Ipinabandera ng mga tagapanguna ng Charter Change – na pawang alyado ni PNoy sa Kongreso – na lalong pagbukas sa bansa sa dayuhang mga kompanya ang magdadala sa atin sa kaunlaran. Pero ang polisiyang ito mismo ang naglulugmok sa bansa sa ibayong kahirapan at pagsasamantala.
Gaya ng isang 'wang-wang,' puro ingay at walang laman na kongkretong programa para sa ikabubuti ng mga mamamayan ang State of the Nation Address (SONA) ni Pangulong Aquino, ayon sa mga grupong militante na nagsagawa ng malawakang kilos-protesta kasabay ng SONA.
Sa iba’t ibang paraan, isinulong ang Charter change mula pa noong administrasyong Ramos. Lagi naman itong tinututulan ng taumbayan dahil sa nasisipat dito ang pansariling interes ng mga pulitiko—lalo ngayon ni Pangulong Arroyo.
