Sa dalawang magkakahiwalay na insidente noong nakaraang buwan, tinangkang gahasahin ang domestic helper na si Aliyah (di tunay na pangalan), ni Abu Khalid, isang Arabong may-ari ng recruitment agency sa Saudi Arabia. Mayroong 20 pang Pinay na naninirahan sa recruitment agency ang ginahasa at kailangang sagipin mula sa kamay ng rapist, ayon kay Aliyah. Inilahad niya ang kanyang kuwento sa isang press conference ng Migrante International noong Hunyo 27.