P 9,000 dagdag-na-sahod ng guro iginiit


Cheryl Almuena / Carmi Barsaga IGINIIT ni Gabriela Rep. Luzviminda Ilagan ang P 9,000 karagdagang sahod para sa mga pampublikong guro kabilang na ang mga non-teaching personnel ng Kagawaran ng Edukasyon. “Panahon na upang ipakita ng mga mambabatas ang pagiging makabayan bago matapos ang kanilang termino sa pamamagitan ng pagboto upang maaprubahan ang dagdag-na-sahod ng […]

Cheryl Almuena / Carmi Barsaga

IGINIIT ni Gabriela Rep. Luzviminda Ilagan ang P 9,000 karagdagang sahod para sa mga pampublikong guro kabilang na ang mga non-teaching personnel ng Kagawaran ng Edukasyon.

“Panahon na upang ipakita ng mga mambabatas ang pagiging makabayan bago matapos ang kanilang termino sa pamamagitan ng pagboto upang maaprubahan ang dagdag-na-sahod ng mga pampublikong guro,” ayon kay Ilagan, tagapanukala ng House Bill 4734.

Ayon kay Rep. Ilagan, dapat tumatanggap ang mga guro ng P 882 kada araw o kabuuang P19,404 bawat buwan, batay sa rekomendasyon ng National Wages of Productivity Commission.

Sa ilalim ng nasabing panukala ng Gabriela Party-list, ipagkakaloob ang dagdag-na-sahod sa tatlong bahagi—P 3,000 ang idadagdag sa unang taon ng implementasyon, P3,000 sa pangalawang taon, at ang natitirang P 3,000 sa ikatlong taon. Matatanggap na ang kabuuang dagdag-na-sahod sa susunod na mga taon.

Ayon kay Ilagan, napako ng anim na taon ang sahod ng mga guro sa ilalim ng administrasyong Arroyo. Lumalabas na umaabot lamang sa P5,000 ang take-home pay ng mga guro matapos ang mga kaltas.

Kasalukuyang dinidinig ng Kongreso ang Salary Standardization Law 3 o Joint Resolution No.24 kung saan nasa P 6,000 ang panukalang karagdagang sahod ng mga guro.

Ngunit ayon kay Ilagan, hindi sapat ang halagang ito at sa halip, dapat na ipasa ang HB 4737 para matugunan ang matagal nang panawagan ng mga guro.

Related Posts

Larawan: Pagpasa sa Reproductive Health Bill, iginiit ng Gabriela

Nagsagawa ng press conference ang kababaihan ng Gabriela para igiit sa Kongreso ang pagpasa ng Reproductive Health Bill. Higit pa sa pagbigay-akses sa mga gamot na kontraseptibo para sa mahihirap na mga mamamayan, inisponsor ng dalawang kinatawan ng Gabriela Women's Party na sina Luzviminda Ilagan at Emmi de Jesus ang panukalang batas para bigyang prayoridad ang pangkalahatang kalusugan ng kababaihan. Mula kaliwa, si Lana Linaban, pangkalahatang kalihim ng Gabriela at ang kinatawan sa Kamara na sina Ilagan at De Jesus.

25 Pinay, isang organisasyon: Ang paghawan sa landas ng kababaihan

Sa ika-25 anibersaryo ng Gabriela, nagbalik-tanaw ang mga miyembro at lider nito sa kasaysayan ng organisasyon -- kung bakit naging kadikit ng pangalang Gabriela ang imahen ng palabang babae sa kasaysayan. Samantala, pinarangalan ng grupo ang 25 babaing humawan ng landas ng pakikibaka para sa karapatan at interes ng kababaihan at sambayanan.

SONA ni GMA, iboboykot ng progresibong mambabatas

Nakatakdang iboykot ng walong progresibong mambabatas ang State of the Nation Address (SONA) ni Pangulong Arroyo sa Kongreso sa Hulyo 27. Kabilang sa mga magboboykot ay sina Bayan Muna Reps. Satur Ocampo, Teddy Casino at Neri Colmenares; Anakpawis Reps. Rafael Mariano at Joel Maglunsod; Gabriela Reps. Liza Maza at Luz Ilagan, at Kabataan Rep. Raymond […]