Sa kabila ng matinding atake ng rehimen sa mga mamamayang Pilipino, matatag na nanindigan at kumilos ito. Patuloy na iginigiit ng mga magsasaka at katutubo ang karapatan sa lupa, tumututol sa mga proyektong kontramamamayan, maka-dayuhan at maka-interes ng oligarkiya.
‘Di masusukat ang halaga ng magsasaka at agrikultura sa araw-araw na pamumuhay ng bawat Pilipino, kami ang lumilikha ng pagkain ng taong bayan at mayorya na bumubuo sa populasyon.
Minamasaker ng AFP at PNP ang mga magsasaka, sakada at mamamayang nananawagan ng disenteng pamumuhay, tunay na pagbabago at tumututol sa pamamahala ng diktador at papet na Pangulo.
Sinalanta ng rice tariffication ang milyun-milyong magsasaka at manggagawang bukid sa mga palayan.
