Kailangan ng agarang pagtugon ng mga gobyerno sa mga kaso ng karapatang pantao. Isa sa mga paraan ito para mabigyan ng hustisya ang mga biktima ng paglabag sa karapatang pantao, ayon sa internasyunal na mga abogado ng IADL.
Mga imahen ng pag-aayuno at paglaban ng mga kaanak ng Morong 43 para sa kalayaan ng mga mahal nila sa buhay at iba pang detinidong pulitikal.
Nagsagawa ng lightning rally ang militanteng mga organisasyon sa pagbisita ni Pang. Noynoy Aquino sa Davao City. Iginiit nila kay Aquino ang pagbabasura sa kontra-insurhensiyang kampanyang Oplan Bantay Laya, na bumibiktima umano sa mga di-armadong aktibista. Hiniling din nila ang hustisya para sa mga pinaslang na aktibista. Di hinarap ng Pangulo ang mga militante, at puwersahang itinaboy ng mga pulis.
Nagsagawa ng lightning rally ang mga kabataan sa ilalim ng National Union of Students of the Philippines o NUSP habang may deliberasyon ng badyet sa loob ng Kamara. Itinaboy din sila ng security ng Kamara. Nasa harap si Catanduanes Rep. Cesar Sarmiento, tila walang pakialam sa nagaganap na protesta. Ipinoprotesta ng mga estudyante ang pagkaltas ng 1.7% ng badyet sa state colleges and universities sa panukalang pambansang badyet, habang patuloy na mataas ang inilalaan sa badyet ng militar.
Hiniling ng mga kinatawan ng Bayan Muna, sina Reps. Teddy Casiño at Neri Javier Colmenares, sa Kamara na imbestigahan ng Kamara ang pagdaong sa Manila Bay ng USS George Washington, isang barkong nukleyar, mula Setyembre 4 hanggang 7.
Kinondena ng International Coordinating Committee at lahat ng miyembrong organisasyon ng International League of Peoples’ Struggle (ILPS) ang pagmasaker sa 73 migranteng manggagawa mula iba’t ibang bansa ng Latin America at nanawagan ng masusing imbestigasyon at katarungan para sa mga biktima.
Binatikos ng Karapatan ang pagtalaga ni Pang. Benigno "Noynoy" Aquino III kay Gen. Raul Bacalzo bilang pinuno ng Philippine National Police (PNP), kapalit ni Gen. Jesus Versoza.
Nagsindi ng kandila ang mga mamamayan ng Davao City sa pangunguna ng Exodus for Justice and Peace para kondenahin ang nauulat na militarisasyon sa distrito ng Paquibato kung saan dalawang inosenteng sibilyan ang pinaslang. Pinaslang si Naldo Labrador, isang magsasaka at miyembro ng Kilusang Magbubukid ng Plipinas, sa harap ng kanyang anak. Lumahok sa pagsindi ng kandila ang mga akaanak ni Labrador.
Taas-kamao si Fr. Dionisio Cabillas, aktibistang Aglipayang pari, sa pagtatapos ng misa para sa lider-obrero sa transportasyon na si Medardo "Ka Roda" Roda na yumao noong Setyembre 5. Matapos ang misa, binigyang-parangal si Roda ng iba't ibang militanteng lider at organisasyon, na tumitingala sa kanya bilang isa sa pangunahing lider-oposisyon noong diktadurang Marcos at pinakatanyag na lider ng mga manggagawa sa sektor ng transportasyon bilang tagapangulong emeritus ng Pagkakaisa ng mga Samahan ng Tsuper at Operators Nationwide o Piston. Umapaw ang mga tao sa UCCP Chapel sa EDSA, Quezon City sa dami ng mga gustong makiisa sa parangal. Inilibing si Roda noong Setyembre 12.
Pinangunahan ng mga miyembro ng Consumer Alert ang isang signature drive sa Agdao Public Market sa Davao City para mangampanya laban sa pagtaas ng singil sa kuryente na ipinapatupad ng Davao Light Power Company na pag-aari ng mga Aboitiz. Nangangamba ang grupo na lalala ang aba nang kondisyon ng mga mahihiap sa Mindanao bunsod ng dagdag-singil sa kuryente.
