Migrante

Larawan at video: Isang linggong protesta para palahukin ang Migrante sa halalan, ikinasa


Ikinasa ng mga Overseas Filipino Worker (OFW) ang isang linggong protesta para udyukan ang Commission on Elections na palahukin ang Migrante Party-list sa 2010 halalan. Tinututulan nila ang Comelec En Banc Resolution noong Oktubre 13, 2009 sa dinidiskwalipika ang Migrante at 25 pang party-list. Umano’y labag ang nasabing resolusyon sa Party-list System Act at isang hakbang […]

Ikinasa ng mga Overseas Filipino Worker (OFW) ang isang linggong protesta para udyukan ang Commission on Elections na palahukin ang Migrante Party-list sa 2010 halalan.

Tinututulan nila ang Comelec En Banc Resolution noong Oktubre 13, 2009 sa dinidiskwalipika ang Migrante at 25 pang party-list. Umano’y labag ang nasabing resolusyon sa Party-list System Act at isang hakbang para patahimikin ang mga organisasyong kritikal sa administrasyon.

Sa Hong Kong, nagsagawa ng jogging ang mga domestic helper noong Nobyembre 8 bilang simbolo ng kanilang panawagan na patakbuhin ang Migrante Party-list. Inudyukan nila ang presidential aspirants na suportahan ang Migrante bilang "pagrespeto sa karapatan ng mahigit 10 milyong OFW," sabi ni Vicky Casia-Cabantac, tagapangulo ng Migrante Party-list sa Hong Kong. (Contributed Photo)
Sa Hong Kong, nagsagawa ng jogging ang mga domestic helper noong Nobyembre 8 bilang simbolo ng kanilang panawagan na patakbuhin ang Migrante Party-list. Inudyukan nila ang presidential aspirants na suportahan ang Migrante bilang "pagrespeto sa karapatan ng mahigit 10 milyong OFW," sabi ni Vicky Casia-Cabantac, tagapangulo ng Migrante Party-list sa Hong Kong. (Contributed Photo)

Samantala, mahigit-kumulang 150 kababaihan mula sa isang komunidad ng mga OFW sa Bagong Barrio, Caloocan City ang nagsagawa ng jogging at ehersisyo bilang simbolikong protesta.

“Ipinapakita ng aming pagtakbo na hindi kami magpapapigil sa malisyosong hakbang ng gobyerno na patuloy kaming imarginalisa. Matagal na naming ipinaglalaban ang aming mga karapatan. Hindi namin hahayaan ang atakeng ito sa aming organisadong tangka na sa wakas ay marinig ang boses sa Kongreso,” sabi ni Gina Gaborni, deputy secretary general ng Migrante International.

Panoorin ang video: (Kuha ni Ailyn Abdula)

Ang jogging at ehersisyo sa Caloocan City ang una sa serye ng mga kilos-protesta ng Migrante ngayong linggo, na lulundo sa isang rali sa harap ng Comelec sa Nobyembre 12.

Related Posts

Konteksto

Umaasa sa pag-asa

Bagong administrasyon, bagong pag-asa. Bagong Pilipinas pa nga, sabi ng iba. Matapos ang siyam na taong panunungkulan ng isang Pangulong kinamuhian ng mayorya ng mga mamamayan (at maraming survey na magpapatunay sa puntong ito), nakaluklok ngayon sa puwesto ang bagong Pangulong malinaw na may suporta ng mahigit 14 na milyong botante noong nakaraang halalan.

FEATURED

Pagpupugay sa aktibismo ng masa

Hindi naging biro para sa masang Pilipino ang pinagdaanang kahirapan at panunupil sa loob ng siyam na taon ng isang pangulong sagad at lantaran ang korupsiyon, pandaraya, pasismo, at kasama ng mga kontra-mamamayang mga polisiya ay naglugmok ng bansa sa pinakamatitinding krisis pang-ekonomiya at pampulitika.

Dalawang eksperto hinggil sa posibleng dayaan noong halalan

Posible nga ba ang pre-programming ng PCOS machines at/o ng CF cards para pumabor sa isang kandidato noong nakaraang eleksiyon, tulad ng alegasyon ng impormante ni Prop. Jose Maria Sison? Dalawang eksperto sa IT ang nagpapatotoo.