Istorya ng Linggo Lathalain
Baha’t trahedya sa Marikina, naiwasan sana?
Pages: 1 2 Next page »
SM Marikina matapos ang baha noong Setyembre 26. (Angelica Carballo)
Sinorpresa ng bagyong Ondoy at Pepeng ang mga mamamayan. Pero mas mukhang nasorpresa ang gobyerno sa mabilisang pagsaklolo sa mga nasalanta.
Noong nakaraang State of the Nation Address ni Pangulong Arroyo, ipinagmalaki niyang nakahanda ang gobyerno sa anumang krisis, anumang oras. Idinagdag pa niya na pinaunlad na ng gobyerno ang hawak nitong teknolohiya para maagap na mapaghandaan ang anumang paparating na bagyo, at ang kapasidad nito na tugunan ang anumang sakuna.
Pero dalawang linggo matapos ang pagragasa ni Ondoy sa Kamaynilaan – at habang niraragasa pa rin ni Pepeng ang Northern Luzon – nasa isip marahil ngayon ng lahat ng nakarinig ng sinabi ni Arroyo noong SONA: Nasaan ang sinasabing kahandaang iyan?
Baha, naiwasan sana
Wala nang iba pang mas malakas na ebidensiya ng kawalan ng paghahanda ng gobyerno kundi ang kasalukuyang urban planning ng Kamaynilaan.
Sa Marikina lamang, makikita na ang problema. Sa pag-aaral ng mga eksperto sa hydraulics (isang disiplinang pinag-aaralan ang ng kilos ng tubig sa iba’t ibang sitwasyon), lumalabas na may napakamali sa puwesto ng mga kabahayan at imprastraktura na malapit sa mga floodway at ilog sa Marikina. Itong mga lugar na ito ang napinsala nang pinakamatindi nang bumaha noong Setyembre 26.
Sa pag-aaral na ginawa ni Prop. Guillermo Q. Tabios III ng Institute of Civil Engineering and National Hydraulic Research Center ng Unibersidad ng Pilipinas, lumalabas na maling mali ang sistema ng flood control sa Ilog ng Marikina at Manggahan Floodway.
Una rito ang pagharang sa daloy ng tubig. Tampok dito ang main channel ng floodway na dapat umano’y may sukat na 260 metro subalit naging 220 metro na lamang ito dahil sinaklaw na ng mga kabahayan. Karamihan sa mga nakatira rito ay mga maralitang tagalungsod na walang ibang matirhan. Marami sa kanila ang nagsabing tumira sila roon dahil wala naman silang ibang mapupuntahan.
Mapa ng daloy ng Marikina River, at puwesto ng SM Marikina at Provident Village. (Mula sa presentasyon ni Dr. Tabios)
Subalit hindi lamang ang mga maralita ang nagtayo ng mga istruktura na nakasasagabal din sa malayang daloy ng tubig sa ilog. Tinukoy rin ni Tabios ang pagtatayo ng mga subdibisyon at ng isang mall (SM Marikina) sa meander belt (tingnan ang mapa sa itaas) ng ilog ng Marikina. Isa rito ang Provident Village, isa sa mga ekslusibong subdibisyon na nakaranas ng pinakamaraming napinsala at binawian ng buhay noong kasagsagan ng baha.
Anim na beses ng lawak ng ilog ang dapat na saklaw ng meander belt para sa maayos na pagdaloy ng tubig. Kaya tiyak na nakaapekto rito ang pagtatayo ng naturang mall at mga subdibisyon.
Pages: 1 2 Next page »
Related posts:
Tags: Istorya ng linggo
Lathalain
Balita
OFW
Kultura
Balitang Global
Sports
Showbiz
Multimedia
Opinyon
(1) Hindi kami personal na magkakilala ni Alexander Martin Remollino, makabayang manunulat at makata. Hindi ko alam, bagamat may ilang pagkakataong nagkasama kami sa pulong o aktibidad, hindi kami personal na naipakilala sa isa’t isa. Pero kilala ko siya, syempre, dahil nakikita ko ang pangalan niya sa mga tula at sanaysay na umiikot sa mga sirkulong aktibista. Tapos nakikita ko siya – matangkad, mahaba ang buhok, parang laging may gustong sabihin – sa maraming pagkakataon. Syempre pa, mataba siya noon. Nitong huli’y pumayat siya nang napakabilis. At dahil hindi naman ako taong mapanghusga, naisip ko lang na siguro’y nagdodroga siya. Iyun pala, iba na.
Discussion
No comments for “Baha’t trahedya sa Marikina, naiwasan sana?”
Post a comment