Okupasyon sa Mendiola, malapit sa palasyo ni Pangulong Aquino, ang isinagawa ng mga magsasaka para igiit ang kanilang karapatan sa lupa, sa kabila ng tumitinding pangangamkam at Charter Change.
Mataas ang diwa ng pakikibaka ng mga estudyanteng lumahok sa martsa patungong Mendiola, Manila noong Setyembre 23, 2011. Matarungan daw kasi ang kahilingan nila: ang itulak ang gobyerno na patuloy na suportahan ang edukasyon at serbisyong panlipunan.
Bukod sa mga komunidad sa North Triangle, may banta rin ng demolisyon sa komunidad ng mga maralita sa East Triangle. Bahagi ng pinaplanong business district, iginigiit ng mga residente ang karapatan nila sa kabuhayan at manatili sa lupaing kinalakhan na ng kanilang mga anak.
Patuloy na nagbibingi-bingihan at nagbubulag-bulagan ang administrasyong Aquino sa malalang lagay ng karapatang pantao sa bansa, ayon sa grupong pangkarapatang pantao na Karapatan, sa okasyon ng ika-39 anibersaryo ng batas militar ng diktadurang Marcos.
Iginiit ng mga empleyado sa Mataas na Kapulungan ng Kongreso ang panawagan ng mga kawani ng gobyerno para sa P6,000 na dagdag sa kanilang buwanang suweldo.
Nagmartsa patungong Mendiola ang mga lider-kababaihan ng Gabriela mula sa iba't ibang bahagi ng bansa para manawagan ng pagpapalaya ng mga bilanggong pulitikal, kabilang ang 30 kababaihang bilanggong pulitikal. (KR Guda)
Nagsagawa ng sympathy fast sa harap ng EDSA gate ng Kampo Crame sa Quezon City ang mga tagasuporta at kaanak ng mga bilanggong pulitikal. Panawagan nila: general, unconditional and omnibus amnesty sa mahigit 350 bilanggong pulitikal sa bansa.
Mabubura ng panukalang apat-na-araw na trabaho ang mga karapatan at benepisyong matagal nang ipinaglaban ng kilusang paggawa sa pampubliko at pampribadong sektor.
Tumungo ang mga abogado’t mga tagasuporta ng bilanggong pulitikal na si Ericson Acosta na agarang aksiyunan ang petisyon para repasuhin ng Department of Justice (DOJ) ang kaso laban sa artista’t aktibista.
Daan-daan ang turistang bumibisita araw-araw sa Underground River sa Puerto Princesa City sa Palawan. Isa sa mga nagdadala sa kanila sa naturang lugar ay si Toto, isang boat man at tour guide sa Underground River. Sa tagal niya sa trabahong ito, naging eksperto na rin si Toto sa siyensiya ng mga kuweba, ilog, at iba pa. Kasabay nito, nahasa na rin siya sa pagpapatawa. Pagkatapos ng araw, pagod na pagod si Toto. Sa kabila nito, kumikita lamang siya ng P250 araw-araw. (KR Guda sa Puerto Princesa, Palawan)
