Ikalawang Sundang: HAPAG
Alaala natin, binibiyak natin ang niyog at nabubulabog ang mga tamsi. Alaala natin, tinataga natin ang kamansi at langka at iba pang alay na may dagta. Alaala natin, hinihiwa natin sa pisngi ang mangga o ang sambilao kaya ng sinukmani. Alaala natin, ginigilit natin sa leeg ang tinali at anong aliw ang hatid sa atin […]
Alaala natin, binibiyak natin
ang niyog
at nabubulabog ang mga tamsi.
Alaala natin, tinataga natin
ang kamansi at langka
at iba pang alay na may dagta.
Alaala natin, hinihiwa natin
sa pisngi ang mangga
o ang sambilao kaya ng sinukmani.
Alaala natin, ginigilit natin
sa leeg ang tinali at anong aliw
ang hatid sa atin ng tilamsik ng dugo.
Ngayon tinatadtad natin
sa kung ilang piraso ang gabrasong sawa—
iniaalok sa may dinaramdam at nag-aalala.