Pinoy Weekly » Magsasaka http://pinoyweekly.org/new Philippine news, analysis, and investigative stories Sat, 21 Mar 2015 10:35:23 +0000 en-US hourly 1 http://wordpress.org/?v=4.1.1 Pananakit sa miyembro ng KMP kinondena, tunay na reporma sa lupa iginiit http://pinoyweekly.org/new/2015/03/pananakit-sa-aktibista-para-sa-tunay-na-reporma-sa-lupa-kinondena/ http://pinoyweekly.org/new/2015/03/pananakit-sa-aktibista-para-sa-tunay-na-reporma-sa-lupa-kinondena/#comments Thu, 19 Mar 2015 11:31:02 +0000 http://pinoyweekly.org/new/?p=34305 Tunay na reporma sa lupa ang ipinaglalaban nila. (Macky Macaspac)

Matagal na ang panawagan para sa tunay na repormang agraryo, pero hanggang ngayon kontrolado pa rin ng mga panginoong maylupa ang malalawak na lupaing agrikultural. PW File Photo

Kinondena ng Anakpawis Party-list ang pananakit ng isang legislative security guard ng Kamara sa isa nilang miyembro matapos ang protesta ng grupo kontra sa anila’y bogus na batas para sa reporma sa lupa.

“Bali ang buto sa ilong ni Gary Constantino, kailangang operahan,” sabi sa text message sa Pinoy Weekly ni Anakpawis Rep. Fernando Hicap. Plano ng kanilang grupo na magsampa ng kaso laban sa security guard na nanuntok kay Constantino.

Pinangunahan ng Kilusang Magbubukid ng Pilipinas (KMP), Anakpawis, Amihan at Unyon ng mga Manggagawa sa Agrikultura (UMA) ang kilos-protesta sa session hall lobby ng Kamara para ipanawagan ang pagbasura sa tangkang pagpapalawig pa ng implementasyon ng Comprehensive Agrarian Reform Program sa pamamagitan ng pagpasa sa House Bill 4296 (CARP Extension Bill).

Ayon sa Anakpawis, nagkaroon na ng kasunduan si Pangulong Aquino at mga tagapanukala ng HB 4296 na ipapasa ito para mabigyan ng awtoridad ang Department of Agrarian Reform (DAR) na mag-isyu ng notice of coverage sa mga lupang nasa listahan ng DAR na hindi nasaklaw ng coverage bago magtapos ang CARP noong Hunyo 30, 2014.

“Tulad din ‘yan ng listahan ng Hacienda Luisita. Nilinis na ng DAR para maalis sa listahan ang malalaking lupain ng mga panginoong maylupa bago pa maipasa ang bogus na CARP,” ani Antonio Flores, pangkalahatang kalihim ng Kilusang Magbubukid ng Pilipinas (KMP).

Sabi pa ng grupo, pahahabain ng HB 4296 ang paghihirap ng mga magbubukid at pagpapatuloy sa kontrol sa pulitika, ekonomiya at pyudal na pagsasamantala ng malalaking panginoong maylupa sa kanayunan.

“Palalakasin nito ang katulad ng mga Cojuangco-Aquino sa pagkontrol nila sa mga lupain at asyenda sa buong bansa,” ani Flores.

Pinabulaanan din ng KMP ang akusasyon ng grupong Akbayan na nagsabing ang pagtutol nila sa ekstensiyon ay pakikipag-alyansa sa mga panginoong maylupa. “Silang mga nagpapanukala sa HB 4296 ang totoong alyado ng mga panginoong maylupa tulad ni Aquino. Minamaniobra nila ang pagbuhay sa matagal nang patay na batas na kontra-magsasaka,” sabi pa ni Flores.

Idinagdag pa niya na anumang pagtatangkang buhayin ulit ang CARP ay magpapabilis daw sa pagbagsak ni Aquino.  “Kagaya ng lumalaganap na mga panawagan–‘Tama na, sobra na, CARP ibasura’–nananawagan din kami ng ‘Tama na, sobra na, Aquino patalsikin’,” dagdag ni Flores.

Sinabi naman ni Hicap na gagawin nila ang lahat para harangin ang ekstensiyon ng CARP sa Kamara, maging sa Korte Suprema, kung kailangan.

“Malinaw na wala nang batayan ang ekstensiyon dahil expired na ang batas noon pang 2014,” sabi pa ni Hicap.

Sa halip daw na muling buhayin ang CARP sa pamamagitan ng muling ekstensiyon nito, panawagan ng mga miyembro ng KMP na ipasa na lamang ng Kamara ang House Bill 252 o Genuine Agrarian Reform Bill (GARB).

]]>
http://pinoyweekly.org/new/2015/03/pananakit-sa-aktibista-para-sa-tunay-na-reporma-sa-lupa-kinondena/feed/ 0
Mga magsasaka, biktima, kaanak ginunita sa protesta ang masaker sa Mendiola http://pinoyweekly.org/new/2015/01/mga-magsasaka-biktima-kaanak-ginunita-sa-protesta-ang-masaker-sa-mendiola/ http://pinoyweekly.org/new/2015/01/mga-magsasaka-biktima-kaanak-ginunita-sa-protesta-ang-masaker-sa-mendiola/#comments Thu, 22 Jan 2015 11:59:47 +0000 http://pinoyweekly.org/new/?p=33443 Dalawampu't-walong taon na ang nakakalipas mula ng maganap ang madugong masaker sa Mendiola. wala pa ring hustisyang nakakamit ang mga biktima.  Patuloy pa ring ipinagkakait ang lupang ipinagbuwis na kanilang mga buhay.  Ayon sa KMP, mas sumahol pa ang pangangamkam ng lupa, at nagpapatuloy ang mga malalaking asyendang pagmama-yari ng mga panginoong may-lupa tulad ni Pangulong Aquino. Macky Macaspac

Dalawampu’t walong taon na ang nakakalipas matapos maganap ang madugong masaker sa Mendiola, wala pa ring hustisyang nakakamit ang mga biktima. Patuloy pang ring ipinagkakait ang lupang ipinagbuwis na kanilang mga buhay. Ayon sa Kilusang Magbubukid ng Pilipinas, sumahol pa ang pangangamkam ng lupa at nariyan pa rin ang malalaking asyendang pagmamay-ari ng mga panginoong maylupang tulad ni Pangulong Aquino. Macky Macaspac

Muling nagprotesta sa paanan ng Malakanyang sa Mendiola Bridge sa Maynila ang libu-libong magsasaka mula sa iba’t ibang bahagi ng Luzon para muling igiit ang tunay na repormang agraryo na siyang ipinaglalaban ng mga minasaker na magsasaka 28 na ang nakararaan.

Tinaguriang “Mendiola Massacre” ang pangyayaring ito noong Enero 22, 1987, na naganap sa panunungkulan ng ina ng kasalukuyang Pangulong Aquino, si Corazon Aquino.

Tulad ng dambuhalang protesta ng mga magsasaka at iba pang progresibong grupo 28 taon ang nakararaan, pinangunahan din ang protesta ngayon ng Kilusang Magbubukid ng Pilipinas (KMP). Sa protesta, kasama ng mga magsasaka ang ilang survivors ng masaker, kaanak nila, at mga tagasuporta sa paggiit ng hustisya at tunay na repormang agraryo.

Alingawngaw ng bala

“’Pak-pak-pak! Iyon ang narinig ko. Nasa bandang dulo ako ng hanay namin. Nakaupo nga ako sa bangketa noon nang madinig ko. Nakakagulo at may pumutok.”

Ito ang pagsasariwa ni Pedro Gonzalez, lider ng Pambansang Lakas ng Mamamalakaya (Pamalakaya) sa nasabing masaker. Hindi pa siya noon lider ng Pamalakaya, kundi ng isang lokal na organisasyon ng Kilusang Magbubukid ng Pilipinas (KMP) sa probinsiya ng Quezon.

Nagpoprotesta noon ang mga magsasaka para singilin si Pang. Corazon Aquino sa pangako niyang pagpapatupad ng tunay na repormang agraryo, kabilang ang libreng pamamahagi ng lupa sa mga magsasaka. Matapos ang walong araw ng pagpoprotesta sa harap ng noo’y Ministry of Agriculture (ngayo’y Department of Agriculture), nagtungo ang mga magsasaka sa Liwasang Bonifacio sa Maynila, at nagmartsa patungong paanan ng Malakanyang sa Mendiola Bridge noong Enero 22, 1987.

Nakarating sa Mendiola ang mahabang hanay nila. Hindi kinayang buwagin ng mga pulis sa pamumuno ni  Gen. Ramon Montano, Col. Cesar Nazareno  at dating Mayor Alfredo Lim, na noo’y komander ng Western Police District (Manila Police Department), ang paghugos ng mga magsasaka kahit pinagpapalo na nila ang mga ito ng truncheon at ginamitan ng tear gas.

Sa kabila ng paggiit ng mga magsasaka na makapagprotesta sa Mendiola, pinaputukan sila ng mga pulis at militar. Labintatlong magsasaka ang napaslang noon, di-mabilang ang sugatan at inaresto.

Ang mga napaslang ay sina Danilo Arjona, Leopoldo Alonzo, Adelfa Aribe, Dionision Bautista, Roberto Caylao, Vicente Campomanes, Ronilo Dumanico, Dante Evangelio, Angelito Gutierrez, Rodrigo Grampan, Bernabe Laquindanum, Sonny Boy Perez at Roberto Yumul.

Hinanap ang kasamahan

Si Teresita Aljona, asawa ng  isa sa mga biktima sa Mendiola masaker, na patuloy na humihingi ng katarungan. Macky Macaspac

Si Teresita Aljona, asawa ng isa sa mga biktima sa Mendiola masaker, na patuloy na humihingi ng katarungan. Macky Macaspac

Nang magsimula ang pamamaril, nakatakbo si Gonzales sa isang malapit na tindahan para magtago. Nang tumahik ang paligid, naglakas-loob umano si Gonzalez na lumabas. “Gusto kong hanapin ang mga kasama ko,” aniya.

Pero ang nabungaran niya: mga kasamahang magsasaka na patay at mga sugatan. “Kalunus-lunos ang nangyari sa mga kasama kong nagmartsa. Kita-kitang ko ang duguan nilang bangkay habang isinasakay sa mga sasakyan,” aniya.

“Hindi ako nasaktan noon, nakaatras kami agad at nakapunta sa sasakyan namin sa Espana. Pero kumpirmado na patay ang asawa ko,” kuwento naman ni Teresita Aljona, asawa ni Danilo.

Mabigat ang dibdib ni Teresita tuwing nagagawi siya sa Mendiola, aniya. “Dito pinatay ang asawa ko, 28 taong na. Wala pa ring napaparusahan,” kuwento niya, habang tumutulo ang luha.

Naulila ni Danilo ang limang anak na noo’y maliit pa lamang.  “Dose-anyos ang panganay namin noon. Ang bunso naman, apat na taon pa lang. Grabe ang hirap na pinagdaanan ko ng patayin nila ang asawa ko,”aniya.

Nais lamang daw naman nilang magkaroon ng lupang pagtataniman.

Macky Macaspac

Macky Macaspac

“Akala namin, hulog ng langit si Cory Aquino,” sabi naman ni Gonzalez. Pero napatunayan ng masaker sa Mendiola na katulad umano ni Cory ang nakaraang diktador na si Ferdinand Marcos sa paggamit ng dahas para supilin ang mga mamamayang naggigiit sa kanilang mga karapatan.

Sa na ngayon, hindi pa rin umano patitinag sa pakikibaka si Gonzalez.  Matapos ang masaker sa Mendiola, lalong tumibay ang loob niyang ipaglaban ang karapatan ng mga magsaaka. Noong panahon ng rehimen ni Gloria Macapagal-Arroyo, pinagtangkaan na  rin ang buhay ni Gonzalez.

Sa bahagi ni Teresita, kalahok pa rin umano siya sa paggiit ng karapatan ng mga magsasaka para sa lupang sinasaka. Ipaglalaban pa rin umano niya ang hustisya para sa asawang si Danilo, kahit anak ng presidenteng nangasiwa sa masaker ang namumuno na ngayon sa bansa.

“Bata pa noon ang mga anak ko, tulad din ni Noynoy Aquino. Ngayon, presidente na siya. Malabong bigyan niya ng katarungan ang mga magsasakang namatay sa panahon ng kanyang nanay,’ ani Teresita.

Sabi naman ni Gonzalez, sasandig na lang sila sa lakas ng mga magsasaka para makamit ang katarungan at kanilang karapatan sa lupa.

(Panoorin: AsiaVisions newsreel ng Mendiola Massacre)

]]>
http://pinoyweekly.org/new/2015/01/mga-magsasaka-biktima-kaanak-ginunita-sa-protesta-ang-masaker-sa-mendiola/feed/ 0
Mga magniniyog, muling nanawagang ibalik sa kanila ang coco levy fund http://pinoyweekly.org/new/2015/01/mga-magniniyog-muling-nanawagang-ibalik-sa-kanila-ang-coco-levy-fund/ http://pinoyweekly.org/new/2015/01/mga-magniniyog-muling-nanawagang-ibalik-sa-kanila-ang-coco-levy-fund/#comments Fri, 16 Jan 2015 00:10:15 +0000 http://pinoyweekly.org/new/?p=33182 Iginigiit ng mga magniniyog nanagprotesta sa paanan ng Tulay ng Mendiola na  ibalik sa kanila ang kontrobersiyal na coconut levy fund.  Macky Macaspac

Iginigiit ng mga magniniyog na nagprotesta sa paanan ng Tulay ng Mendiola na ibalik sa kanila ang kontrobersiyal na coconut levy fund. Macky Macaspac

Lumusob sa Mendiola kahapon ang mga magniniyog na galing pa sa probinsiya ng Quezon para irehistro ang kanilang pagkadismaya sa pagmamaniobra daw ng administrasyong Aquino sa coco levy fund.

Ayon sa Coco Levy Funds Ibalik sa Amin (Claims), tutol sila sa planong ilagay sa pribado at investment ang pondong aabot sa P72 Bilyon, batay na rin sa nilalaman ng executive order ni Pangulong Aquino.

Sabi ni Nestor Villanueva, tagapagsalita ng Claims, hindi naman silang magniniyog ang makikinabang sa ipinapanukala ni Aquino, maging ang mga panukalang batas sa Kamara at Senado, kundi mga negosyante.

“Ang dapat na magbenipesyo sa coco levy fund ay mga magsasaka at hindi ang pribadong sektor at mga negosyante na takaw na takaw na makibahagi sa pondo,” ani Villanueva.

Sabi naman ni Anakpawis Rep. Fernando Hicap na sa kasalukuyan, may iba-ibang panukalang batas na nakasalang sa Senado at Kamara pero iisa daw ang pinapatunguhan ng mga ito–ang pag-etsa-puwera sa mga magsasaka.

“Delikadong maideklara ang escrowed P72-B coco levy fund na public trust fund, dahil maaring mapunta ito sa pondong General Appropriations Act o Disbursement Acceleration Program ng gobyerno,” ani Hicap.

Naaalarma ang mambabatas na mauuwi sa korapsiyon ang pondo sa oras na matupad ang ipinapanukala ni Aquino at ng ilang mambabatas.

Ilan sa mga panukala ng gobyernong Aquino ang:

1.Pagsasapribado o pagbebenta ng coco levy funds at mga ari-ariang nagmula sa pondo;

2. Pagbubuo ng Coconut Farmers and Industry Development Plan;

3. Pagbubuo ng council o komite na direktang pangangasiwaan ng Office of the President, at, pagbubuo ng trust fund.

Ang ikinababahala ni Hicap, walang magsasaka ang direktang mangangasiwa sa mga ito. “Halimbawa sa plano nilang bubuing komite, si Aquino ang mangangasiwa at siya rin ang pipili sa uupong representative ng mga magsasaka batay sa rekomendasyon ng Philippine Coconut Authority at ng iba pang ahensiya ng gobyerno,” aniya.

Dagdag ni Hicap, wala daw kaseguruhan na tunay na magsasaka ang mapipili ni Aquino.

Simbolikong binalatan ng mga nagpoprotesta ang mga niyog na ginuhitan ng mukha ni Pangulong Aquino.   Macky Macaspac

Simbolikong binalatan ng mga nagpoprotesta ang mga niyog na ginuhitan ng mukha ni Pangulong Aquino. Macky Macaspac

Binalaan naman ni Villanueva si Pangulong Aquino na huwag na niyang pakialaman ang coco levy fund. “Kung plano niyang gamitin ito sa darating na eleksiyon hindi kami papayag,” aniya.

May hiwalay na panukalang batas ang grupong Anakpawis para sa paggamit ng pondo na direktang pakikinabangan ng mga magsasaka. Ayon sa grupo, sa HB 1327, ilalaan ang pondo para sa serbisyo sa mga magniniyog tulad ng medikal at dagdag kabuhayan, kasama na din ang pagpapaunlad sa pagtatanim ng niyog. Mga magniniyog din ang mangangasiwa ng pondo.

“Sila naman ang tunay na may-ari ng pondo kaya dapat lang na maibalik sa kanila ang coco levy fund,” sabi ni Hicap.

]]>
http://pinoyweekly.org/new/2015/01/mga-magniniyog-muling-nanawagang-ibalik-sa-kanila-ang-coco-levy-fund/feed/ 0
‘Aquino, di mapagkakatiwalaan sa coco levy fund’ http://pinoyweekly.org/new/2014/11/pang-aquino-di-mapagkakatiwalaan-sa-coco-levy-fund-kmp/ http://pinoyweekly.org/new/2014/11/pang-aquino-di-mapagkakatiwalaan-sa-coco-levy-fund-kmp/#comments Thu, 27 Nov 2014 14:43:14 +0000 http://pinoyweekly.org/new/?p=32588 Willy Marbella ng KMP, sa koprasang bayan sa Malakanyang noong Oktubre 19 para igiit ang pagbalik ng coco levy fund (Macky Macaspac)

Protesta ng Kilusang Magbubukid ng Pilipinas noong nakaraang taon sa Malakanyang para igiit ang pagbalik ng coco levy fund sa mga magniniyog. PW File Photo/ Macky Macaspac

Hindi dapat ipagkatiwala kay Pangulong Aquino ang pondo ng coco levy.

Ito ang tugon ng Kilusang Magbubukid ng Pilipinas (KMP) sa plano ng pangulo na maglabas ng executive order para sa kontrobersiyal na pondo, matapos makipagpulong (Aquino) sa isang grupo ng mga magsasaka mula sa Davao noong Miyerkules.

Ayon kay Rafael Mariano, tagapangulo ng KMP, kung nais tulungan ng pangulo ang mga magniniyog, dapat suportahan nito ang panukalang batas na magbubuo sa isang trust fund na kasalang sa Kamara.

“Hindi mapagkakatiwalaan si Aquino. Hindi dapat ipagkatiwala ng malilit na mga magniniyog ang kanilang pera sa pamangkin ng taong pangunahing nangurakot sa pondo,” pahayag ni Mariano.

Pamangkin si Aquino ni Eduardo “Danding” Cojuangco Jr., na dating namuno sa Philippine Coconut Authority noong panahon ng diktadurang Marcos. Sinuportahan ni Cojuangco si Aquino noong eleksiyong 2010.

Sa panahon ng batas militar ni Marcos, kinolekta bilang buwis mula sa mga maliliit na magniniyog ang coco levy fund. Kalauna’y ginamit ni Cojuangco ang pondo para makakuha ng malaking sapi sa San Miguel Corp. gayundin sa United Coconut Planters Bank.

Noong nakaraang taon, nagdesisyon ang Korte Suprema na hindi pag-aari ni Cojuangco ang perang nasa UCPB.

Pinangangambahan din ng KMP ang kasabay na planong pagbenta sa UCPB. Ayon sa KMP, malaki ang implikasyon nito sa paghahabol ng mga magniniyog sa pondo kapag ibinenta ang bangkong mula sa coco levy fund.

Sinabi pa ni Mariano na hindi raw pondo ng gobyerno ang coco levy fund.

“Pera ‘yan ng maliliit na magniniyog na puwersahang kinolekta ng diktador na si (Ferdinand) Marcos at ng tiyuhin ni Aquino (na si Cojuangco),” giit ni Mariano.

Sabi naman ni Nestor Villanueva, tagapagsalita ng Coco Levy Fund Ibalik sa Amin (Claim) na walang pinag-iba sa presidential decree ni Marcos ang planong executive order ni Aquino.

“Hindi namin tatanggapin ang kahit anong executive order. Bibigyan lang nito ng awtoridad si Aquino na dambungin ang pondo,” pagtatapos ni Villanueva.

Panawagan nila na kung totoong seryoso si pangulong Aquino na tulungan ang mga maliliit na magniniyog, dapat daw suportahan nito ang panukalang batas ng Anakpawis, ang House Bill House Bill 1327 o Genuine Small Coconut Farmer’s Trust Fund na isinampa ni Rep. Fernando Hicap noon pang Hunyo 2013.

“Kung talagang interes ng mga maliliit na magniniyog at industrya ng pagniniyog ang nasa isip ni Aquino, ibigay niya ang buong suporta niya sa pagpasa ng batas. Layunin naman nito na ibalik sa totoong nagmamay-ari ang coco levy fund,” sabi ni Hicap.

]]>
http://pinoyweekly.org/new/2014/11/pang-aquino-di-mapagkakatiwalaan-sa-coco-levy-fund-kmp/feed/ 0
#HLMX | Nagpapatuloy ang laban sa #HaciendaLuisita http://pinoyweekly.org/new/2014/11/hlmx-nagpapatuloy-ang-laban-sa-haciendaluisita/ http://pinoyweekly.org/new/2014/11/hlmx-nagpapatuloy-ang-laban-sa-haciendaluisita/#comments Wed, 19 Nov 2014 07:11:13 +0000 http://pinoyweekly.org/new/?p=32348
Alay sa kanila
Sa Mendiola Bridge, Manila, nag-alay ng awit ang artista at dating bilanggong pulitikal na si Ericson Acosta sa mga magbubukid ng Hacienda Luisita at sa mga martir ng masaker, 10 taon na ang nakararaan. KR Guda
Taas-kamao
Pagpapakita ng militansiya sa paggunita ng 10 taon ng masaker sa Hacienda Luisita, sa Mendiola, Manila noong Nob. 15. KR Guda
Trigger-happy si Aquino
Sinunong ng mga demonstrador ang cutout ni Pangulong Aquino bilang trigger-happy na militarista sa Mendiola. KR Guda
Sampung taon
Nakasabit na mga poster ng paggunita sa 10 taon ng kawalan ng hustisya. KR Guda
Batang odyens
Mayorya ng nasa odyens sa konsiyerto ay mga bata ng Luisita. KR Guda
Pakikiisa ng artista
Nakiisa ang artista sa teatro at aktibistang si Monique Wilson sa mga magbubukid ng Hacienda Luisita sa pamamagitan ng pagtatanghal ng dalawang kanta. Pher Pasion
Inspirasyon
Sinabi ni Bayan Muna Rep. Neri Colmenares na inspirasyon ang pakikibaka ng mga mamamayan ng Luisita sa kanilang progresibong mga mambabatas sa Kamara. KR Guda
Ginunita
Naluha si Emmy Ladera, konsehal sa Tarlac, nang alalahanin ang kanyang kapatid na si dating konsehal Adel Ladera, na pinaslang halos 10 taon na rin ang nakaraan. KR Guda
Mag-ina sa paglaban
Lumuha ni Angela, anak ng lider ng Alyansang mg mga Magbubukid sa Asyenda Luisita o Ambala na si Pong Sibayan, habang ipinapangako sa ina na ipagpapatuloy ng bagong henerasyon ang laban ng kanilang mga magulang. Maging si Pong ay naluha sa pagsalita ng anak. KR Guda
Alay sa mga martir
Binigwas ng mga tagasuporta ang kanilang kamao sa hangin bilang pagpugay sa mga martir ng masaker sa Hacienda Luisita. KR Guda
Simula ng martsa
Nagtipon ang daan-daang residente at tagasuporta sa Brgy. Balete para magsimulang magmartsa patungong Gate One, lugar ng masaker, noong Nob. 16. KR Guda
Patungong Gate One
Nagwagayway ang watawat ng Ugnayan ng mga Manggagawa sa Agrikultura o UMA sa harap ng martsa ng mga residente at tagasuporta. KR Guda
Eksibit ng larawan
Ipinaskil sa mga pader ng asyenda ang mga larawan ng welga sa asyenda sampung taon na ang nakararaan, ng photojournalist na si Jes Aznar. KR Guda
Suporta ng migrante
Sumuporta sa laban ng mga magbubukid ang mga kaanak ng migrante sa ilalim ng Migrante International. Pher Pasion
Bantay sa tubuhan
Bantay ng mga seguridad ng Central Azucarera de Tarlac ang dumadaang trak ng tinabas na mga tubo, habang nakasabit sa harap ang mga poster na naggugunita sa masaker. KR Guda
Sa kubol
Sa kubol na hinihimpilan ng mga manggagawang bukid ng United Luisita Workers' Union o ULWU, ang isa sa dalawang unyon sa asyenda na naglunsad ng welga noong 2004. Pher Pasion
Pasasalamat, paghayag ng paglaban
Nagpasalamat si Pong Sibayan ng Ambala sa lahat ng tagasuporta ng mga magbubukid, at ipinangakong ipagpapatuloy nila ang paghangad ng hustisya at tunay na reporma sa lupa sa asyenda. KR Guda
Graffiti
Isa sa mga graffiti ng iba't ibang visual artists na nakiisa sa mga mamamayan ng asyenda. KR Guda
Tuloy ang negosyo
Tuloy ang negosyo ng asukarerang pag-aari ng pamilyang Cojuangco-Aquino. Pher Pasion
Kandila
Nag-alay ng mga kandila para sa mga biktima ng masaker ang mga tagasuporta. Pher Pasion
Pagtitipon
Nagtipon ang daan-daang tagasuporta at residente sa harap ng Gate One ng Central Azucarera de Tarlac para muling ihayag ang panawagang hustisya para sa mga biktima ng masaker at panunupil sa asyenda. KR Guda
Misa
Nagsagawa ng misa ang mga pari sa harap ng Gate One ng asukarera. KR Guda
Makata, nakiisa
Nagsulat ng tulat ang isang kabataang makata sa Gate ng asukarera. KR Guda
Mga panawagan
Naka-stencil na mga panawagan sa Gate One ng asukarera. KR Guda
Wala pa ring hustisya
Sa Gate One ng asukarera. KR Guda
Muli, taas-kamao
Muli, nagtaas ng kamao ang mga tagasuporta at mga mamamayan ng asyenda bilang pagpugay sa mga martir. KR Guda
Mga mamamayan ng asyenda na dumalo sa Solidarity Night at konsiyerto para sa paggunita sa masaker na ginawa sa Brgy. Balete noong Nob. 15. <strong>KR Guda</strong>

IKLIK PARA LUMAKI. Mga mamamayan ng asyenda na dumalo sa Solidarity Night at konsiyerto para sa paggunita sa masaker na ginawa sa Brgy. Balete noong Nob. 15. KR Guda

Sampung taon na ang nakaraan, pero batid nilang mahaba pa ang laban para makamit ang tunay na hustisya at reporma sa lupa.

Ito ang mensahe ng paggunita ng mga mamamayan ng Hacienda Luisita at mga tagasuporta nila ang ika-10 taong anibersaryo ng masaker noong Nobyembre 16, 2004. Noong araw na iyon, pitong welgista ang napaslang.

Naging hudyat ang pangyayaring ito ng tuluy-tuloy na panunupil ng pamilyang Cojuangco-Aquino hanggang ngayon.

“Masakit pa rin, dahil hanggang ngayo’y wala pa ring hustisya. Siya lang ang nag-iisa kong (anak na) lalaki. Siya nga lang sana ang inaasahan ko hanggang pagtanda. Wala kaming kaagapay kundi lamang sana siya,” kuwento ni Violeta Basilio, 47, tungkol sa anak niyang si Jhaivie Basilio na isa sa pitong pinaslang sa masaker.

Pangalawa sa apat na magkakapatid si Jhaivie na 20 taong gulang nang mapatay. Ulila na rin sa ama si Jhaivie na nasawi limang buwan bago ang masaker.

Kasama ni Violeta ang mga kapwa kaanak ng mga biktima, gayundin ang daan-daang residente at tagasuporta ng laban ng mga magsasaka. Panawagan nila, muling-buksan ng awtoridad ang kaso laban sa pamilyang Cojuangco-Aquino, na gumamit ng dahas ng estado para supilin ang lehitimong welga ng noo’y mga manggagawang bukid at manggagawa sa tubuhan at asukarera.

Martsa ng mga mamamayan ng Asyenda Luisita sa barangay Balete. Kinukuhanan sila ng mga litrato at/o video ng mga guwardiya sa binakurang bahagi ng barangay habang nagdaraan. Isa itong porma ng panghaharass sa kanilang hanay.Pher Pasion

Martsa ng mga mamamayan ng Luisita sa Barangay Balete. Kinukuhanan sila ng mga litrato at/o video ng mga guwardiya sa binakurang bahagi ng barangay habang nagdaraan. Pher Pasion

Dapat managot

“Sampung taon na, hanggang ngayo’y wala pa ring hustisya. Nakaluklok ngayon (si Presidente) Aquino (na) berdugo. Dapat siyang patalsikin at pagbayarin,” ayon kay Florida Sibayan, tumatayong tagapangulo ng Alyansa ng mga Magbubukid sa Asyenda Luisita o Ambala.

Sinabi naman ni Bayan Muna Rep. Neri Colmenares, ang isyu ng Hacienda Luisita ay hindi lamang isyu ng hustisya para sa mga biktima ng masaker. Ang isyu rin dito’y di pagpapatupad ng tunay na repormang agraryo na hangad ng lahat ng magsasaka.

“Sinungaling si Aquino kapag sinasabi niyang may hustisya, may katarungan dito sa Pilipinas. Ano ang pruweba ng kanyang kasinungalingan? Hacienda Luisita. Kaya sinungaling si Aquino kapag sinasabi niyang umuunlad ang bansa natin sa ilalim ng kanyang administrasyon. Ano ang patunay sa kaniyang kasinungalingan? Hacienda Luisita,” ayon kay Colmenares.

Para naman kay Randall Echanis, deputy secretary general ng Unyon ng mga Manggagawa sa Agrikultura o UMA, larawan ang Luisita ng nabubulok na sistema ng lipunan. Ang naabutan na masaker ay bahagi lamang ng mahigit kalahating siglo ng pagsasamantala sa mga mamamayan sa kamay ng mga panginoong maylupa at burgesya komprador tulad ng pamilyang Cojuangco-Aquino.

“Ang pasismo’y isang patakaran, isang sistemang iniluluwal ng kasalukuyang lipunan natin. Ang kongkretong halimbawa nito itong masaker sa Hacienda Luisita. At hindi rito natatapos ang pamamaslang. Patakaran ng mga panginoong maylupa at rehimen ang pamamaslang dito,” ayon kay Echanis.

Dagdag niya, nagpapatuloy ang mahaba at marahas na sistema ng piyudalismo sa bansa. Pinapanatili nito na atrasado ang agrikultural na ekonomiya ng bansa para pagkunan ng hilaw na mga materyales ng imperyalistang mga bansa.

Kaya mananatiling mahirap ay dahil monopolyado ng iilan ang agrikultural na mga lupa, at busabos ang kalagayan ng mga magsasaka hindi lamang sa Luisita kundi maging sa iba pang lupain sa bansa, aniya.

Binakuran ng RCBC at Tarlac Development Corp. ang mga lupain sa Asyenda Luisita na hindi daw kasama sa desisyon ng Korte Suprema. Sinira ang mga pananim ng mga magsasaka ng sila ay paalisin sa binubungkal nilang lupa.Pher Pasion

Binakuran ng RCBC at Tarlac Development Corp. ang mga lupain sa Hacienda Luisita na hindi raw kasama sa desisyon ng Korte Suprema. Sinira ang mga pananim ng mga magsasaka nang sila ay paalisin sa binubungkal nilang lupa. Pher Pasion

Tuloy ang karahasan

Hindi lang kawalang hustisya ang kanilang panawagan sa anibersaryo ng masaker.

Sigaw din ng mga mamamayan ng asyenda ang pagtigil sa harassment sa kanilang hanay at panlilinlang sa mga mamamayan ng  pinagsamang puwersa ng mga guwardiya, pulisya, militar, at maging private armies umano ng pamilyang Cojuangco-Aquino.

“Disyembre 21 (2013) paskung-pasko, ako primaryang tinira nila. Binuldoser nila ang mga tanim ko. Pati mga alaga kong hayop. Marami, pati yung tinda kong saging kinain nila. Yung kubo ko sinunog nila,” ayon kay Raymundo Alkalde, 60, mula sa barangay Balete.

Hindi binibitiwan ng pamilyang Cojuangco-Aquino ang kontrol sa Luisita sa kabila ng pinal na desisyon ng Korte Suprema noong 2012 na pabor sa mga magsasaka na ipamahagi sa kanila ang lupa.

Nitong huling mga taon, binakuran ang ilang bahagi ng asyenda na hindi raw kasama sa desisyon ng Korte Suprema. Inaangkin ngayon ang mga bahaging ito ng RCBC at Tarlac Development Corp., kompanyang kontrolado ng pamilyang Cojuangco-Aquino.

“Sinira ‘yung palay ko na kulang isang ektarya. Pinangutang ko lang iyon ng P20,000. Hanggang ngayon binabayaran ko pa,” ayon kay Alfredo Quirante, 59, mula sa barangay Cut-Cut II. Kasama umanong sinira ang kaniyang poso at iba pang pananim gaya ng papaya.

Ayon naman kay Sibayan, nagpapatuloy ang mga pananakot at paniniktik ng mga ahente ng militar sa mga barangay para kilalanin at takutin ang mga mamamayan na lumalaban.

“Patuloy na umiikot ang mga nakasibilyan na mga militar, pulis, at mga intelligence kahit hanggang ala-una ng madaling araw. Nung huli, mga naka-jacket, mga bata pa, mga nakapang-combat,” ayon kay Sibayan.

Bukod pa rito, nakatanggap din si Sibayan ng death threats sa kanyang cellphone na nagsasabing pupulutin na lang daw ang ulo niya sa daan. Sinubukan na rin siyang suhulan ng P1 Milyon pero tinanggihan umano niya ang nagpakilalang “Atty. Diaz” ng RCBC.

“Yung isang milyon (piso) makakapagpatayo ka ng bahay, makakabili ka ng gamit, makakain ka ng masarap. Pero ‘yung pagtingin at tiwala na ibinibigay sa iyo ng mga tao, hindi mo na maibabalik iyo,” ayon kay Sibayan.

Imbes na pisikal na ipamahagi ang lupa sa mga magsasaka ng asyenda, idinaan ito sa “tambiolo.” Sa ganitong paraan, binubunot ang mga lupang ipamamahagi umano sa mga magsasaka. Pero mapanlinlang ito, ayon sa UMA.

Dito pawang mga kopya o photo copy lamang ng mga titulo ng lupa ang natanggap nila, at kanila pang babayaran ito bago tuluyang ibigay ang lupa.

Kaya naman marami sa mga mamamayan ang hindi lumahok dito. Habang ang iba naman, napilitang ibenta o isangla dahil sa walang perang ipambabayad.

Wala pa ring hustisya

Tinayo ng United Luisita Workers Union (ULWU) noong Nobyembre 6, 2004 ang piketline sa Gate 1 ng Central Azucarera De Tarlac matapos ang mabigo ang negosasyon sa management. Kalauna’y nakiisa sa welga ang mga miyembro ng Central Azucarera de Tarlac Labor Union (Catlu).

Ilang beses silang dinahas pero nanatiling matibay ang pagkakaisa ng mga welgista. Noong Nobyembre 16, 2004, matapos matagumpay na depensahan ng mga welgista ang kanilang piketlayn, pinaulanan ng bala ang welga.

Matapos ang sampung taon, wala pa ring napaparusahan sa pagpaslang sa pitong magsasaka nang pagbabarilin sa sila sa kanilang piketline. Tinangka silang buwagin ng pinagsamang puwersa ng Armed Forces of the Philippines (AFP) at Philippine National Police (PNP) sa bisa ng Assumption of Jurisdiction ng Department of Labor and Employment.

Nauna nang itinanggi noon ng PNP na sa kanila nanggaling ang mga putok. Kanilang itinuro ang mga welgista na may kasalanan daw sa masaker.

Maliban sa pitong napatay, daan-daan naman ang mga sugatan at inaresto noong araw na iyon.

Nagpatuloy ang pamamaslang sa mga lider at tagasuporta ng welga ng mga manggagawa at manggagawang bukid para sa dagdag na sahod, dagdag na benepisyo, dagdag na araw nang paggawa, at pagbabalik sa mga tinanggal na mga opisyal ng unyon.

Kabilang sa mga pinaslang sina Abel Ladera, konsehal ng Tarlac City, Marcelino Beltran, Florante Collantes ng Bayan Muna-Tarlac, at Ricardo Ramos presidente ng CATLU at kapitan ng barangay Mapalacsio. Pinaslang din sa sumunod na mga buwan sina Fr. William Tadena, at Obispo Alberto Ramento, kapwa mula sa Iglesia Filipina Independiente na mahigpit na suporta sa welga.

Sa kasalukuyan, pinatunayan naman ng desisyon ng Korte Suprema na dapat ipamahagi na ang lupa sa mga magsasaka ng Luisita. Ibig sabihin, ang mga manggagawa at manggagawa bukid na dapat ang nagmamay-ari ng lupain.

Florida Sibayan, opisyal ng Alyansa ng mga Magbubukid sa Asyenda Luisita o Ambala sa kaniyang talumpati sa mismong lugar na pinangyarihan ng masaker.Pher Pasion

Florida Sibayan, opisyal ng Alyansa ng mga Magbubukid sa Asyenda Luisita o Ambala sa kaniyang talumpati sa mismong lugar na pinangyarihan ng masaker. Pher Pasion

Pagpapatuloy ng laban

“Alam natin na ang paghinto ng tibok ng puso ng ating mga martir sa Asyenda Luisita ay kasabay ng pagkakamulat ng mga mamamayan sa tunay na adhikain ng mga adhikain ng mga panginoong maylupa at tuluyang ipagkait ang lupa,” ani Emy Ladera-Facunla, kagawad sa Tarlac City at kapatid ng pinaslang na dating kagawad na si Abel Ladera.

Sinabi naman ni Isagani Pastidio, 32, anak ni Jaime Pastidio na isa sa mga nasawi sa masaker, ipagpapatuloy niya ang laban na iniwan ng kanyang ama. Maging ang kaniyang mga kapatid at mga anak, nakahandang ipagpatuloy ito, sabi pa niya.

“Dinibdib ng tatay ko ang pagsama dito, kaya maging ako didibdibin ko rin ang pagsali rito. Itutuloy ko pa rin ang kanyang laban,” ayon kay Isagani.

Artikulo ni Pher Pasion | Larawan nina Pher Pasion at KR Guda

(Basahin ang artikulo hinggil sa mga paglabang kinakaharap ng mga mamamayan ng asyenda ngayon.)

(Basahin kung paano nangyari ang masaker 10 taon na ang nakaraan.)

(Para sa iba pang larawan at bidyo ng paggunita sa 10 taon ng masaker, puntahan ang espesyal na PW page hinggil dito.)

]]>
http://pinoyweekly.org/new/2014/11/hlmx-nagpapatuloy-ang-laban-sa-haciendaluisita/feed/ 0
Sampung taon ng inhustisya, sampung taon ng paglaban http://pinoyweekly.org/new/2014/11/sampung-taon-ng-inhustisya-sampung-taon-ng-paglaban/ http://pinoyweekly.org/new/2014/11/sampung-taon-ng-inhustisya-sampung-taon-ng-paglaban/#comments Fri, 14 Nov 2014 09:11:04 +0000 http://pinoyweekly.org/new/?p=32280 HUSTISYA. Pinagmamasdan ng isang matanda ang mga naging biktima ng madugong masaker sa Hasyenda Luisita na pag mamaya-ari ng mga Conjuanco-Aquino na hanggang sa ngayon ay wala pa ring linaw na naparusahan. <strong>Boy Bagwis</strong>

HUSTISYA. Pinagmamasdan ng isang matanda ang mga naging biktima ng madugong masaker sa Hasyenda Luisita na pag mamaya-ari ng mga Conjuanco-Aquino na hanggang sa ngayon ay wala pa ring linaw na naparusahan. Boy Bagwis

HLM-XPinipilit na muling buhayin ng administrasyong Aquino ang matagal nang patay na programa para sa “reporma sa lupa”, ang Comprehenisve Agrarian Reform Program (CARP). Noong Setyembre, ipinasa sa Senado ang Senate Bill No. 2278 na naglalayong tapusin ang pagbibigay ng mga notice of coverage sa mga lupang saklaw ng CARP.

Pero marami ang naghuhumiyaw na halimbawa ng kapalpakan ng programa. Sa mismong lupain ng tinaguriang asenderong pangulo na si Pangulong Aquino, di-totoong naipamahagi ang lupa sa mga magsasaka. Muling napapasakamay ng pamilyang Cojuangco-Aquino ang malalawak na lupain, sa pamamagitan ng pangangamkam ng lupa ng kanilang angkan.

Kinakasangkapan ngayon ang Tarlac Development Corp. (Tadeco) na nasa kontrol ng pamilya, gayundin ng mga tulad ni Virginia Torres, dating hepe ng Land Transportation Office na kaibigan ni Aquino.

Habla sa pamilyang Cojuangco-Aquino

Kamakailan, muling nagsampa ng patung-patong na kaso ang mga miyembro ng Alyansang ng Magbubukid sa Asyenda Luisita (Ambala) laban sa kapatid ni Aquino na si Maria Elena “Ballsy” Aquino-Cruz, tiyuhin na si Jose “Peping” Cojuangco Jr., at board members ng Tadeco, kasama na si Torres at dalawang opisyal ng kapulisan sa Tarlac.

Kinasuhan sila ng mga magsasaka dahil sa “panlilinlang at pagmamaltrao sa kanila bunsod ng paggiit nila sa mga lupang binubungkal nila na bahagi ng proyektong bungkalan ng Ambala.” Labas sa ipinamahagi ng Department of Agrarian Reform (DAR) na lupang kakarampot batay sa kautusan ng Korte Suprema. Pero malinaw umano na bahagi ito ng Hacienda Luisita na dapat pakinabangan ng mga magsasaka.

Agarang dumepensa ang mga alipures ni Aquino sa Malakanyang at sinabing pakulo lamang ng Ambala ang mga paratang at hinamon pa na maglabas ng ebidensiya.

Sa panayam ng Pinoy Weekly, iginiit ng mga magsasaka na “bogus” ang ipinatupad ng DAR na pamamahagi ng Certificate of Land Ownership Award (CLOA) sa mga lumahok sa tambiolo raffle noon. Reklamo ng mga benepisyaryo dapat ng lupain, hindi ang lupang kanilang nilinang at pinagyaman ang ibinigay sa kanila.

“Dito na ako tumanda. Nagsasaka kami, sampung taon na ngayon. Tapos ganyan ang gagawin nila sa amin. Hindi naman totoo ‘yung CLOA na binibinigay nila,” ani Conchita Ocampo. Kasama siya sa 125 benepisyaryo na diniskuwalipika ng DAR dahil hindi sila lumahok sa tambiolo raffle.

Rebecca Santos ng Hacienda Luisita <strong>Macky Macaspac</strong>

Rebecca Santos ng Hacienda Luisita Macky Macaspac

Bogus

Katwiran ni Ocampo, ayaw niyang kumuha ng CLOA dahil “bogus” ito at 0.6 ektarya lamang ang nakasaad dito—bukod pa na nasa sa malayong lugar o ibang barangay ang ipinamahaging mga lupa.

Sinabi niya na matapos ang madugong welga ng 2004, at nagpanawagang bungkalin ang lupa, nilinang na ng kanyang pamilya ang halos limang ektaryang lupang malapit lamang sa kanilang lugar sa Brgy. Mapalacsiao. Pero nitong mga nakaraang buwan, matapos magpamahagi ng CLOA ang DAR, inaangkin na ng mga tauhan ni Virgie ang lupa at sinabing sila raw ang may-ari sa lupa.

“Pinarenta nila kay Torres ang lupa. Sinira pa nila ‘yung mga tanim na palay at mga gulay namin,” aniya. Kasama daw sa mga sumira sa kanilang mga pananim ang ilang taga-DAR na may kasamang mga pulis.

“Lumuhod na nga ang kapatid ko para pigilan ang pagsira sa palay namin. Anong magagawa niya, puro may mga baril ang mga kasama ng mga tauhan ni Torres,” aniya. Lehitimong benepisyaryo ang mag-anak ni Ocampo na mula pa noong 1968 nagtatrabaho sa dating tubuhan.

Hinaing ng mga manggagawang bukid na nakakuha ng CLOA, hiwa-hiwalay ang kakarampot na lupang ipinamahagi at nasa malalayong lugar.

“Sana ang ginawa ng DAR, kung ano ang sinaka at pinagyaman na lupa ng mga tao rito ‘yun na ang pinamahagi. Kung sobra ang ektarya, handa naman sila na bawasan ito,” ani Rebecca Santos na nawala ang pangalan sa master list ng mga benepisyaryo kaya’t napilitan na ring magbungkal ng sarling lupa.

“Ang masakit, marami sa mga nakakuha ng CLOA, hindi totoo na naging manggagawang bukid ng asyenda. Ni hindi narumihan ang kanilang mga kamay sa pagbungkal ng lupa. Kaya madali rin sa kanila na ibenta at iparenta ang lupa,” sabi niya.

Isa rin sa mga binuldoser na pananim ang lupang binungkal ni Santos. “Malaki ang nawala sa amin: palay, saging at gulay,” aniya.

Binenta ang CLOA

Iba naman ang kuwento ni Lucia (di-tunay na pangalan). Ibinenta niya ang kanyang CLOA sa halagang P250,000.

“Napilitan akong ibenta ang CLOA ko kasi mahirap ang buhay namin. Hindi naman namin masasaka ‘yung lupang binigay dahil malayo, nasa ibang barangay. ‘Yung lupang sinasaka namin ng pamilya ko, may ibang nakakuha,” sabi niya. Isang Ronnie Reyes daw ang bumili ng kanyang CLOA at sinabing nakarenta raw ang lupa kaya hindi ibinigay ang kabuuang kabayaran nito. Dagdag pa niya, ibinili niya ng traysikel ang nakuha sa pagbenta. Ang napunta sa kanya ay P210,000 lamang.

Sabi pa ni Lucia, maging ang kanyang dalawang anak, ibinenta na rin ang kanilang CLOA. “Iyung isa, binenta niya ng P120,000 at yung isa P300,000 naman. Pero ang binigay, P200,000 lang,’aniya.

Pero bakas sa kanyang mukha ang lungkot habang ikinukuwento ang pagbenta ng nakuhang CLOA.

Gayundin, ilan sa mga nakausap ng Pinoy Weekly ang nagsabing ipinarenta na lang nila sa mga tauhan ni Virgie Torres at sa ibang tao na dating mga superbisor ng mga Cojuangco ang kanilang mga CLOA.

“Pinarenta ko ng P14,000 ‘yung nakuha kong lupa noong Mayo. Pero isang taon lang at hindi ko binigay ang dokumento ko,” sabi ni Ana Goralan. Sabi niya, kailangan daw niya ng pera noon dahil kailangan sa pagpapaaral sa kanyang tatlong anak na nasa hayskul.

“Ayaw nilang tumigil sa pag-aaral, kaya napilitan akong iparenta ang lupa,” aniya.

Isinasaad sa kasunduan nang pamamahagi ng lupa na hindi maaaring ibenta, isangla o iparenta ang lupang ipinamahagi ng DAR sa loob ng ilang taon. Nakasaad din na bubungkalin ng benepisyaryo ang lupang ipinamahagi.

Pero sa kaso ng mga taga-asyenda, kakarampot na lupang hindi naman kayang tustusan ang isang pamilya ang naipamahagi. Bukod pa sa hiwa-hiwalay ito at naging sanhi pa ng away ng mga taga-asyenda ang pormula ng DAR. Wala rin suporta ang gobyerno para sa kanila para paunlarin ang kanilang produksiyon.

Pero ang kolektibong pagtatanim—ang proyektong bungkalan na di hamak na mas produktibo at kapaki-pakinabang sa mga magsasaka at manggagawang bukid na kaanib ng Ambala—ang tuluy-tuloy na winawasak ng mga alayado at alipures ni Aquino, sa tulong ng DAR.

]]>
http://pinoyweekly.org/new/2014/11/sampung-taon-ng-inhustisya-sampung-taon-ng-paglaban/feed/ 0
Pamilyang Cojuangco-Aquino, pinapapanagot sa masaker sa Hacienda Luisitia http://pinoyweekly.org/new/2014/11/dilaw-na-lasong-may-dugo-ikinalat-sa-paligid-ng-bahay-ni-aquino/ http://pinoyweekly.org/new/2014/11/dilaw-na-lasong-may-dugo-ikinalat-sa-paligid-ng-bahay-ni-aquino/#comments Thu, 13 Nov 2014 05:19:26 +0000 http://pinoyweekly.org/new/?p=32263 Nagsabit ng dilaw na laso na may dugo ang mga taga-Hacienda Luisita at iba pang mga grupo sa Times Street para sa nalalapit na paggunita sa ikasampung taon ng Hacienda Luista massacre.<strong>Pher Pasion</strong>

Nagsabit ng dilaw na laso na kunwa’y may talsik ng dugo ang mga magsasaka ng Hacienda Luisita at iba pang grupo sa Times Street–malapit sa tahanan ng mga Aquino–para sa nalalapit na paggunita sa ikasampung taon ng Hacienda Luista massacre. Pher Pasion

Muling iginiit ng mga magsasaka ng Hacienda Luisita ang pananagutan ng pamilyang Cojuangco-Aquino sa masaker sa asyenda halos sampung taon na ang nakararaan.

Nagsabit sila ng dilaw na lasong kunwari’y may mga talsik ng may dugo sa Times Street, Quezon City kung saan naninirahan si Pangulong Aquino, bilang paggunita sa nalalapit na ika-10 anibersaryo ng masaker sa pitong nagwewelgang manggagawang bukid ng asyenda noong Nobyembre 16, 2004.

Noong araw na iyon, marahas na binuwag ng pulis, militar at pribadong security ng pamilya ang piketline ng mga manggagawa at manggagawang bukid.

“Hindi matatanggal ni Aquino kanyang responsabilidad sa madugong pagmasaker sa Luisita sampung taon na ang nakararaan,” ani Rudy Corpuz, pangalawang tagapangulo ng Alyansa ng mga Manggagawang Bukid sa Asyenda Luisita (Ambala).

Ayon kay Marie Hilao-Enriquez, tagapangulo ng Karapatan, kongresista pa lang noon si Aquino. “Ngayong presidente na siya, hindi lang niya ipinagpapatuloy gamitin ang makinarya ng estado para mapanatili ang kontrol sa asyenda, kundi maging ang paggamit sa Armed Forces of the Philippines at paramilitar na mga grupo sa buong bansa upang maging bahagi ng kanyang yellow army.’”

Pagsabit ng mga magsasaka ng Hacienda Luisita ng dilaw na laso na may dugo sa kahabaan ng Quezon Avenue sa Quezon City para sa nalalapit na ikasampung anibersaryo ng Hacienda Luisita massacre. <strong>Pher Pasion</strong>

Pagsabit ng mga magsasaka ng Hacienda Luisita ng dilaw na laso na may dugo sa kahabaan ng Quezon Avenue sa Quezon City para sa nalalapit na ikasampung anibersaryo ng Hacienda Luisita massacre. Pher Pasion

Ayon sa Karapatan, patuloy ang panghaharas sa mga magsasaka at manggagawang bukid sa asyenda. Naririyan pa rin ang mga pag-aresto, pagninira ng pananim, panununog, at patuloy na paniniktik sa mga lider ng unyo sa asyenda.

“Pinagpapalo nila ako at binubog. Dumating ‘yung mga pulis pero ako ang inaresto. Hindi man lang inawat ‘yung mga bumugbog sa akin. Isang linggo ako sa ospital. Binigyan nila ako ng papel tapos nilitratuhan. Kakasuhan na pala ako. Wala akong alam sa batas dahil hindi ako nakikipag-away,” ayon kay Fernan Corpuz, 51, taga-Barangay Catalina sa loob ng Hacienda Luisita.

Isa si Fernan sa mga nasaktan at inaresto matapos ipagtanggol ang lupang inaagaw sa kanila noong Marso 27 at 28 nitong taon. Binabakuran kasi ang mga lupa sa asyenda na hindi daw sakop ng desisyon ng Korte Suprema para ipamahagi sa mga magsasaka.

“Ang paggamit ni Aquino ng berdugo para makuha ang nais niya at kanyang pamilya ay nagpapakita lamang ng tunay niyang karakter na isang hayok sa dugo. Walang sinuman na gaya ni Aquino ang nasa gobyerno,” ani Enriquez.

Naganap noong Nobyembre 16, 2004 ang madugong masaker sa Hacienda Luisita na ikinasawi ng pitong magsasaka at ikinasugat ng marami. Habang daan-daan naman ang inaresto na walang malinaw na kaso. Nagpatuloy naman ang pamamaslang sa mga lider at tagasuporta ng mga manggagawang bukid at magsasaka gaya nina Ricardo Ramos, tagapangulo ng Central Azucarrera de Tarlac Labor Union, dating City Councilor Abel Ladera, at Fr. William Tadena.

Nauna nang intinanggi ng Philippine National Police na sa kanila nanggaling ang putok at itinuturo nila ang mga nasa piketline bilang may sala sa masaker.

Wala pa ring napaparusahan hanggang ngayon sa nasabing masaker.

]]>
http://pinoyweekly.org/new/2014/11/dilaw-na-lasong-may-dugo-ikinalat-sa-paligid-ng-bahay-ni-aquino/feed/ 0
Farmers blame DAR, CARP for allowing ‘Hacienda Binay’ conversion http://pinoyweekly.org/new/2014/11/farmers-blame-dar-carp-for-allowing-hacienda-binay-conversion/ http://pinoyweekly.org/new/2014/11/farmers-blame-dar-carp-for-allowing-hacienda-binay-conversion/#comments Wed, 05 Nov 2014 13:06:16 +0000 http://pinoyweekly.org/new/?p=32156 Rafael Mariano PW file photo

Rafael Mariano PW file photo

Farmers group Kilusang Magbubukid ng Pilipinas (KMP) accused the Department of Agrarian Reform (DAR) and the Comprehensive Agrarian Reform Program (CARP) for allowing the conversion to an agribusiness park of a 350-hectare agricultural land in Rosario, Batangas reportedly owned by Vice-President Jejomar Binay and his alleged dummy businessman Antonio Tiu.

The group said that it is ridiculous for DAR officials to claim that it has no record of any transaction regarding the 350-hectare agricultural land. “It’s conversion into an agribusiness park will not transpire without the consent and blessings of the DAR,” said KMP chair Rafael Mariano.

Mariano said that DAR is responsible for monitoring and giving clearance in every transaction involving any sale, transfer, conveyance, and change of nature of agricultural lands.

“This clearly demonstrates the bankruptcy and failure of the sham CARP and the DAR to defend peasants’ rights over the lands,” Mariano said.

The group said that under CARP, widespread conversion of agricultural lands transpired, like in President Aquino’s Hacienda Luisita in Tarlac, Hacienda Roxas and Hacienda Looc in Nasugbu also in Batangas, Araneta Estate in Bulacan, Hacienda Dolores in Pampanga, and in the case of the  so-called Hacienda Binay.  Under section 65 of the CARP the conversion of agricultural lands are allowed into other uses five years after the award to supposed farmer beneficiaries.

The group maintained that “the agribusiness park in Rosario, Batangas allegedly owned by the Binays is a classic example of CARP’s failure to break big landlords’ monopoly of lands.

KMP also accused Tiu of being a “local conduit of global landgrabbers”, pointing to a study on global landgrabbing by Grain, an international non-profit organization that works to support small farmers and social movements in their struggles for community-controlled and biodiversity-based food systems.

According to a Grain study, Tiu entered into international agribusiness ventures with China and Saudi Arabia.

“We challenge Aquino’s DAR and Congress to immediately stop Tiu’s landgrabbing deals with China and Saudi Arabia. Aquino’s failure to stop Tiu’s deal with China and Saudi Arabia is tantamount to approval of big ticket landgrabbing and massive displacement of farmers in the countryside,” Mariano said.

The group reiterated that landgrabbing by big agribusinesses transnational proliferated under the CARP. The group cited figures from the research think-tank Ibon Foundation that said that some 1.2 million hectares are under agribusiness contracts and that leasehold farmers have increased from 555,232 in 1988 to 1,216,430 in 2012.

“Lands under leasehold arrangements increased from 582,476 hectares in 1988 to 1,740,345 hectares in 2012. Millions of farmers are still under contract agreements with plantation owners and agribusiness corporations, many of which contracts are onerous to the interests of farmers and farm-workers,” Mariano said.

]]>
http://pinoyweekly.org/new/2014/11/farmers-blame-dar-carp-for-allowing-hacienda-binay-conversion/feed/ 0
Kawalang-hustisya sa mga magsasaka, lumalala sa ilalim ni Aquino http://pinoyweekly.org/new/2014/10/kawalang-hustisya-sa-mga-magsasaka-nagpapatuloy-sa-ilalim-ni-aquino/ http://pinoyweekly.org/new/2014/10/kawalang-hustisya-sa-mga-magsasaka-nagpapatuloy-sa-ilalim-ni-aquino/#comments Wed, 22 Oct 2014 11:52:13 +0000 http://pinoyweekly.org/new/?p=31931 Martsa ng mga masasaka sa Mendiola, para patalsikin si Pang. Benigno Aquino III.<strong>Pher Pasion</strong>

Martsa ng mga masasaka sa Mendiola para ipanawagan ang pagpapatalsik kay Pangulong Aquino. Pher Pasion

Hindi nakikita ng magsasakang si Renato Mendoza na may tunay na repormang agraryo sa bansa sa ilalim ni Pangulong Aquino.

Ramdam ito sa mismong Hacienda Luisita na inaangkin ng pamilya ng Pangulo. Dito rin nagsasaka si Mendoza.

“Wala pa rin kaming sariling lupa hanggang sa ngayon sa kabila ng desisyon ng Korte Suprema na dapat ipamahagi na ang lupa. Gamit pa rin (ng pamilyang Aquino-Cojuangco) ang impluwensiya nito. Gamit pa rin nila ang mga militar at pulis para dahasin kami sa araw-araw,” ayon kay Mendoza, sa panayam ng Pinoy Weekly.

Kaisa siya sa libu-libong mga magsasaka sa pamumuno ng Kilusang Magbubukid ng Pilipinas (KMP) na nagmartsa patungong Mendiola sa para kanilang ipanawagan ang pagpapatalsik kay Aquino sa puwesto.

Sinunog ng mga magsasaka ang imahe ni Pang. Aquino na nagpapakita nang paghahangad nito para sa ikalawang termino.<strong>Pher Pasion</strong>

Sinunog ng mga magsasaka ang imahe ni Pangulong Aquino na nagpapakita ng paghahangad nito para sa ikalawang termino. Pher Pasion

Para sa mga magsasaka, walang anumang maaasahang reporma sa lupa at magpapatuloy lamang ang pandarahas sa kanilang hanay kung mananatili pa si Aquino sa puwesto.

Wala sa gusto ng pangulo

Para sa KMP, mga kapwa panginoong maylupa ang pinagsisilbihan ni Aquino sa kanyang mga polisiya. Sa halip na isabatas ang Genuine Agrarian Reform Bill (GARB), pilit na binubuhay ng administrasyong Aquino ang Comprehensive Agrarian Reform Program (CARP), ang batas na nagpanatili sa mga asyenda sa pagmamay-ari ng iilang panginoong maylupa sa bansa.

Ayon sa Ibon Foundation, institusyon ng independyenteng pananaliksik, isa si Aquino sa mga pangulong may pinakamababa o pinakamabagal sa pagmamahagi ng lupa. Siyam sa sampung magsasaka na dapat ay benepisaryo (ng pamamahagi ng lupa) ang walang sariling lupang sinasaka. Tatlo naman sa apat na magsasaka ang hindi kayang magbayad sa lupa dahil hindi libre ito sa ilalim ng CARP.

Nasa 19,700 ektarya kada buwan ang lupaing napapamahagi ng administrasyong Aquino. Malayo ito sa 27,600 ektarya kada buwan na average sa kasaysayan ng pamamahagi ng lupa ng mga administrasyon.

Pinuna rin ng Ibon ang pagiging bukas ng gobyerno sa dayuhang pag-aari at pagnenegosyo sa mga lupain sa bansa.

“Kinakaharap pa rin ng maraming magsasaka sa bansa ang kawalan ng sariling lupang sinasaka. Nariyan ang land use conversations o pagpapalit ng gamit sa lupa, pagpasok ng mga dayuhang minahan lalo na ngayon sa pagpasok ng Asean (Association of Southeast Asian Nations) Intergration 2015 at Trans-Pacific Partnership na dominado ng imperyalismong US,” ayon kay Antonio Flores, pangkalahatang kalihim ng KMP.

Banta rin sa mga magsasaka ang Charter Change. Hindi lang ito tungkol sa pagpapalawig ng termino ni Aquino. Mas mapanganib sa kanila ang pagpapahintulot ng 100 porsiyentong pag-aari ng mga dayuhan sa lupain ng Pilipinas, ayon kay Flores.

Pandarahas, panunupil

Kasabay ng kawalan ng tunay na repormang agraryo ang patuloy na pandarahas sa hanay din ng mga magsasaka, ayon sa KMP.

Nasa mahigit 100 biktima ng pamamaslang sa mga magsasaka ang naitala ng KMP sa ilalim ng Oplan Bayanihan ng administrasyong Aquino, ayon kay Joel Maglungsod, pangalawang tagapangulo ng KMP.

Tuloy ang laban para sa mga magsasaka sa kabila ng panunupil at pandarahas sa kanilang hanay.<strong>Pher Pasion</strong>

Tuloy ang laban para sa mga magsasaka, sa kabila ng panunupil at pandarahas. Pher Pasion

Laganap din ang pagdukot at pagsasampa ng gawa-gawang mga kaso sa mga lider-magsasaka. Matindi rin ang militarisasyon lalo na sa mga lugar na may sigalot sa usapin sa lupa, ayon kay Maglunsod.

Ayon naman kay Zen Soriano, napag-alaman ng kanilang international fact finding mission na matindi ang epekto ng patuloy na pandarahas sa hanay ng mga magsasaka at sa kanilang pamilya.

“Apektado ang kanilang pang-ekonomiyang kalagayan. Sinira ang kanilang pananim, binoldoser ang kanilang pananim, nawalan sila ng ikabubuhay. Nariyan na pati ang kanilang mga anak nahihinto sa pag-aaral,” ayon kay Soriano.

Dagdag pa ni Soriano, napipilitang lumpitang na lang sa ibang trabaho ang mga magsasaka. Ang iba ay namamasukang katulong o di kaya nakikilabada na lamang.

Patalsikin, hindi palawigin

Hindi pagpapahaba sa termino, kundi pagpapatalsik sa puwesto, ang dapat na gawin ng mga mamamayan kay Aquino, ayon sa mga magsasaka.

“Kaya naming isa-isahin ang isang libo’t isang dahilan kung bakit nararapat patalsikin si Aquino. Dapat siyang matanggal sa Malakanyang. Hindi namin mapapayagan na ma-extend ang kanyang termino kahit isang araw,” ayon kay Rafael Mariano, tagapangulo ng KMP.

Tanging si Aquino at mga kauri niya lang ang nakikinabang sa kasalukuyang sistemang pampulitika at pang-ekonomiya, pagtatapos ni Mariano.

]]>
http://pinoyweekly.org/new/2014/10/kawalang-hustisya-sa-mga-magsasaka-nagpapatuloy-sa-ilalim-ni-aquino/feed/ 0
Larawan | Patuloy ang pagkait ng lupa sa mga magsasaka sa Hacienda Luisita http://pinoyweekly.org/new/2014/10/larawan-tumitinding-pagkait-ng-lupa-sa-mga-magsasaka-sa-hacienda-luisita/ http://pinoyweekly.org/new/2014/10/larawan-tumitinding-pagkait-ng-lupa-sa-mga-magsasaka-sa-hacienda-luisita/#comments Fri, 17 Oct 2014 17:52:44 +0000 http://pinoyweekly.org/new/?p=31854 Isang buwan bago ang ika-sampung taon na anibersaryo ng masaker sa Hacienda Luisita.

Itinuturo ng magsasaka na si Rebecca Santos ang dating lupa sa Hacienda Luisita na kanyang binubungkal bago sirain ng mga tauhan ni Virgie Torres, dating pinuno ng Land Transportation Office at sinasabing malapit na kaibigan ni Pangulong Aquino   Plano rin na bakuran ang lupang ito para pigilan ang mga magsasaka na  muling bungkalin ang lupa. <strong>Macky Macaspac</strong>

Itinuturo ng magsasaka na si Rebecca Santos ang dating lupa sa Hacienda Luisita na kanyang binubungkal bago sirain ng mga tauhan ni Virgie Torres, dating pinuno ng Land Transportation Office at sinasabing malapit na kaibigan ni Pangulong Aquino Plano rin na bakuran ang lupang ito para pigilan ang mga magsasaka na muling bungkalin ang lupa. Macky Macaspac

Rebecca Santos ng Hacienda Luisita <strong>Macky Macaspac</strong>

Rebecca Santos ng Hacienda Luisita Macky Macaspac

]]>
http://pinoyweekly.org/new/2014/10/larawan-tumitinding-pagkait-ng-lupa-sa-mga-magsasaka-sa-hacienda-luisita/feed/ 0