01:13 +0000 http://pinoyweekly.org/new/?p=34242 Protesta sa UP Diliman. <b>Darius Galang</b>

Protesta sa UP Diliman. Darius Galang

Nagprotesta ang mga estudyante sa iba’t ibang paaralan sa buong bansa kontra sa lumalaking singilin sa mga eskuwelahan nitong Marso 13. Ginanap ito sa ikalawang taong anibersaryo ng pagkamatay ni Kristel Tejada, mag-aaral ng Unibersidad ng Pilipinas (UP) sa Maynila na nagpakamatay noong 2013 matapos hindi mabayaran ang matrikula sa pamantasan.

Nilayon ng “Blackout Protest for Justice” ang paglaban sa pagtaas ng singil sa matrikula kasama ang other school fees. Karugtong ito ng paghingi ng katarungan sa pagkamatay ni Tejada, maging ni Rosanna Sanfuego, mag-aaral ng Cagayan State University na nabalitang nagpakamatay rin dahil hindi nabayaran ang bayarin sa paaralan mahigit isang linggo ang nakalilipas.

Sinabi ni Neill John Macuha, student regent ng UP, na ang pagkamatay nina Tejada at Sanfuego ay dulot ng komersiyalisadong oryentasyon ng edukasyon sa bansa. “Nakakalungkot na mayroong presyo at naging commodity ang edukasyon dito sa ating bansa, kaya hindi na ito abot-kaya ng mga estudyante,” aniya.

Ulat pa ni Macuha na nagsagawa ng kani-kanilang programa ang mga yunit mula sa Diliman, Maynila, Los Baños, Baguio, Pampanga, Cebu, Ilo-ilo, Miag-ao at Mindanao.

Sa Diliman, pitong kolehiyo ang nag-endorso sa pagliban ng mga estudyante sa kanilang mga klase upang hikayatin ang mga estudyante na makiisa sa pagkilos.

Bukod sa UP, nagsagawa rin ng kanilang “blackout protest” ang mga estudyante mula sa University of the East, Ateneo de Manila University, Miriam College, National Teachers College at iba pa. May naganap ding protesta ng mga estudyante sa Baguio, Pampanga, Laguna, Legazpi, Iloilo, Cebu, Cagayan de Oro, at Davao.

Nakilahok rin ang mga mag-aaral ng Polytechnic University of the Philippines. Pinrotesta nila ang P16,000 singil sa mga papasok na junior at senior high school sa itatatag na laboratory school sa pamantasan dahil sa implementasyon ng programang Kindergarten to 12 Years (K-to-12) ng gobyerno.

Tinagurian namang “Roar Against School Fee Hikes” ang Unity Walk na ginawa ng Unibersidad ng Santo Tomas. Ayon kay UST Civil Law Student Council President Victor Villanueva, hindi sila tutol sa pag-aayos ng kanilang unibersidad, pero batid nila na ang taunang kita ng pamantasan ay higit pa sa sapat upang tustusan ito.

Sa tala ng mga grupo ng estudyante sa UST, nakakakolekta ang kanilang pamantasan ng P800-900 Milyon kada taon, kapag ibinawas na mula sa nalikom na matrikula at other school fees ang gastusin ng pamantasan.

“Kahit anong taas ng singil ay exorbitant, kaya panawagan namin na unang bigyan ng konsiderasyon ang mga estudyante na pinaka-importanteng sektor sa kahit saang institusyon ng edukasyon,” pahayag ni Villanueva.

Kaugnay ng pagkilos ang panawagang magbitiw na sa puwesto si Pangulong Aquino.

Sa mga pahayag ng mga nagsagawang kilos protesta, sinabi nilang naging “pabaya” ang pangulo sa pangkalahatang kalagayan ng edukasyon sa bansa dahil sa pagtaas ng singil ng matrikula bunsod ng deregulasyon nito, bunsod ng neo-liberal na mga patakarang ipinatutupad ng administrasyon.

Idinugtong din nila ang kanilang boses sa mga panawang bumaba sa puwesto si Aquino. Bukod sa pagpapabaya umano sa edukasyon, batid umano ng publiko ang “kapalpakan” ni Aquino sa bigong operasyon sa Mamasapano.

Ang mga paaralan sa Katipunan Avenue tulad ng UP, Ateneo de Manila at Miriam College naman ay nagkaisa upang buuin ang Katipunan para sa Katotohanan, Katarungan at Kapayapaan.” Naglunsad ng candle lighting ang mga sumali sa mga pagkilos dito.

Kalahok din ang iba pang grupo ng kabataan tulad ng League of Filipino Students, Anakbayan, Student Christian Movement, National Union of Students of the Philippines, College Editors Guild of the Philippines, at iba pang lokal na grupo ng kabataan at konseho sa mga eskuwelahan.

Tumayong pangkalahatang alyansa ang Rise For Education.

]]>
http://pinoyweekly.org/new/2015/03/pagpapabaya-ni-aquino-sa-edukasyon-binatikos-sa-blackout-protest-ng-kabataan/feed/ 0
Int’l People’s Tribunal to try Aquino, Obama for crimes vs Filipino people http://pinoyweekly.org/new/2015/03/intl-peoples-tribunal-to-try-aquino-obama-for-crimes-vs-filipino-people/ http://pinoyweekly.org/new/2015/03/intl-peoples-tribunal-to-try-aquino-obama-for-crimes-vs-filipino-people/#comments Thu, 12 Mar 2015 11:10:35 +0000 http://pinoyweekly.org/new/?p=34198 Complainants present the various human rights cases to be filed before the tribunal on July in Washington DC. <b>KR Guda</b>

Complainants present the various human rights cases to be filed before the tribunal on July in Washington DC. KR Guda

An international tribunal will try cases of human rights violations perpetrated by Philippine President Aquino, as well as United States (US) Pres. Barack Obama, in Washington D.C. on July this year.

The International People’s Tribunal, initiated by non-government organizations, human rights groups and solidarity groups in the Philippines and the United States, was launched today in Quezon City, Philippines. It is being seen as part of efforts by the international community to make the Philippine and US governments accountable for the various abuses and “anti-people” policies inflicted on the Filipino people.

“Beneath the liberal-democratic facade of the Aquino regime, brutal repression of people’s civil and political rights abound, with hundreds of cases of extra-judicial killings and forced disappearances and massive displacement of families (happening today),” said Cristina Palabay, secretary-general of Karapatan which is among the complainants in the IPT.

IPT will also try the many violations of economic, political and cultural rights of the Filipino people, including the congressional and presidential pork barrel scandals, the many onerous deals entered into by the Philippine government, including Public-Private Partnerships, the massive demolition and displacement of urban poor settlers, among others.

The tribunal will also probe into the role of the increasing US political, economic and military intervention in the Philippines that is at the root of the intensifying poverty and repression in the country.

IADL's Jeannie Mirer (on screen) speaks during the public launch of IPT. <b>KR Guda</b>

IADL’s Jeannie Mirer (on screen) speaks during the public launch of IPT. KR Guda

Moral suasion

During the public launch at the University of the Philippines in Quezon City, Reverend Canon Barry Naylor, who is chairperson of the International Coalition for Human Rights in the Philippines and one of the IPT’s convenors, spoke via Skype.

Naylor said that although the IPT is judicially non-binding, it is nevertheless significant and symbolic, and aims at helping shape global public opinion regarding the systematic abuses committed on Filipinos by the US and Philippine governments.

“People’s tribunals have had success in directing international attention to grave abuses of human rights in various countries including the Philippines during the Marcos and Arroyo regimes. The IPT draws inspiration and builds on the momentum of previous peoples’ tribunals to advance human rights and hold governments to account,” said Naylor.

Its initiators said IPT draws inspiration and builds on the gains of previous people’s tribunals, including the 1980 first session of the Permanent People’s Tribunal on the Philippines in Antwerp, Belgium, which tried the Marcos dictatorship; and the 2007 second session of the PPT on the Philippines in The Hague, The Netherlands, which tried President Gloria Macapagal-Arroyo and US Pres. George W. Bush.

Aside from Naylor, co-convenor Jeannie Mirer (US), president of the International Association of Democratic Lawyers (IADL), also joined the public launch via Skype.

Mirer also said that although an IPT verdict is not legally binding, similar people’s tribunals had tremendous impact in shedding light to state abuses and other atrocities in specific contexts. She cited the Russell Tribunal, initiated by Nobel Prize-winner Bertrand Russell as well as French philosopher Jean-Paul Sartre, investigated the US atrocities during the Vietnam War in 1966 and 1967.

“Its findings and reasoning were accepted in the court of public opinion,” she said, adding that the tribunal had a tremendous effect on the consciousness of the people regarding the Vietnam War.

Human rights lawyer Edre Olalia: Credibility will be ensured. <b>KR Guda</b>

Human rights lawyer Edre Olalia: Credibility will be ensured. KR Guda

Credible process

Azadeh Shahshahani (US), president of the National Lawyers’ Guild (NLG) and a juror in the IPT, said that the judges and jurors, as well as the prosecutors, are distinguished lawyers and experts in their the field of human rights coming from different countries.

“We are obviously coming to this situation with an impartial standpoint. We are looking forward to hearing what the evidence is as presented to us by the victims and the experts. Based on that, and based on our own experience in dealing with international human rights law, we can consult with our colleagues and reach a verdict,” Shahshahani said.

American lawyer Vanessa Lucas, also from NLG, said that the verdict and the evidences presented in the tribunal will be presented to international bodies such as the United Nations as well as the concerned US government agencies.

Filipino human rights lawyer Edre Olalia of the National Union of People’s Lawyers, who will serve as one of IPT’s clerks of court, said that although the verdict to be reached during the tribunal in Washington DC on July will be non-binding, legal procedures to ensure impartiality shall be followed.

For instance, Olalia said the Philippine and US governments shall be given summons for both to be given opportunity to defend their case before the tribunal.

“As clerks of court, we will enjoin the jurors and prosecutors to follow the judicious, impartial, fair and credible legal processes,” Olalia said, adding that every party involved in the tribunal will have their own roles and no one person will perform more than one role.

Prosecutors, which, according to the initiators will possibly be led by former US Attorney General Ramsey Clark, will have to present credible evidence and testimonies that will convincingly prove the allegations.

“If these standards are achieved, the tribunal will definitely be credible whatever the verdict may be,” Olalia added.

]]>
http://pinoyweekly.org/new/2015/03/intl-peoples-tribunal-to-try-aquino-obama-for-crimes-vs-filipino-people/feed/ 1
Isa na namang OFW, binitay sa Saudi http://pinoyweekly.org/new/2015/03/isa-na-namang-ofw-binitay-sa-saudi/ http://pinoyweekly.org/new/2015/03/isa-na-namang-ofw-binitay-sa-saudi/#comments Thu, 12 Mar 2015 07:27:45 +0000 http://pinoyweekly.org/new/?p=34175 Mapa ng Saudi Arabia. Mula sa Google Maps

Mapa ng Saudi Arabia. Mula sa Google Maps

Nagpahayag ng pakikiramay at simpatya ang Migrante International sa pamilya ni Joven Esteva, isang overseas Filipino worker (OFW) na binitay ng gobyerno ng Saudi Arabia sa kasong murder.

Si Esteva ang ika-pitong OFW na nasa death row na binitay sa ilalim ng panunungkulan ni Pangulong Aquino. Pinakamarami ito sa isang rehimen mula ng ipinatupad sa Pilipinas ang labor export policy noong 1970s, ayon sa Migrante.

“Isa itong malungkot na araw para sa mga migranteng Pilipino, isang lingo bago natin gunitain ang ika-20 taon anibersaryo ng pagkamatay ni Flor Contemplacion. Nananawagan kami ng imbestigasyon kung bakit pinakamaraming naitala ng pagbitay (sa mga OFWs) sa ilalim ng termino ni Aquino,” ayon kay Gary Martinez, tagapangulo ng Migrante.

Samantala, isa pang OFW na si Mary Jane Veloso, ang naiulat na nakatakdang bitayin sa pamamagitan ng firing squad sa Indonesia kaugnay naman ng kinasasangkutan nitong ilegal na droga. Kasalukuyang inaaral ngayon ng Indonesian Supreme Court ang kaniyang kaso.

“Lubos kaming nag-aalala sa mga OFWs na nasa death row at yung mga nakakulong. Ilang Flor, Carlitos, Jovens, at Mary Jane pa ba ang inaasahan nating matulad sa sinapit ng ating mga kababayan?” ayon kay Martines.

Sa datos ng Migrante, hindi bababa sa 123 OFWs ang nasa death row.

“Sa kung paano kumikilos ang gobyernong Aquino para sa mga nasa death row, inaasahan natin na marami pang pagbitay ang mangyari sa susunod na mga taon. Walang ipinakikitang transparency o pananagutan ang gobyernong ito sa bigong pagligtas sa buhay ng mga OFW na nasa death row. Malalaman na lang natin kapag bibitayin o nabitay na,” ayon kay Martinez.

]]>
http://pinoyweekly.org/new/2015/03/isa-na-namang-ofw-binitay-sa-saudi/feed/ 0
Migrante, dinala ang panawang pagbaba sa puwesto ni Aquino sa tarangkahan ng Malakanyang http://pinoyweekly.org/new/2015/03/migrante-dinala-ang-panawang-pagbaba-sa-puwesto-ni-aquino-sa-tarangkahan-ng-malakanyang/ http://pinoyweekly.org/new/2015/03/migrante-dinala-ang-panawang-pagbaba-sa-puwesto-ni-aquino-sa-tarangkahan-ng-malakanyang/#comments Thu, 12 Mar 2015 07:25:42 +0000 http://pinoyweekly.org/new/?p=34185 Mga miyembro ng Migrante International sa isinagawang lightning rally sa gate 7 ng Malakanyang para pababain ito sa puwesto kaugnay ng kapabayaan sa mga overseas Filipino worker. <strong>Pher Pasion</strong>

Mga miyembro ng Migrante International sa isinagawang lightning rally sa Gate 7 ng Malakanyang para pababain ito sa puwesto kaugnay ng kapabayaan sa mga overseas Filipino worker. Pher Pasion

Naglunsad ng isang lightning rally ang mga miyembro ng Migrante International sa Gate 7 ng Malakanyang sa Maynila para ipanawagan ang pagpapatalsik kay Pangulong Aquino sa puwesto.

Kaugnay ito sa sunud-sunod na pag-atake sa mga migranteng Pilipino na pinababayaan umano ng administrasyong Aquino. Pinakahuli ang pagbitay sa isang overseas Filipino worker (OFW) sa Saudi Arabia. Kasabay din nito ang pagdukot sa apat na OFW ng Islamic State Jihadists sa Libya, at nawawalang 13 Pilipinong seafarers sa lumubog na barko sa South Atlantic Ocean.

“Ayaw na namin na may mga susunod pa na OFWs na mamamatay o nailagay sa panganib dahil sa kriminal na kapabayaan ng gobyerno. Nais na naming matanggal si Aquino,” ayon kay Gary Martinez, tagapangulo ng Migrante International.

Panawagan ng Migrante na patalsikin o magbitiw sa puwesto si Noynoy Aquino. <strong>Pher Pasion</strong>

Panawagan ng Migrante na patalsikin o magbitiw sa puwesto si  Aquino. Pher Pasion

Ang mga huling pangyayari sa mga OFW kasabay ng mga isyu gaya ng pagdanak ng dugo sa Mamasapano, isyu ng pork barrel at korapsyon, patuloy na pagtaas ng mga singilin at bilihin, patuloy na kapabayaan sa mga biktima ng bagyong Yolanda at iba pa, ang nagpapatingkad na kailangan nang matanggal sa puwesto si Aquino, ayon sa Migrante.

Sa darating na Marso 17, magsasagawa ng “Global Day of Action for Aquino’s Resignation” ang Migrante kasabay ng paggunita sa ika-20 anibersaryo ng pagkamatay ni Flor Contemplacion, ang Pilipinang binitay sa Singapore noong 1995.

Bahagi ang Migrante ng Noynoy Out Now! (NOW!), isang multi-sektoral na pormasyon na nananawagan sa pagbibitiw sa puwesto ni Aquino at pagtatayo ng People’s Council bilang kapalit para makapaglatag sa mga makabuluhang reporma at magbigay-daan sa eleksiyon.

 

]]>
http://pinoyweekly.org/new/2015/03/migrante-dinala-ang-panawang-pagbaba-sa-puwesto-ni-aquino-sa-tarangkahan-ng-malakanyang/feed/ 0
‘Edukasyong ginagawang negosyo,’ muling kumitil ng buhay ng kabataan http://pinoyweekly.org/new/2015/03/edukasyong-ginagawang-negosyo-muling-kumitil-ng-buhay-ng-kabataan/ http://pinoyweekly.org/new/2015/03/edukasyong-ginagawang-negosyo-muling-kumitil-ng-buhay-ng-kabataan/#comments Wed, 04 Mar 2015 16:35:05 +0000 http://pinoyweekly.org/new/?p=34035 Meme na pinakalat ng NUSP matapos mabalitaan ang sinapit ng isa na namang Iskolar ng Bayan na si Rosanna Sanfuego.

Meme na pinakalat ng NUSP matapos mabalitaan ang sinapit ng isa na namang Iskolar ng Bayan na si Rosanna Sanfuego.

Ang 16-anyos na si Rosanna Sanfuego ang pinakahuling biktima ng komersalisayon sa edukasyon.

Ito ang sabi ng iba’t ibang grupo ng kabataan matapos kitilin ni Rosanna ang sariling buhay noong Pebrero 25. Matapos ito ng pag-text niya sa kapatid na lalaki na hindi siya nakapagbayad ng mga bayarin sa Cagayan State University (CSU) sa Tugegarao City, Cagayan kaya di nakakuha ng midterm examination.

“Nakapanlulumong isipin na di pa natuto ng leksiyon ang gobyernong Aquino. Ilan pang mga ‘Iskolar ng Bayan’ ang masasakripisyo sa altar ng mga kapitalista-edukador bago nito ititigil ang mga taas-matrikula at maintindihang karapatan ang edukasyon at hindi prebilehiyo,” sabi ni Vencer Crisostomo, tagapangulo ng Anakbayan.

Pakikiramay

Nakiramay ang mga grupong National Union of Students of the Philippines (NUSP), League of Filipino Students (LFS) at Anakbayan sa kaanak at mahal sa buhay ni Rosanna.

“Pinatay siya ng mga polisiya ng deregulasyon ni Aquino sa edukasyon. Inilagay ng walang habas na taas-singil sa matrikula at iba pang bayarin ang kabataan sa miserableng mga sitwasyon na nagtutulak sa marami sa kanila na kitilin ang sariling buhay,” sabi ni Charisse Bañez, pambansang tagapagsalita ng LFS.

Samantalang sinasabi ng administrasyon ng CSU, isang state university, na wala itong sinisingil na matrikula mula 2009, sinabi ng NUSP na napag-alaman namang naniningil ito ng P2,000 hanggang P4,000 na miscellaneous o other school fees (OSF).

Matagal nang ikinakampanya ng NUSP, LFS, Anakbayan at iba pang grupo ng kabataan sa administrasyong Aquino at Commission on Higher Education na rendahan nito ang pagtaas ng singil ng matrikula at OSF ng mga pampubliko at maging pribadong pamantasan at kolehiyo.

“Pinakikita ng mga kampus ng CSU kung paano ang kulang na subsidyo ng gobyerno sa edukasyon ay naglilikha ng pagtaas at pagpataw ng OSF, bukod pa pagkakaroon ng bulok na pasilidad, pagkaunti ng mga ineempleyong kawani ng paaralan, at pagtaas ng drop-out rate ng mga mag-aaral,” pagpapalawig ni Sarah Jane Elago, tagapangulo ng NUSP.

Napag-alaman din ng NUSP na pinag-aaralan na raw ng CSU na ibalik ang paniningil ng matrikula sa mga estudyante nito.

Samantala, pinabulaanan din ng isang residente ng Tugegarao na nakiramay sa kaanak ni Rosanna ang naunang balita na tumulong na ang administrasyon ng CSU sa kaanak.

(S)ince her death last February 25, 2015, not a single CSU official nor faculty has shown up at the wake. There were probably only three floral arrangements there and I can not find CSU’s there,” sabi ni Raul Ting ng Tugegarao City, sa kanyang Facebook post gabi ng Marso 4. Sabi niya, hanggang alas-tres ng hapon siya nakiramay sa burol noong araw na iyon.

Sinabi rin sa kanya ng kapatid na babae ni Rosanna na walang dumating na opisyal o kinatawan ng CSU hanggang 10:04 ng gabi, nang tawagan siya ni Ting.

Dugo sa kamay ni Aquino

“Dagdag itong patak-ng-dugo sa kamay ni Aquino. Pinahamak si Rosanna ng gobyerno na tumalikod sa tungkulin nitong tiyakin ang karapatan sa edukasyon ng ating kabataan,” sabi naman ni Joms Salvador, pangkalahatang kalihim ng Gabriela.

Sinabi naman ni Kamil Manangan, tagapagsalita ng Gabriela-Youth, na di na maitatanggi ni Aquino na hindi isolated case ang nangyari sa mga tulad nina Rosanna.

“Hanggang patuloy ang pagpapatupad ni Aquino ng mapanupil na mga polisiya tulad ng Roadmap to Public Higher Education Reform (na naglalayong tanggalin ang suporta ng Estado sa pampublikong mga pamantasan at kolehiyo), hindi mawawalan ng mga Rosanna at Kristel (Tejada) ang bansa,” sabi ni Manangan.

Si Kristel Tejada ang estudyante sa Unibersidad ng Pilipinas-Maynila na nagkitil din ng sariling buhay noong Marso 13, 2013 dahil diumano di makabayad sa matrikula.

Halos walong taon na rin ang nakalipas matapos magpatiwakal si Marianette Amper, 12, mag-aaral sa Davao City, dahil sa kahirapan at depresyon.

Naganap ang pagkitil ni Rosanna sa sariling buhay ilang araw bago ang Pandaigdigang Araw ng Kababaihang Anakpawis sa Marso 8, kung kailan pangungunahan ng Gabriela ang pagpanawagan sa pagbibitiw ni Pangulong Aquino dahil sa iba’t ibang kasalanan. Kabilang dito ang pagsasapribado sa pampublikong mga serbisyo tulad ng edukasyon at serbisyo-medikal.

“Ang kamatayan ni Rosanna ay nagpapakita lamang ng komersiyal at mapaniil na mukha ng edukasyon sa bansa. Itinutulak nito ang mga mag-aaral na itapon ang kanilang pangarap maging ang kanilang mga buhay,” dagdag na pahayag ni Femie Galapon, pangalawang tagapangulo ng NUSP sa Cagayan Valley.

Maliban sa paglahok sa protesta sa Marso 8, nanawagan ang mga grupo ng kabataan na lumahok sa rali sa harap ng Commission on Higher Education sa Marso 6.

Gugunitain din ng mga grupo ng kabataan ang Marso 13, na anibersaryo ng pagkamatay ni Kristel, bilang “National Day of Walkout Against Tuition and Other School Fees Increases.”

]]>
http://pinoyweekly.org/new/2015/03/edukasyong-ginagawang-negosyo-muling-kumitil-ng-buhay-ng-kabataan/feed/ 0
Kababaihan giniit ang pagbaba sa puwesto ni Aquino, nanawagan ng ‘transition council’ http://pinoyweekly.org/new/2015/03/kababaihan-giniit-ang-pagbaba-sa-puwesto-ni-aquino-nanawagan-ng-transition-council/ http://pinoyweekly.org/new/2015/03/kababaihan-giniit-ang-pagbaba-sa-puwesto-ni-aquino-nanawagan-ng-transition-council/#comments Wed, 04 Mar 2015 07:33:14 +0000 http://pinoyweekly.org/new/?p=33988 Nanawagan ang mga bumubuo ng Women for Aquino's Resignation para agarang pagbibitiw ni Noynoy Aquino dahil sa sunud-sunod na kapalpakan ng rehimen. <strong>Pher Pasion</strong.

Nanawagan ang mga bumubuo ng Women for Aquino’s Resignation para agarang pagbibitiw ni Noynoy Aquino dahil sa sunud-sunod na kapalpakan ng rehimen. Pher Pasion

Nanawagan ang iba’t ibang kababaihan sa ilalim ng Women for Aquino’s Resignation Now (Warn!) na agarang pagbibitiw ni Noynoy Aquino sa pagkapresidente dahil sa mga kapalpakan nito at wala nang moralidad para mamuno sa bansa.

Kaugnay ito ng pinakahuling kapalpakan ni Aquino sa nangyari sa Mamasapano na ikinasawi ng 44 na miyembro ng Philippine National Police Special Action Force at mga Moro Islamic Liberation Front (MILF) gayundin ang mga sibilyan.

“Hindi na tayo makahintay (bago matapos ang termino ni Aquino) kasi baka may sakuna muling dumating. Nagkatotoo, nagdeklara ng all out war (sa Maguindanao) sa halip na ipagpatuloy ng peace process. Ito ang sakuna na sinasabi natin–hanggang nandyan siya sa posisyon,” ayon kay Gabriela Rep. Luzviminda Ilagan.

Nagbabala ang Warn! na mas maraming disaster pa ang maaaring mangyayari kung mananatili si Aquino sa puwesto. Ipinakita nito mula sa insidente sa Luneta, mga bagyong Pablo at Yolanda, Zamboanga siege, eskandalo sa pork barrel gayundin ang Disbursement Acceleration Program na idineklarang ilegal ng Korte Suprema, hanggang sa Mamasapano, ang mga disaster ni Aquino.

Patuloy na kahirapan, isa pang dahilan

Maliban sa mga nasabing disaster, binigyan-diin din ng kababaihan ang lumalalang kahirapan sa bansa na pinapasan nila.

Ang mababang pasahod sa mga may trabaho, patuloy na kontraktuwalisasyon, ang mataas na singil sa mga serbisyo gaya ng kuryente, tubig at maging sa pasahe sa MRT at LRT, pagtaas ng presyo ng mga bilihin, pagtaas ng matrikula, at iba pa, na lubhang nagbibigay pasakit sa mga mamamayan ay hindi binago ng tuwid na daan na ipinangako ni Aquino.

Five years is more than enough. Tama na. Umalis na siya dapat diyan. Hihingi pa ng emergency power, para saan? Heto nga Mamasapano, anong nangyari? So ano, bibigyan natin ng emergency power para panibagong pasakit sa mamamayan na naman ang gagawin?” ayon kay Lolita Donato mula sa Alerto Mamimili.

Sa patuloy na pagtatakip sa naging papel ni Aquino sa Mamasapano at paiba-ibang pahayag kung hindi man tuwing pagsisinungaling sa tunay na pangyayari doon, wala nang nakikita ang grupo na “moral na batayan” para manatili pa sa puwesto si Aquino.

Gabriela Rep. Luzviminda Ilagan (kaliwa) at Rev. Sol Villalon, habang nagpapaliwanag ng mga kasalanan ni Noynoy Aquino sa mamamayan sa isang press conference sa Lungsod ng Quezon. <strong>Pher Pasion>

Gabriela Rep. Luzviminda Ilagan (kaliwa) at Rev. Sol Villalon, habang nagpapaliwanag ng mga kasalanan ni Noynoy Aquino sa mamamayan sa isang press conference sa Lungsod ng Quezon. Pher Pasion>

“Ang isang presidente na hindi nagmamalasakit sa mas marami ay walang moral ascendancy na mamuno. Sa nangyaring ito, nang mabisto itong DAP na ito, ang korapsyon, at ito ay hinayaan ng presidente ito ay nagsasabing wala siyang karapatang mamuno dahil sa imoral ang mga ito ngunit kanyang binabasbasan,” ayon kay Rev. Sol Villalon mula sa Promotion of Church People’s Response.

Ayon kay Mae Paner, performance activist na mas kilala sa karakter na Juana Change, isang pagkakamali na sinoportahan niya si Aquino sa pagkapangulo noon. Sa naging pagbabago ni Aquino, nakita niya na ang sinasabi nitong tuwid na daan pala ay bangin sa dulo at hindi siya tatalon doon.

“Ang laki talaga ng panghihinayang ko dahil nangarir ako noon para siya ay maluklok. Ngayon naman, nangangarir ako para siya ay hindi na maluklok at matanggal naman. Ganun talaga, nagbago siya,” ayon kay Paner.

All-out war, kinodena

Kinondena naman ng Warn! ang all-out-war sa Mindanao para tugisin ang mga itinuturing nitong mga “terorista”. Dito, libu-libong sibilyan mula sa di-bababa sa 12 barangay ng Maguindanao ang naapektuhan at nakararanas karahasan at paglabag sa karapatang pantao.

“Sa tuwing may militarisasyon sa mga lugar, numero unong naaapektuhan ang mga bata. At epekto sa mga ito ay hindi na sila nakakapasok sa mga paaralan. Hindi lamang apektado sa pag-aaral kundi ang trauma na kanilang nararanasan,” ani Reina Requioma, tagapagsalita ng Salinlahi.

Pero mas higit na nakakaapekto ang mismong mga bata ang napapatay sa patuloy na militarisasyon na nagiging “collateral damage.”

Tinukoy din ang papel na ginagampanan ng gobyerno ng US sa nangyayari sa Mindanao, partikular sa Mamasapano. Ang US umano ang siyang nagbansag kina Marwan bilang mga terorista at ang US din kung gayon ang may pakana sa likod ng war-on-terror na ito, ayon kay Nancy Gadian, dating tiniyente ng Philippine Navy.

Naging bahagi si Gadian ng mga grupo ng mga opisyal-militar na nakipag-ugnayan sa mga sundalong Kano sa ilalim ng Joint Special Operations Task Force-Philippines sa Camp Navarro, Zamboanga City hanggang 2007.

Isiniwalat ni Gadian ang diumano’y korupsiyon sa P46 Milyong pondo para sa Balikatan military exercises noong 2007. Nagsalita rin siya sa saklaw ng pakikialam ng mga tropang Amerikano sa Pilipinas.

“Naging sacrificial lamb ‘yung ating mga SAF. Kung may kakayahan pala silang (ang US) maituro o malaman kung saan location ng Marwan na ito, bakit hindi na lang sila ang gumawa ng sarili nilang operation na hindi kasama ang ating front liners, ‘yung mga sundalo at kapulisan,” ayon kay Gadian.

Para kay Gadian, may itinago na katotohanan ang administrasyong Aquino at ang US, base sa nakalap na impormasyon kasama ang mga Amerikanong sundalo sa pagkokomand sa CP o command post (ng operasyon sa Mamasapano).

“Nung bumagsak na lahat ang ating operatives, nasaan (ang US),” ayon kay Gadian.

Dagdag ni Gadian, malinaw umano sa mga pagdinig sa Senada at Kamara na nakabusal ang mga bibig ng mga heneral para isalba si Aquino sa tunay na nangyari sa Mamasapano.

Dating Navy Lieutenant Nancy Gadian (kaliwa) at Lolita Donato ng Alerto Mamili sa pagpapahayag ng kanilang pakikiisa sa pagbibitiw sa puwesto ni Noynoy Aquino bilang presidente. <strong>Pher Pasion</strong>

Dating Navy Lieutenant Nancy Gadian (kaliwa) at Lolita Donato ng Alerto Mamili sa pagpapahayag ng kanilang pakikiisa sa pagbibitiw sa puwesto ni Noynoy Aquino bilang presidente. Pher Pasion

Para naman sa mga alagad ng simbahan, di tunay na nais makamit ni Aquino ang kapayapaan sa Mindanao kung nagsasagawa ito ng all-out-war kahit na sinasabi pa nitong para sa kapayapaan ang kanyang rehimen.

“Hindi na natin kakayanin na ang isang presidente, ang pinakamataas na lider ng mataas ng bansa, ay hindi kayang tumingin sa atin at magturo sa atin kung ano ang moral, kung ano ang makatuwiran, kung ano ang justice, kung ano ang katotohanan. Hindi siya makapagsabi ng totoo. Paano tayo makakagalang?” ani Rev. Villalon.

Paghahanda sa Marso 8

Sa darating na Pandaigdigang Araw ng Kababaihan sa Marso 8, magsasagawa ng malaking protesta ang Warn! para patuloy na ipanawagan ang pagbibitiw ng pangulo.

Kasabay nito, nananawagan silang itayo ang isang people’s transition council para pansamantalang ipalit kay Aquino para magbigay daan sa isang tunay na eleksiyon.

“Hindi namin gusto ng mga pulitiko na mangangako lang ng matatamis na salita na sa kalaunan na babaliin ng sinasabi. Ang gusto po namin yung totoong people power,” ayon kay Joms Salvador, pangkalahatang kalihim ng Gabriela.

Ipapaloob sa people’s transition council ang mga kinatawan ng mga sektor na bahagi sa pagpapaalis kay Aquino, mga may malilinis na track record at walang vested interest, mga taong simbahan, at iba pa. Kasabay din nito ang pagtatayo ng isang Truth Commission kaugnay ng Mamasapano para hindi na makalusot ang mga gustong lumusot kaugnay ng Mamasapano, dagdag ni Salvador.

Bago man daw ito sa bansa, pero nangyari na ito sa ibang mga bansa na matapos magsalita at kumilos ang kanilang mga mamamayan na mapatalsik ang kanilang mga pinuno ay pinalitan ng isang konseho ng mga mamamayan para gawin ang kinakailangang reporma at ihanda ang isang halalan.

Pero bago ang eleksiyon, kailangan munang linisin ang Commission on Elections, sabi ni Salvador.

“Sa Marso 8, ito po’y araw ng mga ina, araw ng mga babae, kapatid. Pero gawin po natin itong araw ng pagkilos na nagsasabing ayaw na natin, tama na, sobra, Aquino magbitiw ka na,” ayon kay Salvador.

Para sa kanila, kailangang matuto sa kasaysayan na hindi uubra ang pagpapalit lamang basta ng mga pulitiko. Kanilang binigyan diin na kailangan palitan ang sistema na siyang nagpapahirap sa mga mamamayan.

Bago ang Marso 8, serye ng mga protesta ang kanilang ilulunsad sa mga komunidad, pabrika, lansangan, at iba pa sa buong Pilipinas ang kanilang ilulunsad para ipanawagan ang pagbibitiw ni Aquino.

]]>
http://pinoyweekly.org/new/2015/03/kababaihan-giniit-ang-pagbaba-sa-puwesto-ni-aquino-nanawagan-ng-transition-council/feed/ 0