Larawan: Takbo para sa hustisya, paglitaw sa mga nawawala
Tumakbo ang aabot sa isandaang katao noong Hunyo 22 sa Unibersidad ng Pilipinas sa Diliman, Quezon City. Pero ayon sa mga organizer, hindi raw ito fun run: Dahil walang masaya sa isyu ng enforced disappearances o desaparecidos, at ang patuloy na pagkawala nila at ng hustisya sa kanilang mga kaso
Tumakbo ang aabot sa isandaang katao noong Hunyo 22 sa Unibersidad ng Pilipinas sa Diliman, Quezon City. Pero ayon sa mga organizer, hindi raw ito fun run: Dahil walang masaya sa isyu ng enforced disappearances o desaparecidos, at ang patuloy na pagkawala nila at ng hustisya sa kanilang mga kaso.
Ginanap ang naturang pagtakbo bago ang ika-anim na taong anibersaryo ng pagdukot sa mga estudyante ng UP at aktibista na sina Sherlyn Cadapan at Karen Empeno, na dinukot ng mga elemento ng militar sa ilalim ni Hen. Jovito Palparan noong Hunyo 26, 2006.
Kasama ang mga ina nina Sherlyn at Karen, mga kaibigan, dating kaeskuwela at guro, kasalukuyang aktibista, at si Kabataan Rep. Raymond Palatino, dalawang beses na inikot ng runners ang Academic Oval (4.4 kilometro) para bigyang pokus sa publiko ang patuloy na pagkawala ng mga tulad nina Sherlyn at Karen.
Nais din nilang bigyang pokus ang patuloy na pagtatago ni — at pagkabigo ng administrasyong Aquino na tugisin si — Jovito Palparan.
Narito ang ilang larawan ng “Run for Your Life 2: This is not a fun run,” na inisponsor ng Karapatan at iba pang grupong pangkarapatang pantao:
