Pinoy Weekly » Isyu http://pinoyweekly.org/new Philippine news, analysis, and investigative stories Sun, 20 Jul 2014 09:27:46 +0000 en-US hourly 1 http://wordpress.org/?v=3.9.1 VIDEO | Payatas: Patuloy na Trahedya ng Maralita http://pinoyweekly.org/new/2014/07/video-payatas-patuloy-na-trahedya-ng-maralita/ http://pinoyweekly.org/new/2014/07/video-payatas-patuloy-na-trahedya-ng-maralita/#comments Sun, 20 Jul 2014 09:17:07 +0000 http://pinoyweekly.org/new/?p=30447

payatas guardsLabing-apat na taon makaraan ang Payatas Tragedy na kumitil sa buhay ng 300 katao, patuloy na nananawagan ang mga pamilya at maralitang residente ng Payatas ng hustisya, trabaho, at pagtigil sa demolisyon. Iginigiit nilang dapat ipasara na ang tambakan, sa halip na palayasin sila, mga residenteng binigyan ng lote doon noong dekada ’80. Sa ilalim ng gobyernong BS Aquino, napapako pa rin umano ang mga pangako ng gobyerno sa tinaguriang “Lupang Pangako.”

]]>
http://pinoyweekly.org/new/2014/07/video-payatas-patuloy-na-trahedya-ng-maralita/feed/ 0
Southern Tagalog farmers appeal for help in wake of Typhoon Glenda http://pinoyweekly.org/new/2014/07/southern-tagalog-farmers-appeal-for-help-in-the-wake-of-typhoon-glenda/ http://pinoyweekly.org/new/2014/07/southern-tagalog-farmers-appeal-for-help-in-the-wake-of-typhoon-glenda/#comments Fri, 18 Jul 2014 08:44:43 +0000 http://pinoyweekly.org/new/?p=30439 A damaged bridge in Tiaong, Quezon. Twitter user Ronna Ella Brual

A damaged bridge in Tiaong, Quezon. Twitter user Ronna Ella Brual

Katipunan ng mga Samahang Magbubukid sa Timog Katagalugan (Kasama-TK), an organization of farmers in the Southern Tagalog Region, today appealed for help in the wake of Typhoon Glenda (international name: Rammasun), which has left thousands of farmers homeless and hungry.

In a solicitation letter, Orly Marcellana, spokesperson of Kasama-TK, said that vast hectares of crops were destroyed in the region, leaving farmers’ livelihoods in peril.

“We are calling for help for our countrymen in the region, especially farmers. They immediately need food, clothing, and medicines. In the following days they will also need materials to rebuild their homes, also seeds and farm tools to enable them to resume farming,” Marcellana said in Filipino.

“Whatever help will come a long way to ease the suffering of our farmers, and help them rise from this calamity,” he added.

The group also released initial data on the damages brought by Typhoon Glenda. (See infographic below)

Southern Tagalog and Bicol are the worst-hit regions by the typhoon, the strongest to hit the country since last year’s Typhoon Yolanda or Haiyan.

For donations and assistance, Kasama-TK can be contacted through +639166584102 and kasamatk@gmail.com.

]]>
http://pinoyweekly.org/new/2014/07/southern-tagalog-farmers-appeal-for-help-in-the-wake-of-typhoon-glenda/feed/ 0
Advocates renew call for resumption of peace talks http://pinoyweekly.org/new/2014/07/groups-renew-call-for-resumption-of-peace-talks/ http://pinoyweekly.org/new/2014/07/groups-renew-call-for-resumption-of-peace-talks/#comments Wed, 16 Jul 2014 10:00:57 +0000 http://pinoyweekly.org/new/?p=30423 Peace advocates from the church, academe,movie industry and people's organisations renewed their calls for the resumption> Macky Macaspac

Peace advocates from the church, academe, movie industry and people’s organizations renew their call for the resumption of peace talks between the National Democratic Front (NDFP) and Government of the Philippines (GPH) by launching a campaign called “Kapayapaan”.  Macky Macaspac

“The National Democratic Front (NDFP) is willing to hold informal talks or consultations without precondition.”

This was the message of Luis Jalandoni, chairperson of the negotiating panel of the NDFP, in a gathering of around 500 individuals from the church, academe, students and different people’s organizations last Monday.

The gathering also launched a campaign dubbed “Kapayapaan”, participated in by more than 50 conveners, including bishops from different religious faiths.

The campaign aims to generate support for the resumption of peace talks between the NDFP and the Government of the Philippines (GPH).  Talks between the two parties have been stalled since 2011, while arrests and the continued detention of political consultants of the NDFP further impeded the peace negotiations.

“We challenge both the GPH and the NDFP panels to muster the political will to resolve the current impediments to the continuation of the talks.” said Bishop Deogracias Iñiguez, one of the conveners of Kapayapaan campaign.

Children also calls for peace in the country. Macky Macaspac

Children also calls for peace in the country. Macky Macaspac

The particiants stressed that civil war in the country has been going on for decades, and that armed revolution waged by NDFP is rooted in poverty, landlessness, joblessness and lack of social justice.

“So if we want just peace, these problems must be addressed by the peace talks between the GPH and the NDFP,” the group said.

In response, Jalandoni said that the NDFP’s willingness to sit down with the GPH’s peace panel should be on the basis of all bilateral peace agreements.  “Such informal talks or consultations should aim for the resumption of formal talks in the succeeding month or months,” Jalandoni said.

Jalandoni added that as soon as the negotiation resumes, the second substantive agenda should be tackled which are the social and economic reforms as stipulated in The Hague Joint Declaration.

“These indeed constitute the meat of the roots of the armed conflict,” Jalandoni said.

Some photos of the event:

Artist Maria Isabel Lopez shares a moment with Linda Cadapan, mother of  missing UP student Sherlyn Cadapan. Macky Macaspac,

Film actress Ma. Isabel Lopez shares a moment with Linda Cadapan, mother of missing UP student Sherlyn Cadapan. Macky Macaspac,

Rep.and former GPH negotiating panel Sylvestre Bello with Rey Casambre of Philippine Peace Center. Macky Macaspac

Representative and former GPH negotiating panel chair Sylvestre Bello shakes hands with Rey Casambre of the Philippine Peace Center. Macky Macaspac

A light moment of Mrs. Edith Burgos with Director Joel Lamangan and artist Maria Isabel Lopez. Macky Macaspac

A light moment of Edith Burgos of Desaparecidos, with film director Joel Lamangan (right) and Ma. Isabel Lopez. Macky Macaspac

]]>
http://pinoyweekly.org/new/2014/07/groups-renew-call-for-resumption-of-peace-talks/feed/ 0
Laban ng Quezon City teachers para sa kanilang benepisyo http://pinoyweekly.org/new/2014/07/laban-ng-quezon-city-teachers-para-sa-kanilang-benepisyo/ http://pinoyweekly.org/new/2014/07/laban-ng-quezon-city-teachers-para-sa-kanilang-benepisyo/#comments Sat, 12 Jul 2014 11:18:21 +0000 http://pinoyweekly.org/new/?p=30372 Protesta ng mga guro sa harapan ng Quezon City Hall para ipaglaban ang kanilang lokal na alawans.<strong>Pher Pasion</strong>

Protesta ng mga guro sa harapan ng Quezon City Hall para ipaglaban ang kanilang lokal na alawans.Pher Pasion

Sa 37 taong pagtuturo ni Luzviminda De Vera, pilit pa rin niyang pinagkakasya ang sahod para sa pang-araw-araw na pangangailangan ng pamilya.

Pero sa kabila ng pagtataas ng presyo ng mga bilihin at bayarin para sa mga serbisyo, nakapako pa rin ang kanyang sahod at sinasabayan ngayon ng banta na matanggal pati ang kanyang natatanggap na alawans.

Naglabas kasi ang Commission on Audit ng Circular No. 2013-003  na nagtatanggal sa mga benepisyo ng mga kawani sa gobyerno. Hindi umano naaayon sa batas kabilang sa mga guro bilang paghihigpit sa pondo ng gobyerno.

Pagharap sa banta

Dahil sa bantang ito, nagtungo ang nasa 2,000 guro sa Quezon City na miyembro ng Quezon City Public School Teachers Association (QCPSTA) at Alliance of Concerned Teachers para tutulan ang inilabas na circular ng COA at muling ipanawagan ang dagdag-sahod at alawans ng mga guro.

Quezon City Mayor Herbert Bautista sa kanyang pagharap sa mga guro.<strong>Pher Pasion</strong>

Quezon City Mayor Herbert Bautista sa kanyang pagharap sa mga guro.Pher Pasion

Hinarap naman sila ni Quezon City Mayor Herbert Bautista at pinapasok sa Quezon City Hall matapos matagal na naghintay nang harangin ng mga pulis at guwardiya.

Ipinaliwanag ni Bautista sa mga guro ang kalagayan ng Quezon City pagdating sa pagpopondo ng mga benepisyo ng mga guro. Kasamang ipinaliwanag ni Bautista ang ginawang hakbang ng lokal na gobyerno na magpasa ng ordinansa para maituloy pa rin ang alawans ng mga guro.

“Inaprubahan na sa Committee on Laws ang ordinansa… ang P1,500 per quarter (na alawans) ituloy pa rin yun. Itutuloy pa rin ang P1,500 per quarter,” ayon kay Bautista.

Ayon pa sa alkalde, kasalukuyang pinag-aaralan ng lokal na gobyerno ang kahilingan ng mga guro, partikular ang kanilang mga sahod at kakulangan pa sa mga eskuwelahan kagaya ng mga silid-aralan.

Dahil na rin sa K to 12 program ng administrasyong Aquino, hindi lamang umano pinoproblema ng lokal na gobyerno ang pagpapatayo ng karagdagang mga silid-aralan kundi maging ang pagbili mismo sa mga lupa ng mga paaralan.

Ayon kay Priscilla Ampuan, doktor at presidente ng QCPSTA, positibo naman ang naging tugon ng meyor sa kanilang kahilingan at naiintindihan nila ang kalagayan ng siyudad. Pero kailangang maikonsindera ng meyor ang kanilang kahilingan sa dagdag-sahod at benepisyo.

“Kaya ng city government sa badyet dahil lumalaki naman ang badyet. Ina-assert naman ni meyor ‘yung taxation and hopefully mai-consider ang teachers. Hindi naman puro mga construction dahil may (national) government naman para doon,” ayon kay Ampuan, sa panayam ng Pinoy Weekly.

Tinitipid ng gobyerno

Para sa mga guro, di-dapat sila ang paghigpitan at pagtipiran ng gobyerno. Dapat pa nga umanong taasan ang kanilang mga sahod at mga benepisyo lalo na sa kasukuyang walang-tigil ang pagtaas ng mga bilihin at bayarin.

Pagtutol ng mga guro na tanggalin ang kanilang mga alawans.<strong>Pher Pasion</strong>

Pagtutol ng mga guro na tanggalin ang kanilang mga alawans.Pher Pasion

“Kaya nga may alawans, para may pandagdag sa gastos sa pang-araw-araw na bilihin. Bakit nila (ng gobyerno) tinitipid ang teachers? Sila nga dapat ang magtipid kasi sila ang nangungurakot, sila ang may unnecessary expenses. ‘Yang DAP (Disbursement Acceleration Program), saan napupunta yang perang yan?” tanong ni Mabelle Caboboy, bise-presidente ng QCPSTA.

Ayon kay De Vera, sadyang hirap na niyang mapagkasya ang kaniyang sahod sa pang-araw-araw na gastusin. Pagdating sa eskuwelahan, sila pa rin ang gumagastos sa mga kagamitang panturo para sa kanilang mga estudyante.

“Hindi puwedeng magturo ng visual aids. Imbes na gagastusin namin para sa pamilya sa klasrum pa namin ginagamit. Chalk allowance lang ang mayroon kami,” ayon kay De Vera.

Kabilang sa kanilang naging panawagan ang isabatas ang House Bill 254 na naglalayong itaas ang sahod ng mga guro at kawani sa sektor ng edukasyon.

Paghahanda sa SONA

May naani mang tagumpay ang mga guro sa kanilang pakikipagharap sa Quezon City meyor, kailangan pa ring ipaglaban nila ang matagal nang panawagan sa administrasyong Aquino na dagdag-sahod.

Mula nang maupo si Aquino bilang pangulo, walang anumang natanggap na dagdag-sahod ang mga guro. Wala ring umanong nabanggit si Aquino sa lahat ng talumpati nito sa kanyang mga  State of the Nation Address patungkol sa mga sahod ng mga guro.

“Patikim pa lamang ito. Sa SONA ni Aquino, higit na magpapakita ang mga guro ng kanilang galit sa gobyernong ito sa ginagawa (ni Aquino) sa mga guro,” pagtatapos ni Caboboy.

 

Ilang larawan ng protesta ng mga guro sa Quezon City:

Nasa 2,000 guro ang kumilos para ipaglaban ang kanilang alawans at panawagan para sa dagdag na sahod at benepisyo.<strong>Pher Pasion</strong>

Nasa 2,000 guro ang kumilos para ipaglaban ang kanilang alawans at panawagan para sa dagdag-sahod at benepisyo. Pher Pasion

HInarangan ang mga guro sa kanilang pagpasok sa Quezon City Hall.<strong>Pher Pasion</strong>

HInarangan ang mga guro sa kanilang pagpasok sa Quezon City Hall. Pher Pasion

Panawagan ng mga guro na itaas pa ang kanilang alawans dahil kulang na umano ang kanilang natatanggap sa taas ng mga bilihin at gastusin.<strong>Pher Pasion</strong>

Panawagan ng mga guro na itaas pa ang kanilang alawans dahil kulang na umano ang kanilang natatanggap sa taas ng mga bilihin at gastusin. Pher Pasion

Tinututulan ng mga guro ang pagtanggal sa kanilang mga benepisyo.<strong>Pher Pasion</strong>

Tinututulan ng mga guro ang pagtanggal sa kanilang mga benepisyo. Pher Pasion

Para umano sa kanyang anak ang kanyang paglahok sa laban nilang mga guro.<strong>Pher Pasion</strong>

Para umano sa kanyang anak ang kanyang paglahok sa laban nilang mga guro.Pher Pasion

]]>
http://pinoyweekly.org/new/2014/07/laban-ng-quezon-city-teachers-para-sa-kanilang-benepisyo/feed/ 0
Relocatees ng Northville, inambag ang boses sa pagpapabitiw kay Abad http://pinoyweekly.org/new/2014/07/relocatees-ng-northville-inambag-ang-boses-sa-pagpapabitiw-kay-abad/ http://pinoyweekly.org/new/2014/07/relocatees-ng-northville-inambag-ang-boses-sa-pagpapabitiw-kay-abad/#comments Sat, 12 Jul 2014 10:31:23 +0000 http://pinoyweekly.org/new/?p=30391 Inihain ng mga relocatees ng Northville ang isang "Notice of Eviction" para kay DBM Sec. Butch Abad at nilagyan ng malaking padlock ang gate ng DBM upang ipakita ang kanilang disgusto sa DAP lalo pa't ipinagkait sa kanila ang pondo para sa kanilang pabahay.Kontribusyon

Inihain ng relocatees ng Northville ang isang “Notice of Eviction” para kay DBM Sec. Butch Abad at nilagyan ng malaking padlock ang gate ng DBM upang ipakita ang kanilang disgusto sa DAP lalo pa’t ipinagkait sa kanila ang pondo para sa kanilang pabahay. Kontribusyon

Sinugod ng galit na mga relocatee mula sa Caloocan at Valenzuela sa Metro Manila ang tanggapan ng tanggapan ng Deparment of Budget and Management (DBM) kahapon para singilin kung saan napupunta ang pondo ng gobyerno para sa pabahay.

“Hirap kaming mapakain ang aming pamilya. Halos hindi kami makabayad sa tubig at kuryente dahil wala namang trabaho o regular na mapagkakakitaan sa lugar na pinagtapunan sa amin. Naturingan nga kaming relocatees na dapat ay may tiyak nang paninirahan pero lagi pa rin kaming may takot na mapaalis sa aming tahanan,” hinaing ni Melinda Relos, isang residente ng Northville 1A sa Valenzuela.

Isa si Melinda Relos sa mg nagrereklamong residente mula sa Northville. Kontribusyon

Isa si Melinda Relos sa mg nagrereklamong residente mula sa Northville. Kontribusyon

Kalakhan ng mga residente sa mga itinayong Northville na matatagpuan sa Caloocan, Valenzuela at Bulacan ay dating mga residente sa komunidad na dinemolis malapit sa lumang riles para bigyan-daan ang proyektong 80.2 kilometrong North Rail Project mula sa Tutuban hanggang Malolos, Bulacan.

May kahalintulad din ang proyekto sa katimugang bahagi ng Metro Manila: ang South Luzon  na hanggang sa Calamba, Laguna.

Sa halip na libreng pabahay para sa mga dinemolis na mga residente sa tabing-riles, pinagbabayad daw sila ng National Housing Authority (NHA) na tumataas nang 6 porsiyento kada taon.

Paliwanag ni Relos, nagsimula silang magbayad ng P200 kada buwan noong 2006 hanggang 2011, at simula naman noong 2012, umabot sa P350 na ang kanilang ibinabayad na tatagal hanggang sa 2017.

“Nininegosyo ng gobyerno ang pabahay para sa aming mahihirap gayong may pera naman pala ito na puwedeng ilaan sa serbisyong pabahay kung gugustuhin lang nila,”   ani Relos, patungkol sa daan-daang bilyon na pondong napunta sa Disbursement Acceleration Program o DAP ni Pangulong Aquino.

Dagdag pa niya, hindi rin naibigay sa kanila ang pangakong P25,000 na tulong pangkabuhayan na ipinangako sa kanila noong idemolis sila sa tabing riles.

Nanawagan nila na magbitiw na lamang si DBM Sec. Florencio Abad gayunndin si Pangulong Aquino dahil sa kawalang pagmamalasakit sa mga mahihirap. “Kung hindi nyo rin lang mabibigyan ng pondo ang serbisyong pabahay para sa aming mahihirap na winawalis ninyo na parang basura at itatapon sa malalayong lugar, umalis na kayo sa puwesto,” ani Relos.

 

]]>
http://pinoyweekly.org/new/2014/07/relocatees-ng-northville-inambag-ang-boses-sa-pagpapabitiw-kay-abad/feed/ 0
Biktima ng Batas Militar, pinapahirapan sa pagkuha ng danyos http://pinoyweekly.org/new/2014/07/biktima-ng-batas-militar-pinapahirapan-sa-pagkuha-ng-danyos/ http://pinoyweekly.org/new/2014/07/biktima-ng-batas-militar-pinapahirapan-sa-pagkuha-ng-danyos/#comments Sat, 12 Jul 2014 08:16:35 +0000 http://pinoyweekly.org/new/?p=30386 Si Marie Hilao Enriquez,tagapangulo ng Karapatan at biktima rin ng batas militar. Macky Macaspac

Si Marie Hilao Enriquez,tagapangulo ng Karapatan at biktima rin ng batas militar. Macky Macaspac

Inirereklamo ng grupong Karapatan ang “mabagal, magulo at pahirapang” aplikasyon para sa bayad-pinsala ng mga biktima ng batas militar.

Sa loob ng halos dalawang buwan matapos magsimula ang aplikasyon ng mga biktima sa Human Rights Victims Claims Board (HRVCB), maliit na porsiyento lamang ng mga biktima ang naproseso, anila.

Isa sa mga dahilan ang maraming rekisito na hinihingi ng claims board. “Biktima na nga, pinapahirapan pa,” sabi ni Marie Hilao-Enriquez, tagapangulo ng Karapatan at biktima rin ng Batas Militar.

Sinabi ni Enriquez na hinahanapan ng claims board ang mga biktima ng mga birth certificate, marriage contract, death certificates na awtentikado ng National Statistics Office, gayundin ng original release papers, at iba pa.

“Paano magkakaroon ang mga biktima ng mga dokumento, kung sila ay minasaker, inaresto, tinortyur. Panahon ‘yun ng batas militar,” aniya.  Tinanong din ni Enriquez kung paano raw magkakaroon ng release papers ang mga biktimang nakatakas sa mga kamay ng pulis at militar.

Iginiit ni Enriquez na hindi malinaw ang proseso ng aplikasyon at wala rin daw na information dissemination kung paano ang proseso ng aplikasyon.

Maliban pa sa requirements, iilang lugar lamang ang naikutan ng HRVCB caravan.Naglunsad ng caravan ang board sa Angeles, Lucena, Calbayog, Tarlac, Cebu, Iloilo, Bacolod at Cotabato.

Pero ayon kay Enriquez, pahirapan ang pagpunta sa mga lugar na ito at ilang araw lamang ang itinakda sa aplikasyon.

“Kailangan pa nilang gumastos ng pamasahe para makapunta sa mga processing center, tulad ng mga taga-Panay at Capiz pupunta sa Iloilo para lang maproseso. Ilan nga sa kanila ang hindi umabot,” ani Enriquez.

Sa Iloilo, mahigit 800 biktima ang dumating para sa aplikasyon. Pero 268 biktima lang ang naproseso sa loob ng dalawang araw na pananatili ng board. 

Sa Angeles City, Pampanga, 300 biktima lamang ang naproseso, samantalang mayroon pang ilang daan ang hindi nakapagsampa ng kanilang aplikasyon. Sinabihan daw ang mga aplikante na babalik ang board para maproseso ang natitira pang mga aplikante pero walang eksaktong araw kung kailan ang balik.

Sa Lucena City, 93 lamang ang naproseso sa abot 600 na dumating.

Taliwas ito sa sinasabi ng claims board na hindi sila napag-iiwanan. Sinabi ni  HRVCB Chair Lina Sarmiento na aabot sa 3,600 claimants mula sa tinataya nilang 20,000 biktima ang naproseso na ng board.

Pero ayon kay Enriquez, mas malaking bilang pa rito ang naging biktima ng batas militar. “Sa taya namin, nasa 120,000 ang mga ikinulong, wala pa dito ang mga pinatay at ‘yung mga nawawala,” aniya.

Kuwestiyonableng sekretaryo

Ang dokumentong nakuha ng Karapatan hinggil sa pagtanggi ng Bureau of Immigration sa appointment  ni tty. Lara s Claims Board. Macky Macaspac

Dokumentong nakuha ng Karapatan hinggil sa pagtanggi ng Bureau of Immigration sa appointment ni Atty. Lara sa Claims Board. Macky Macaspac

Binatikos din ng grupo ang pagtatalaga kay Grace Gandelyn Lara bilang secretary ni Sarmiento.

Sa isang dokumentong ipinakita ng Karapatan, si Lara na isang abogado  mula sa Bureau of Immigrations ay may kasong “gross neglect of duty” at hindi nirerekomenda ng ahensiya para sa HRVCB.

“Paano magiging maayos ang implementasyon ng batas, kung incompentent ang mga inilalagay sa board,” sabi ni Enriquez.

Dati nang kinukuwestiyon ng Karapatan ang pagkakatalaga ni Sarmiento bilang pinuno ng claims board dahil sa pagiging dating opisyal ng kapulisan.

Binuo ang HRVCB alinsunod sa Republic Act  10368 o Human Rights Victims Reparation and Recognition Act of 2013 para magproseso at tumanggap ng aplikasyon ng mga biktima ng batas militar.

Sampung bilyong piso mula sa  ill-gotten wealth ng pamilyang Marcos ang inilaan para sa bayad-pinsala sa mga biktima. Ayon sa batas, kinikilala nito ang 9,539 na miyembro ng class suit at ang 24 na direct action plaintiffs laban kay Marcos na isinampa sa Hawaii.

Pero walang pahayag ang claims board na kasama ang mga ito sa kasalukuyang proseso.

Anim na buwan ang inilaan ng claims board para sa aplikasyon at magtatapos sa Nobyembre 10, 2014.

]]>
http://pinoyweekly.org/new/2014/07/biktima-ng-batas-militar-pinapahirapan-sa-pagkuha-ng-danyos/feed/ 0
Lider-magsasaka sa Bikol pinaslang http://pinoyweekly.org/new/2014/07/lider-magsasaka-sa-bikol-pinaslang/ http://pinoyweekly.org/new/2014/07/lider-magsasaka-sa-bikol-pinaslang/#comments Sat, 12 Jul 2014 08:08:57 +0000 http://pinoyweekly.org/new/?p=30383 i-download“Army an nagbadil sako (Army ang bumaril sa akin).”

Ito ang huling katagang sinabi ni Edgardo Lopez bago siya tuluyang binawian ng buhay matapos barilin ng dalawang lalaki na nakasakay ng motorsiklo noong umaga ng Hulyo 11 sa tapat ng  isang tindahan sa Brgy. Mayon, Daraga, Albay.

Ayon sa Karapatan-Bicol. isang isang lider-magsasaka sa rehiyon ng Bicol si Lopez. Pangulo siya ng Bicol Coconut Planters Association Inc. (BCPAI) na kaalyadong organisasyon ng Kilusang Magbubukid ng Pilipinas sa Albay.

Isa ang BCPAI sa mga samahan ng mga magsasakang nananawagang ibalik ang nakaw na pondo na tinaguriang coco levy funds sa maliliit na magniniyog.

“Nananawagan kami na kagyat na imbestigahan ang pagpaslang kay Lopez. Naniniwala kami na mga militar lang ang may motibong pumaslang sa kanya, dahil sa kanilang paglaban na ibalik sa kanila ang pondong ninakaw sa maliliit na magniniyog. Dapat silang managot,” ani Cristina Guevarra, pangkalahatang kalihim ng Hustisya.

Sinabi naman ni Vince Casilihan, tagapagsalita ng Karapatan-Bicol, na bago maganap ang insidente, naiulat sa kanila na hinaharas ng mga militar si Lopez.

Noong April 2014, pinalibutan umano ng mga sundalo ng 901st Infantry Brigade ng Philippine Army ang bahay ni Lopez at pinaratangang nagkakanlong siya ng mga rebeldeng miyembro ng New People’s Army.

Sinabihan din umano ng mga sundalo si Lopez na tigilan na ang “pagsama sa mga rali at pagsuporta sa NPA” dahil may “masamang mangyayari” sa kanya.

“Karumal-dumal ang mga krimen ng gobyernong Aquino. Ipinagtatanggol ang mga mandarambong at magnanakaw, pagkatapos pinapatay ang mga ordinaryong mamamayan gaya ng mga magsasaka. Habang abala ito sa pagtatakip sa kanyang mga alipores sa DAP, tuloy-tuloy ang kampanyang panunupil ng gobyerno laban sa mga mamamayan,” sinabi ni Guevarra.

Sa kasalukuyan, nakapagtala ang Karapatan ng 204 biktima ng extrajudicial killings sa loob ng apat na taon ng administrsyong Aquino. Ika-50 naman si Lopez sa mga biktima ng pamamaslang sa Bicol.

“Nagpapatuloy ang pagpaslang sa loob ng apat ng taon ni Pang. Noynoy Aquino hanggang ngayon na nalalapit na ang kanyang ikalimang State of the Nation Address (SONA),” ani Guevarra.

Idinagdag ni Guevarra na kahalintulad noong 2010, na isang lider-magsasaka  ang pinaslang ilang linggo bago ang unang SONA ni Aquino.

“Pinaslang si Pascual Guevarra, isang 78-anyos na lider-magsasaka sa Laur, Nueva Ecija noong Hulyo 9. Wala kahit isa sa daan-daang biktima ng pamamaslang ang nakatikim ng hustisya,” sabi pa ni Guevarra.

]]>
http://pinoyweekly.org/new/2014/07/lider-magsasaka-sa-bikol-pinaslang/feed/ 0
Mga biktima ng Yolanda, muling sumugod sa DSWD http://pinoyweekly.org/new/2014/07/mga-biktima-ng-yolanda-muling-sumugod-sa-dswd/ http://pinoyweekly.org/new/2014/07/mga-biktima-ng-yolanda-muling-sumugod-sa-dswd/#comments Tue, 08 Jul 2014 17:33:52 +0000 http://pinoyweekly.org/new/?p=30357 Sa ikawalong buwan matapos manalasa ang bagyong Yolanda, muling sumugod sa DSWD ang mga kaanak at kababayan ng mga biktima para singilin ang gobyerno sa patuloy na kapabayaan  daw nito na mabigyan kaginhawaan ang mg biktima. Macky Macaspac

Sa ikawalong buwan matapos manalasa ang bagyong Yolanda, muling sumugod sa DSWD ang mga kaanak at kababayan ng mga biktima para singilin ang gobyerno sa patuloy na kapabayaan daw nito na mabigyan kaginhawaan ang mg biktima. Macky Macaspac

Muling sinugod ng mga kaanak at mga taga-Eastern Visayas  ang punong tanggapan ng Department of Social Welfare and Development (DSWD) para singilin sa pangako nitong tutugunan ang kanilang kahingian.

Sinabi ni Nere Guerrero, acting chairperson ng Gabriela-Quezon City at isa sa mga convenor ng Tindog Network of Yolanda Victims, na walang naibigay sa mga kahilingan ng mg biktima tulad ng P40,000 immediate relief para sa mga biktima at subsidyo sa agrikultura. 

Sinisingil nila ang naturang ahensiya sa mga pangako nitong aayusin ang pag-aayuda sa mga biktima ng Yolanda matapos ang pakikipagnegosasyon at protesta ng mga grupong People Surge, Gabriela, Kalipunan ng Damayang Mahihirap, at iba pang grupo noong Marso ngayong taon.

Tanong ng mga biktima kung  nasaan ang pondo para sa rehabilitasyon, habang bumuhos ang ayuda  mula sa ibang bansa.

Sinisingil din nila ang DSWD at gobyerno sa pagkait ng mga ito ng tulong habang bilyong-bilyong piso ang inilagak sa Disbursement Acceleration Program (DAP) na idineklrang ilegal ng Korte Suprema kamakailan.

“Napakaraming pondong pumasok mula sa donors sa loob at labas ng bansa. Bilyun-bilyong pondo mula sa buwis ng mga mamamayan pa ang inilagay sa illegal na DAP. Tapos, sasabihin ni Aquino (na) walang pondo? Lokohin niya ang lelong niyang panot,” ani Guerrero.

Sinabi naman ni Assistant Sec. Vilma Cabrera ng DWSD na tuloy-tuloy daw ang tulong  at program na ibinibigay ng ahensiya sa mga biktima tulad ng relief goods. Ngunit hindi raw nila saklaw ang pamamahala sa mga temporary shelter o relokasyon ng mga biktima.

Para sa mga biktima, wala daw matinong  plano ang gobyerno para sa kanila.  “Hindi totoo ‘yang sinasabi ng DSWD, araw-araw akong nakikipag-ugnayan sa mga kamag-anak ko, mas lalong lumalala ang sitwasyon nila. Laluna na ngayong tag-ulan, karamihan sa kanila nasa tent pa rin, kulang ang pagkain at ilan na nga sa kanila ang nagkakasakit ng depresyon,” sabi ni Carlito Badion, pangkalahatang  kalihim ng Kadamay na taga Tanauan, Leyte.

Si Carlito Badion ng grupong Kadamay habang nkikipag-usap kay Asec. Vilma Cabrer ng DSWD. Macky Macaspac

Si Carlito Badion ng grupong Kadamay habang nakikipag-usap kay Asec. Vilma Cabrera ng DSWD. Macky Macaspac

Pondo sa DAP?

Kinuwestiyon din ng  grupo ang ipinagyayabang ng Malakanyang na napunta raw ang pondo ng DAP sa mga proyektong pinakinabangan ng mga mamamayan.

Anila, dapat daw na panagutin  ang mga sangkot sa paglustay sa pondo ng gobyerno kasama na sina Aquino at Secretary Florencio Abad ng Department of Budget and Management  (DBM).

“Kinalimutan ng gobyerno ang aming mga kamag-anak at kababayan sa Eastern Visayas. Parang pulubi silang halos mamalimos samantalang may pondo naman palang dapat sana’y puwede nang idiniretso sa tao, pero ilegal na inilagay sa kung anu-anong proyektong di naman naramdaman ng mga mamamayan,”  ani Guerrero.

Ayon naman sa Gabriela, kahit ano ang sabihin ni Aquino, katulad ng katwirang “in good faith” naman daw ang paggatos, pagnanakaw pa rin daw ito. “Dapat na direkta nang napunta sa mga nangangailangan ang pondo, gaya na lamang ng mga biktima ng Yolanda,” ani Misty Lorin, deputy secretary general ng Gabriela.

Binatikos din ni Lorin ang iskemang “Bottom Up Budgeting” (BUB) na kamakailan lamang inilantad ni dating DBM Sec. Benjamin Diokno. Sa iskemang ito, diumano’y ineengganyo ang partisipasyon sa ng non-goverment organizations (NGO) at civil society organizations (CSO) sa paggawa ng badyet sa antas ng lokal na gobyerno.

“Ang iskemang ito ay tokenismo lamang upang sabihing may partisipasyon ang mga mamamayan. Sa totoo lang, habang itinataguyod ng gobyerno ang neo-liberal na patakaran ng liberalisasyon, pribatisasyon, deregulasyon at denasyunalisasyon, hinding hindi tunay na makikinabang ang mga mamamayan sa badyet na iyan. Katunayan, maaari pa itong gamitin para sa patronage politics bilang maagang paghahanda sa eleksiyon sa 2016 ng mga pulitiko, lalo na ng pulitikong nakaupo sa DILG (Department of Interior and Local Government), ” dagdag ni Lorin.

Busisiin ang mga donasyon

Muling nagpanawagan naman si Gabriela Rep. Luzviminda Ilagan na kailangang ma-audit ang mga pondong  nailaan sa relief and rehabilitation sa mga probinsiyang sinalanta ng bagyong Yolanda.  Sa kabila daw kasi ng pagbuhos ng ayuda para sa mg biktima, hindi nagbago  ng kalagayan ng mga biktima makalipas ang walong buwan.

Panawagan ng iba't-ibang grupo na panagutin ng Sandigan bayan ang lahat ng mga sangkot s korupsiyon kasama na si Png. Aquino. Macky Macaspac

Panawagan ng iba’t-ibang grupo na panagutin ng Sandigan bayan ang lahat ng mga sangkot s korupsiyon kasama na si Png. Aquino. Macky Macaspac

“Sa kabila nang sinasabi ng gobyerno na  naglaan sila ng P32 Bilyon para sa post-Yolanda aid as of May 2014, nananatiling kalunus-lunos ang kalagayan ng Tacloban at iba pang probinsiya inabot ni Yolanda.  Nasaan ang pondo?” tanong ni Ilagan.

Dagdag niya, hanggang sa kasalukuyan, walang maipakitang dokumento ang mga ahensiy ng gobyernno sa pinagkagastusan na para sa mg biktima.

No inventory or audit has been made public. Ang nakikita lang natin ay mga temporary at marupok na bunkhouses, mga sirang paaralan at pampublikong istruktura, gayundin ang malawakang kawalan ng hanapbuhy at depresyon,” sabi pa ni Ilagan.

Kasabay ng pagsugod sa DSWD , sumugod din ang Tindog Network  sa tanggapan ng DBM sa Manila.

Paghahanda sa SONA

Kasabay din ng paggunita sa ikawalong buwan nang pananalasa ng Yolanda, ikinasa ng Bagong Alyansang Makabayan (Bayan) ang  mga kilos-protesta mula ngayon  hanggang sa State of the Nation Address (SONA) ni Aquino.

Tampok dito ang martsa ng libu-libong biktima ng bagyong Yolanda na magmumula pa sa Tacloban at luluwas ng Maynila na tinaguriang “Lakbayan para sa Tunay na SONA”.

Magsisimula ang Lakbayan sa Tacloban, Leyte sa Hulyo 21 at pitong araw na tatahakin ng mga kalahok na magmumula sa Mindanao, Visayas ang mga probinsiya sa Kabikulan, Quezon, Laguna bago makarating sa Kamaynilaan.

Inaasahan ng Bayan na sasalubungin ng mga magsasaka at iba pang sektor ang mga biktima ng Yolanda sa mga naturang probinsiya at sasalubungin naman sila ng mga galing sa Central at Northern Luzon.

]]>
http://pinoyweekly.org/new/2014/07/mga-biktima-ng-yolanda-muling-sumugod-sa-dswd/feed/ 0
Abad, pinaaalis sa puwesto ng mga kawani sa kalusugan http://pinoyweekly.org/new/2014/07/abad-pinaaalis-sa-puwesto-ng-mga-kawani-sa-kalusugan/ http://pinoyweekly.org/new/2014/07/abad-pinaaalis-sa-puwesto-ng-mga-kawani-sa-kalusugan/#comments Tue, 08 Jul 2014 17:16:08 +0000 http://pinoyweekly.org/new/?p=30353 Protesta ng mga kawani sa kalusugan sa harapan ng Department of Budget and Management.<strong>Pher Pasion</strong>

Protesta ng mga kawani sa kalusugan sa harapan ng Department of Budget and Management.Pher Pasion

Simbolikong ikinandado ng mga kawani sa kalusugan ang gate ng Department of Budget and Management (DBM) para iprotesta ang likha ni DBM Sec. Florencio Abad na Disbursement Acceleration Program (DAP) o ang presidential pork barrel na idineklarang ilegal ng Korte Suprema.

Pinagbibitiw nila si Abad at pinaiimbestigahan ang mga may pakana ng DAP.

simbolikong ikinandado ng mga kawani sa kalusugan ang gate ng Department of Budget and Management.<strong>Pher Pasion</strong>

simbolikong ikinandado ng mga kawani sa kalusugan ang gate ng Department of Budget and Management.Pher Pasion

“Ang DAP ba ang sagot ni (Pangulong) Aquino sa sinasabi nitong mas mabuting pamamahala at transparency? Siya at si Abad ay nagsabwatan para baguhin ang depinisyon ng savings sa pondong publiko tulad ng badyet sa kalusugan para dalhin ang bilyung-bilyong pera para sa mga proyektong si Aquino lamang ang nakakapagdikta,” ayon kay Eleanor Jara, doktor at co-convener ng Rx Abolish Pork Barrel System Movement, alyansa ng mga kawaning pangkalusugan at mga estudyante ng mga kursong pangkalusugan.

Anila, imbes na buhusan ng pondo ang mga nabubulok na na mga ospital para sa mga kawani, serbisyo, pasilidad, inprastraktura, at gamot, napunta lamang ang mga pondo nito sa ilegal na DAP.

Gayundin, ginamit lang para pansuhol  sa mga senador noong panahon ng impeachment ni dating Supreme Court Justice Renato Corona, ayon sa grupo.

Malaki na rin sana ang maitutulong ng pondo mula sa DAP at maging sa Priority Development Assistance Fund o pork barrel kung direkta itong inilaan sa serbisyong pangkalusugan imbes na papasukin ang mga pribadong sektor na pagkakakitaan lamang ang mga mamamayang maysakit, sinabi pa nila.

Hindi din tinatanggap ng grupo ang sinasabi ng Malakanyang na ginamit ang DAP sa “good faith” at hindi nito mapagtatakpan ang pagsasabwatan nina Aquino at Abad sa pondo ng bayan.

“Ang kanilang ginawa ay pagtataksil sa tiwala ng sambayanan,” ayon kay Jara.

Susuportahan umano nila ang reklamong impeachment laban sa Pangulo, gayundin ang anumang legal na aksiyon laban kay Abad.

]]>
http://pinoyweekly.org/new/2014/07/abad-pinaaalis-sa-puwesto-ng-mga-kawani-sa-kalusugan/feed/ 0
Pagsikapang patalsikin si Aquino – Sison http://pinoyweekly.org/new/2014/07/pagsikapang-patalsikin-si-aquino-sison/ http://pinoyweekly.org/new/2014/07/pagsikapang-patalsikin-si-aquino-sison/#comments Sat, 05 Jul 2014 16:32:23 +0000 http://pinoyweekly.org/new/?p=30313 Ipinanawagan ng mga kabataan mula sa iba't-ibang pamatasan ng Metro Manila ang pagpapatalsik kay Pangulong Aquino dahil sa kontoberisyal na DAP. Macky Macaspac

Ipinanawagan ng kabataan mula sa iba’t ibang pamatasan ng Metro Manila ang pagpapatalsik kay Pangulong Aquino dahil sa maraming kasalanan, kabilang ang kontoberisyal na DAP. Macky Macaspac

Pinayuhan ni Prop. Jose Maria Sison, punong konsultant pampulitika ng National Democratic Front of the Philippines (NDFP), ang progresibong mga mambabatas ng Makabayan bloc na pagsikapan na makakuha ng sapat na bilang para sa planong pagsasampa ng impeachment complaint laban kay Pangulong Aquino.

Planong maghain reklamong impeachment ang progresibong mga organisasyon dahil sa paglabag sa Saligang Batas ni Aquino kaugnay ng Disbursement Acceleration Program (DAP), tinaguriang presidential pork barrel.

Sa pamamagitan ng video conference, nagsalita si Sison sa malaking pagtitipon ng kabataan na #MayPagasa kasabay ng paggunita sa “Philippine-American Friendship Day” sa Unibersidad ng  Pilipinas noong Hulyo 4.

“Mahirap (ma-impeach si Aquino), pero dapat pagsumikapan nila na makakuha ng sufficient votes para mapatalsik si Aquino,” ani Sison.

Bagamat  aminado siyang mahirap ang prosesong pagdadaanan ng impeachment complaint dahil alyado ng Pangulo ang mayorya sa Kamara, pagkakataon daw ang prosesong ito para mailantad ang mga nakinabang sa pork barrel. “Pagkakataon din ito para ilantad ang mga pusakal sa loob ng Kongreso at Senado,” aniya.

Hinamon pa ni Sison ang mga mambabatas na suportahan ang impeachment complaint “kung may konsensiya pa sila”. “Madadamay sila sa kinamumuhiang Pork Barrel King (Aquino) sa darating na eleksiyon,” sabi pa ni Sison.

Video conference ni Prof. Jose Maria Sison sa forum ng May Pag-asa. Macky Macaspac

Video conference ni Prop. Jose Maria Sison sa forum ng May Pag-asa. Macky Macaspac

Sinabi pa ni Sison na kung mabigo ang prosesong impeachment patunay ito na malalim na ang korupsiyon sa gobyerno. Kailangan daw na magsikap na baguhin ang buong sistema ng burukrasiya kasabay ng paghimok niya sa kabataan na lumahok sa pagbabago.

Inihalimbawa niya ang pagpapatalsik sa dating Pang. Joseph Estrada noong 2001.  Malaking bilang ng kabataan ang lumahok sa mga protesta noon laban kay Estrada.  “Hindi imposible na mapatalsik ang rehimeng US-Aquino,” aniya.

Samantala, ipinanawagan naman ng grupong Bagong Alyansang Makabayan (Bayan) sa Metro Manila kay Aquino na huwag harangin ang ihahain nilang impeachment complain at harapin ang mga reklamo.

“Dapat harapin ni Aquino ang hatol ng sambayanan na matagal nang ninanakawan. Panawagan din namin sa mga kongresista na huwag nang magpagamit at huwag harangin ang impeachment,” sabi ni Mark Louie Aquino, pangkalahatang kalihim ng Bayan-Metro Manila.

 

]]>
http://pinoyweekly.org/new/2014/07/pagsikapang-patalsikin-si-aquino-sison/feed/ 0