Larawan: Militanteng mga grupo, sinorpresa si PNoy ng regalong protesta sa kaarawan niya

Nagdala ng birthday cake noong Pebrero 8 ang kababaihan ng Gabriela sa Carriedo, Manila kaalinsabay ng kaarawan ni Pang. Benigno Aquino III. Pero dala nila ito hindi para ipakain kundi para ibato sa imahen ng pangulo. Galit ang kababaihan dahil umano sa "kainutilan" ng administrasyong Aquino na kontrolin ang presyo ng batayang mga bilihin, kabilang ang langis. (KR Guda)

Sa Mendiola, Manila, nagdala naman ng malaking kahon na "regalo" ang mga maralita ng Kalipunan ng Damayang Mahihirap o Kadamay, Bayan Muna, Anakpawis, Bagong Alyansang Makabayan - National Capital Region, at iba pa. Binatikos nila ang programang Public-Private Partnerships o PPP na anila'y nagdudulot ng demolisyon sa mga maralitang lungsod. Sinunog ng mga maralita ang naturang "regalo" bilang protesta sa administrasyong Aquino. (KR Guda)

Galit si Carmen "Nanay Mameng" Deunida ng Kadamay sa aniya'y "pagpapapogi" ni Pangulong Aquino, habang patuloy na ipinapatupad ang malawakang demolisyon sa mga maralitang komunidad. Kaarawan din ni Deunida noong araw na iyon, Pebrero 8. (KR Guda)