Dalawampung panandang-bato sa bagong milenyo

Masaker sa Hacienda Luisita (Nobyembre 16, 2004)

Si Jesus Lava, matapos ang pagpapaputok ng tinaguriang "Yellow Army" at mga sundalo't pulis ng Hacienda Luisita, Nobyembre 16, 2004. (May Day Productions)

P9.50. Ito ang kinikita linggu-linggo ng bawat manggagawang bukid sa Hacienda Luisita ng pamilya Cojuangco. Sa pamumuno ng United Luisita Workers’ Union, nagwelga sila, kasama ang mga manggagawa ng asukarera ng asyenda. Naglabas ng Assumption of Jurisdiction order ang Department of Labor and Employment sa pamumuno ni Sec. Patricia Sto. Tomas. Noong Nobyembre 16, 2004, bala ang ipinantapat ng pamilya Cojuangco sa mga welgista. Pitong manggagawang bukid at tagasuporta nila ang patay. Sa sumunod na mga buwan, pito muli ang napaslang na mga lider, tagasuporta at welgista.

Si Sen. Benigno “Noynoy” Aquino III noon ang tagapagsalita ng pamilya Cojuangco noong panahon ng masaker. Inakusahan niya ang mga welgista na siyang nagpasimuno raw ng gulo sa piketlayn. Sa kabila ng malinaw na ebidensiya ng pananagutan ng manedsment ng asyenda at pamilya Cojuangco, hindi pa rin nabibigyang katarungan ang mga napaslang hanggang ngayon.

Gayunman, nagtagumpay ang mga welgista. Idineklara ng Presidential Agrarian Reform Council noong 2006 na di-makaturan ang pagpapatupad ng stock distribution option sa mga manggagawang bukid ng asyenda, at iniutos ang agarang pamamahagi ng lupa sa huli. Nilabanan ng manedsment ang desisyon sa Korte Suprema, na hindi pa rin nagdedesisyon sa kaso hanggang ngayon.

1 2 3 4 5 6 7 8 9 10 11 12 13 14 15 16 17 18 19 20

Short URL: http://pinoyweekly.org/new/?p=5590

Posted by Pinoy Weekly Staff on Jan 9 2010. Filed under Istorya ng Linggo, Lathalain. You can follow any responses to this entry through the RSS 2.0. You can leave a response or trackback to this entry