Nagmartsa sila patungong Mendiola para doon magkampo laban sa “krisis, kaltas-badyet at kahirapan.” Pero hinarang ang kabataan at iba pang sektor sa Morayta at Recto Avenue. Binasa pa sila ng water cannon.
Sa protestang pinangunahan ng National Union of Journalists of the Philippines (NUJP), iba’t ibang grupo ng midya, guro at mga estudyante ng pamamahayag, grupong pangkarapatang pantao at militanteng mga grupo, inirehistro ang pagkabahala ng marami: Dalawang taon matapos ang masaker ng 58 katao, kabilang ang 33 mamamahayag, malayung malayo pa rin bago makamit ang hustisya.
Sa paggunita sa unang malaking protesta kontra sa diktadurang Marcos na pinangunahan ng kababaihan noong Oktubre 28, 1983, muling dumagsa ang libong kababaihan patungong Mendiola. Kinondena nila ang kartel ng langis na kumakamal ng kasakiman ng dambuhalang mga tubo habang lugmok sa hirap at gutom ang bayan.
Okupasyon sa Mendiola, malapit sa palasyo ni Pangulong Aquino, ang isinagawa ng mga magsasaka para igiit ang kanilang karapatan sa lupa, sa kabila ng tumitinding pangangamkam at Charter Change.
Patuloy na nagbibingi-bingihan at nagbubulag-bulagan ang administrasyong Aquino sa malalang lagay ng karapatang pantao sa bansa, ayon sa grupong pangkarapatang pantao na Karapatan, sa okasyon ng ika-39 anibersaryo ng batas militar ng diktadurang Marcos.
Sinalubong ng protesta nang iba’t bang tribung katutubo ang Pandaigdigang Araw ng mga Katutubo sa Mendiola, kanilang binatikos ang “kapabayaan” sa kanila ng gobyerno at ang lumalalang kaso ng pag-abuso sa karapatang pantao ng mga ito.
“Sa magkanong halaga?” Ito ang tanong ng Anakpawis Party-list sa Korte Suprema, kapalit diumano ng desisyon nito na magsagawa ng referendum sa Hacienda Luisita sa halip na ipamahagi ang lupa sa mga manggagawang bukid ng asyenda. Sa kilos-protesta sa Mendiola noong Hulyo 20, binatikos nila ang pagpabor ng Korte Suprema sa pamilyang Cojuangco-Aquino. (Macky Macaspac)
Dumagsa ang daan-daang kababaihan mula sa militanteng grupong pangkababaihan na Gabriela sa Mendiola malapit sa Malakanyang upang ihayag ang diumano’y tunay na kalagayan ng kababaihan at mamamayan.
Sa porma ng protesta para sa makabuluhang dagdag-sahod pinakamakabuluhang ginunita ng mga manggagawa ng Kilusang Mayo Uno ang alaala ng dakilang lider-obrero na si Crispin “Ka Bel” Beltran.
Nagmartsa sa Mendiola Bridge sa tapat ng Malakanyang ang mga lolang tinaguriang “comfort women” na biktima ng pandarahas noong panahon ng Ikalawang Pandaigdigang Digmaan dahil sa kawalan umano ng aksiyon ng administrasyong Aquino sa paghangad nila ng hustisya sa gobyernong Hapon. (Macky Macaspac)
Bidyo: Paghihirap ng kababaihan sa Montalban
Bidyo: Detensiyon ni Ericson Acosta, sisiyasatin ng Amnesty International
Bidyo: Paskuhan ng mga bilanggong pulitikal
Bidyo: Pagtaboy ng mga pulis sa ‘campers’ sa Mendiola
Brutal na dispersal sa kampuhan, tatlong araw bago Human Rights Day
Larawan: Kabataan na ‘ookupa’ sa Mendiola, hinarang ng pulis