Ginulat ng mga miyembro ng Kilusang Mayo Uno o KMU at Anakpawis Party-list ang mga pulis na nagbabantay sa Palasyo Malakanyang nang biglang makalapit sila sa Gate 7 para iprotesta ang pagtanggi ng administrasyong Aquino sa panukala ng mga militante para sa “makabuluhang dagdag-sahod” at pagkontrol sa tumataas na presyo ng mga bilihin at langis. (Alvin Joseph Tenedero)
Manhid si Pang. Benigno Aquino III sa kalagayan ng mga manggagawa at mahihirap na taumbayan sa tahasang pagtanggi sa hiling na P125 dagdag-sahod. Ito ang pahayag ng sentro ng militanteng unyonismo na Kilusang Mayo Uno (KMU), matapos ihayag ng Malakanyang ang pagtutol nito sa panukalang dagdag-sahod ng mga manggagawa.
Galit na galit sa halos-linggu-linggong pagtaas ng presyo sa produktong petrolyo at batayang mga bilihin, nilusob ng kababaihan ng Gabriela ang Gate 7 ng Malakanyang para iprotesta ang anila'y kainutilan ni PNoy na kontrolin ang presyo ng langis, isawata ang overpricing sa langis, at ibasura ang polisiya ng deregulasyon sa langis.
Tumampok sila noong taong 2009: Mga indibidwal, grupo, kilos-protesta, batas, o produktong pangkultura, na mga lumahok at nag-ambag ng natatanging kontribusyon sa iba't ibang larangan sa pagsusulong ng progresibong pagbabago.
