May bitbit na permit para magdaos ng pagtitipon para sa Morong 43 sa Camp Bagong Diwa, nagkaraban ang mahigit 200 tagasuporta at kaanak patungo sa kampo. Pero hinarang sila ng pulis at pinigilang makabisita sa mga detinidong manggagawang pangkalusugan -- pinakahuli lamang sa serye ng panunupil at paglabag sa matagal nang niyuyurakang karapatan ng Morong 43 at tagasuporta nila.
Dalawang sundalong Kano ang nakitang naglalakad, walang kasamahang sundalong Pilipino, sa Sitio Agusuhin, Subic, Zambales noong Oktubre 15. Bago ito, tumulong umano silang gumawa ng isang klasrum sa naturang sityo. Di armado ang mga Kano, pero pupuwede ba talaga silang gumala sa kabaryuhan ng lugar, (naka-fatigues, ibig sabihi'y may opisyal na lakad) nang walang sundalong Pinoy na sundalo na kasama dapat sa kanilang "ehersisyong militar"? (KR Guda)
Dumaong sa Subic Bay Freeport Zone sa Zambales ang USS Essex (kaliwa), ang barkong pandigma na sinakyan nina Lance Corp. Daniel Smith at kasamahang mga miyembro ng US Marines na inakusahang nanggahasa sa Pinay na si "Nicole" noong 2006. Kasabay ng USS Essex ang USS Halsey. Mahigit 3,000 sundalong Kano ang lunan ng mga barkong ito para sa ehersisyong militar sa pagitan ng armadong puwersa ng US at Pilipinas ngayong Oktubre.
Pagsusuri sa pang-ekonomiyang mga polisiya sa unang 100 araw ng administrasyong Aquino.
Sa halip na mga bahay: mga mall, call centers, tanggapan ng dayuhang mga korporasyon, parke. Sa halip na disente at matinong kabuhayan: kontraktuwal na mga trabaho. Ito ang plano sa North Triangle sa Quezon City. Itataboy ang libu-libong maralita para sa isang panlabas na mga istruktura ng "kaunlaran."
Kailangan ng agarang pagtugon ng mga gobyerno sa mga kaso ng karapatang pantao. Isa sa mga paraan ito para mabigyan ng hustisya ang mga biktima ng paglabag sa karapatang pantao, ayon sa internasyunal na mga abogado ng IADL.
Taas-kamao si Fr. Dionisio Cabillas, aktibistang Aglipayang pari, sa pagtatapos ng misa para sa lider-obrero sa transportasyon na si Medardo "Ka Roda" Roda na yumao noong Setyembre 5. Matapos ang misa, binigyang-parangal si Roda ng iba't ibang militanteng lider at organisasyon, na tumitingala sa kanya bilang isa sa pangunahing lider-oposisyon noong diktadurang Marcos at pinakatanyag na lider ng mga manggagawa sa sektor ng transportasyon bilang tagapangulong emeritus ng Pagkakaisa ng mga Samahan ng Tsuper at Operators Nationwide o Piston. Umapaw ang mga tao sa UCCP Chapel sa EDSA, Quezon City sa dami ng mga gustong makiisa sa parangal. Inilibing si Roda noong Setyembre 12.
Rebyu ng dulang "My Name is Rachel Corrie" Isinadula ng New Voice Company Tampok si Monique Wilson Dinirehe ni Rito Asilo Music Museum, Setyembre 3-4, 2010
Kagyat na pampagaan sa mabigat nang ipinapasan ng mga mamamayan na gastusin ang pagtanggal sa 12-porsiyentong Value Added Tax (VAT) sa mga produkto at serbisyo, ayon kay Anakpawis Rep. Rafael Mariano. Sinabi ito ni Mariano sa kabila ng papalapit na pagtaas ng presyo ng toll rates sa mga haywey sa Agosto 16. Dahil dito, nakaamba […]
Hindi pa man ganap na dumarating ang panahon ng mga bagyo, umabot na sa 99 na kalamidad, natural man o gawa ng tao, ang tumama sa bansa, mula Enero hanggang Hunyo ngayong taon. Ayon sa Citizens’ Disaster Response Center (CDRC), umabot sa 579,540 pamilya o 3,405,707 Pilipino ang naapektuhan ng mga kalamidad na ito. Sa […]
