Bata, pinagpapapanggap ng militar na ‘child soldier’ ng mga rebelde?
Naalarma ang mga tagapagtanggol ng karapatan ng mga bata sa penomenong paggamit ng AFP sa inosenteng mga bata at pagpapalabas na mga “child soldier” sila ng mga rebelde.
Naalarma ang child rights advocates sa Davao City sa napaulat na isang diumano’y batang mandirigma ang ipinarada ng 10th Infantry Division ng Philippine Army kamakailan.
Anila, iniharap umano sa midya ni Lt. Col. Gabriel Viray ng 84th Infantry Battalion ang isang babaing menor-de-edad na itinago sa pangalang Irish, sa isang lugar sa Toril District sa Davao.
Ayon kay Girley Layuguin, regional director ng Children’s Rehabilitation Center-Southern Mindanao Regional Office, nakaka-alarma ang mga “kalokohan” ng militar na bumibiktima sa inosenteng mga bata mula sa kanayunan na binabansagang batang mandirigma ng New People’s Army (NPA). Sinabi din ni Layuguin na maging ang mga bata ay hindi ligtas at diumano’y target ng pag-atake ng mga militar sa mga komunidad ng mga magsasaka, Lumad at Moro.
“Upang makalusot sa malalang paglabag sa karapatan ng mga bata na nasa sitwasyon ng armadong tunggalian, ang mga militar ay gumagamit ng sistematikong pagbansag sa mga bata bilang mga NPA,” pahayag ni Layuguin.
Idinagdag pa niyang “nakakalungkot” kung paano pinapasama diumano ng militar ang dignidad at karapatan ng mga bata sa pamamagitan ng pagturing sa kanila bilang collateral damage o kaya target ng lehitimong operasyong militar.
Ayon pa kay Layuguin, mula 2001 hanggang sa taong kasalukuyan, 22 batang biktima ng human rights violations ang umano’y pinaratangang kasapi ng NPA at MILF na kanilang naisadokumento,“ sa taong 2010 pa lamang. “Pitong kaso na ang aming naisa-dokumento sa buong rehiyon na saklaw ng pagkilos 10th ID,” ani Layuguin.
Iba pang paglabag sa karapatan ng mga bata
Inihayag naman ng pambansang tanggapan ng Childrens Rehabilitation Center na marami pang paglabag sa karapatan ng mga bata, bukod sa pagbabansag sa mga bata bilang mandrigma.
Umaabot sa 129, 087 ang bilang ng mga batang biktima ng paglabag sa karapatang pantao, maliban pa sa direktang mga namatay na umaabot sa 76 mula 2001 hanggang 2009.
Table 1. KILLINGS
Total: January 01 to March 31, 2010
|
Cause of Death |
2001-2009 |
January to March 2010 |
total |
|
Massacre |
41 |
0 |
41 |
|
Summary Execution |
27 |
0 |
27 |
|
Death due to Indiscriminate firing/bombing |
6 |
0 |
6 |
|
Assassination |
1 |
0 |
1 |
|
*unknown cause |
*2 |
|
*2 |
|
TOTAL |
75 |
0 |
75 |
Table 2. OTHER VIOLATIONS
Total: January 01 to March 31, 2010
|
Human Rights Violation |
2001-2009 |
January to June 2010 |
total |
| Frustrated Killings |
57 |
1 |
58 |
| Illegal Arrest and Detention |
65 |
12 |
73 |
| Torture |
55 |
1 |
56 |
| Abduction |
10 |
0 |
10 |
| Enforced Disappearances |
3 |
0 |
3 |
| Rape and Sexual Assault/Harassment |
2 |
2 |
4 |
| Displacement/Forcible Evacuation (w/o*2006-2008) |
*128, 536 |
9 |
128,542 |
| Use of Minors as guide or shields in military or police operations |
21 |
1 |
22 |
| Harassment/Intimidation/Threat |
133 |
48 |
181 |
| Physical Assault |
42 |
3 |
45 |
| Maiming |
|
1 |
1 |
| Orphaned *Jan-Sept 2009 |
*65 |
22 |
87 |
| TOTAL |
128,989 |
78 |
129,087 |
*data are subject to change anytime
