Matagumpay na nakatuntong ang militanteng grupong pangkababaihan na Gabriela sa harapan ng embahada ng Estados Unidos (US) sa Roxas Boulevard sa Maynila isang araw bago ang Pandaigdigang Araw ng Kababaihan.
Namomroblema ang mga magulang sa taas-presyo ng mga bilihin habang mababa ang suweldo. Sa susunod na pasukan, poproblemahin pa nila ang dagdag na taong kailangang pag-aralin ang mga anak
Nanawagan ang militanteng grupo ng kabataan na Anakbayan sa lahat ng organisasyon ng mga mag-aaral, asosasyon, at higit sa lahat sa mga fraternity, na itigil ang paggamit ng brutal, bayolente at nakamamatay na hazing. Ito ang nais ipaabot ng grupo sa kanilang pahayag hindi lamang sa komunidad ng San Beda College, kundi sa lahat ng […]
Palala nang palala ang krisis sa edukasyon, ayon sa militanteng mga grupo ng kabataan: papataas na mga matrikula at mga bayarin, pagkaltas muli sa badyet ng sektor ng edukasyon, at kainutilan diumano ng administrasyong Aquino sa harap ng mga ito. Kung kaya muling tutungo ng lansangan ang kabataan, para iprotesta ang tumitinding krisis na ito.
Hinala ng militanteng mga grupong kabataan, hindi hiwalay sa programang kontra-insurhensiya ng militar na Oplan Bayanihan ang mga atake sa mga aktibista tulad sa “Porac 3”, Ekis Gimenez at Lordei Hina, gayundin ang panghaharas at pinaghihinalaang tangkang pagdukot sa mga mamamahayag pangkampus sa Samar nitong Peb. 26.
Sinugod ng Kilusang Mayo Uno (KMU), Bagong Alyansang Makabayan (Bayan) at iba pang militanteng organisasyon ang Veterans Memorial Medical Center (VMMC) sa Quezon City upang igiit na ilipat si dating pangulong Gloria Macapagal-Arroyo sa ordinaryong kulungan.
Lantarang tinatapaktapakan umano ng Department of Health ang Magna Carta for Public Health Workers sa pagkaltas sa bepenisyo ng mga kawaning pangkalusugan. Lalo rin nitong ipinagkakait sa maralitang mga mamamayan ang karapatan sa serbisyong medikal.
Isang tigil-pasada at “protestang bayan” ang ipinanawagan ng Kalipunan ng Damayang Mahihirap (Kadamay) kontra sa sunud-sunod na pagtaas ng presyo ng petrolyo. Ayon sa mga maralitang lungsod, sila umano ang pangunahing tinatamaan sa bawat sentimong pagtaas ng presyo ng langis. Kaya, nanawagan ng Kadamay na muling ulitin ng mga tsuper at iba pang sektor ang matagumpay na protesta at tigil-pasada noong Septyembre 19 noong nakaraang taon na nagparalisa ng transportasyon sa iba’t ibang panig ng bansa.
Walang habas na pagtaas ng presyo ng langis. Ito ang dulot ng Republic Act 8479, o Downstream Oil Industry Deregulation Act of 1998, o mas kilala bilang Oil Deregulation Law (ODL), 14 na taon matapos ito isabatas, ayon sa Bagong Alyansang Makabayan (Bayan).
Kinalampag ng mga kawaning pangkalusugan, kasama ang kanilang mga pasyente at kaanak, ang tanggapan ng Philippine Health Insurance Corporation (PhilHealth) sa Pasig City sa nakaambang pagtaas ng premium na aabot sa 100 hanggang 160%. “Kung ang PhilHealth ay talagang para sa kapakanan ng mga mamamayan, dapat magpokus ito higit sa pagpapabuti at pagpapalawak ng sebisyo […]
