Kultura

Kung Bakit Tayo Paluwas at Walang Sunong na Kalakal

By Kontribusyon ⋅ January 21, 2010 ⋅ Print This Post Print This Post ⋅ Post a comment

ni Axel Pinpin


Palungsod ang direksyon nitong ating lakad

ngunit hindi upang magluwas ng kalakal

manapa’y mga placard sa tagdang kawayan

itong ating bitbit at magiting na tangan

sa halip na tiklis nitong prutas at gulay!

Wala tayong sasakyan o arkiladong trak

dahil pinili nating sa kalye’y maglakad

sunong ang hiyaw nitong ating paghahangad

hindi para maglako ng aning kalakal

kundi ay maningil ng malaong pautang!

Gaya nang inaasaha’y mayroong papara

mga haragang pulis na mang-aabala

hindi para manita sa sobrang kargada

at papalao’y mangotong para arkabala

kundi’y upang harangin intong ating martsa!

Pagbabawalan tayong maglakbay, maglakad

kahit wala tayong batas na nilalabag

basta’t bawal raw tayo ro’n sa kalunsuran

baka makita ng turistang namamasyal

sakit raw sa mata itong ating Lakbayan!

  • Share/Bookmark

Related posts:

  1. Kung bakit dapat magparami sa UPLB
  2. Shrek 4ever After, 3D at Kung Bakit Politikal ang Panonood ng Pelikula
  3. Negosyong Nikotina o Kung Bakit Nakadidilaw ng Ngipin ang Yosi*
  4. Con-Ass: Bakit inaayawan ng taumbayan?
  5. Cristina, usap tayo
Print This PostTags: , , ,

Discussion

No comments for “Kung Bakit Tayo Paluwas at Walang Sunong na Kalakal”

Post a comment

Istorya ng linggo

Lathalain

Balita

OFW

Kultura

Samu't sari

Sports

Showbiz

Opinyon

Neoliberalism Reloaded

(1) Sa hanay ng mga kapanalig ni Presidente Noynoy Aquino, may isang paraan para mapag-iba ang mga sagad-sagarin sa mga kahit paano’y kritikal kung magsuri, iyung may katapatan pangunahin sa pangulo at iyung pangunahin sa bayan: Paano nila hinuhusgahan ang unang State of the Nation Address ni Noynoy? Kung puro papuri, nakahanay sila sa nauna; kung kahit paano’y may papitik-pitik na pagpuna, sa ikalawa.

Read on