Pinoy Weekly » Isyu http://pinoyweekly.org/new Philippine news, analysis, and investigative stories Sat, 21 Mar 2015 10:35:23 +0000 en-US hourly 1 http://wordpress.org/?v=4.1.1 Dear Migrante http://pinoyweekly.org/new/2015/03/dear-migrante/ http://pinoyweekly.org/new/2015/03/dear-migrante/#comments Sat, 21 Mar 2015 09:59:15 +0000 http://pinoyweekly.org/new/?p=34336 Day-off mo ba ngayon o tambak ang trabaho? Dahil tayo ay magkalayo, magsulatan tayo kahit nasa magkabilang panig ng mundo. Paglapitin natin at ituring na nakatagpo kayo ng kaibigan, kahuntahan sa nakakatawang eksena ng mga biyahe, karamay sa homesick at kakampi mula sa malulupit na amo o pagtawag ng pansin sa gobyerno.

Malugod na ibinubukas ang pitak na ito sa lahat ng migranteng Pilipino sa bawat sulok ng mundo at kanilang mga pamilya. Linggu-linggo simula ngayon, ilalathala ang inyong mga katanungan na mainit naming sasagutin. Ang mga kuwento ninyo ay istorya ng milyong migranteng Pilipino.

Ngayong Marso 17 ang ika-20 taon ng paggunita sa pagkamatay ni Flor Contemplacion, kababayan nating pinatay sa Singapore noong 1995. Sa kanyang pagkamatay, nalantad ang pait ng puwersahang migrasyon sa ilalim ng programa ng gobyerno.

Dalawampung taon makalipas, mas maraming Flor. Mas dumami araw-araw ang lumalabas ng bansa at nawawasak ang pamilya. Napupuno ang mga balikbayan box ng pangungulila, kahirapan at panganib.

Inaanyayahan namin kayong lumiham. May maaasahan kayong sagot di tulad ng mga ahensiya at opisina na “sorry we’re closed o the number you dialed is busy right now.” Pag-usapan natin. Kayo ba ay nabiktima ng ilegal na rekruter, minaltrato, hindi pinasahod o may iuuwing bangkay? May hindi ba nasunod sa nakasaad sa kontrata, hindi nabibigyan ng off, may hinahanap na kamag-anak sa abroad o may sumisigaw ng “ibalik ninyo ako sa Pilipinas”? Hangga’t may nabibiktima at napagsasamantalahang OFW, may Migrante.

Sa paggunita kay Flor at pagpupugay sa mga bagong bayani, gamitin natin ang espasyong ito. Ang inyong kuwento ay aming adbokasiya at krusada. Dalawampung taon na rin nang inianak ang Migrante International na patuloy na nagtataguyod ng interes at kapakanan ng migranteng Pilipino at nagluwal ng makukulay na pakikibaka at tagumpay sa ngalan ng migrante at sambayanang Pilipino.

Makakaasa po kayo sa aming tugon. Siyempre pa, ang pinakamasarap pa ring matanggap na liham ay “Dear migrante, hindi ko day-off, pauwi na ako ng Pinas sa tahanan ko, for good.” Higit sa lahat, hinihintay po namin ang inyong pagbabalik.

Lumiham sa dearmigrante@gmail.com. Tumungo sa #45 Cambridge St. Cubao, Quezon City at pinakamalapit na tanggapan ng Migrante sa ibat-ibang bahagi ng mundo. Bumisita sa www.migranteinternational.org at Fb.com/migranteinternational.

]]>
http://pinoyweekly.org/new/2015/03/dear-migrante/feed/ 0
VIDEO | ‘The truth will set us free’ – Lt. Col. George Rabusa on Mamasapano http://pinoyweekly.org/new/2015/03/video-the-truth-will-set-us-free-lt-col-george-rabusa-on-mamasapano/ http://pinoyweekly.org/new/2015/03/video-the-truth-will-set-us-free-lt-col-george-rabusa-on-mamasapano/#comments Fri, 20 Mar 2015 07:29:36 +0000 http://pinoyweekly.org/new/?p=34328

Ret. Lt. Col. George Rabusa

Ret. Lt. Col. George Rabusa

In 2011, Lt. Col. George Rabusa, now retired from the Armed Forces of the Philippines, was a whistleblower to the biggest corruption scandal in AFP history. He has since grown disillusioned with the Aquino administration for its failure to follow through with the promised reforms within the military. Now, amid the worst political crisis confronting the current presidency, Rabusa once again speaks up, this time on the Mamasapano incident.

Interview by KR Guda | Video shot by Ilang-Ilang Quijano | Editing by KR Guda, Ilang-Ilang Quijano & King Catoy

]]>
http://pinoyweekly.org/new/2015/03/video-the-truth-will-set-us-free-lt-col-george-rabusa-on-mamasapano/feed/ 0
‘P15 dagdag-sahod, ni hindi papasa bilang limos’ http://pinoyweekly.org/new/2015/03/p15-minimum-na-sahod-ni-hindi-papasa-bilang-limos/ http://pinoyweekly.org/new/2015/03/p15-minimum-na-sahod-ni-hindi-papasa-bilang-limos/#comments Thu, 19 Mar 2015 15:21:30 +0000 http://pinoyweekly.org/new/?p=34303 Pinababasura ng mga manggagawa ang Wage Rationalization Law na ginagamit umano ng malalaking kapitalista at gobyerno para manatiling mababa ang sahod nila. Kontribusyon

Pinababasura ng mga manggagawa ang Wage Rationalization Law na ginagamit umano ng malalaking kapitalista at gobyerno para manatiling mababa ang sahod nila. Kontribusyon

Binatikos ng alyansa ng mga manggagawa sa pribado at pampublikong sektor na All Workers’ Unity ang regional wage board ng National Capital Region (NCR) na nag-apruba ng P15 dagdag-sahod. Anila, ni hindi papasa bilang “abuloy” ang naturang halaga.

Matagal nang hirap ang mga manggagawa na pagkasyahin ang mababang sahod sa tumataas na gastusin, kabilang ang tumataas na bayarin sa kuryente at tubig, pamasahe, matrikula sa eskuwela, at presyo ng batayang mga bilihin.

“Hindi tinutugunan ng kakarampot na P15 taas-sahod sa Metro Manila ang pangangailangan ng mga manggagawang Pilipino,” sabi ni Rea Alegre, tagapagsalita ng All Workers’ Unity. “Nakakainsulto ito kasi nauna pang nag-anunsiyo ng P238 hanggang P268 na wage rate increase sa Caraga Region na nagpapayag sa mga kompanya at industriya na bigyan ang mga manggagawa ng mga coupon sa halip na aktuwal na dagdag-sahod.”

Iginiit niya na ang kailangan talaga ng mga manggagawa ay agarang ayuda at isang pambansang minimum wage, na di dapat umano bumaba sa P16,000 kada buwan.

Sa tantiya ng Ibon Foundation, isang research think-tank, aabot lang sa 44 porsiyento ng halagang kailangan ng mga manggagawa ang natutugunan ng kasalukuyang minimum wage, kahit pa may P15 dagdag-sahod na sa Abril pa ipapatupad.

Masyadong mababa ang dagdag-sahod na napakalayo nito sa P1,088 na estimated family living wage sa isang araw o P32,580 sa isang buwan, ayon pa sa Ibon.

Sinabi pa ng naturang grupo na pinipigilan ng maliit na dagdag-sahod na ito ang lakas-paggawa na makaambag nang malaki sa ekonomiya ng bansa.

Samantala, sinabi naman ng Kilusang Mayo Uno (KMU) na kung mababa na nga ang sahod sa NCR, lalong mas mababa pa ang sahod sa ibang rehiyon.

“Sa ilalim ni (Pangulong) Aquino, nanatiling mababa ang minimum wage sa Metro Manila, pero lalo pang mas mababa ang minimum wage levels sa mga rehiyon sa labas ng Metro Manila. Ang masama pa, sa ilalim ni Aquino, tumaas at di bumaba ang pagitan ng regional minimum wage levels,” paliwanag ni Elmer Labog, tagapangulo ng KMU.

Ayon kay Labog, sa limang taon ng panunungkulan ni Aquino, tumaas ang sahod sa Metro Manila ng P77 lang. Pero sa Cordillera Autonomous Region, tumaas lang ito ng P20. Ang iba pang taas-sahod sa mga rehiyon: sa Ilocos, 13; Cagayan Valley, P20; Calabarzon, P42.50; Bicol, P13; Central Visayas, P55; at Autonomous Region in Muslim Mindanao, P28.

Ipinapakita umano nito na pinalalala ng polisiya ng wage regionalization, sa ilalim ng Wage Rationalization Law of 1989, ang kalagayan ng mga manggagawang Pilipino. Patuloy na ginagamit umano ang naturang batas ng malalaking kapitalista at gobyerno para panatilihing mababa ang sahod ng mga manggagawa.

Dahil sa rehiyunalisasyon ng sahod, tumindi ang paglabag sa minimum-wage levels, ayon kay Labog. Inamin umano mismo ng National Statistice office Labor Force Survey na noong Oktubre 2011, umabot sa 46 porsiyento ng mga manggagawa sa bansa ang nakakatanggap nang mas mababa pa sa minimum na sahod.

“Ang kinalalabasan, walang minimum wage sa bansa ngayon. Mula 1989, ibinalik ang mga manggagawang Pilipino sa panahon ng matindi at garapalang pagsasamantala, sa panahon bago natin napagwagian ang implementasyon ng minimum wage sa pamamagitan ng ating mga protesta,” sabi pa ni Labog.

Para naman kay Alegre, nakapagdududa ang intensiyon ng administrasyong Aquino sa pagtulak ng kakarampot at tila pampalubag-loob na dagdag sahod.

“Posibleng dahilan lang ng dagdag-sahod ay pahupain ang galit ng mga mangaggawa, pero lalo lang niyang ginalit tayo,” sabi pa ni Alegre. Nagkataon din umanong inanunsiyo ang dagdag-sahod sa panahon ng pagbagsak ng popularity ratings ni Aquino.

]]>
http://pinoyweekly.org/new/2015/03/p15-minimum-na-sahod-ni-hindi-papasa-bilang-limos/feed/ 0
Ika-284 kaarawan ni Gabriela Silang, ginunita ng kababaihan http://pinoyweekly.org/new/2015/03/ika-284-kaarawan-ni-gabriela-silang-ginunita-ng-kababaihan/ http://pinoyweekly.org/new/2015/03/ika-284-kaarawan-ni-gabriela-silang-ginunita-ng-kababaihan/#comments Thu, 19 Mar 2015 13:25:25 +0000 http://pinoyweekly.org/new/?p=34307 Nag-alay ng bulaklak ang grupong Gabriela sa monumento ni Gabriela Silang sa paggunita sa ika-284 kaarawan ng nasabing bayani. <strong>Pher Pasion</strong>

Nag-alay ng bulaklak ang grupong pangkababaihan na Gabriela sa monumento ni Gabriela Silang sa paggunita sa ika-284 kaarawan ng nasabing bayani. Pher Pasion

Ginunita ng grupong pangkababaihan na Gabriela ang ika-284 na kaarawan ng bayaning si Gabriela Silang sa pamamagitan ng pag-aalay ng bulaklak sa monumento nito sa Makati City ngayong Marso 19.

Ayon sa grupo, napakahalagang ipaalala sa kababaihan ang buhay at pakikibaka ni Gabriela Silang.

“Sa panahong ngayon, dapat tayong patuloy na maging mapagmahal sa ating soberanya gaya ni Gabriela at tulad niya ay handang lumaban para rito,” ayon kay Joms Salvador, pangkalahatang kalihim ng Gabriela.

Sa Santa, Ilocos Sur na lugar ng kapanganakan ni Gabriela Silang, nakiisa naman si Gabriela Women's Party Rep. Emmi de Jesus at iba pang miyembro ng kanyang partido sa unang pagpapakita ng bagong estatwa ng kababaihang bayani. <b>Kontribusyon</b>

Sa Santa, Ilocos Sur na lugar ng kapanganakan ni Gabriela Silang, nakiisa naman si Gabriela Women’s Party Rep. Emmi de Jesus at iba pang miyembro ng kanyang partido sa unang pagpapakita ng bagong estatwa ng kababaihang bayani. Kontribusyon

Dagdag pa ni Salvador, wala na ang dayuhang Espanyol na mananakop. Pero buhay pa rin ang panghihimasok ng mga dayuhan lalo na ng Estados Unidos (US) sa pulitika at ekonomiya ng Pilipinas kaya mahalaga pa rin ang pakikibaka.

“Malinaw ngayon na may pinakamalaking impluwensiya sa ating gobyerno ang US. Makikita ang pakikialam nito sa usaping pulitikal gaya na lang sa pangyayari sa Mamasapano na naging bahagi ang mga Kano sa palpak na operasyon,” sabi pa ni Salvador.

Hinikayat niya ang kababaihan na maging mapangahas sa pakikibaka gaya ni Gabriela at huwag magpalimita sa atrasadong mga pananaw hinggil sa lugar ng kababaihan sa lipunan.

“Marami tayong kakayanan bilang indibidwal at bilang grupo o organisasyon ng kababaihan. Sa katunayan, kung nanaisin natin, kaya rin nating magpalayas sa puwesto ng Presidenteng nagtatraydor sa mamamayang Pilipino. Ang hamon sa atin ngayon, ipakita ang tunay na lakas at totohanin natin ang kakayanang ito,” pagtatapos ni Salvador.

 

]]>
http://pinoyweekly.org/new/2015/03/ika-284-kaarawan-ni-gabriela-silang-ginunita-ng-kababaihan/feed/ 0
Pananakit sa miyembro ng KMP kinondena, tunay na reporma sa lupa iginiit http://pinoyweekly.org/new/2015/03/pananakit-sa-aktibista-para-sa-tunay-na-reporma-sa-lupa-kinondena/ http://pinoyweekly.org/new/2015/03/pananakit-sa-aktibista-para-sa-tunay-na-reporma-sa-lupa-kinondena/#comments Thu, 19 Mar 2015 11:31:02 +0000 http://pinoyweekly.org/new/?p=34305 Tunay na reporma sa lupa ang ipinaglalaban nila. (Macky Macaspac)

Matagal na ang panawagan para sa tunay na repormang agraryo, pero hanggang ngayon kontrolado pa rin ng mga panginoong maylupa ang malalawak na lupaing agrikultural. PW File Photo

Kinondena ng Anakpawis Party-list ang pananakit ng isang legislative security guard ng Kamara sa isa nilang miyembro matapos ang protesta ng grupo kontra sa anila’y bogus na batas para sa reporma sa lupa.

“Bali ang buto sa ilong ni Gary Constantino, kailangang operahan,” sabi sa text message sa Pinoy Weekly ni Anakpawis Rep. Fernando Hicap. Plano ng kanilang grupo na magsampa ng kaso laban sa security guard na nanuntok kay Constantino.

Pinangunahan ng Kilusang Magbubukid ng Pilipinas (KMP), Anakpawis, Amihan at Unyon ng mga Manggagawa sa Agrikultura (UMA) ang kilos-protesta sa session hall lobby ng Kamara para ipanawagan ang pagbasura sa tangkang pagpapalawig pa ng implementasyon ng Comprehensive Agrarian Reform Program sa pamamagitan ng pagpasa sa House Bill 4296 (CARP Extension Bill).

Ayon sa Anakpawis, nagkaroon na ng kasunduan si Pangulong Aquino at mga tagapanukala ng HB 4296 na ipapasa ito para mabigyan ng awtoridad ang Department of Agrarian Reform (DAR) na mag-isyu ng notice of coverage sa mga lupang nasa listahan ng DAR na hindi nasaklaw ng coverage bago magtapos ang CARP noong Hunyo 30, 2014.

“Tulad din ‘yan ng listahan ng Hacienda Luisita. Nilinis na ng DAR para maalis sa listahan ang malalaking lupain ng mga panginoong maylupa bago pa maipasa ang bogus na CARP,” ani Antonio Flores, pangkalahatang kalihim ng Kilusang Magbubukid ng Pilipinas (KMP).

Sabi pa ng grupo, pahahabain ng HB 4296 ang paghihirap ng mga magbubukid at pagpapatuloy sa kontrol sa pulitika, ekonomiya at pyudal na pagsasamantala ng malalaking panginoong maylupa sa kanayunan.

“Palalakasin nito ang katulad ng mga Cojuangco-Aquino sa pagkontrol nila sa mga lupain at asyenda sa buong bansa,” ani Flores.

Pinabulaanan din ng KMP ang akusasyon ng grupong Akbayan na nagsabing ang pagtutol nila sa ekstensiyon ay pakikipag-alyansa sa mga panginoong maylupa. “Silang mga nagpapanukala sa HB 4296 ang totoong alyado ng mga panginoong maylupa tulad ni Aquino. Minamaniobra nila ang pagbuhay sa matagal nang patay na batas na kontra-magsasaka,” sabi pa ni Flores.

Idinagdag pa niya na anumang pagtatangkang buhayin ulit ang CARP ay magpapabilis daw sa pagbagsak ni Aquino.  “Kagaya ng lumalaganap na mga panawagan–‘Tama na, sobra na, CARP ibasura’–nananawagan din kami ng ‘Tama na, sobra na, Aquino patalsikin’,” dagdag ni Flores.

Sinabi naman ni Hicap na gagawin nila ang lahat para harangin ang ekstensiyon ng CARP sa Kamara, maging sa Korte Suprema, kung kailangan.

“Malinaw na wala nang batayan ang ekstensiyon dahil expired na ang batas noon pang 2014,” sabi pa ni Hicap.

Sa halip daw na muling buhayin ang CARP sa pamamagitan ng muling ekstensiyon nito, panawagan ng mga miyembro ng KMP na ipasa na lamang ng Kamara ang House Bill 252 o Genuine Agrarian Reform Bill (GARB).

]]>
http://pinoyweekly.org/new/2015/03/pananakit-sa-aktibista-para-sa-tunay-na-reporma-sa-lupa-kinondena/feed/ 0
Panayam kay Nora Aunor: ‘Ako na ang magkukusa’ http://pinoyweekly.org/new/2015/03/panayam-kay-nora-aunor-ako-na-ang-magkukusa/ http://pinoyweekly.org/new/2015/03/panayam-kay-nora-aunor-ako-na-ang-magkukusa/#comments Tue, 17 Mar 2015 18:09:11 +0000 http://pinoyweekly.org/new/?p=34264 Ang walang-kupas at prinsipyadong si Nora Aunor, sa rali noong ika-20 death anniversary ni Flor Contemplacion. <b>KR  Guda</b>

Ang walang-kupas at prinsipyadong si Nora Aunor, sa rali noong ika-20 death anniversary ni Flor Contemplacion. KR Guda

Matapos ang rali ng Migrante International sa Mendiola bilang paggunita sa ika-20 taon ng pagbitay kay Flor Contemplacion, eksklusibong nakapanayam ng Pinoy Weekly si Nora Aunor, beteranong aktres at tinaguriang Superstar.

Maaalalang si Nora Aunor ang gumanap na bida sa premyadong The Flor Contemplacion Story.

Suot ang maong at itim na t-shirt na may markang “Proud to be Filipino, Ashamed of my Government,” inilahad ni Aunor ang kanyang dahilan kung bakit nais niyang magbitiw si Pangulong Aquino.

PW: Ano ang nagtulak sa iyo na ipahayag ang saloobin na magbitiw na si Pangulong Aquino? May kinalaman ba rito ang hindi pagkilala sa iyo bilang National Artist?

Nora Aunor: Matagal ko na pong kinikimkim ito. Walang sinumang nagtulak sa akin. Ako na po ang magkukusa na magsalita dahil hindi ko na rin po gusto ang nangyayari sa bayan natin. Marami ang mga panyayaring iyan. Nakita ko po ang pagpapabaya ng gobyerno sa Tacloban nang mag-shooting ako nang dalawang linggo sa lugar. Tapos itong nangyari sa Mamasapano.

Hindi po ako naghangad na maging National Artist. Nagulat nga po ako. Alam kong mayroon pang mas mahuhusay kaysa akin.

PW: Ayon sa mga taga-Migrante, kayo mismo ang tumawag sa kanila na lalahok sa rali, at magsasalita. Bakit sa rali ng Migrante mo itinaon ang pagpapahayag na magbitiw na si Aquino?

Nora Aunor: Walong taon po akong naging migrante. Naghirap din ako sa Amerika. Dumanas din po ako ng gutom at pang-aalipusta. Hindi rin po bago sa akin ang pagiging mahirap.

Kaya mahal ko po ang mga migrante, at hindi lamang dahil sa isinabuhay ko si Flor Contemplacion sa pelikula. Naging caregiver din po ako, at minsan ay inalagaan ko pa po nang libre ang matanda at naghihirap nang si Sajid Khan, isang Indianong aktor, na naka-love team ko sa pelikula noong kami’y mga bata pa.

Tapos, noong may boses pa po ako at nagkokonsiyerto sa iba’t ibang bansa, nalalantad ako sa katayuan ng mga kababayan natin doon. Kita rin naman po na sa kaso ni Flor Contemplacion, hindi niya daranasin ang kamatayan kung hindi nagpabaya ang ating gobyerno.

Talumpati ni La Aunor sa Mendiola: Pagpapahayag ng kanyang matagal nang saloobin. <b>KR Guda</b>

Talumpati ni La Aunor sa Mendiola: Pagpapahayag ng kanyang matagal nang saloobin. KR Guda

PW: Hindi ka ba nag-aalala na maaaring makaapekto sa career mo ang pagposisyong ito laban kay Aquino?

Nora Aunor: Hindi ko na po iniisip yun. Basta’t pinanindigan ko na po, yun na yun. Hindi rin ako nagsisisi na nag-“oust Erap” ako. Nagkabatian kami ni dating pangulong Erap sa isang pagtitipon; pero hindi ibig sabihin po noon na nagkabalikan kami o binali ko ang aking prinsipyo.

PW: Ano naman ang masasabi mo sa maaaring sabihin ng iba na kaya mo lang ginagawa ito ay may bago kang pelikula o kakandidato kang muli sa pulitika?

Nora Aunor: Ay, hinding hindi po. Wala naman akong ginagawang pelikulang pang-komersiyal ngayon kundi puro “indie” (independent films) na sa mga film festival dinadala. (May tatlong pelikulang indie films si Aunor na hindi pa lumalabas – ang Padre de Familia na kasama si Coco Martin, Whistleblower, at Taclob. Itong huli ay tungkol sa Yolanda at malamang na ipalabas sa Cannes Film Festival—Ed.).

Kung pagtakbo naman sa pulitika, ayoko na po. Minsan na akong nagamit diyan. Mayroon diumanong nag-donate ng P3 Milyon sa kampanya ko noon, pero ang nakarating lang sa akin ay P200,000.

PW: May pag-asa pa bang maibalik ang boses mo?

Nora Aunor: Idinadalangin ko po. Magpapa-opera akong muli sa Hulyo, at pupunta sa US para rito. Sabik na sabik na po akong kumanta.

PW: Ano ang inaasahan mo kung sakaling magbitiw si Aquino?

Nora Aunor: Sana’y magkaroon na talaga po ng tunay na pagbabago sa bayan natin.

]]>
http://pinoyweekly.org/new/2015/03/panayam-kay-nora-aunor-ako-na-ang-magkukusa/feed/ 4
Trahedya ni Flor Contemplacion, 20 taon makalipas http://pinoyweekly.org/new/2015/03/trahedya-ni-flor-contemplacion-20-taon-makalipas/ http://pinoyweekly.org/new/2015/03/trahedya-ni-flor-contemplacion-20-taon-makalipas/#comments Mon, 16 Mar 2015 06:10:43 +0000 http://pinoyweekly.org/new/?p=34248 Funeral march para kay Flor Contemplacion, 20 na ang nakararaan. Inihalintulad ito ng ilang tagasubaybay sa funeral march para kay Benigno Aquino Jr. Photo courtesy of <b>Boy Bagwis</b>

Funeral march para kay Flor Contemplacion, 20 na ang nakararaan. Inihalintulad ito ng ilang tagasubaybay sa funeral march para kay Benigno Aquino Jr. Photo courtesy of Boy Bagwis

Naalala ni Leandro “Doods” Gerodias ang mga pangyayari sa burol ni Flor Contemplacion 20 taon na ang nakalilipas.

Kasama siya sa motorcade papuntang San Pablo, Laguna kung saan nakatira ang kaanak ni Flor. Mahigit 40 dyip ang sumama. May ilan pang pribadong sasakyan at bus ang sumunod mula Maynila para makita ang huling lamay para sa nasawing overseas Filipino worker (OFW).

“Pagdating namin doon, punung-puno na ‘yung kalsada, mula sa bayan ng San Pablo papasok sa bayan ni Flor. Malayo pa, mga pitong kilometro pa yata iyon (pila ng mga sasakyan),” ani Doods.

Limang buwan nang buntis ang misis ni Doods noon, na kasama niya sa motorcade. Naghanap siya ng paborableng matutulugan sa lugar na nag-uumapaw ang tao. May kapilya na nagbukas ng pinto. Nakita kasi ng tagapangalaga nito na may natutulog na sa labas. Nakita niya ang kalagayan ng asawa ni Doods. Doon na natulog ang iba pa nilang kasamahan.

Overwhelmed ‘yung community doon,” alala ni Doods, na ngayo’y pangalawang pangkalahatang kalihim ng Kilusang Mayo Uno. “Naglalabas sila ng tubig, nag-invite na magkape. May niluluto silang kape sa bahay, para sa ganoong paraan naka-katulong sila kay Flor.”

Maliit na bagay, pero malaking tulong na rin ito sa lahat ng mga nakidalamhati sa isang namatay sa labas ng bansa upang kumita.

Kuwentong malungkot, nakakagalit

Masalimuot ang naging buhay ni Flor.

Noong May 4, 1991, natagpuang patay sa sakal si Delia Maga, isa pang OFW, kasama si Nicholas Huang, ang apat na taong gulang na bata na inaalagaan nito. Walang suspek ang pulisya ng Singapore, pero nakita nila ang pangalan ni Flor sa talaarawan ni Maga. Umamin (o napuwersang umamin) sa pagpatay si Flor sa interogasyon, at tinanggap ng Philippine Embassy na kapani-paniwala ang salaysay niya.

Pero walang siyentipikong ebidensiya na inihapag ang prosekusyon o depensa sa trial. Bago pa man ang hatol, personal nang umapela ang noo’y Pang. Fidel Ramos sa gobyerno ng Singapore na itigil ang pagbitay. Natuloy ang bitay kay Flor noong Marso 17, 1995. Bumulwak ang mga Pilipino sa kalsada para magprotesta.

Gaano nga ba kahalaga ngayon ang kuwento ni Flor Contemplacion para sa mga Pilipino?

Para sa Migrante International, marami pang trahedyang naganap matapos ang malungkot at nakakagalit na kahinatnan ng kaso ni Flor. Ito’y dahil nagpapatuloy pa rin ang mga polisiya ng gobyerno na nagtutulak sa mga Pilipino na mangibang-bayan.

Pareho pa rin ang kalagayan ng ekonomiya sa bansa—ang kawalan ng trabaho at kakulangan ng nakabubuhay na sahod.

Flor Contemplacion

Flor Contemplacion

Kuwento ni Flor ngayon

Nagaganap pa rin ngayon ang kuwento ni Flor Contemplacion–ang kuwento ng Pilipina na natulak na mangibang-bayan dahil sa kahirapan.

Ganito ang kuwento ni Tarhata Lumpingan. Taga-Cotabato. Naipit siya sa giyera sa Kuwait noong dekada ’90. Pero wala siyang masyadong mapagpilian kundi umalis ng Pilipinas. “Labing-apat na Pilipina kaming iniwan ng mga amo namin. Sa Kuwait kasi, may pinagtaguan ng kababaihang OFW. Doon lang kami,” ani Tarhata.

May ibang Pilipino raw na pinagsamantalahan sa mgaa pinagtaguan nila. “Apat na buwan pa lang ako noon. Hindi pa sapat iyung kinuha ng ahensiya sa akin. Wala pa ako ganong sahod doon,” sabi pa ni Tarhata.

Samantala, halos apat na taong OFW si Purita Manlangit sa Saudi Arabia. “Nakarating ako ng Saudi noong 2009. Naging undocumented worker ako. Nakauwi ako noong 2012 sa tulong ng Migrante. Naging trabaho ko doon ay household worker o domestic helper,” aniya.

Inakala umano ni Tarhata na sagot sa kahirapan ang paglabas ng bansa, dahil kulang ang kinikita ng kanyang asawa. Umaasa sa minimum na sahod sa isang pabrika ang asawa niya.

“Bago pa lang ako lumabas ng NAIA (Ninoy Aquino International Airport), sa mismong araw ng pag-alis ko, saka lang ibinigay sa akin ang kontrata. Nagtaka ngayon ako bakit iba na ‘yung nakalagay sa kontrata ko. Bakit ang inaplayan kong trabaho ay babysitter, ang nakalagay sa position ko ay food keeper?” kuwento pa ni Purita. Magkaiba ang aktuwal na sahod niya sa unang sinabi sa kanya.

Ilan lamang sila sa napakaraming naghihirap na mga Pilipino sa ibang bansa. Pero iisa ang kanilang nakita: kapabayaan, kundi man kawalan ng pagkalinga, ng sariling gobyerno.

Parehong sitwasyon

Wala pa ring pagbabago, sabi ni Doods, mula noon hanggang ngayon. Pinatotohanan ito ng iba pang OFW na nagkukuwento ng kanilang karanasan.

“Bago pa lang umalis, di pa tiyak kung makakalis sila o hindi, hinoholdap na sila ng gobyerno sa mga singilin: sa PhilHealth, pasaporte, NBI Clearance, Police Clearance, at iba pang bayarin. Lugmok na kaagad ang mga OFW,” aniya.

Sinabi pa ni Doods na tila mabibilang lang sa daliri ang nagtatagumpay na mga OFW sa ibayong dagat. Aniya, malaking porsiyento na umaalis ay talagang bigo. “Pagbalik dito, naubos iyong konting naipon dahil wala na rin makitang hanapbuhay, wala na, gutom na naman sila.”

Kaisa siya sa mga grupong nagmamasid sa kalagayan ng mga Pilipinong migrante tulad ng Migrante International, isinaad ni Doods ang kanilang mga panawagan at pamamaraan para matigil, mabawasan o tuluyang matigil iyong paglabas ng mga manggagawang Pilipino sa ibayong dagat para maghanap ng kabuhayan.

Mangyayari lang ito, aniya, kung mapapatupad nga ang pambansang industriyalisasyon at tunay na repormang agraryo sa bansa.

]]>
http://pinoyweekly.org/new/2015/03/trahedya-ni-flor-contemplacion-20-taon-makalipas/feed/ 0
‘Pagpapabaya’ ni Aquino sa edukasyon, binatikos sa ‘blackout protest’ ng kabataan http://pinoyweekly.org/new/2015/03/pagpapabaya-ni-aquino-sa-edukasyon-binatikos-sa-blackout-protest-ng-kabataan/ http://pinoyweekly.org/new/2015/03/pagpapabaya-ni-aquino-sa-edukasyon-binatikos-sa-blackout-protest-ng-kabataan/#comments Mon, 16 Mar 2015 03:01:13 +0000 http://pinoyweekly.org/new/?p=34242 Protesta sa UP Diliman. <b>Darius Galang</b>

Protesta sa UP Diliman. Darius Galang

Nagprotesta ang mga estudyante sa iba’t ibang paaralan sa buong bansa kontra sa lumalaking singilin sa mga eskuwelahan nitong Marso 13. Ginanap ito sa ikalawang taong anibersaryo ng pagkamatay ni Kristel Tejada, mag-aaral ng Unibersidad ng Pilipinas (UP) sa Maynila na nagpakamatay noong 2013 matapos hindi mabayaran ang matrikula sa pamantasan.

Nilayon ng “Blackout Protest for Justice” ang paglaban sa pagtaas ng singil sa matrikula kasama ang other school fees. Karugtong ito ng paghingi ng katarungan sa pagkamatay ni Tejada, maging ni Rosanna Sanfuego, mag-aaral ng Cagayan State University na nabalitang nagpakamatay rin dahil hindi nabayaran ang bayarin sa paaralan mahigit isang linggo ang nakalilipas.

Sinabi ni Neill John Macuha, student regent ng UP, na ang pagkamatay nina Tejada at Sanfuego ay dulot ng komersiyalisadong oryentasyon ng edukasyon sa bansa. “Nakakalungkot na mayroong presyo at naging commodity ang edukasyon dito sa ating bansa, kaya hindi na ito abot-kaya ng mga estudyante,” aniya.

Ulat pa ni Macuha na nagsagawa ng kani-kanilang programa ang mga yunit mula sa Diliman, Maynila, Los Baños, Baguio, Pampanga, Cebu, Ilo-ilo, Miag-ao at Mindanao.

Sa Diliman, pitong kolehiyo ang nag-endorso sa pagliban ng mga estudyante sa kanilang mga klase upang hikayatin ang mga estudyante na makiisa sa pagkilos.

Bukod sa UP, nagsagawa rin ng kanilang “blackout protest” ang mga estudyante mula sa University of the East, Ateneo de Manila University, Miriam College, National Teachers College at iba pa. May naganap ding protesta ng mga estudyante sa Baguio, Pampanga, Laguna, Legazpi, Iloilo, Cebu, Cagayan de Oro, at Davao.

Nakilahok rin ang mga mag-aaral ng Polytechnic University of the Philippines. Pinrotesta nila ang P16,000 singil sa mga papasok na junior at senior high school sa itatatag na laboratory school sa pamantasan dahil sa implementasyon ng programang Kindergarten to 12 Years (K-to-12) ng gobyerno.

Tinagurian namang “Roar Against School Fee Hikes” ang Unity Walk na ginawa ng Unibersidad ng Santo Tomas. Ayon kay UST Civil Law Student Council President Victor Villanueva, hindi sila tutol sa pag-aayos ng kanilang unibersidad, pero batid nila na ang taunang kita ng pamantasan ay higit pa sa sapat upang tustusan ito.

Sa tala ng mga grupo ng estudyante sa UST, nakakakolekta ang kanilang pamantasan ng P800-900 Milyon kada taon, kapag ibinawas na mula sa nalikom na matrikula at other school fees ang gastusin ng pamantasan.

“Kahit anong taas ng singil ay exorbitant, kaya panawagan namin na unang bigyan ng konsiderasyon ang mga estudyante na pinaka-importanteng sektor sa kahit saang institusyon ng edukasyon,” pahayag ni Villanueva.

Kaugnay ng pagkilos ang panawagang magbitiw na sa puwesto si Pangulong Aquino.

Sa mga pahayag ng mga nagsagawang kilos protesta, sinabi nilang naging “pabaya” ang pangulo sa pangkalahatang kalagayan ng edukasyon sa bansa dahil sa pagtaas ng singil ng matrikula bunsod ng deregulasyon nito, bunsod ng neo-liberal na mga patakarang ipinatutupad ng administrasyon.

Idinugtong din nila ang kanilang boses sa mga panawang bumaba sa puwesto si Aquino. Bukod sa pagpapabaya umano sa edukasyon, batid umano ng publiko ang “kapalpakan” ni Aquino sa bigong operasyon sa Mamasapano.

Ang mga paaralan sa Katipunan Avenue tulad ng UP, Ateneo de Manila at Miriam College naman ay nagkaisa upang buuin ang Katipunan para sa Katotohanan, Katarungan at Kapayapaan.” Naglunsad ng candle lighting ang mga sumali sa mga pagkilos dito.

Kalahok din ang iba pang grupo ng kabataan tulad ng League of Filipino Students, Anakbayan, Student Christian Movement, National Union of Students of the Philippines, College Editors Guild of the Philippines, at iba pang lokal na grupo ng kabataan at konseho sa mga eskuwelahan.

Tumayong pangkalahatang alyansa ang Rise For Education.

]]>
http://pinoyweekly.org/new/2015/03/pagpapabaya-ni-aquino-sa-edukasyon-binatikos-sa-blackout-protest-ng-kabataan/feed/ 0
Paglaban ng estudyante sa taas-bayarin sa PUP http://pinoyweekly.org/new/2015/03/paglaban-ng-estudyante-sa-taas-bayarin-sa-pup/ http://pinoyweekly.org/new/2015/03/paglaban-ng-estudyante-sa-taas-bayarin-sa-pup/#comments Sun, 15 Mar 2015 18:59:04 +0000 http://pinoyweekly.org/new/?p=34231 Protesta ng mga estudyante sa PUP Sta. Mesa para igiit ang pagtigil sa taas-singil sa bayarin sa naturang eskuwela. <b>Darius Galang</b>

Protesta ng mga estudyante sa PUP Sta. Mesa para igiit ang pagtigil sa taas-singil sa bayarin sa naturang eskuwela. Darius Galang

Magkasabay na nagrali ang mga estudyante ng Polytechnic University of the Philippines (PUP) umaga ng Marso 10 sa mga kampus nito sa Taguig at main campus. Ang layunin nila: pigilan ang taas-bayarin na pinipilit umanong ipatupad ng administrasyon ng pamantasan.

Pinanghahawakan nila ang isang-pahinang dokumento na mula umano sa administrasyon ng PUP na nagpapanukalang maningil ng P16,000 sa mga estudyante sa susunod na taon.

Pero itinanggi ni PUP Pres. Emmanuel De Guzman na aprubado na ang naturang panukala. Ang sabi pa niya, tatamaan lang umano ng paniningil na ito ang mga estudyanteng papasok sa pamantasan bilang junior at senior high school—sa mismong taon na mawawalan ng enrollees na first year college ang pamantasan dahil sa programang Kindergarten to 12 Years (K-to-12) ng administrasyong Aquino.

Pero di kumbinsido ang mga estudyante. Anila, anumang pagtaas ng singil sa eskuwela—kahit pa sa mga estudyanteng inabutan ng K-to-12, ay posibleng magbigay-daan sa pagtaas ng kabuuang singil sa mga estudyante. Magbibigay-daan ito sa pagtuluy-tuloy ng komersiyalisasyon ng edukasyon.

Protesta sa PUP Taguig. <b>Darius Galang</b>

Protesta sa PUP Taguig. Darius Galang

Kaguluhan ng taas-singil

Maraming estudyante ng PUP ang nagulat sa P16,000 na panukalang bayarin, kahit pa karamihan sa kanila’y di pa naman tuwirang apektado nito. Ang pamantasang ito kasi ang masasabing isa sa may pinakamababang matrikula sa State Universities and Colleges (SUCs) sa bansa—kahit na namamantine nito ang relatibong mataas na kalidad ng edukasyon.

Sa pahayag ng administrasyon ng PUP, sinabi nitong P12 pa rin ang singil kada yunit sa mga mag-aaral. “Walang pagtaas ng matrikula sa ngayon at sa hinaharap,” mariin nitong diin, sa isang pahayag na ipinaskil ng administrasyon sa Facebook account nito.

Pero inamin din nitong maniningil ito ng P16,000 sa papasok na mga estudyante ng junior at senior high school. Mawawalan daw kasi ng trabaho ang mga guro at kawani ng paaralan sa pagpapatupad ng K-12 sa taong 2016-2017. Walang papasok na freshmen sa pamantasan at dadaan pa sila sa junior, at kalauna’y senior, high school. Ayon sa administrasyon, makapagpapasok ng dagdag na 10,000 mag-aaral para rito.

Pero sabi ng administrasyong De Guzman, walang aalalahanin ang papasok na mga estudyante, dahil popondohan naman daw ng Department of Education ang singil. Itinuro nila ang P22,000 na nakalaan kada estudyante, lagpas pa sa kasapatan ng panukalang P16,000.

Pero ipinakita ng mga grupo ng kabataan, kabilang ang PUP Central Student Council, ang dokumentong nagsasabi na gustong ipapasa ni De Guzman ang P16,000 bilang dagdag-bayarin. Pirmado umano ito ng Finance Committee at para sa approval ng Board of Regents (BOR) ng naturang pamantasan. Sa naturang listahan ng bayarin, may P5,000 tuition dito. Pero nandoon din ang iba pang bayarin tulad ng Cultural Fee, Sports Development Fee, at Student Information System (SIS) na pawang nagsitaasan ang halaga, kaya umabot sa P16,000 ang kabuuang halaga ng singil.

Tinanong ng grupong pangkabataan na Anakbayan kung saan napunta ang P410 Milyong badyet na nakalap mula sa iba pang bayarin na ito. “Bakit naniningil pa (ang administrasyon) ng mga bayarin kung may sobra naman pala? Dapat tigilan na ‘yung SIS Fee, Sports Development Fee na di napupunta sa atleta, Medical Fee, Insurance Fee (na wala namang insurance), ‘yung PE Uniform Fee (na wala namang uniform),” pahayag ng grupo.

Sinabi naman ng Kabataan Party-list, na kinakatawan ni Rep. Terry Ridon sa Kamara, na hindi pa aprubado ang sinasabing P22,000 na babalikatin ng DepEd. Hihilingin pa lang umano ang badyet para rito sa Department of Budget and Management.

Hanggang 50 porsiyento lang ang kayang ibigay ng departamento para sa papasok sa SUCs tulad ng PUP, ayon sa voucher system nito sa ilalim ng Government Assistance for Students and Teachers in Private Education o Gastpe. Kaya lalabas na hanggang P11,250 lamang ang babalikatin ng DepEd, taliwas sa iniulat ng administrasyon ng PUP, at kulang pa sa sinasabing panukala na P16,000.

Sinunog ng mga estudyante ang kopya ng tala ng mga bayaring pinaaapruba ng administrasyon sa Board of Regents. <b>Darius Galang</b>

Sinunog ng mga estudyante ang kopya ng tala ng mga bayaring pinaaapruba ng administrasyon sa Board of Regents. Darius Galang

Other School Fees

Matapos ang pulong ng BOR noong Marso 10, antimanong lumabas si De Guzman at humarap sa mga estudyante. Muli niyang iginiit na di magkakaroon ng dagdag-singil sa matrikula. Pero sabi pa ni De Guzman, hindi daw dapat nakikialam ang mga mag-aaral mula sa ibang paaralan sa isyung ito.

Pero kinuwestiyon ni Charina Claustro, opisyal ng College Editors Guild of the Philippines (CEGP) na nagtapos sa PUP noong nakaraang taon at ngayo’y convenor ng alyansang Rise 4 Education, ang kuwestiyunableng paniningil ng iba-ibang bayarin.

Last enrollment, naningil kayo ng PE Fee na P305. Tapos malalaman ko, hindi n’yo ibinigay ‘yung PE uniform. Naningil uli kayo ng panibagong P305 para makuha nila ‘yung uniform nila. Sige nga, sagutin ninyo, saan napunta ‘yung perang kinolekta n’yo sa kanila? Siningil n’yo iyon sa libu-libong estudyante,” tanong ni Claustro, na di naman umano sinagot ng presidente ng pamantasan.

Sinabi sa Pinoy Weekly ni Jules Asedillo, na mula sa Sports Development Office ng PUP, na marami ngang katanungan sa administrasyon tungkol sa Sports Development Fee. Sabi niya, mabigat sa kanya ang sitwasyon dahil isa siya sa mga nakipag-usap at nagkumbinsi sa mga estudyante na pumayag sa dagdag-singil. Tumaas ang singil na ito mula P92 noong 2012 tungong P150 sa kasalukuyan.

“Pinagsanib na ang lahat ng fees tulad ng State Colleges and University Athletics Association fee at athletic fee at iba pa rito,” paliwanag ni Asedillo.

Dito dapat umano kunin ang panggastos para sa 400 atleta at trainees, partikular para sa kanilang kagamitan, tirahan at pagkain, at maging ang allowance ng atleta. Pero nakakapagtaka umano kung bakit sa iba ang pinaggamitan ng halagang nalikom.

Itinuro niya ang pagpapagawa ng gym bilang halimbawa.

“Masakit dito, ‘yung kunin ang pondo para ipagawa ng mga sirang kagamitan sa gym. Hiningi mo sa mga estudyante ang para sa mga atleta, pero inililibre mo ‘yung gobyerno sa pagpapagawa nito when in fact may capital outlay na, dapat sa General Appropriations Act (GAA, o ang pambansang badyet para sa taon) ipinapasok (ng administrasyon) iyong mga proyektong gagawin sa basketball court, swimming pool o ano pa. Pero kinuha nila iyon sa pera na para sa mga atleta,” sabi pa ni Asedillo.

Aniya pa, ang pondong nalilikom sa Sports Development Fee — nagkakahalagang P20-M — ay nailalagay sa Special Trust Fund. “Isang malaking banga ito na puwedeng kumuha anytime, anywhere, anyhow. May discretion ang presidente kung saan ito gagastusin. Noong nakaraang taon, ang discretion o pasya nila kung saan gagastusin ay hindi sa pagkain ng atleta. Inilagay nila ito sa pagpapagawa ng swimming pool, oval, tennis court. Magandang gawin, pero bakit mo kukunin (ito) sa bulsa ng mga estudyante when in fact nasa GAA iyan,” paliwanag pa niya.

Mula sa P150 singil na para sa Sports Development Fee, magiging P2, 500 na ito. Ang SIS naman, na kasalukuyang sinisingil nang P225, ay nakalistang sisingilin ng P2,500.

“Sinisingil naman na iyong ibang bayarin na iyan ngayon,” ani Jess Ferrera, tagapangulo ng Central Student Council ng PUP, “Pero (sinisingil ito) sa napakataas na rate. Walang paliwanag doon sa papel na ibinigay, basta nakalagay doon ay P16,000.”

Sa tarangkahan ng PUP Sta. Mesa. <b>Darius Galang</b>

Sa tarangkahan ng PUP Sta. Mesa. Darius Galang

Karapatan sa pag-aaral

Inirereklamo rin ni Ferrera na walang konsultasyong ginawa ang administrasyon sa mga estudyante tungkol sa panukala.

“Iyong Board of Regents meeting, malinaw na gagawin lang siya para i-approve lang ang P16,000. Kaya ang hakbang ng mga estudyante ay huwag na talaga siya ituloy,” sabi ni Ferrera, hinggil sa protesta nila. Nagpunta silang mga estudyante, maging ang ilang atleta ng paaralan, sa PUP Taguig — para pigilin ang pag-usad at pag-aapruba ng panukala.

Samantala, sinabi pa ni Ferrera na pinangangambahan din nila ang epekto ng taas-singil na ito sa iba pang SUCs at pribadong mga eskuwela. “Kapag naaprubahan at napatupad ito sa PUP, lalong magkakaroon ng lakas-loob ‘yung ibang pamantasan, SUCs man o pribado, na magtaas din nang sobra-sobra. Kasi kung PUP nga na P12 lang (kada yunit) ay aangat tungo sa P16,000, sila pa kaya,” sabi pa niya.

Sinabi naman ng grupong pangkabataan na Anakbayan na dapat ding isisi ang deregulasyon ng gobyerno sa matrikula at mga bayarin. Siyempre, si Pangulong Aquino din ang pangunahing may responsabilidad sa polisiyang ito. “Ang patuloy na implementasyon ng Education Act of 1982, ang Commission on Higher Education Memo No.20 at programang K-12 ay palagiang dumudulo sa patuloy na pagtaas ng singil sa matrikula,” paliwanag ni Vencer Crisostomo, tagapangulo ng Anakbayan.

Sinabi pa ni Crisosomo na ipinapakita ng paglaban ng mga estudyante sa PUP na sa sama-samang pagkilos lang naigigiit ng mga estudyante ang kanilang karapatan sa edukasyon at paglaban sa mga taas-singil. “Nananatiling abot-kaya ang (bayarin sa) PUP dahil sa sama-samang pagpupunyagi ng mga estudyante at ng buong komunidad nito. Pagpapakita lamang (ito) kung paano ang militanteng pakikibaka ay nakakaambag sa pagbabago sa lipunan,” aniya.

]]>
http://pinoyweekly.org/new/2015/03/paglaban-ng-estudyante-sa-taas-bayarin-sa-pup/feed/ 0
Int’l People’s Tribunal to try Aquino, Obama for crimes vs Filipino people http://pinoyweekly.org/new/2015/03/intl-peoples-tribunal-to-try-aquino-obama-for-crimes-vs-filipino-people/ http://pinoyweekly.org/new/2015/03/intl-peoples-tribunal-to-try-aquino-obama-for-crimes-vs-filipino-people/#comments Thu, 12 Mar 2015 11:10:35 +0000 http://pinoyweekly.org/new/?p=34198 Complainants present the various human rights cases to be filed before the tribunal on July in Washington DC. <b>KR Guda</b>

Complainants present the various human rights cases to be filed before the tribunal on July in Washington DC. KR Guda

An international tribunal will try cases of human rights violations perpetrated by Philippine President Aquino, as well as United States (US) Pres. Barack Obama, in Washington D.C. on July this year.

The International People’s Tribunal, initiated by non-government organizations, human rights groups and solidarity groups in the Philippines and the United States, was launched today in Quezon City, Philippines. It is being seen as part of efforts by the international community to make the Philippine and US governments accountable for the various abuses and “anti-people” policies inflicted on the Filipino people.

“Beneath the liberal-democratic facade of the Aquino regime, brutal repression of people’s civil and political rights abound, with hundreds of cases of extra-judicial killings and forced disappearances and massive displacement of families (happening today),” said Cristina Palabay, secretary-general of Karapatan which is among the complainants in the IPT.

IPT will also try the many violations of economic, political and cultural rights of the Filipino people, including the congressional and presidential pork barrel scandals, the many onerous deals entered into by the Philippine government, including Public-Private Partnerships, the massive demolition and displacement of urban poor settlers, among others.

The tribunal will also probe into the role of the increasing US political, economic and military intervention in the Philippines that is at the root of the intensifying poverty and repression in the country.

IADL's Jeannie Mirer (on screen) speaks during the public launch of IPT. <b>KR Guda</b>

IADL’s Jeannie Mirer (on screen) speaks during the public launch of IPT. KR Guda

Moral suasion

During the public launch at the University of the Philippines in Quezon City, Reverend Canon Barry Naylor, who is chairperson of the International Coalition for Human Rights in the Philippines and one of the IPT’s convenors, spoke via Skype.

Naylor said that although the IPT is judicially non-binding, it is nevertheless significant and symbolic, and aims at helping shape global public opinion regarding the systematic abuses committed on Filipinos by the US and Philippine governments.

“People’s tribunals have had success in directing international attention to grave abuses of human rights in various countries including the Philippines during the Marcos and Arroyo regimes. The IPT draws inspiration and builds on the momentum of previous peoples’ tribunals to advance human rights and hold governments to account,” said Naylor.

Its initiators said IPT draws inspiration and builds on the gains of previous people’s tribunals, including the 1980 first session of the Permanent People’s Tribunal on the Philippines in Antwerp, Belgium, which tried the Marcos dictatorship; and the 2007 second session of the PPT on the Philippines in The Hague, The Netherlands, which tried President Gloria Macapagal-Arroyo and US Pres. George W. Bush.

Aside from Naylor, co-convenor Jeannie Mirer (US), president of the International Association of Democratic Lawyers (IADL), also joined the public launch via Skype.

Mirer also said that although an IPT verdict is not legally binding, similar people’s tribunals had tremendous impact in shedding light to state abuses and other atrocities in specific contexts. She cited the Russell Tribunal, initiated by Nobel Prize-winner Bertrand Russell as well as French philosopher Jean-Paul Sartre, investigated the US atrocities during the Vietnam War in 1966 and 1967.

“Its findings and reasoning were accepted in the court of public opinion,” she said, adding that the tribunal had a tremendous effect on the consciousness of the people regarding the Vietnam War.

Human rights lawyer Edre Olalia: Credibility will be ensured. <b>KR Guda</b>

Human rights lawyer Edre Olalia: Credibility will be ensured. KR Guda

Credible process

Azadeh Shahshahani (US), president of the National Lawyers’ Guild (NLG) and a juror in the IPT, said that the judges and jurors, as well as the prosecutors, are distinguished lawyers and experts in their the field of human rights coming from different countries.

“We are obviously coming to this situation with an impartial standpoint. We are looking forward to hearing what the evidence is as presented to us by the victims and the experts. Based on that, and based on our own experience in dealing with international human rights law, we can consult with our colleagues and reach a verdict,” Shahshahani said.

American lawyer Vanessa Lucas, also from NLG, said that the verdict and the evidences presented in the tribunal will be presented to international bodies such as the United Nations as well as the concerned US government agencies.

Filipino human rights lawyer Edre Olalia of the National Union of People’s Lawyers, who will serve as one of IPT’s clerks of court, said that although the verdict to be reached during the tribunal in Washington DC on July will be non-binding, legal procedures to ensure impartiality shall be followed.

For instance, Olalia said the Philippine and US governments shall be given summons for both to be given opportunity to defend their case before the tribunal.

“As clerks of court, we will enjoin the jurors and prosecutors to follow the judicious, impartial, fair and credible legal processes,” Olalia said, adding that every party involved in the tribunal will have their own roles and no one person will perform more than one role.

Prosecutors, which, according to the initiators will possibly be led by former US Attorney General Ramsey Clark, will have to present credible evidence and testimonies that will convincingly prove the allegations.

“If these standards are achieved, the tribunal will definitely be credible whatever the verdict may be,” Olalia added.

]]>
http://pinoyweekly.org/new/2015/03/intl-peoples-tribunal-to-try-aquino-obama-for-crimes-vs-filipino-people/feed/ 1