Tutungo sina Asi Taulava, Sol Mercado at Kelly Williams sa Guangzhou, China upang tulungan ang RP Smart-Gilas sa kampanya nito sa Asian Games.

Nakarating na sa pagsangayon ang mga kampo nina Williams at Taulava sa pagpapahiram nila sa kanilang mga manlalaro sa Team Pilipinas. Nagsimula ito ilang buwan ang nakalipas nang nagsaad ng kagustuhan si coach Rajko Toroman na mapabilang sa kanyang koponan ang dalawang beterano ng Philippine Basketball Association (PBA).

Naglaro na si Williams para sa bansa tatlong taon na ang nakalipas sa Tokushima Japan para sa Fiba Asia Championships, sa ilalim ng kanyang kasalukuyang Talk ‘N Text coach sa PBA na si Chot Reyes. Ang three-time National Team player naman na si Taulava ay ibinigay ng Meralco Bolts sa bisa ng kasunduan ng koponan sa dating pinaglaruan ni Asi na Coca-Cola Tigers at sa gobernador nito na si JB Baylon.

Samantala, lumutang naman ang pangangailangan sa posisyong point guard, at si Mercado ang lumutang bilang kandidato para maglaro sa posisyon

Bagay namabilis namang tinugunan ng co-owners ng Rain Or Shine na sina Terry Que at Raymund Yu. ”We came to a decision easily,” saad ni Yu. ”When we learned that they needed Sol, we immediately released him to the RP team without much thought. We really wanted to help the program.”

Mahirap nga naman na mawala si Mercado sa koponan dahil sa laki ng halaga nito sa kanilang kampanya sa PBA. ”It’s not going to be easy for us without Sol because he’s the team’s sparkplug. Without him, it’s going to be fifty-fifty for us every game,” banggit ni Que. ”But we have to do everything for our country’s sake, and we’re willing to sacrifice in order for Smart Gilas to achieve its goal in Guangzhou. As long as it is for the country’s interest, we’ll cooperate all the way.”

Dagdag ni Meralco coach Ryan Gregorio ‘Extending a helping hand to ”flag and country is non-negotiable.”