Pumipila ang isang bakwit na ina at ang kanyang anak para magpagamot sa isang klinika sa Datu Piang sa Maguindanao. Isinisisi sa matinding init at kakulangan ng pagkain at malinis na tubig ang patuloy na paglaki ng bilang ng nagkakasakit na mga bata sa siksikang evacuation centers kung saan libu-lubong residente ng Central Mindanao ang pumunta dahil sa mga labanan mahigit isang taon nang nagaganap. (Jes Aznar sa Maguindanao)
Ito ang pinakamalupit na pambobomba na nagaganap sa Mindanao: Ang walang tigil na pananalakay ng Armed Forces of the Philippines sa sibilyang mga komunidad sa Maguindanao. Laganap ang paglabag sa karapatang pantao ng mga Moro. Dumarami rin ang lumilikas. Ito ang tila nakukubling krisis ngayon sa naturang probinsiya.
