Mga Larawan: Misa para sa magsasaka ng Hacienda Luisita, idinaos

Pinangunahan ni Bishop Teodoro Bacani ang isang misa para sa mga magsasaka ng Hacienda Luisita noong Agosto 17, isang araw bago ang pagdinig sa Korte Suprema hinggil sa petisyon ng Hacienda Luisita Inc. na ipawalang-bisa ang kautusan ng Presidential Agrarian Reform Council na ipamahagi ang mahigit 6,000 ektaryang lupain sa mga magsasaka. Nagpahayag ng pagtutol si Bacani sa compromise agreement na pinaglagdaan ng manedsment noong nakaraang linggo. (Macky Macaspac)

Dumalo sa misa ang mga magsasaka ng Hacienda Luisita gaya ni Felix Nacpil, tagapangulo ng Alyansa ng mga Manggagawang Bukid sa Asyenda Luisita o Ambala (gitna), at kanilang mga tagasuporta gaya ni Danilo Ramos, pangkalahatang kalihim ng Kilusang Magbubukid ng Pilipinas (kanan). (Macky Macaspac)

Pagkatapos ng misa, nagsagawa ng maikling programa at candlelighting ang mga dumalo, na kinabibilangan ng mga taong-simbahan, estudyante, at iba pa. Dumalo rin ang progresibong mga mambabatas ng party-list gaya ni Rafael Mariano, na naghain kamakailan ng resolusyon sa Kamara para paimbestigahan ang compromise agreement. (Macky Macaspac)

Hiling ng mga magsasaka ang pagbasura ng Korte Suprema sa Stock Distribution Option at compromise agreement. (Macky Macaspac)