Sa isang piket sa Department of Foreign Affairs noong Hulyo 14, sinabi ni Garry Martinez, tagapangulo ng Migrante International, na dumarami ang bilang ng mga kaso ng mga babaing OFW na minamaltrato ng mga employer o pinapahirapan at ikinukulong sa ibayong dagat. Tatlong grupo ng ginahasang mga OFW–isa mula sa Saudi Arabia at dalawa mula sa Oman–ang lumapit sa grupo kamakailan. Samantala, may limang Pilipinang biktima ng human trafficking ang kasalukuyang minomolestiya at nakakulong sa Syria.