Maglulunsad ng kampanya laban sa nakaambang pagkaltas sa alokasyon ng pambansang badyet para mga SUCs ang mga lider-konseho ng mga mag-aaral at student regents ng iba’t ibang state colleges and universities (SCUs).
Isang pandaigdigang alyansa ng kababaihan ang itinatag ng mahigit 350 indibidwal mula sa 32 bansa, bilang pagtatapos ng Montreal International Women’s Conference sa Montreal, Canada noong Agosto 16 (Agosto 17 sa Pilipinas).
Nanawagan noong Agosto 30, Pandaigdigang Araw ng Desaparecidos, ang Kilusang Magbubukid ng Pilipinas (KMP) at Tanggol Magsasaka kay Pangulong Aquino na ilitaw ang mga lider-magsasaka at aktibistang biktima ng sapilitang pagkawala tulad nina Nilo Arado, Jonas Burgos, Ronald Intal at Manuel Merino. Ang mga biktima ay dinukot ng pinaghihinalaang elemento ng Armed Forces of the […]
Nakakordon pa rin ang mga bantay na pulis sa mag-inang si Judilyn Oliveros at sanggol habang ibinabalik sa Philippine General Hospital sa Manila matapos payagan ng korte sa Morong, Rizal ang tatlong buwang hospital arrest sa mag-ina. Nanganak si Judilyn sa PGH noong Hunyo. Apat na buwan siyang buntis nang dukutin at ikulong ng mga militar kasama ang 43 manggagawang pangkalusugan sa Morong, Rizal habang nagsasanay-medikal. (Macky Macaspac)
Isa na namang miyembro ng militanteng organisasyon ang pinaslang, hindi pa man nareresolbahan ang mga naunang kaso ng ekstrahudisyal na pamamaslang sa ilalim ng nakaraang administrasyon.
Nagmistulang klasrum ang paanan ng Mendiola Bridge sa Manila nang magdaos ang militanteng grupong pangkabataan na Anakbayan ng isang teach-in na dinaluhan ng mga miyembro nito. Nais ulitin ng Anakbayan ang karanasan ng mga kabataang aktibista noong First Quarter Storm of 1970, nang magmistulang klasrum din para sa laksa-laksang aktibista ang lansangan. Nagtalakay si Lengue de Guzman ng Bagong Alyansang Makabayan o Bayan ng mga isyu ngayon ng mga mamamayang Pilipino. Naging tagapagsalita rin si Roger Soluta ng Kilusang Mayo Uno. (Jeffrey Ocampo)
Sinumang nagsasabing hindi bahagi ng kultura ng bansa ang diborsiyo ay kailangang mag-aral ng kasaysayan ng Pilipinas.
Nagpiket noong Agosto 20 sa labas ng ABS-CBN compound sa Quezon City ang mga manggagawang tinanggal sa trabaho ng higanteng television network. Kasama ang mga manggagawa ng Kilusang Mayo Uno, mamamahayag ng National Union of Journalists of the Philippines, at mag-aaral bilang tagasuporta, pinanawagan ng mga miyembro ng ABS-CBN Internal Job Market (IJM) Workers’ Union […]
Nagsagawa ng noise barrage ang tinaguriang “Morong 43” sa Camp Bagong Diwa sa Bicutan, Taguig bilang protesta sa paglipat kay Judilyn Oliveros mula sa Philippine General Hospital (PGH) pabalik sa naturang piitan. Kapapanganak pa lamang ni Judilyn ng kanyang sanggol nitong Hulyo. Isa si Judilyn sa 43 manggagawang pangkalusugan na ilegal umanong inaresto ng mga […]
