Pambansang Isyu

Larawan: Noise Barrage, protesta isinagawa ng mga militante vs taas presyo, sigalot sa Sabah


Nag-ingay sa magkakaibang lugar ang mga militante sa Metro Manila bilang paghahanda sa isang “protestang bayan” kontra sa taas-presyo ng mga bilihin at serbisyo at pribatisasyon sa Marso 20. Ginanap ang noise barrage sa  Batoda Commonwealth Avenue, Philcoa, Sta.Mesa, Edsa North Triangle at sa iba pang lugar. Kinondena rin ng mga militante ang administrasyong Aquino […]

Naglunsad ng noise barrage ang mga kababaihan mula sa grupong Gabriela sa Batasan, Commonwealth bilang paghahanda sa malwakang kilos protesta sa Marso 20. (Macky Macaspac)
Naglunsad ng noise barrage ang kababaihan ng Gabriela sa Batasan, Commonwealth bilang paghahanda sa malawakang kilos protesta sa Marso 20. (Macky Macaspac)

Nag-ingay sa magkakaibang lugar ang mga militante sa Metro Manila bilang paghahanda sa isang “protestang bayan” kontra sa taas-presyo ng mga bilihin at serbisyo at pribatisasyon sa Marso 20.

Ginanap ang noise barrage sa  Batoda Commonwealth Avenue, Philcoa, Sta.Mesa, Edsa North Triangle at sa iba pang lugar.

Kinondena rin ng mga militante ang administrasyong Aquino dahil sa halip umanong tugunan ang pangangailan ng mga mamamayan, inuuna pa raw ng pangulo ang kampanya ng mga kandidato nito para sa eleksiyon sa Mayo.

Partikular na pinaratangan ng Kilusang Mayo Uno (KMU) ang pangulo bilang  “taksil sa bayan”  dahil sa pagkanulo umano nito (Aquino) sa mga mamamayan ng Sulu at Tawi-Tawi na patuloy na naggigiit ng kanilang karapatan sa Sabah.

(Macky Macaspac)
(Macky Macaspac)
Sinunog ng mga manggagawa sa ilalim ng KMU ang larawan ni Pangulong Aquino sa kanilang protesta sa Mendiola. Pinaratangan nilang traydor ang pangulo sa hindi pagtugon sa hinaing ng mga Pilipinong nasa Sabah na naggigiit na pag-aari ng Pilipinas ang Sabah. (Macky Macaspac)
Sinunog ng mga manggagawa ng Kilusang Mayo Uno o KMU ang larawan ni Pangulong Aquino sa kanilang protesta sa Mendiola. Pinaratangan nilang traydor ang pangulo sa hindi pagtugon sa hinaing ng mga Pilipinong nasa Sabah na naggigiit na pag-aari ng Pilipinas ang Sabah. (Macky Macaspac)