(Kolum) Konteksto
Kuwento sa likod ng blog na Hay! Men!
Akala ko noo’y wakas na ang “wasak.”
Bagama’t napakahina ng boses ng pagtuligsa, inisip kong handang makinig sa katwiran ang mga kinauukulan (lalo na ang isa sa kanilang sumulat pa sa akin para humingi ng dispensa). Mali pala ako.
Ano ba ang nangyari noon? Dahil mahina ang bagyo ng kritisismo, ang ulan ng pagbatikos sa blog na Hay! Men! Ang blog ng mga tunay na lalake! ay mistulang ambon lang. Pero kahit ambon ay nakakaya pa ring magdulot ng kalawang sa pinakamatigas na bakal. Kahit sa virtual na paraan, nagkaroon ng matitinding sagutan ang maraming mulat at hindi-mulat na online users sa ilang posts ng Hay! Men! noong Mayo 2009 tungkol sa kontrobersiyal na katangian nito.
Tiningnan kong pulitikal na tagumpay ang pagsasara ng Hay! Men! noong Oktubre 17, 2009. May kinalamam man o wala ang mga naging puna, hindi na ito mahalaga sa akin. Ang mas importante’y tapos na ang promosyon ng seksismo at pang-aapi sa kababaihan at komunidad ng LGBT.
Pero naging pansamantala lang pala ang tagumpay dahil napansin ko kamakailan lang ang pagbabalik nito. Nadagdagan pa nga ang aking pagkadismaya. Napansin kong naging mas malala pa ang nilalaman ng nasabing blog, batay sa aking pagbabasa ng pinakahuling posts nito.
Para sa mga hindi lubusang nasusundan ang konteksto ng ating pinag-uusapan, nagsimulang mag-post ang Hay! Men! noong Abril 22, 2009 ng mga nakakatawang kategorisasyon ng mga tunay at hindi tunay na lalaki (TNL at DTNL). May “manipesto” itong nagsilbing pamantayan sa pagtutukoy ng mga tao, bagay o pangyayaring TNL, DTNL o under consideration.
Para sa mga awtor ng blog, katuwaan lang naman ang lahat kaya subhetibo ang naging pagtatakda. Nais nilang magpatawa at magbigay ng panandaliang aliw sa publiko, at sa aking palagay ay nakamit nila ito. Sa pangkalahatan, maikli at direkta ang pagkakasulat ng mga post kaya madaling maintindihan ng nakararaming Pilipino. Maraming karakter at elemento ng kulturang popular ang ginawang katatawanan ng nasabing blog.
Sa maikling panahon, tumaas ang traffic ng Hay! Men! at naging usap-usapan ang nilalaman nito sa napakaraming website, discussion forum at e-group. Maraming naging tagahanga’t tagapagtanggol ang blog noong 2009, pero may iilan ding nagbigay ng puna sa nilalaman nito. Isa po ako sa mga bumatikos.
Mahaba ang aking naging paliwanag, pero ang buod ay makikita sa sumusunod na argumento: “Sa titulo pa lang, kitang-kita na ang kapilyuhan dahil sa malinaw na patungkol sa pagkabirhen ng babae (hymen). Maaari ding patutsada ito sa mga bakla dahil sa salitang `Hay!’ Sa layunin nitong pag-ibahin ang katangian ng babae’t lalaki, yumakap (intensiyonal man o hindi) ang mga awtor ng blog sa patriyarkal na pananaw. Mapapansin ito sa kabastusang hatid ng mga katagang `espesyal na relasyon sa mikropono’ ng mga hindi tunay na lalaki at pagkakaroon ng sandatang maaaring `itutok’ sa isang babae para naman sa mga tunay na lalaki. Sa kaso ng post na nagsasabing ang trabaho ng tunay na lalaki ay isang panadero, halatang halata ang seksismo sa argumento: `Dahil ang Tunay na Lalake, laging nagmamasa para laging may kakainin na monay ang mga kapwa Tunay na Lalake.`”
Wala akong intensiyong ulitin ang aking mahabang diskurso. Ang kailangan lang malaman sa puntong ito ay ang isang malungkot na katotohanan: Ang mga pangunahing personaheng nasa likod ng blog na ito ay mga dating aktibista!
Opo, sila ay mga indibidwal na inaasahan nating may mataas na antas ng kamulatan, may malalim na pagsasaalang-alang sa kapakanan ng kababaihan at kabaklaan. Ang kanilang kahusayan sa pagsusulat ay nasasayang lang sa walang-katuturang pagbibigay-aliw na nagreresulta lang sa pagpapababa ng dignidad ng mga babae’t bakla. Pero kahit na sabihing wala silang malalim na pag-unawa sa ugnayan ng kasarian at lipunan, hindi ito lisensiya para magsulat ng mga post na iniinsulto ang katayuan ng mga grupong patuloy na biktima ng patriyarkal na kaayusan.
Ang mga dating aktibistang responsable sa Hay! Men! ay mga kinikilalang manunulat at dokumentarista. Ipagpaumanhin po sana ninyong lahat kung hindi ko na sila babansagang “artista ng bayan” dahil malaking kahihiyan ang kanilang ginagawa sa progresibong kilusan. (At pinag-uusapan na rin lang ang aktibismo, malaki rin ang aking puna sa mga progresibong patuloy na tumatangkilik sa nasabing blog at patuloy na natatawa’t naaaliw sa mga birong nagpapababa ng pagtingin sa kababaiha’t kabaklaan.)
Sa aking mahabang karanasan sa pagsusuri ng iba’t ibang teksto sa midya, maniwala po kayong hindi masasabing satiriko ang paraan ng pagpapatawa sa Hay! Men! Tahasan kasi ang pagpapababa sa katayuan ng mga babae’t bakla. Lalong hindi katanggap-tanggap ang pag-apruba ng mga komento ng anonymous online visitors na nagtataguyod ng iba’t ibang krimen sa mga babae’t bakla tulad ng panggagahasa, pambubugbog, pagtortyur at pagpatay.
Kahit na alam ko na ang mga tunay na pangalan ng mga nasa likod ng Hay! Men! wala akong layuning isapubliko ang mga ito. Hindi tulad nilang walang pakialam sa sensibilidad ng kababaihan at kabaklaan, may pagpapahalaga ako sa kanilang kagustuhang manatiling tago ang identidad.
Sa aking opinyon, ang kailangan lang malaman ng publiko ay ang maikling liham na ibinigay ng isa sa kanila sa akin matapos mabasa ang aking sanaysay laban sa Hay! Men!: “Sumulat ako hindi para sa diskurso, kundi kilalanin at tanggapin ang inyong komentaryo sa blog. Masasabi kong hindi naabot ng blog ang intensyon nito. Alam ko yun dahil isa ako sa original na nagbuo ng konsepto at nananatili ako, kahit napapansin ko na out of control na ito, para sikaping makapagbigay pa rin ng direksyon. Maraming dapat sabihin pero ang duluhan ay ano ang kagyat na kailangang gawin. I’m resigning as blog author at admin ng Hay! Men! at sana sumunod na rin ang iba pang admin at authors. Maraming salamat sa inyong paalala. Kung may kailangang panagutan, pananagutan ko.”
Natuwa ako noon sa kanyang bukas na pagtanggap sa kahinaan ng Hay! Men! Dahil dating aktibista at inako naman niya ang responsibilidad, akala ko’y tutuparin niya ang kanyang pangako. Pero nalaman ko sa ilang mapagkakatiwalaang kakilala niya ang kanyang muling pagbabalik sa nasabing blog para muling magkalat ng seksismo. Ang anumang pagtanggap sa mga kahinaan niya noon ay tuluyan na niyang kinalimutan.
Nakapanghihinayang ang pagbibigay ko sa kanya ng payo kung paanong magkaroon ng satirikong diskurso (isang bagay na hindi nagagawa ng Hay! Men!). Gusto mo bang malaman ang naging tugon ko sa kanyang mensahe? “Kung gusto mong pumasok sa satirikong diskurso, magbibigay lang ako ng isang `unsolicited advice’ kung hindi mo mamasamain: Pag-aralan mong mabuti kung ano’ng estilo ang ginamit ni Jun Cruz Reyes nang isulat niya ang Utos ng Hari. Nagalit sa kanya ang simbahan, pero tanggap na tanggap ng mga eskuwelahan ang kanyang akda kahit na ang mga titser ang tinitira niya.”
At dahil gusto ko siyang tulungan, nagbigay pa ako ng isang alternatibong proyektong maaari niyang pagkaabalahan: “Isang blog project na gusto kong ipamana sa iyo ang pagkakaroon ng blog na kung saan magbibigay ka ng alternatibong trabaho sa mga kilalang personahe. Mainam na pagmulan ito ng satirikong diskurso. Halimbawa, puwede mong gawing Magician si (Hen. Jovito) Palparan dahil kaya niyang mapaglaho ang halos 1,000 aktibista. Si (House Speaker Prospero) Nograles naman, puwede mong gawing Dance Instructor dahil magaling siya sa cha-cha at tango (tango nang tango sa pangulo). Wala pa akong naiisip na titulo para sa proyektong ito pero binibigyan kita ng layang gawin ito. Hindi mo ako kailangang bigyan ng acknowledgment dahil hindi ko naman maisagawa ito bunga ng maraming gawain.”
Sa pagsusulat ng sanaysay na ito, alam kong binibigyan ko ng hindi-nararapat na publisidad ang kontrobersiyal na blog. Pero nararapat lang na isapubliko ang kontradiksiyon hinggil sa mga taong nasa likod nito: Akala nila’y nakakatulong sila sa progresibong kilusan pero ang kanilang pinapalakas ay ang patriyarkal na kaayusan.
Alam na nila ito noon pa, pero patuloy pa rin sila sa kanilang maling ginagawa. Ang aking hiling lang sa mga mulat na indibidwal na naniniwala sa pagkakapantay-pantay ng kasarian: Iparating sa Hay! Men! ang kolektibong pagtuligsa.
Para makipag-ugnayan sa awtor, pumunta sa www.dannyarao.com.
Related posts:
- Ang kuwento ng pagiging multikultural ni Ria Garcia
- Kuwento ni Garry: Danas at pakikibaka ng isang migrante
- Sa likod ng librong Pagtatagpo sa Kabilang Dulo: Panitikang Testimonial ng Desaparecidos
- Ang kuwento ng 2009 NBA Playoffs sa kasalukuyan
- Usapang lalaki (1)
Discussion
41 comments for “Kuwento sa likod ng blog na Hay! Men!”
Post a comment
Istorya ng linggo
Lathalain
Balita
OFW
Kultura
Balitang Global
Sports
Showbiz
Multimedia
Opinyon
(1) Hindi kami personal na magkakilala ni Alexander Martin Remollino, makabayang manunulat at makata. Hindi ko alam, bagamat may ilang pagkakataong nagkasama kami sa pulong o aktibidad, hindi kami personal na naipakilala sa isa’t isa. Pero kilala ko siya, syempre, dahil nakikita ko ang pangalan niya sa mga tula at sanaysay na umiikot sa mga sirkulong aktibista. Tapos nakikita ko siya – matangkad, mahaba ang buhok, parang laging may gustong sabihin – sa maraming pagkakataon. Syempre pa, mataba siya noon. Nitong huli’y pumayat siya nang napakabilis. At dahil hindi naman ako taong mapanghusga, naisip ko lang na siguro’y nagdodroga siya. Iyun pala, iba na.
[...] Kuwento sa likod ng blog na Hay! Men! If you like this post, please subscribe to the RSS feed.N.B. – This was published in the May 21-27, 2010 issue of Pinoy Weekly, the full text of which may also be retrieved from http://pinoyweekly.org/new/2010/05/kuwento-sa-likod-ng-blog-na-hay-men/. [...]
Hello, I’ve browsed most of your posts on this blog. This post is probably where I got the most useful information! Thanks
bakit hnd na lng mga porn site ang batikusin mo? ang mga site na nagbebenta at tunay na nagpapababa sa ating mga kababaihan? may personal na galit ka ba sa mga awtor ng hay! men blog? o gusto mo lang mapabilang sa listahan ng TNL?
Hay! Men! is just a joke.. dont take it seriously.. besides as far a i know from my friends which at girls and gays they like the blog.. and they are not offended by it because for them its just for fun.. i think you are considered DTNL base on the blog thats why your against it and want it to be close.. im sorry but as i can see you really are DTNL..
what a killjoy . . . it’s just for fun dude.
DTNL ka siguro kaya against ka sa tunaynalalake.blogspot.com.
Paalala sa mga mambabasa na magkokomento: Iwasan ang pag-aalimura at personal na banat. Maging direkta ang kritisismo batay sa nilalaman ng artikulo. Maraming salamat. – Patnugot
hindi porke joke ay harmless na. lahat naman ng pambabastos, sinasabing “joke lang.” pero ipinapamalas ng mga biru-biro ang lantay na kabulukan ng pag-iisip kaugnay lalo ng mga miyembro ng komunidad ng LGBT. kung nag-eenjoy kayo sa blog na yun at palagay nyo harmless siya, may problema kayo. bahagi kayo ng bulok na pag-iisip at kulturang iyon.
DTNL na critic na may DTNL na comment.
naisip mo ba na may mga mature enough na subscribers ang Hay!Men! na kayang i-differentiate ang bastos sa patawa? nag-enjoy naman kayo nung nanood kayo ng austin powers d ba?
pre, tol, sir, mr. o kung anu pa man ang tawag sau.. para saakin, ang hay men, ay para lang sa katuwaan ng mga bumibisita sa site na ito. ako man ay sinubaybayan ko ang blog na ito simula nuong 2009 p na ipinaggigiitan mung nuon pa hindi n maganda.. ako at kasama ang mga kaibigan ko na bumibisita din sa blog na hay men. ay hindi kailan mang ginawang big deal ang mga nakalagay dito, kahit pa sabihing ” babae lang ang nagdadala ng payong para sa lalake, o kya ay di naghuhugas ng pinggan dahil may babaeng gumagawa nun para sa kanila” ay hindi ko kailan man hinayaang pagdalahin ang mga babae ng kung anu anu para sakin.. hindi mo ba pansin? para lang sa katuwaan ito, at hindi iniapply sa tunay na buhay..
siguro para sau masama ang nilalaman ng blog na ito. pro wag kang mag-alala, iba iba nmn tau ng pananaw, sakin katuwaan lang ito pampalipas oras ko, may maidaldal lang din sa mga barkada ko. pero kung para sau para makapag daldal ka din lang.. eh bakit di mu kaya subukang magcomment nalang sa mga pic kung ayaw mo ng nilalaman nun, kya nga may comment eh. kya nga comment para kung ayaw mo edi sabihin mu di ung gagawin mong big deal.. may nabalitaan k n b na lalakeng nagsabi sa babae ng, ” may sandata ako n pwede kong itutok sau”? wala pa diba? o gusto mo sabihin na, hihintayin p naming mangyari un? pre, sir, tol, mr… ang TNL ay di-inaapply ang kung anunong shit sa tunay na buhay, dahil ang pagbabasa ng hay! men! aY pawang pangkatuwaan lang para sa mga TUNAY NA LALAKE. sa lahat ng mga kakosa, kampon, angkan o anumang tawag sa mga kasamahan mo, may comment diba? edi kung ayaw mo ng comment n un, o ng pic na un, magcomment nalang kau. di ung para kang perpektong tao.
yung mga pinoy porn site ang batikusin mo.. ung mga nagbebenta ng laman sa net. o yung mga bugaw sa kanto na ipaalis ng gobyerno. dahil un, ung mga un, ang tunay na walang trabaho, kapurwishuhan ang hatid at kung
Isa kang di tulay na lalaki! dIGS?!
Kung hindi niyo gusto ang laman ng blog ng mga tunay na lalake, hindi naman kayo pinipilit na basahin eto. At iba iba ang opinion ng mga taong bumabasa nito tungkol sa mga nakasulat, hindi porke’t hindi mo gusto o tingin mong hindi nakakaganda sa iba. Yun na din ang iniisip namin. Parang lumalabas pa, naiinggit ka sa blog nila.
Mahirap gamutin ang sakit ng pag kainggit.
Maaaari lamang pong iwasan natin ang personal na banat… hindi ba’t ang iyong mahabang isinulat ay nagpapahiwatig ng isang personal din na banat? Maaaring mali ang aking pagsusuri, subalit sa aking pagkakabasa ay mas nakaturo ang iyong pambabatikos sa mga SUMULAT at hindi sa ISINULAT ng mga patnugot ng blog na iyon.
Pagka’t kung hindi, bakit kailangang banggitin na “isa ako sa mga nambatikos”? O, “siya ay nagpadala sa akin ng liham na nagsasabing iaaatras na nya sa publiko ang blog” at “muli nya itong tinayo, at ako’y nanghihinayang sa kanyang ginawa”
Nawa’y iyong mapansin na ang karamihan sa iyong mga sinabi mismo ay mula sa isang “personal na banat” – patungkol sa “iyong pagbatikos” at sa hindi pagkakasunod nito. Sabihin niyo nang bulok ang aking isipan, ngunit sana ay pag-isipan niyo rin ang aking mga sinabi – “hindi ang aking pagkakasulat, o kung sino man ako na sumulat, pagka’t ako’y pangkaraniwang mamamayan lamang, at ang kaalaman ko’y hindi malawak”
Please allow me to reply to the points raised by hay!men fan, baste, scadrn, TNL Admin.
hay!men fan raised a valid point that compared to other pornographic sites (especially those that prey on hapless women), Hay! Men! is somewhat much tamer and less harmless. But what cannot be denied is that its kind of humor reinforces sexism and actually promotes, among others, violence against women and the LGBT community. Please note that what the blog does is not just “in the spirit of fun” because they have to remember the sensibilities of online audiences. I have decided to engage the authors and fans of Hay! Men! to a serious debate for the simple reason that the blog has been generating substantial and impressive traffic in just a short time that it was established. Yes, its popularity is one of the major reasons I have decided to analyze it for the simple reason that there are many people who should be enlightened about the kind of “entertainment” they are getting from a blog that strengthens, instead of challenges, the patriarchy in our society.
baste’s comment about the positive feedback from friends tells only one side of the story. What about other women, gays, lesbians and enlightened men who don’t find funny the blog’s crass humor? It’s so easy to argue that one can just opt to not visit Hay! Men! if he or she is offended. But a responsible person like me would rather put on record his or her objections so that others would know and hopefully subscribe to such (alternative) views.
As for the comments of scadrn and TNL admin, I only have this terse message: I am enlightened enough not be offended by comments as regards my sexual preferences and orientation. Rest assured that writing about Hay! Men! is not rooted in my allegedly not being DTNL (if that’s what you think I am).
For all those who don’t agree with the points I raised in this column article, I would appreciate getting feedback from you. Let us debate not on the basis of our emotions but on the strength of our arguments. If you think that Hay! Men! does little or no harm to women and the LGBT community, please prove it by giving an alternative interpretation of the selected posts and comments in this blog.
Thank you for your attention.
DNTL ka no!
I think the blog is brilliant. It’s satire.
Puritan…loosen up. Di ba halatang gaguhan lang at tawanan ang gusto gawin ng TNL blog? Yan ang problema nyong mga masyadong “politically correct”. Kung sineseryoso mo yung mga post dun eh you’re making a fool out of yourself.
Oo na kami na ang parte ng bulok na sistema. Kayo na ang magaling.
sabihin na nating mali ang ginagawa ng hay!men! pero kasamang danny, kung mapapansin mo, pwersang masa din sila. sa ginawa mong pagbatikos, na-antagonize mo, sa halip n a mamulat sila.
In my case, i visit the blog from time to time probably twice every week at an average. With all the stress and seriousness at work, this blog makes me smile or laugh silently in the office because of its humor which i think is not a bad thing. And oh, i respect women, lesbians and gays. So yeah, i think TNL blog is cool.
alam naman namin na edukado ka pero hindi ibig sabihin nun na hindi namin iniintindi binabasa namin, kung hindi ba naman mababaw ang pag-aanalisa mo sa mga bagay-bagay, bakit mo kailangan palakihin ang mga topic na minsan sa simpleng kumpulan mo lang maririnig…ang difference lang naman eh na-exploit ang power ng net kaya marami yung nakakapag interact…and for sure hindi ka rin naman perpekto and kung may ganito man kayo usapan ng mga kaibigan mo malamang inililihim nyo pa.at least kami nilalabas namin tunay namin na ugali at hindi namin kailangan kumubli sa karunungan upang itago kung gaano kami ka-maledukado, magpakatotoo na lang tayo bossing at parang lumalabas na may personal na rason ka rin para kastiguhin ang Hay!Men, and blog naming mga TNL…katuwaan man o hindi…
Ginoo, ang galing mo po magsulat sa wikang Filipino. Nawa’y huwag na nating seryosohin ang buhay-buhay lalo na’t natural lang sa ating mga pinoy ang magpatawa. Huwag na din nating maliitin ang katalinuhan ng mga bumibisita sa blog na iyon dahil malamang marunong din sila kumilatis ng tama at mali.
pre, kung ayaw mo ng site, wag mu nalang dalawin. ako sasabihin ko, may punto nga yang sinasabi mo, pero anong magagawa mo kung gusto ko parin itong site na to, pre? kailangan pa bang pagdibatehan p ito? ito lang nmn un eh. kung ayaw mo sa site wag mu dalawin. hindi nmn sa minamasama ko sinasabi mo pre, pero kung di ka parin kuntento, gumwa ka ng letter, na ipakita itong site na to sa mga gay and girls kung naooffend ba sila, at kung siniseryoso nila. suggest ko lang pre. kapag madami ang nagsabi na nakakaoffend, tutulungan kita ipasara ang site na pinaguusapan.. pero kung iba ang sagot nila. edi wag mo nalang kaming pakialaman sa libangan namin. marami n sa site ng haymen ang nag suggest ng ganyan.. i-try mo pre.
Sagot kay Tanong:
Salamat sa komento mo. Personal na opinyon ang aking inilahad, pero hindi personal na banat ang nilalaman.
Kung personal o ad hominem ang aking pagbatikos, sisimulan ko ang diskurso sa tuwirang pagbibigay ng pangalan ng mga responsable sa blog na Hay! Men! At tulad ng ibang tinatawag ako ng kung anu-anong mapanlait na salita, mumurahin ko hindi lang sila kundi ang kanilang magulang na nagpalaki sa kanila.
Pero katulad mo, hindi ko intensiyong pababain ang antas ng diskurso. Ang mas malalimang pagsusuri sa nilalaman ng blog ay nasa dalawang-bahaging artikulong sinulat ko noong 2009 na pinamagatang “Usapang lalaki.” Mainam na basahin mo ito kung may oras ka.
Kahit na magkaiba ang ating opinyon, inaasahan ko ang iyong mahusay na paglalahad ng iyong mga saloobin sa malapit na hinaharap. Salamat.
Danilo A. Arao
sa akin pong pananaw, ang ilang punto sa artikulong ito ay malinaw. ngunit bakit po natin kailangang seryosohin ang mga bagay na nakalahad sa HayMen.
1. Una, ang pagkakaiba lang naman ng HayMen sa lahat ng Blog ay sikat ito, ngunit kung tutuusin madami pa pong blog na mas nagbababa ng antas ng kung anu mang shit ang pinaglalaban mo.
2. Isa po itong katuwaan, kung may gumawa man ng sinasabi nito sa totoong buhay, pinili po yun ng tao, may kalayaan tayong lahat, mamili at magdesisyon para sa ating sarili. Kung may problema ka sa blog, angkinin mo na lang siya.
3. Kung di ka natutuwa sa blog may ilang libong napapasaya nito kaya wag kang killjoy.
4. Propesor ka tama? yung satirikong paraan o blog na nais mo, walang appeal sa audience, kelangan mo ng susubaybay sa gagawin mo, kung wala din lang magbabasa para san pa ito?
5. Sabihin mo ng personal lang ang isang blog, pero nakakalimutan ba nating may milyong Pilipino ang may access na sa internet at di maiiwasang kumalat ito.
6. Wag mong lahatin lahat ng nagbabasa ng HayMen, sapagkat ang karamihan at sabihin na nating lahat ay may utak at may prinsipyong pinapanindigan. Nirerespeto ko ang prinsipyo mo at alam kong madami din ang rumerespeto sa’yo kaya matuto kang rumespeto.
7. Di lahat ng tao ay may kapareho ng pananaw mo, masyado mong pinagtatanggol ang mga bakla’t babae (mataas po respeto ko sa kanila), pero may mga pangyayari ding sila ang umaalipusta at gumagawa ng bagay na ikasisira nila.
8. May mga bagay na sadyang di maaalis sa kultura, kung sakali mang maalis ito dadaan ito sa mahabang proseso. Tanggap ng lipunan ang mga Bading, nirerespeto namin ang mga babae. Ang HayMen ay parang isang sitcom lang na imbes na subaybayan sa telebisyon ay nasa internet.
9. Magbigay ka ng mga insidenteng dahil sa HayMen, may nagahasa, napatay, o nabastos sa mga pinagtatanggol mo. Pilipino ang nagbabasa ng HayMen, karamihan, para mo na ding sinabing napakakitid ng utak ng Pilipino kung gagawing literal ang bagay na pangkatatawanan lang.
10. Huli na, minsan, bukod sa personal nating nararamdaman, dapat wag natin itong pairalin lagi, kasi di natin alam na nakakapagsabi tayo ng mga bagay o tumutuligsa tayo dahil nasasaktan lang tayo sa mga pahayag. Matuto kang tumanggap na may mali sa’yo, o kung di man yan mali, may kakaiba sa’yo.
Kung napagtawanan ka dahil sa kung ano ka, pinili mong maging ganyan kaya panindigan mo ang mga consequences nito. Hindi makitid ang HayMen, mas makitid po kayo.
para sa akin po si Danny Arao ay isang TNL
dahil
TNL lang ang makakagawa ng ganitong klasing shit.
TNL lang ang puro shit ang alam gawin.
at
TNL lang ang mag aaksaya ng panahon ng gumawa ng isa pang blog para sa tunaynalalake.blogspot.com
thanks to you the blog that we all love is now more popular, I don’t know if you are trying to ride TNL’s popularity to boost your own blogs or if you just want to be posted on the TNL website. to tell you the truth this is the first time i’ve known about your blog and guess what, i was able to get here all because of TNL (u owe them 1).
Benny Lava is right, di naman kayo pinipilit na basahin ang posts sa website, kung ayaw nyo edi wag. Everybody has their own brand of comedy, it may not be funny for you, but it is funny for the rest of us. TNL is one of those websites that deliver the punchlines in tagalog that’s why it hits the funny bones of Filipinos, alam naman natin na mas nakakatuwa ang joke pag sinabi sa tagalog.
Have you been to the mall recently? There is this specific store that sell t-shirts that has the “double-meaning” lines like “gustom mong pakwan?” “dilain mo hotdog ko” and many others, ever wondered why this store grew from a small “tabi-tabi” shop to one of those that you see next to penshoppe, bench and human? Again, because people find this brand of comedy funny. The said store also now sells TNL shirts, I even bought 1 for myself, which all my workmates really like and are planning to buy one for themselves also.
bawasan mo lang ang pambabatikos sa mga TNL para di ka mapagkamalang isang DTNL, or pwede ka rin bumili ng DTNL shirt at isuot mo sa daan,,,, este TNL shirt pala.
To Danny “batikos boy” Arao, more power to you at sana matupad ang mga pangarap mo sa buhay (kung ano man yun)
you as a conservatist, everything you mention is applaudable but you must remember that there are people who will always push the limits of our norm, defy the rules and wouldn’t be afraid to write and talk about everything, its their job to do that and your job to contradict it, at the end both of them must remain, thats just the way it is
Thanks Danny Arao for defending LGBT.
Im gay and I’m not offended by Hay! Men I enjoy reading it it’s fun…
ang common na sinasabi ng defenders ng blog na yan ay hindi raw dapat seryosohin ito dahil biro-biro lang at wala namang nasasaktan. what a bull! halatang karamihan sa mga nagkokomento ay tineteyk literally ang blog. ibig sabihin, ang pinagtatawanan ay hindi ang penomenon ng machismo at sexismo kundi ang mismong object ng machismo at sexismo (mga bakla, lesbyana, kababaihan). halata ito sa comments sa mismong blog. halata ito sa comments dito sa column ni danny arao — na kesyo dtnl si danny, na kesyo bakla siya, etc. so ano ang satirical dun? na-reinforce lang ang bulok na kaisipan. at para pag-aksayahan ang panahon na depensahan ang isang blog na wala rin namang kapararakan, you’re the lowest form of animals. pag-aksayahan kaya ninyo ng oras ang pagbatikos sa gobyernong arroyo? o kaya, ang human rights violations na nangyayari ngayon? pagtawanan ninyo ang nasa sentro ng kapangyarihan at reaksyon — sila ang dapat kinukutya. di yung mga kritiko ng isang blog na walang kwenta din naman. i mean, get a life people! anuba!
Eh kung ibalik ko sayo yang argumento mo frank saura, bakit di yun ang tirahin ni Danilo Arao imbes yung TnL blg na sabi mo, walang kwenta? Kung walang kwenta eh bakit nag-aaksaya pa kayo ng panahon? O baka lang gusto nyo mapansin itong online shit nyo kaya nakikisakay na naman kayo sa viewership ng TnL? Hirap sa inyo puro kayo bias. Kayo na magaling! Lahat na walang alam.
Wag kang hassle Danny Arao.
My opinion is different from the other admins as well as the authors of the blog.
And each post is independent of any manifesto or belief that the other authors (which are also our friends) adhere to.
I will speak for myself in this case.
While there are indeed sexual overtones in my posts, I do it as a way of parodizing popculture in general, and I am not too fond of tackling issues that are related to sexuality.
Here is how I personally view TNL/DTNL.
TNL: Cool
DTNL: Uncool
Cool and Uncool is very different from Macho and Unmacho.
Pero, that criteria is broken and the lines between cool and uncool is blurred when I play with words and with the manifesto that the other admins made.
Because of that, since the lines are blurred, my view of what a TNL or a DTNL is already something that is not a critique but just something “funny” because of the injected humor and senseless.
For example, I am an avid fan of a band or I view a certain person or movement as cool or relevant but, I can always tag him or her as DTNL… or TNL.
Minsan may mga uncool na tao na ginagawa kong TNL, minsan ay DTNL.
Sa ganito ka-vague na posts na ginagawa ko, pano mo masasabi o malalaman kung sino o ano ang dinidiscriminate ko?
Isa pa, hindi dapat seryosohin ang ano pa man dahil hindi porke tinag ko na DTNL ang isang bagay ay ibig sabihin nitong dina-down ko na ito o tinutuligsa (o dinidiscriminate). O porke Tinag ko na TNL ay sinusuportahan ko na ito.
Maaari ngang minsan ang pagtuligsa ko ay makikita sa pag-tag ko ng TNL sa isang bagay.
Paminsan minsan ang tinatag ko ng TNL ay ang mga bagay na pinaniniwalaan ko, at DTNL sa mga bagay na ayaw ko. At vice versa. Nakabase parin ito sa kung pano ko lalaruin ang mabuti at pangit na katangian ng mga bagay na ito at para maging nakakatawa.
At bakit kailangang, nakakatawa? Ito ay dahil ang Hay1Men! ay isang humor blog. Satire. Patawa.
Ngayon, kung seseryosohin at tututukan mo lamang ang TNL, isang maliit na langgam lamang ito kumpara sa mga website tulad ng fleshasiadaily.com o fhm.com.ph…
Anyway, I’m still a reader of your articles.
At malalaman mo lamang na ang isang tao’y nag-iisip kung marunong siyang bumatikos.
Keep it up!
sa aking palagay, maaring ihalintulad ang katuwaan na hatid ng haymen sa katuwaan na hatid ng isang komedyante sa isang comedy bar kung saan ang mga manonood ay maaring matuwa o mapikon depende sa antas ng kanilang pag-i-isip at pag-unawa. kung ang isang manonood ay hindi natutuwa sa loob ng isang comedy bar sapagkat hindi nya kayang tanggapin na biro lamang ang mga panlalait na ginagawa ng komedyante, maari naman siyang umalis at huwag ng bumalik. subalit kung nais nyang ipasara ang comedy bar sapagkat natatakot siya na maari itong magtanim ng maling kaisipan sa mga manonood at sa lipunan, sa tingin ko ay mas mainam na ituon na lamang ang kanyang atensyon sa pagpapasara ng mga bahay aliwan sapagkat ang mga ito ay mas lantarang nakakasama sa lipunan.
bato bato sa langit. tamaan. sapul
)
lucio tang, ayus lang itong pagbatikos ni danny arao sa haymen blog. dapat binabatikos ang walang kwenta. parang mga nasa gobyerno, walang kwenta. binabatikos.pero iba rin yung walang kwentang komento. tulad ng sayo. saka itigil nyo na yang paggamit ng “shit shit”. korni na. isa pa, maraming nagkokomento dito na bakla daw sila pero di sila naooffend. how do we know na bakla nga sila? sa cyberspace, you can create any identity. pwedeng, halimbawa, yung mga walang kwentang creators ng blog na yan, magcreate ng identity sa comments section na ito, kunwari bakla sila at di sila naooffend. kaya wala talagang kwenta. nagtataka na nga ako kung bakit pinapatulan ko pa kayo. moderators, pakibura na nga ng koments ko. sayang lang ng oras nyo sa akin at sa iba pa rito. anyway, tama ka danny arao. di ka popular sa mga “tunay na lalaking” nagkokomento dito, pero at least, tama ka.
FROM DANILO ARAO
This comment is a rejoinder to the previous two comments I made (June 23, 10:58 pm; June 24,1:31 pm). Please allow me to focus on two important points: (1) an analysis of satire; and (2) freedom of expression on the Net.
1. THERE IS NO SATIRE IN THE HUMOR OF HAY! MEN! BLOG ENTRIES. Satire is a literary device that pokes fun and exposes social contradictions with the objective of provoking thought and initiating change. While the jokes are evident, a critical analysis of the posts of Hay! Men! show its general failure to raise the consciousness of many of its online users. Allowing comments that use vulgar language and whose contents are bereft of sound logic does not help in raising the level of discourse regarding whatever topic is discussed in a post. Please note that unlike in print, radio and television media texts, blog entries are analyzed not only on the basis of the post but also on its comments. The totality of a blog entry should therefore be analyzed in assessing its quality.
2. FREEDOM OF EXPRESSION IS NOT ABSOLUTE. The authors and followers of Hay! Men! cannot use “freedom of expression” as an argument for being irresponsible. While journalism and blogging should not be restricted by any law that abridges freedom of the press, journalists and bloggers should adhere to the highest standards of professional and ethical writing. Both journalists and bloggers are responsible for the shaping of public opinion since they both operate in the public sphere. When I recommended the closure of Hay! Men! (in an article I wrote last year), it is not promoting censorship because it is a mere suggestion to those responsible for the blog. There is no other solution, after all, to a blog that utterly fails to provide a good parody of sexuality, for the simple reason that its raison d’etre is problematic in the first place. Anything that tries to provide standards for being a real man or a real woman results in gender division and stereotyping, and eventually reinforces patriarchy and sexism.
Thank you for your attention.
Danny Arao
At ano naman ang gagawin ko para makapagbasa ng nakakatawa, frank saura? Dapat naaayon sa standards mo at standards ni Danny Arao. Naglilibang nga eh! Naglilibang, at hindi naman talaga siniseryoso. Hirap sa inyo, konting may makita lang kayong maaring pag-usapan at iangat ang tonong akademya nyo, gagawa na kayo ng issue. Dahil kung talagang proponent kayo ng anti-sexism at gender equality, pumunta kayo sa mga website na seryosong nagdidiscriminate at nagbebenta ng laman ng lalake, babae, bakla at lahat ng gender.
Sige nga, patawanin nyo kami ni Arao. Bigay pa kayo ng “satirikong diskurso”. Dali. Tapos tatawa kami kasi maganda ideya nyo.
I envy you guys.
wag masyado seryosohin ang lahat ng nababasa sa internet. parang yung kaso lang ito ni cofibean a.k.a. callcenter hater
kung lahat e babatikusin natin, walang mangyayaring matino kungdi debate debate na lang. kung gusto mo talaga ng pagbabago sa pamamagitan ng satire, e di gumawa ka ng sarili mong blog na me satire at nakakacontribute sa sociedad.
tapos ang usapan.