Libong opereytor, drayber, kumalas sa konsolidasyon 


Ayon kay Piston president Mody Floranda, unang bugso pa lang ito ng mga pagkalas sa konsolidasyon ng prangkisa at marami pa ang lumalapit sa kanila hinggil sa proseso ng pag-urong ng aplikasyon.

Pinangunahan ng Pinagkaisang Samahan ng mga Tsuper at Operator Nationwide (Piston) ang pagtitipon ng mahigit 1,000 drayber at opereytor sa Land Transportation Franchising and Regulatory Board upang maghain ng withdrawal sa franchise consolidation nitong Ago. 27.

Ayon sa Department of Transportation, malayang kumalas sa Public Transport Modernization Program ang mga drayber at opereytor na nagpakonsolida ngunit iginiit na ang mga drayber at opereytor din ang mahihirapan kung sakaling magwi-withdraw sila sa programa.

Tiniyak naman ng Piston na unang bugso pa lang ang mahigit 1,000 nag-withdraw ng aplikasyon. Ayon kay Piston president Mody Floranda na planong tumakbong senador sa halalan sa 2025, marami pa ang lumalapit sa kanila hinggil sa proseso ng pag-urong ng aplikasyon.

“Madadagdagan pa [ang mga magwi-withdraw] at hindi lamang dito sa NCR (National Capital Region) kundi sa iba’t ibang rehiyon dahil madami na ang nagpapa-abot sa atin na humihingi ng tulong,” ani Floranda.

Related Posts

Paglaban para sa kinabukasan

Hindi kalaban ng pagbabago ang mga tsuper at opereytor. Ang paninindigan nila, nakasandig sa paniniwalang may karapatan sila sa paghahanapbuhay at hindi dapat mahulog sa kamay ng malalaking korporasyon ang isa pang serbisyo pampubliko.

Hiwalayan sa koop at korporasyon

“Nagpakonsolida ako kasi natakot akong mawalan ng hanapbuhay. Pero sa ginagawa nila, para akong sumusugal,” sabi ng drayber ng jeepney na si Domingo Lacostales.

Alyansa ng komyuter vs. PUVMP, inilunsad

Kailangan ring magbuklod o magsama-sama ng lahat ng komyuter at iba pang taga-suporta ng ating mga drayber para sa kanilang panawagan na itigil ang PUV (Public Utility Vehicle) [phase out]," pahayag ng PasaHero para kay Tsuper-Hero.