Pinoy Weekly http://pinoyweekly.org/new Philippine news, analysis, and investigative stories Sat, 25 Apr 2015 03:42:52 +0000 en-US hourly 1 http://wordpress.org/?v=4.1.1 ‘Gobyerno ng Pilipinas, nagsisinungaling sa kaso ni Mary Jane’ http://pinoyweekly.org/new/2015/04/gobyerno-ng-pilipinas-nagsisinungaling-sa-kaso-ni-mary-jane/ http://pinoyweekly.org/new/2015/04/gobyerno-ng-pilipinas-nagsisinungaling-sa-kaso-ni-mary-jane/#comments Sat, 25 Apr 2015 03:08:29 +0000 http://pinoyweekly.org/new/?p=34623 Protesta ng Migrante International sa harapan ng Department of Foreign Affairs para sa pagsasalba ng buhay ni Mary Jane Veloso. <strong>Pher Pasion</strong>

Protesta ng Migrante International sa harapan ng Department of Foreign Affairs para sa pagsasalba ng buhay ni Mary Jane Veloso. Pher Pasion

“Pawang mga kasinungalingan” ng administrasyong Aquino ang natuklasan ng mga abogado ni Mary Jane Veloso sa kanilang pagdating sa Indonesia para tumulong sa kaso.

Taliwas sa sinasabi ng gobyerno ng Pilipinas na ginagawa nila ang lahat para kay Mary Jane, malinaw na kapabayaan ang ginawa sa kaso ni Mary Jane, ayon sa PH legat team sa pangunguna nina Edre Olalia at Minnie Lopez, mga abogabo ni Mary Jane mula sa National Union of People’s Lawyers (NUPL).

Ayon sa mga ulat sa midya, umutos na ang gobyerno ng Indonesia sa pangunguna ni Pang. Joko Widodo na bitayin si Mary Jane.

Hindi pa rin naisusumite umano ng gobyerno ng Pilipinas ang apela nito para sa second judicial review. Sa pinakahuling pahayag ng Migrante, naisumite na ng mga abogado ni Mary Jane, ngayon lamang Abril 24, 2015 ganap na 3:50 ng hapon ang apela para sa second judicial review para sa kaso ni Mary Jane.

Nakikipag-usap ang human rights lawyer na si Edre Olalia sa mga kapwa abogadong Indonesian sa harap ng isang bilding sa Jakarta. Larawan mula sa FB page <b>Save the Life of Mary Jane Veloso</b>

Nakikipag-usap ang human rights lawyer na si Edre Olalia sa mga kapwa abogadong Indonesian sa harap ng isang bilding sa Jakarta. Larawan mula sa FB page Save the Life of Mary Jane Veloso

Sa  pakikipag-usap din ng PH legal team sa Rudyantho & Partners (R&P), mga abogadong Indonesian ni Mary Jane, kanilang natuklasan na hindi totoo na nagbigay ang embahada ng Pilipinas kay Mary Jane ng abogado mula sa umpisa ng kaso. Kinumpirma umano ito ng isang Atty. Agus Salim, na sa appeal stage lamang kinuha ng embahada ang serbisyo ng R&P.

Bago at sa pagtakbo ng pagdinig sa korte, isang abogado ng korte, katulad ng Public Assistance Office (PAO) sa Pilipinas ang nagrepresinta lamang kay Mary Jane.

Sa mga lumipas na taon, humingi na umano ng tulong ang R&P sa gobyernong Aquino para imbestigahan si Kristina “Tintin” Sergio, ang itinuturong recruiter at trafficker ni Mary Jane, kahit bago pa man maisumite ang unag petisyon para sa judicial review.

Malaking instrumento sana ito para sa pag-apela nila. Dismayado sila nang malamang inasikaso lamang umano ito ng gobyerno ng Pilipinas matapos ibasura ng Indonesian Supreme Court ang judicial review noong Marso 25, 2015.

Nito lamang Abril 16, 2015 nakapagsumite ng letter-complaint laban kay Sergio, sa tulong ng mga abogado ng NUPL na pawang mga pro bono (o nagbigay ng libreng serbisyo), sa National Bureau of Investigation, Philippine Drug Enforcement Agency (PDEA), at Inter-Agency Council against Trafficking (IACAT).

Isang sertipikasyon mula sa may mga awtoridad sa Pilipinas na nakasalin sa Bahasa ay krusyal para suportahan ang paghiling sa second judicial review. Hinihintay pa rin sa kasalukuyan ang nasabing sertipikasyon.

Nito lamang nakaraang lingo nang ibigay ng embahada ng Pilipinas sa R&P ang mga opisyal na salin ng una at ikalawang hatol sa kaso ni Mary Jane. Oktobre 11, 2010 nang hatulan si Mary Jane ng kamatayan ng District Court of Justice of Sleman sa Yogjakarta, Indonesia. Pinagtibay naman ng Court of Appeal ng Yogjakarta ang parusang kamatayan kay Mary Jane noong Pebrero 10, 2011.

Sa isinumiteng report ng PDEA para sa plano nitong pagtulong sa pagsumite ng second petition for judicial review, na nagmula sa testimonya ni Mary Jane matapos siyang bisitahin noong Marso 29, 2015, nito lamang Abril 23, 2015 nakatanggap ang R&P ng salin ng report sa Bahasa. Halos isang buwan matapos makuha ng PDEA ang testimonya ni Mary Jane.

Hindi pa umano nakikipagkoordina ang PDEA sa Indonesian counterpart nito na Basan Narkotika Basional (BNN) para ipagkumpara ang resulta ng kanilang mga imbestigasyon. Hindi pa nakakakuha ng kopya ng report ang PH legal team at ang R&P.

Hindi rin daw totoo ang sinasabi ng gobyerno ng Pilipinas na hindi agad mangyayari ang pagbitay kay Mary Jane hangga’t hindi nareresolba ang lahat ng apela ng Bali 9 (isang sindikato ng droga sa Indonesia kung saan pilit iniuugnay si Mary Jane).

Nilinaw ng R&P na walang epekto ang pagkakabinbin ng apela ng Bali 9 sa sentensiyang kamatayan kay Mary Jane, kaya higit ang agarang makuha ang mga kinakailangang dokumento mula sa gobyerno ng Pilipinas para maisalba si Mary Jane.

“Ang katotohanan ay walang ginawa ang gobyernong Aquino sa kaso ni Mary Jane, kaya nagkukumahog sila ngayon. Nasa bingit ng kamatayan ang isang inosente nating kababayan dahil sa kapabayaan at kawalang-pakialam ng gobyerno. Hindi ito bago. Ganito rin sa lahat ng mga OFW. Ganito rin sa Mamasapano. Ganito rin sa Hacienda Luisita. Ganito rin kay Jennifer Laude. Ganito rin kay Kristel Tejada. Ganito rin sa lahat ng Pilipino,” ayon kay Garry Martinez, chairperson ng Migrante International.

Nanawagan si Martinez sa lahat ng mga tagasuporta ng #SaveMaryJaneVeloso campaign na panagutin ang administrasyong Aquino sa “kriminal na kapabayaan” nito sa kaso ni Mary Jane.

 

]]>
http://pinoyweekly.org/new/2015/04/gobyerno-ng-pilipinas-nagsisinungaling-sa-kaso-ni-mary-jane/feed/ 0
Kawalan ng trabaho sa Pilipinas, nagtulak kay Mary Jane Veloso na mangibang-bansa — Gabriela http://pinoyweekly.org/new/2015/04/kawalan-ng-trabaho-sa-pilipinas-nagtulak-kay-mary-jane-veloso-na-mangibang-bansa-gabriela/ http://pinoyweekly.org/new/2015/04/kawalan-ng-trabaho-sa-pilipinas-nagtulak-kay-mary-jane-veloso-na-mangibang-bansa-gabriela/#comments Sat, 25 Apr 2015 02:46:24 +0000 http://pinoyweekly.org/new/?p=34613 Nagtungo sa Mendiola sa Maynila ang kababaihan sa ilalim ng Gabriela para sa trabaho sa bansa at pagsalba sa buhay ni Mary Jane Veloso at iba pang mga migranteng Pilipino na nasa death row. <strong>Pher Pasion</strong>

Nagtungo sa Mendiola sa Maynila ang kababaihan sa ilalim ng Gabriela para sa trabaho sa bansa at pagsalba sa buhay ni Mary Jane Veloso at iba pang mga migranteng Pilipino na nasa death row. Pher Pasion

Nagtungo ang kababaihan ng Gabriela sa Mendiola mula Trabaho Market sa Maynila para singilin ang administrasyong Aquino sa patuloy na kawalan ng tunay na trabaho para sa mga mamamayan na nagtutulak sa maraming Pilipino para mangibang bayan.

Bahagi rin ito ng panawagawan nila para isalba ang buhay ni Mary Jane Veloso, Pilipinang hinatulan ng kamatayan sa Indonesia.

Tinawag nilang “Martsa ng Kababaihan para sa regular na trabaho sa sariling bayan” ang nasa nasabing pagkilos. Kanilang iginigiit sa administrasyong Aquino na lumikha ng mga pambansang industriyang magbibigay ng trabaho sa loob ng bansa para hindi mapilitang umalis ng Pilipinas ang maraming Pilipino tulad ni Veloso.

Maraming nais magtrabaho para mabuhay pero walang trabahong mapasukan, ayon kay Misty Lorin, deputy-secretary general ng Gabriela.

“Kung anu-anong trabaho na lang ang pinapasukan gaya ng paggugupit, pagtitinda, paglilinis ng kuko, at kung anu-ano pa para lamang may mapakain sa pamilya. Lahat naghahanap at nawawalan ng trabaho sa bansa dahil na rin sa neo-liberal na mga polisiyang ipinatutupad ng gobyernong Aquino,” ayon kay Lorin.

Dahil sa kawalan ng trabaho, nasa 6,000 Pilipino ang lumalabas ng bansa para doon makipagsapalaran, ayon sa Migrante. Ganito na umano ang naging kuwento ng buhay ng maraming Pilipino na pikit-matang iniiwan ang kanilang mga pamilya para makapaghanapbuhay dayuhang bayan, ayon sa Migrante International.

“Isa lamang si Mary Jane sa maraming Pilipinong nasa bingit ng kamatayan na hindi man lamang matulungan ng mismong gobyerno ng Pilipinas. Maraming kababayan natin ang nasa kulungan, biktima ng iba’t ibang anyo ng karahasan at pang-aabuso pero wala silang makuhang tulong mula sa gobyerno,” ayon kay Sol Pillas, secretary-general ng Migrante.

Ayon naman kay Gabriela Women’s Party Rep. Emmi de Jesus, hindi mga hangal ang mga migranteng Pilipino na nagnanais ng mapanganib na trabaho sa ibang bansa. Nagagawa nila ito dahil sa desperasyon na humanap ng trabaho na hindi nila makita sa Pilipinas.

Gayundin, isinusulong ng GWP ang House Bill 4396 o Regular Employment Bill para ipagbawal ang mga mapang-abusong kontrata sa paggawa sa bansa para masigurong mayroong disenteng trabaho at nakabubuhay na sahod at benepisyo ang mga Pilipino.

“Pero ang hakbang nating ito sa Kongreso ay ambag lamang. Nasa kamay pa rin ng mamamayan, nasa sama-sama nating pagkilos sa labas ng Kongreso ang ikatatagumpay para wakasan ang sistema ng kontraktuwalisasyon sa bansa,” ayon kay De Jesus.

Dagdag ni Lorin, imbes na paglikha sa pambansang industriya, pinasasahol pa umano ng gobyerno ang pribatisasyon ng mga mahahalagang industriya gaya ng kuryente, tubig, at langis na siyang naging dahilan ng pataas nang pataas na singil sa mga ito.

“Ngayong darating na buwan ng Mayo, tataas na naman ang singil sa kuryente, tubig ng Maynilad, at presyo ng langis. Mas lalo pang matindi ang epekto nito dahil limos lamang ang binibigay na dagdag-sahod sa mga manggagawa,” ayon kay Lorin.

Umaasa ang Gabriela na makikisimpatya ang mga mamamayan sa kaso ni Mary Jane dahil tiyak na may isang  OFW sa pamilya o sa kamag-anak nila at nararamdaman din nila ang epekto ng hirap ng buhay sa Pilipinas lalo na at walang trabaho sa bansa.

Makikiisa umano ang kababaihan sa kilos-protesta sa Mayo Uno, pandaigdigang araw ng mga manggagawa, para singilin ang administrasyong Aquino sa mga pag-atake at pagpapabaya nito sa mga manggagawa at mamamayan.

 

]]>
http://pinoyweekly.org/new/2015/04/kawalan-ng-trabaho-sa-pilipinas-nagtulak-kay-mary-jane-veloso-na-mangibang-bansa-gabriela/feed/ 0
Larawan | Ika-42 taon ng pagkakatatag ng NDF, ginunita sa raling iglap http://pinoyweekly.org/new/2015/04/larawan-ika-42-taon-ng-pagkakatatag-ng-ndf-ginunita-sa-raling-iglap/ http://pinoyweekly.org/new/2015/04/larawan-ika-42-taon-ng-pagkakatatag-ng-ndf-ginunita-sa-raling-iglap/#comments Fri, 24 Apr 2015 16:55:24 +0000 http://pinoyweekly.org/new/?p=34603 Nagsagawa ng raling iglap sa mataong kalsada ng EDSA at Aurora Boulevard sa Cubao, Quezon City ang  rebolusyonaryong mga organisasyong kaanib ng National Democratic Front (NDF), bilang paggunita sa ika-42 anibersaryo ng pagkakatatag nito.

Sa kanilang martsa, muling ipinanawagan ng NDF ang pagpapatalsik sa namamayaning sistemang pampulitika at panlipunan sa Pilipinas na kinakatawan ng administrasyong Aquino. Ayon sa NDF,  sunud-sunuran lang ang administrasyong Aquino sa dikta ng imperyalismong Estados Unidos.

Hinikayat din ang publiko ng mga nagmartsa na lumahok sa digmang bayan na pinapangunahan ng New People’s Army 0 NPA sa kanayunan para anila sa pagpapalaya ng sambayanan.

Rebolusyonaryong grupo ng mga magsasaka. <b>Macky Macaspac</b>

Rebolusyonaryong grupo ng mga magsasaka. Macky Macaspac

Kuha ni <b>Darius Galang</b>

Kuha ni Darius Galang

Rebolusyonaryong grupo ng mga kawani ng gobyerno. <b>Boy Bagwis</b>

Rebolusyonaryong grupo ng mga kawani ng gobyerno. Boy Bagwis

Nagkabit ng tarpaulin ang mga rebolusyonaryong guro ng Katipunan ng mga Gurong Makabayan o Kaguma. <b>Boy Bagwis</b>

Nagkabit ng tarpaulin ang mga rebolusyonaryong guro ng Katipunan ng mga Gurong Makabayan o Kaguma. Boy Bagwis

Mga miyembro ng Makabayang Kilusan ng Bagong Kababaihan. <b>Boy Bagwis</b>

Mga miyembro ng Makabayang Kilusan ng Bagong Kababaihan. Boy Bagwis

Daan-daan ang lumahok sa lightning rally na ito. <b>Darius Galang</b>

Daan-daan ang lumahok sa lightning rally na ito. Darius Galang

May mga manggagawang pangkalusutan na rebolusyonaryong organisasyon na nakapaloob sa NDF. <b>Macky Macaspac</b>

May mga manggagawang pangkalusutan na rebolusyonaryong organisasyon na nakapaloob sa NDF. Macky Macaspac

Mga miyembro ng NDF-Metro Manila. <b>Macky Macaspac</b>

Mga miyembro ng NDF-Metro Manila. Macky Macaspac

Nanood ang isang maralita sa pagdaan ng rebolusyonaryong mga manggagawa sa ilalim ng Revolutionary Council of Trade Unions. <b>Macky Macaspac</b>

Nanood ang isang maralita sa pagdaan ng rebolusyonaryong mga manggagawa sa ilalim ng Revolutionary Council of Trade Unions. Macky Macaspac


 

]]>
http://pinoyweekly.org/new/2015/04/larawan-ika-42-taon-ng-pagkakatatag-ng-ndf-ginunita-sa-raling-iglap/feed/ 0
K-12, paparamihin lamang ang mga Mary Jane – LFS http://pinoyweekly.org/new/2015/04/k-12-paparamihin-lamang-ang-mga-mary-jane-lfs/ http://pinoyweekly.org/new/2015/04/k-12-paparamihin-lamang-ang-mga-mary-jane-lfs/#comments Thu, 23 Apr 2015 21:44:25 +0000 http://pinoyweekly.org/new/?p=34592 Piket ng mga grupo ng kabataan sa harap ng DepEd NCR. <b>Darius Galang</b>

Piket ng mga grupo ng kabataan sa harap ng DepEd NCR. Anila, nakatuon lang ang K-to-12 sa labor export policy ng pamahalaan. Darius Galang

Nagpiket ang grupo ng kabataan sa tanggapan ng Department of Education sa National Capital Region (DepEd-NCR) para ipanawagan ang pagbabasura ng programang Kindergarten-to-12 Years (K-12) sa sistema ng edukasyon sa bansa.

Anila, magdudulot ito ng lalong pagdami ng murang lakas-paggawa na iluluwas palabas ng bansa.

Tumungo nag mga grupong pinangunahan ng League of Filipino Students (LFS), kasama ang Migrante International at Kilusang Mayo Uno, sa tarangkahan ng opisina upang irehistro ang panawagan. Kasama rin nila ang ilang estudyanteng naka-uniporme.

Anila, pag-iibayuhin ng K-12 ang pagsandig ng ekonomiya ng bansa sa pag-eeksport ng lakas-paggawa dahil sa kawalan ng trabaho sa loob ng Pilipinas. Itinuon din nila ang piket sa pagtuligsa sa paggawa ng “marami pang Mary Jane Veloso”.

Kasalukuyang nakasalang sa death row si Mary Jane sa Indonesia sa kasong ilegal na pagdala ng ilegal na droga. Pero iginiit niyang biktima lang si Mary Jane ng human trafficking at ginawang drug mule o tagapagdala ng ilegal na droga nang di niya nalalaman.

“Malinaw na halimbawa si Mary Jane sa kahihinatnan ng ating mga overseas Filipino worker sa ilalim ng labor export policy ng administrasyong Aquino. Aasahan nating sasapitin ng milyong kabataan ang ganitong uri ng kapahamakan kapag tuluyan nang ipinatupad ang K-12,” ani Charisse Bañez, tagapagsalita ng LFS.

Sinabi pa ni Banez na apektado ang mga tulad ni Mary Jane ng K-12 dahil kailangang dumaan sa bagong programa sa eksuwela ang dalawang anak niya na sina Mark Daniel at Mark Darrel.

Maaaring sapitin din umano nila ang pakikipagsapalaran sa ibang bansa tulad ng sinapit ng kanilang ina, dagdag ng lider-kabataan.

Ihinalintulad pa ni Bañez ang Senior High School na programa ng K-12 sa programa ng TESDA, na magbibigay ng mga teknikal at bokasyonal na kurso tulad ng housekeeping, welding, plumbing, bartendering, at iba pa. Malinaw na pagtugon umano ito sa malaking pangangailangan para sa kanila sa ibang bansa.

Tuloy pa ni Bañez na hahatakin pa lalo pababa ang sahod ng mga manggagawa sa pagpapatupad ng K-12.

“Paparamihin lang nito ang walang trabaho sa pagpapalabas ng mga magtatapos sa hayskul at may edad na hanggang 18 anyos. Ito ang minimum na edad upang makapasok sa isang kontrata. Gagamitin lamang ito ng mga kompanya para hatakin pababa ang sahod para maseguro ang kita nila,” paliwanag pa ni Banez.

Dagdag pa niya na hindi pa rin mareresolbahan ng K-12 ang kaseguruhan sa trabaho pagtapos ng pag-aaral.

Sa datos ng Ibon Foundation, apat sa 10 Pilipino na walang trabaho ay nakapagkolehiyo, habang dalawa sa 10 ang nakapagtapos sa kolehiyo. Samantala, walo sa 10 na walang trabaho ang nakapaghayskul.

“Kailangan talagang ipanawagan ang pagbasura sa isang kontra-mamamayan na polisiya tulad ng K-12, at ipanawagan din ang pagpapababa sa puwesto ni Pangulong Aquino sa pagpapasimuno ng isang depektibong programa na nagsasalang sa ating kabataan sa kapahamakan at pagsasamantala,” pagtatapos ni Bañez.

]]>
http://pinoyweekly.org/new/2015/04/k-12-paparamihin-lamang-ang-mga-mary-jane-lfs/feed/ 0
Korte Suprema, naglabas ng TRO sa CHED Memo na ‘kontra sa wikang Filipino’ http://pinoyweekly.org/new/2015/04/korte-suprema-naglabas-ng-tro-sa-ched-memo-na-kontra-sa-wikang-filipino/ http://pinoyweekly.org/new/2015/04/korte-suprema-naglabas-ng-tro-sa-ched-memo-na-kontra-sa-wikang-filipino/#comments Thu, 23 Apr 2015 21:42:19 +0000 http://pinoyweekly.org/new/?p=34594 Pagsuporta ng mga mag-aaral sa laban para ipagtanggol ang wikang Filipino. Pher Pasion

Pagsuporta ng mga mag-aaral sa laban para ipagtanggol ang wikang Filipino. Pher Pasion

Patuloy na ituturo ang Filipino at literaturang Filipino sa mga paaralan.

Tagumpay ng sama-samang pagkilos ang desisyon ng Korte Suprema na maglabas ng ng isang temporary restraining order kontra sa Commission on Higher Education (CHED) Memorandum Order (CMO) No. 20, Series of 2013, na ayon sa mga kritiko’y kontra sa pagtuturo ng wikang Filipino sa mga kolehiyo.

Inaalis ng naturang memorandum ang ilang asignatura sa tertiary education gaya ng wikang Filipino, Literatura, at Philippine Government & Constitution.

Nagpetisyon sa Kataas-taasang Hukuman noong Abril 15 kontra sa naturang memorandum ang grupong Tanggol Wika. Kabilang sa mga lumagda sa petisyon sina National Artist for Literature Dr. Bienvenido Lumbera, ACT Teachers Rep. Antonio Tinio, Anakpawis Rep. Fernando Hicap, Kabataan Rep. Terry Ridon, at 70 akademiko, manunulat at iba pang at propesyunal para sa pagpapatigil sa panukala.

The court granted the prayer… and without necessarily giving due course to the petition, issued a TRO effective immediately and continuing until further orders from court,” ani Theodore Te, tagapagsalita ng Korte Suprema.

Iginiit ng mga nagpetisyon na walang konsultasyon na ginawa ang CHED sa mga kolehiyo at unibersidad bago ilabas ang memorandum.

Dagdag pa nila, labag ito sa 1987 Saligang Batas, kabilang ang mga probisyon na nakatuon sa general education curriculum sa kolehiyo na may oryentasyong makabayan.

Ipinaliwanag pa ng mga nagpetisyon na may limang paglabag ito sa Article XIV (Education, Science and Technology, Arts, Culture and Sports) at Article XIII (Social Justice and Human Rights) ng Saligang Batas.

Ilan pang batas tulad ng Republic Act No. 232 o Education Act of 1982, Republic Act No. 7356 o Organic Act of the National Commission on Culture and the Arts, at Republic Act 7104 Organic Act of the Komisyon sa Wikang Filipino/KWF/Commission on the Filipino Language ang nilabag umano ng memorandum.

Pangako ng mga nagpetisyon na patuloy silang magmamatyag, lalo pa’t pansamantala lang ang pagtigil sa memorandum habang inaaral pa ito ng  korte.

]]>
http://pinoyweekly.org/new/2015/04/korte-suprema-naglabas-ng-tro-sa-ched-memo-na-kontra-sa-wikang-filipino/feed/ 0
Kid Kulafu: Kalbaryo ng Batang Manny http://pinoyweekly.org/new/2015/04/kid-kulafu-kalbaryo-ng-batang-manny/ http://pinoyweekly.org/new/2015/04/kid-kulafu-kalbaryo-ng-batang-manny/#comments Thu, 23 Apr 2015 03:19:18 +0000 http://pinoyweekly.org/new/?p=34588 508383009_640Before he was Manny Pacquiao, he was Kid Kulafu, sabi ng movie poster ng Star Cinema na nagprodyus ng pelikula tungkol sa batang Manny Pacquiao. Pinagbibidahan ito ng isang di-sikat pero dating best child performer (Ang Panday) na si Buboy Villar, sa direksyon ni Paul Soriano at iskrip ni Froilan Medina.

Itinaon ang pagpapalabas ng Kid Kulafu sa mga sinehan bago ang “Fight of the Century” nina Manny Pacquiao at Floyd Mayweather na inaabangan sa Pilipinas at sa buong mundo sa Mayo 2 (o Mayo 3, kung sa Pilipinas). Talaga namang hindi na maihihiwalay sa boksing, lalo’t Pacquiao, ang kalansing ng sentimo, sa takilya man o sa ring.

Anu’t anuman, bagaman may ilang eksena na nagda-drag at eksaherado, makinis ang pagkakagawa ng Kid Kulafu kaysa karaniwan, dahilan marahil kung bakit umani ito ng “A” sa Cinema Ratings Board. Mahusay ang pag-build up ng tensiyon sa bawat mahahalagang pangyayari sa buhay ng batang Manny, matalas at mabilis ang sinematograpiya, nakakagising ang tunog ng musika, at akma ang paggamit ng mga hiyawan at sigawan ng mga manonood ng boksing para pataasin ang excitement sa mga eksena.

Marami nang alam ang tao kay Manny at marami na ring pelikula ang ginawa tungkol sa alamat niya, pero isa ito marahil sa pelikulang dina-jab ka sa katotohanang ibinibilad ng mga eksena.

Walang takot

Sa simula pa lamang ay ipinakita nang kinalakhan ni Manny ang bakbakan, at hindi ordinaryong bakbakan, kundi ang madugong sagupaan sa pagitan ng NPA at AFP na naglabanan sa kanilang baryo sa Bukidnon noong 1985.

Isang dahilan marahil ito kung bakit hindi siya takot sa dugo at sa karahasan, at kahit umuulan ng bala at bomba sa paligid niya ay makikitang mahinahon at buo ang loob kahit bata pa. Lumalabas na lumaki siya sa isang sonang gerilya ng NPA at mas panatag ang loob ng pamilya sa mga rebelde kaysa mga tropa ng AFP na tumangay ng tanghalian nila.

Gayunman, ang pagputok ng giyerang ito sa kanayunan ang ipinakitang dahilan ng paglikas ng pamilyang Pacquiao noong 1990s sa kanilang mga kamag-anak sa General Santos City. Tangay ni Dionisia (Alessandra de Rossi) ang apat na anak, sa kabila ng pag-aalangan ng asawang si Rosalio (Alex Medina) na mas sanay sa bukid ngunit kinalauna’y nag-abandona rin sa kanila.

Dahil halatang tagabaryo, naging biktima si Manny at kapatid nito ng mga kaklaseng bully sa siyudad. Noo’y lampa pa siya at umiiwas sa laban. Subalit dahil marahil sa karanasang ito ay nakahiligan niya ang panonood kay Bruce Lee, at palihim na ginagaya ang mga stroke nito, na napansin ng kanyang Tiyo Sardo (Cesar Montano) na adik sa boksing at pag-inom ng syoktong na Kulafu.

Left hook

Ang tiyo ang unang nakaramdam na malakas ang left hook ni Manny at mula noon ay sinanay na siya at parang sabong na inilaban sa mga lokal na derby, at binansagang Kid Kulafu. Napansin na rin ang bilis at liksi niya sa ring. At higit sa lahat, kahit maliit, hindi siya takot humarap at makipagsabayan sa mas matatangkad at matitipunong kalaban.

Ipinakita ng pelikula na higit pa sa kalupitang naranasan ang dahilan ng pagseseryoso ni Manny sa boksing. Lalo siyang itinulak dito ng pagkakasakit ng ina, ng gutom, at ng buhay na mas mahirap pa sa daga. Kahit ano pa ang sipag niya sa paglalako ng tinapay o pangangalakal ng bote kapos na kapos ang kita ni Manny para matulungan ang ina. Boksing na lamang ang kanyang pag-asa para makaahon ang pamilya, kahit galit na galit ang kanyang ina, na ang mas nais ay magpari siya.

May katwiran din naman ang ina. Walang sinumang makapagsasabi na magaan ang trabahong boksing. Hindi lamang dahil sa basagan ito ng mukha at bugbugan ng katawan. Para sa batang si Manny at mga kasama niyang boksingero na naengganyong sa Maynila pumunta para umangat, kumita pa at manalo ng korona, doble pa ang inabot na pagsasamantala.

Hindi lamang sila ikinakalakal ng mga promoter sa iba’t ibang laban o pinapanday sa pagsasanay kahit gutom o pagod na. Nagtatrabaho pa sila sa libreng oras bilang mga manggagawa sa isang madilim na bodega (sweatshop) at naglilinis ng bote para sa sariling panustos o pangangailangan.

Kaya naman kapag nakahawak ng konting pera, maramdaman man lang na tao rin sila at hindi makina, para silang nakakawala sa hawla sa pagsasaya — alak, sigarilyo, karaoke. Dito marahil nakuha ni Manny ang hilig sa pagkanta. Ngunit sa likod ng mga katuwaan binanggit pa rin ni i Manny sa isang eksena na “mas mahirap ang buhay kaysa boksing.”

Sa pelikula’y ipinakita na hindi lamang mabuting anak si Manny; mapagmahal din siyang kaibigan. Nang mamatay ang kasama at kaprobinsiyang boksingerong si Eugene (Khalil Ramos) matapos ma-knock out sa isang dinayang laban, doon lang siya nakitang pumalahaw ng iyak sa loob ng morge, sinuntok ang mga dingding at salamin sa galit at pamimighati.

Tibay ng loob

Ngunit hindi ito nagpahina nang loob niya na bumitaw sa ring. Tuloy pa rin ang laban, at habang nasasaktan ay lalong tumatapang. Nagpursige siya at naipagwagi ang kanyang mga laban hanggang sa tanghaling pandaigdigang kampeon sa walong dibisyon sa boksing. Ngunit ang maganda rin sa Kid Kulafu ipinapakitang hindi siya superman; noong bata pa ay naranasan na ring bumagsak at matalo sa ilang laban, pero hindi umatras at nagbalikwas para magtagumpay.

Naging kalakasan ng pelikula ang natural at mahusay na pag-arte ng mga artista sa Kid Kulafu laluna ni Buboy Villar na masang-masa ang dating at inaral nang husto ang mga galaw ni Manny; gayundin naman si Alessandra de Rossi bilang Dionisia na bagaman disciplinarian at mataray ay hindi matatawaran sa pagmamahal at pagtatanggol sa anak. Sa direksiyon ni Paul Soriano ay lumitaw ang mga totoong tao, nabigyan ng buhay ang iskrip ni Florian Medina, at nabuo ang isang pelikulang makabuluhan at hitik sa inspirasyon nang hindi mo namamalayan.

Sa lahat ng ito, kung meron mang malaking idinulot ang Kid Kulafu, ito ay ang pagkilala kung paano nahubog ang karakter ng isang Manny Paquiao bilang tao at bilang boxer. Marahil kung madadalang lahat ni Manny sa Mayo 2 ang mga katangiang ito — walang takot, buo ang loob, mahinahon, determinado, may kapasyahang magwagi – isang tunay na fighter, magugulantang ang mundo sa tagumpay ng isang Pilipino.

]]>
http://pinoyweekly.org/new/2015/04/kid-kulafu-kalbaryo-ng-batang-manny/feed/ 0
#SaveMaryJane | Suporta kay Mary Jane Veloso, dumarami http://pinoyweekly.org/new/2015/04/savemaryjane-suporta-kay-mary-jane-veloso-dumarami/ http://pinoyweekly.org/new/2015/04/savemaryjane-suporta-kay-mary-jane-veloso-dumarami/#comments Tue, 21 Apr 2015 20:16:39 +0000 http://pinoyweekly.org/new/?p=34580 Nagpahayag ng pakikiisa si Russel, anak ni Flor Contemplacion, sa laban para salbahin ang buhay ni Mary Jane Veloso. <b>Iya Espiritu</b>

Nagpahayag ng pakikiisa si Russel, anak ni Flor Contemplacion, sa laban para salbahin ang buhay ni Mary Jane Veloso. Iya Espiritu

Patuloy na umaani ng suporta si Mary Jane Veloso, ang overseas Filipino workers (OFWs) na nahatulan ng kamatayan sa Indonesia, mula sa iba’t ibang sektor sa loob at labas ng bansa.

Isang solidarity lunch kamakailan ang idinaos ng mga kapamilya ng mga kapwa OFWs para kay Veloso. Ayon sa Migrante International, na siyang nag-organisa ng pagtitipon, layunin nitong pagkaisahin ang kaanak ng OFWs para bigyang suporta si Veloso.

Dalawang linggo ang nakalipas nang mabalitaan ko ang nangyari kay Mary Jane mula sa mga balita at mismo sa Migrante. Hindi ako nagdalawang-isip na puntahan sila ngayon dahil alam na alam ko ang pakiramdam ng kapamilya lalo pa’t naranasan ko din ito,” sabi ni Russel Almares, anak ng nasawing OFW na si Flor Contemplacion.

Ginunita noong Marso 17 ang ika-20 taon ng pagbitay ng gobyernong Singaporean kay Contemplacion.

Sinabi ni Almares na buhay pa rin sa kanyang isip ang krisis na dinaanan ng kanyang pamilya dalawang dekada na ang nakararaan. Pinayuhan niya ang kaanak ni Veloso na huwag mawalan ng pag-asa.

Lumalakas ang aming loob dahil sa suporta na ibinibgay sa amin ng Migrante at ng mga abogado,” sabi ni Christopher Veloso, nakakatandang kapatid ni Veloso.

Sinabi pa ni Christopher na kahit na mahirap ang kanilang buhay sa Nueva Ecija, nakasisiguro siyang di gagawa ng ilegal na bagay ang kanyang kapatid, katulad ng ibinibintang sa kanya sa Indonesa na sadyang nagdala umano ng drogang heroin sa naturang bansa.

Sigurado kami na di gagawin ng bunso kong kapatid ang ilegal na bagay na makakasira sa buhay at pangarap namin para sa kanyang mga anak na sina Bart Daniel (12-anyos) at Mart Daren (6),” sabi pa ni Christopher.

Nakiisa rin sa pagtitipon si Felicia Dian Ravenska, isang Indonesian at koordineytor ng International Movement of Catholic Student in Asia Pacific na nakabase sa Pilipinas.

Suportang legal

Tumungo sa Jakarta, Indonesia ang mga abogadong Pilipino na sina Edre Olalia at Minnie Lopez para direktang magbigay ng tulong-legal kay Veloso. Sinabi ni Olalia na may sapat na legal na batayan para manawagang magdesisyon ang gobyernong Indones na itigil ang pagbitay sa Pilipina.

Kasamang pumunta sa Indonesia ang ama ni Veloso na ci Cesar Veloso.

“Malakas ang opinyon namin na may tatlong dahilan kung bakit dapat matigil o kaya mapigilan ang pagbitay kay Mary Jane: pinagkait sa kanya ang batayang mga karapatan niya sa due process, masyadong malupit ang parusa dahil sa di-tiyak na partisipasyon niya sa krimen at, pinakamahalaga, may mga konsiderasyong makatao na dapat isaalang-alang sa pagpigil sa pagbitay sa kanya sa pamamagitan ng firing squad,” sabi ni Olalia.

Sinabi pa ni Olalia na nagpabaya ang administrasyong Aquino sa kaso ni Veloso kaya umabot sa puntong ito.

Dumulog sa UN, Asean

Samantala, sumulat ang grupong pangkarapatang pantao na Karapatan sa United Nations (UN) High Commissioner for Human Rights para humingi ng tulong sa kaso ni Veloso.

Sa nasabing sulat, sinabi ni Cristina Palabay, pangkalahatang kalihim ng Karapatan, na nalabag ang ilang karapatang pantao ni Veloso at naging hadlang ito sa pagdedepensa niya sa sarili niya sa harap ng Indones na mga korte.

Hindi nabigyan ng abogado o tagasalin ng embahada ng Pilipinas si Mary Jane matapos siya arestuhin noong 2010. Noong pagdinig ng korte, ang binigay ng korte na tagasalin ay di lisensiyadong tagasalin ng Association of Indonesian Translators. Ang abogado niya sa panahon ng pagdinig ay isang pampublikong manananggol na inatasan ng Indones na pulis,” ayon sa sulat ni Palabay kay Joachim Rucker, presidente ng UN Human Rights Council.

Nagsumite naman ng bukas na liham sa mga lider ng Association of Southeast Asian Nations (Asean) ang mga Pilipinong delegado ng Asean People’s Summit, na nagaganap sa Kuala Lumpur, Malaysia.

Paano natin pasisiglahin ang rehiyon mula sa kabuktutan ng kawalang hustisya, korupsiyon, pang-aabuso sa karapatang pantao at kahirapan kung ang mismong mga tao na sinasabi nating pinaglilingkuran at pinoprotektahan natin tulad ni Veloso ay di nabibigyan ng malakas na suporta ng mga Pinuno ng Estado (ng Asean)?” ayon sa liham.

Nagpatuloy din ang iba’t ibang aksiyong protesta, vigil, at mga pahayag ng suporta mula sa iba’t ibang organisasyon sa Pilipinas at maging sa ibang bansa para sa pagsalba sa buhay ni Veloso.

Maliban kay Veloso, ikinakampanya rin ng Migrante International ang 125 iba pang OFWs na nasa death row. Kalakhan sa kanila’y mula sa Saudi Arabia.

 

Nakiisa sa pagsalba sa buhay ni Mary Jane ang mga magsasaka ng Hacienda Luisita, kung saan dating nagtrabaho bilang sakada ang ama ni Mary Jane na si Cesar. Photo courtesy <b>Luisita Watch</b>

Nakiisa sa pagsalba sa buhay ni Mary Jane ang mga magsasaka ng Hacienda Luisita, kung saan dating nagtrabaho bilang sakada ang ama ni Mary Jane na si Cesar. Photo courtesy Luisita Watch

Nagpiket ang mga manggagawa sa ilalim ng Kilusang Mayo Uno sa harap ng Department of Labor and Employment bilang suporta kay Mary Jane. <b>Kontribusyon</b>

Nagpiket ang mga manggagawa sa ilalim ng Kilusang Mayo Uno sa harap ng Department of Labor and Employment bilang suporta kay Mary Jane. Kontribusyon

Nakiisa rin para kay Mary Jane ang mga Pilipinong miyembro ng Migrante sa Montreal, Canada. <b>Kontribusyon</b>

Nakiisa rin para kay Mary Jane ang mga Pilipinong miyembro ng Migrante sa Montreal, Canada. Kontribusyon

Nakiisa rin sa laban ni Mary Jane ang mga delegado ng Asean People's Forum sa Kuala Lumpur, Malaysia. <b>Kontribusyon</b>

Nakiisa rin sa laban ni Mary Jane ang mga delegado ng Asean People’s Forum sa Kuala Lumpur, Malaysia. Kontribusyon

]]>
http://pinoyweekly.org/new/2015/04/savemaryjane-suporta-kay-mary-jane-veloso-dumarami/feed/ 0
Prop. Judy Taguiwalo | Pagpupugay sa isang makabayang guro http://pinoyweekly.org/new/2015/04/prop-judy-taguiwalo-pagpupugay-sa-isang-makabayang-guro/ http://pinoyweekly.org/new/2015/04/prop-judy-taguiwalo-pagpupugay-sa-isang-makabayang-guro/#comments Mon, 20 Apr 2015 23:50:46 +0000 http://pinoyweekly.org/new/?p=34571 Prop. Judy Taguiwalo: guro ng sambayanan. <b>Darius Galang</b>

Prop. Judy Taguiwalo: guro ng sambayanan. Darius Galang

“Bakit nga ba kasi ‘parangal’ ito eh!” Ito ang matawa-tawang biro ni Prop. Judy Taguiwalo sa araw ng pagpupugay sa kanya, sa kanyang papalapit na pagreretiro sa pagtuturo sa Unibersidad ng Pilipinas. Kapag sinabi kasing “parangal,” maraming beses na ginagawa ito para sa isang namayapang tao

Pero hindi malungkot na araw, kundi panibagong hakbang pasulong, ang tema ng programa ng pagpupugay para sa isang makabayang guro. Alay ito para kay ma’m Judy na tutuldukan na ang kanyang 20-taong pagtuturo.

Dinaluhan ng kapwa niya propersor at guro mula sa Alliance of Concerned Teachers, Congress of Teachers and Educators for Nationalism and Democracy (Contend)-UP. Nakiisa din ang All-UP Workers’ Union. Dumalo rin ang ilan sa naging kapwa niya bilanggong pulitikal sa Ipil Detention Center noong panahon ng Batas Militar. Nag-alay ang ilan na dumalo ng kanilang mga mensahe para kay Prop. Taguiwalo.

Nakikiisa sa pamamagitan ng pagtatanghal ang iba pang dumalo. Nag-alay si Prop. Rica Nepomuceno ng Kolehiyo ng Musika ng pinagsanib na awiting “Perhaps Love” at “Memories,” dalawa sa mga paboritong awit ni ma’m Judy. Samantala, binigkas ni Roselle Pineda ang tulang “Sanggol sa Krame,” tulang isinulat ni ma’m Judy sa loob ng kulungan.

Si Prop. Taguiwalo at mga  kapwa makabayang guro sa UP at Contend-UP. <b>Darius Galang</b>

Si Prop. Taguiwalo at mga kapwa makabayang guro sa UP at Contend-UP. Darius Galang

Tula rin ang inialay ni Dr. Bienvenido Lumbera bilang pagbubukas ng maiksing programa. Kinanta naman ni Walkie Mirana ng Concerned Artists of the Philippines ang “Pag-ibig sa Tinubuang Lupa.”

Mismong si Prop. Jose Maria Sison ang kuwento ng makulay na buhay ni ma’m Judy, mula sa pagkilos niya bilang kabataang aktibista hanggang paglahok sa rebolusyonaryong kilusan, hanggang sa pagpasok sa pagtuturo sa pamantasan at mga malalaking ambag ng guro sa larangan ng makabayang edukasyon.

Siyempre, hindi rin mahuhuli ang kanyang anak na si June Taguiwalo sa pag-aalay ng mensahe, sa pamamagitan ng isang bidyo mula sa Bangkok, Thailand.

Isang plake ang inialay kay ma’m Judy. Nag-alay naman ng likhang-sining ang visual artist na si Manolo Sicat ng UP College of Fine Arts.

Biru-biruan pa nga sa kanyang edad. “Proud na 65 lang ako,” sabi mi ma’m Judy, “kaya hindi dito nagtatapos (ang kanyang pagkilos).” Totoo, dahil magiging abala naman siya sa kilusang pag-oorganisa, sa Alliance of Concerned Teachers at sa kilusang makabayan.

Totoong malaki ang ambag ni ma’m Judy. Ang sinabi nga ni Prop. Gerry Lanuza ng Department of Sociology, hindi na pinag-hiwalay ni ma’m Judy sa kanyang pagkatao ang pagiging iskolar, akademiko at partisan-activist sa kanyang propesyon bilang edukador. “At sana marami pang makakakamit ng ganyang achievement,” sabi pa ni Prop. Lanuza.

Totoong nararapat siyang tanghalin bilang guro ng sambayanan.

]]>
http://pinoyweekly.org/new/2015/04/prop-judy-taguiwalo-pagpupugay-sa-isang-makabayang-guro/feed/ 0
Navotas urban poor demand EO for on-site housing, slam Aquino’s failed promises http://pinoyweekly.org/new/2015/04/navotas-urban-poor-demand-eo-for-on-site-housing-slam-aquinos-failed-promises/ http://pinoyweekly.org/new/2015/04/navotas-urban-poor-demand-eo-for-on-site-housing-slam-aquinos-failed-promises/#comments Sun, 19 Apr 2015 15:11:28 +0000 http://pinoyweekly.org/new/?p=34562 Navotas urban poor under threat of demolition demand that Aquino release an executive order mandating on-site housing for the urban poor. Elisse Lenaars

Navotas urban poor under threat of demolition demand that Aquino release an executive order mandating on-site housing for the urban poor. Elisse Lenaars

Some 700 urban poor from Navotas City gathered at the foot of Mendiola Bridge near Malacañang to protest the threat of eviction from their communities living near the fish port. Carrying a wooden structure symbolizing their homes, they demonstrated against the massive demolition of urban poor homes and off-city relocation schemes under the Aquino administration.

Before the presidential election of 2010, Benigno Aquino III signed a covenant with the urban poor promising to help informal settlers. But Elgar Cornista, President of Nagkakaisang Lakas ng Navoteno Federation, expressed anger over Aquino’s failed promises.

“So far, with only one year left in the presidency, he has not done anything for us,” Cornista told Pinoy Weekly. “We call on President Aquino to release an executive order in favor of our demand of on-site housing for the urban poor. The demolition in our communities and the off-city relocation has to end.”

According to Kadamay, under the Aquino administration, at least 70,000 families have had their homes demolished to give way to different Public-Private Partnership projects. Among them are the communities in Navotas City near the fish port.

Women and children came to the protest. The women said that their husbands, which work at the fish port, will be robbed of their livelihoods because of demolition. Elisse Lenaars

Women and children came to the protest. The women said that their husbands, which work at the fish port, will be robbed of their livelihoods because of demolition. Elisse Lenaars

“We are affected by the road-widening project of the DPWH (Department of Public Works and Highways). Our livelihood comes from the fish port, at walking distance from our houses. This is why we are demanding that our houses not be demolished,” Cornista said.

Initially, government officials said that they would only widen the road to 13.5 meters, but their plans have changed considerably. Now they are widening the road to 27 meters. The road is part of the North Bay Reclamation Project, urban poor groups say.

“Right now, the NHA (National Housing Authority) and the local government is forcing residents to leave their homes. They go house-to-house, and offer a relocation site in Pandi, Bulacan. But there is no livelihood there. In fact, those who have already agreed to be relocated came back, and just erected shanties again here near the fishport. In the relocation site there is no livelihood, no water, no electricity,” Cornista added.

Carlito Badion, national secretary-general of Kadamay, said that Aquino has not addressed the root of the “squatting problem” in the country. He said that the government should implement a significant wage increase so the urban poor can avail themselves of decent shelters.

“The implementation of a P16,000 national minimum wage for both the public and private sectors will allow the poor to avail themselves with basic social services, which the government should have provided its citizenry with in the first place,” Badion stressed.

March to Mendiola Bridge. Elisse Lenaars

March to Mendiola Bridge. Elisse Lenaars

Carlito Badio, Kadamay secretary-general. Elisse Lenaars

Carlito Badion, Kadamay national secretary-general. Elisse Lenaars

Estrelleta Caser, president of Market 3 Women’s Association, agrees. She has been living in the fish port since 1992.

“Many of our houses have been demolished, while the people were not given relocation, only financial assistance.” The amount of money they received varies between P2,000 and P4,000, depending on how long the residents have been living in the area. “This financial assistance is of course not sufficient to survive,” she said.

While other residents have been relocated, Caser added, some of them came back to the fish port because there is no livelihood in the government’s relocation site in Towerville, Bulacan.

The woman leader said that their association is the only one left with homes standing inside the fish port, because they continue to resist demolition. Meanwhile, in the communities outside the fish port, the people are now bracing for renewed demolition attempts.

“We are demanding for on-site housing because the fish port is where we get our livelihood. What good is ‘development’ if it does not include us, the urban poor?” Caser emphasized.

 

]]>
http://pinoyweekly.org/new/2015/04/navotas-urban-poor-demand-eo-for-on-site-housing-slam-aquinos-failed-promises/feed/ 0
No More Will I Pay You A Visit http://pinoyweekly.org/new/2015/04/no-more-will-i-pay-you-a-visit/ http://pinoyweekly.org/new/2015/04/no-more-will-i-pay-you-a-visit/#comments Sun, 19 Apr 2015 14:30:01 +0000 http://pinoyweekly.org/new/?p=34560 (In memory of a departed comrade)

 

no more will i pay you a visit
on your last moments of heroic struggle
against the world of grief
i know now or tomorrow
or on a day in this rainy month of july
you’ll suddenly leave
the defiant bloody struggle
you’ve embraced against
the exploitative ruling class
no more will i pay you a visit
though i still wish to see
your stares full of sacred aspirations
those two emerald eyes
glittering with flaming
and undying love of country
those lips always expressing
the rebellious sentiments of an oppressed race.

no more will i pay you a visit
now that your breath is being sucked up
by the tender wind kissing your haggard face
a face full of determination
to carry-on the struggle
for the freedom and glory
of the masses and beloved land
which you so fervently desired
during so many nights of vigil
for sure, i know,
you’ll not shed a tear on your impending death
but you’ll consider it your great honor
that you’ve poured your sweat and blood
on the yellowish grass
and the land made barren
by the forces of darkness
of abusive power and injustices
i know the tender or whirling wind
will always be humming
the lyrics and melodies of your legendary life
so gladly dedicated to your beloved land.

no more will i pay you a visit
now that the fireflies are gone
now that the rolling clouds
are embracing the breast of darkness
enough for me to be with you
in our intertwining memories
enough for me to be with you
in crimson gumamela flowers
in crawling cadena de amor vines
on hills and mountain slopes of hope
and in crying amarillos
jumbled cogon and wild grass
along the savannah of love
though your body will soon be buried
in a waiting lonely grave
unmarked even by a wooden cross
nameless and no epitaph on gravestone
our eyes would still meet
our blood would still mix
our veins would still be conjoined
in every heart of the dispossessed
in every tear and sob of the enslaved
whether in cities or fields of grief.

our rumbling voices still would sing
the fragrant lyrics of freedom
for our incarcerated and suffering
beloved la tierra pobreza!

]]>
http://pinoyweekly.org/new/2015/04/no-more-will-i-pay-you-a-visit/feed/ 0