Pinoy Weekly

Panayam kay Jose Maria Sison hinggil sa papasok na rehimeng Aquino

Prop. Jose Maria Sison

Prop. Jose Maria Sison

Hiniling ng Pinoy Weekly ang mga pananaw at pagsusuri ni Prop. Jose Maria Sison, nangungunang rebolusyonaryong lider sa bansa at chief political consultant ng National Democratic Front of the Philippines o NDFP, hinggil sa pag-upo sa poder ng bagong pangulong si Benigno “Noynoy” Aquino III.

Pinoy Weekly: Bakit sa palagay ninyo nanalo si Sen. Benigno “Noynoy” Aquino III sa pagkapangulo sa nagdaang eleksiyon?

JMS: Nanalo si Noynoy Aquino dahil sa bago maghalalan siya ang pinili ng mga imperyalistang Amerikano at lokal na mga naghaharing uri ng malalaking komprador at asendero na maging bagong pangulo ng naghaharing sistema. Sa kabila ng pagkukunwaring umaasa siya sa piso-piso mula sa karaniwang mga tao, sa kanya idinagsa ng malalaking negosyanteng dayuhan at Pilipino ang kanilang suporta sa kampanya.

Sa kalaunan ng kampanya, hinigitan ni Noynoy si Manny Villar sa paglikom at paggamit ng pera para sa iba’t ibang tipo ng propaganda.  Sinuportahan si Noynoy ng malaking mass media. Tuso sa propaganda ang mga alalay niya. Para mapagtakpan ang kasalatan niya sa track record at kakayahan, pinatingkad ng kanyang media handlers ang palagay na siya ay malinis na tagapagmana ng tatay at nanay niya at ang pagbatikos sa korupsiyon  ng rehimeng Arroyo.  Kaugnay nito, sa pariralang “Villarroyo,” tumalab ang hambalos ng kampong Noynoy na ahente ni Arroyo si Villar dahil hindi siya umaatake kay Arroyo.

May mga palatandaan din na sa automated electoral system ng Smartmatic, na kontrolado ng US at mga ahente nila, may naganap na preprogramming para panaluhin sina Aquino at Binay.  Halatang kinabigan ng napakalaking boto sina Manny Villar at Loren Legarda. Overkill at di kapanipaniwala ang biglang pagbagsak nila.  May mga ulat na matataas na kinatawan ng CIA (Central Intelligence Agency ng US), pamilya ni Aquino at rehimeng Arroyo ang nagpasya sa pre-programming anim na linggo bago araw ng halalan.  Ang pag-uusap nina Pinky Aquino-Abellada at Ginang Arroyo ang nagbigay daan sa ganitong areglo.

Sa yugtong ito, sinasabing optimistiko pa ang sentimyentong publiko hinggil sa papasok na administrasyon. Magtatagal ba ang optimismong ito?

JMS: May optimismo sa sentimyentong publiko dahil sa tapos na ang kasuklam-suklam na rehimeng Arroyo at umaasa ang marami na tutuparin ni Aquino ang malalaking pangako niya  na papanagutin si Gloria M. Arroyo at mga kasapakat niya sa maraming krimen ng korupsiyon at paglabag sa karapatang tao.

Iba’t ibang partido at organisasyon ang nagtutulak kay Noynoy na tuparin niya ang mga pangako niya. Pati ang National Democratic Front of the Philippines ay gumawa ng pahayag para hamunin ang papasok na rehimeng Aquino na tuparin ang mga pinangakamahalagang  pangako sa loob ng unang 100 araw para mapahusay ang kapaligiran at takbo ng muling pag-uusap tungkol sa kapayapaan sa pagitan ng NDFP at reaksyonaryong gobyerno.

Kung sa loob ng 100 araw walang maipapatupad si Noynoy na mahalagang pangako at patuloy na lumubha ang krisis sa ating bayan, ikakamuhi ng malawak na masang Pilipino ang rehimeng Aquino at si Noynoy mismo bilang taksil at mapanlinlang sa bayan. Mapapatunayan na si Aquino ay dummy lamang ng sabwatang imperyalistang Amerikano’t lokal na naghaharing uri na kinabibilangan ng pamilyang Arroyo at pamilyang Aquino. Alam naman ng lahat na sa mahabang panahon magkasabwat ang dalawang pamilyang ito.

email

1 2

Short URL: http://pinoyweekly.org/new/?p=7693

Posted by on Jun 7 2010. Filed under (Analysis), Features, Istorya ng Linggo. You can follow any responses to this entry through the RSS 2.0. Both comments and pings are currently closed.

Comments are closed

Multimedia

Eskinita: Ang Alternatibong Ruta

Loading Twine Social
Log in | Designed by Gabfire themes