May mga kaso ng mga dinudukot at ikinukulong ng mga ahente ng estado – noong batas militar at ngayon – ang nagdalantao. Ibayong hirap ang naranasan nila. At kapag tumagal sa pagkakulong, hindi na lang sila ang detinidong pulitikal. Pati ang kapapanganak na sanggol, nakakulong at nagdurusa.
Pinangunahan ni Lana Linaban, pangkalahatang kalihim ng Gabriela Philippines, ang pagdiriwang para sa unang taong anibersaryo ng Gabriela-Hong Kong kamakailan. Sinabi ni Linaban na kailangang pag-ibayuhin ang pag-oorganisa sa kababaihang Pinay sa Hong Kong para ipaglaban ang kanilang mga karapatan at interes ng buong sambayanang Pilipino.
Isang bagong rekisito para sa bumibisitang pamilya ng mga Overseas Filipino Worker (OFW) sa United Arab Emirates (UAE) at Macau ang tinawag ng mga grupong migrante na panibagong porma ng “pangongotong” ng gobyernong Aquino sa mga OFW. Kamakailan, inihayag ng embahada ng Pilipinas sa Abu Dhabi, Dubai, at Macau na kailangan munang kumuha ng isang notarized […]
Sa halip na mga bahay: mga mall, call centers, tanggapan ng dayuhang mga korporasyon, parke. Sa halip na disente at matinong kabuhayan: kontraktuwal na mga trabaho. Ito ang plano sa North Triangle sa Quezon City. Itataboy ang libu-libong maralita para sa isang panlabas na mga istruktura ng "kaunlaran."
Isang araw matapos ang Ramadan, ipinarada ng Philippine Army sa Cotabato City patungo sa kampo ng 6th ID ang bagong mga kagamitang pandigma na mula pa sa Australia. Nagtataka tuloy ang marami: Kung nais ng gobyernong Aquino ng kapayapaan sa Mindanao, bakit pa kailangan ng dagdag sa gamit na magpapalala sa digmaan?
Dahil walang malapit na mga parke o palaruan, itong overpass na lang sa Commonwealth Avenue sa Quezon City ang ginagamit ng mga bata na slide.
Sa isang porum ng mga taong-simbahan kamakailan, inilatag ni Luis Jalandoni na punong negosyador ng mga rebeldeng komunista ang mga paraan para magtuloy ang usapang pangkapayapaan. Kailangan na lang basagin ng administrasyong Aquino ang katahimikan nito – at manindigan para sa kapayapaang nakabatay sa hustisyang panlipunan.
Umiigting ang atakeng militar ng mga rebelde sa mga armadong puwersa ng gobyerno, laluna sa Mindanao. Ang gobyerno naman, ipinagpapatuloy ang programang kontra-insurhensiya na dati nang puminsala, hindi sa mga rebelde, kundi sa mga legal na aktibista.
Handa nga ba ang Pilipinas sa kalamidad? O kaya nama’y isang araw, gugulatin na lang tayo ng matinding pagragasa ng bagyo o baha? Sa pagtutuon ng gobyerno sa “emergency response,” sa halip na isang mas komprehensibong “disaster management,” alam na natin ang sagot.
Kampeon ang koponan ng US sa kakatapos lamang na 2010 FIBA Men’s Basketball World Championship. Ginapi nila ang host-country na Turkey sa finals, 81-64. Ito rin ang tumapos sa 16 na taon na paghihintay ng US sa kampeonato, na hindi nila napagwagian mula 1994. Ito rin ang kaunaunahang paghaharap ng dalawang bansa. Lumamang pa ang […]
