Hindi lang simpleng namahagi ng relief goods sa mga nasalanta ng bagyong Pepeng ang mga miyembro ng Bayan. Nagprotesta rin sila sa Gitna at Hilagang Luzon, at nagmulat pa sa mga mamamayang nabiktima ng kapabayaan at kasamikan ng mga nasa kapangyarihan.
Sa ilalim ng pamahalaang hindi nila naasahang sumagip sa kanila sa panahon ng panganib, naipamalas nilang sa kanilang pagkakaisa’y kaya nilang magpunyagi at makaahon. Narito ang mga larawan at dalawang artikulo hinggil sa relief efforts sa Kamaynilaan ng militanteng mga organisasyon matapos ang pagragasa ng bagyong Ondoy.
Nanawagan ng tulong ang grupong Kalipunan ng Damayang Mahihirap (Kadamay) para sa mga pamilya sa mga maralitang komunidad na apektado ng bagyong Ondoy. Ayon sa Kadamay, nangangailangan ng kagyat na tulong ang sumusunod na mga erya: San Mateo, Montalban, Rizal (2,500 pamilya); Kasiglahan Village, Montalban, Rizal (3,000 pamilya); Lupang Pangako, Payatas, Quezon City (2,000 pamilya); [...]
Marami ang nabigla sa hagupit at pananalasa ng bagyong Ondoy. Marami ang nawalan ng tahanan at maging mga mahal sa buhay dahil sa trahedyang itinuturing na pinakamatindi sa huling apat na dekada. Samantala, maagap namang tumugon ang makabayang mga organisasyon, institusyon at mga indibidwal upang makatulong sa mga biktima ni Ondoy.
Loading ...
