Digong, kayang dumalo sa ICC pre-trial ayon sa medical experts


“Fit to participate” si dating Pangulong Rodrigo Duterte sa pre-trial proceedings ng International Criminal Court, kasama na ang pagdinig sa kompirmasyon ng mga kaso laban sa kanya.

“Fit to participate” si dating Pangulong Rodrigo Duterte sa pre-trial proceedings ng International Criminal Court (ICC), kasama na ang pagdinig sa kompirmasyon ng mga kasong krimen laban sa sangkatauhan na isinampa sa kanya.

Ayon ito sa magkakahiwalay na opinyon ng tatlong medical expert matapos ang serye ng mga interbyu at exam sa dating pangulo noong Oktubre hanggang Nobyembre.

Sa inilabas na dokumento nitong Dis. 18 ni ICC Deputy Prosecutor Mame Mandiaye Niang, hindi lang niya hinimok ang ICC Pre-Trial Chamber I na ideklara na may kakayahan si Duterte na dumalo sa pre-trial proceedings, binanggit rin niya na “mukhang nagpapanggap si G. Duterte na may kapansanan sa pag-iisip para makaiwas sa paglilitis.”

Nagkaisa rin ang desisyon ng medical panel na hindi katiwa-tiwala ang dating pangulo sa paglalahad ng detalye sa kanyang kalusugan. Wala pang naisasapublikong dokumento ang nagbibigay ng detalye sa eksaktong mga score o resulta ng mga exam ni Duterte. 

Ayon naman sa abogado ni Duterte na si Nicholas Kaufman, kailangan ng hearing para pag-usapan ang ebidensiya at kagamitan ng mga medical expert na tumingin sa dating pangulo.

Sa ngayon, wala pang inilalabas na desisyon ang ICC Pre-Trial Chamber I ng ICC sa kakayahang dumalo sa trial ni Duterte.

Related Posts

Sama-samang pinanood ng mga tanggol-karapatan at mga kaanak ng mga biktima ng giyera kontra droga sa University of the Philippines Diliman College of Law ang livestream ng pagbababa ng desisyon ng Appeals Chamber ng International Criminal Court sa apela ni Rodrigo Duterte para sa pansamantalang kalayaan noong Nob. 28, 2025. Marc Lino J. Abila/Pinoy Weekly

Digong, mananatili sa detensiyon sa The Hague

Ibinasura ng Appeals Chamber ng International Criminal Court sa Netherlands ang apela ni Rodrigo Duterte para sa pansamantalang kalayaan noong Nob. 28. Nauna nang tinanggihan ito ng Pre-Trial Chamber I noong Setyembre.

Main Story

Pakana para palayain si Duterte, ‘di uubra

Hindi uubra ang mga pakanang house arrest, interim release at kabi-kabilang disimpormasyon ng kampo ni dating Pangulong Rodrigo Duterte sa International Criminal Court at sa mga kaanak ng kanyang mga biktima.

Courtroom ng International Criminal Court sa The Hague, The Netherlands. International Criminal Court via Flickr
Talasalitaan

Crimes against humanity

Ang mga krimen laban sa sangkatauhan ay madalas na ginagawa bilang bahagi ng mga patakaran ng estado gamit ang armadong puwersa nito o mga puwersang paramilitar.

Main Story

Duterte, kalaboso sa ICC

Nakakulong na si dating Pangulong Rodrigo Duterte sa International Criminal Court Detention Centre sa The Netherlands. Sinimulan na rin ang proseso ng pagdinig sa kaso niyang mga krimen laban sa sangkatauhan. Patuloy naman ang pagkilos ng mamamayan para tuluyan siyang panagutin.