May bitbit na permit para magdaos ng pagtitipon para sa Morong 43 sa Camp Bagong Diwa, nagkaraban ang mahigit 200 tagasuporta at kaanak patungo sa kampo. Pero hinarang sila ng pulis at pinigilang makabisita sa mga detinidong manggagawang pangkalusugan -- pinakahuli lamang sa serye ng panunupil at paglabag sa matagal nang niyuyurakang karapatan ng Morong 43 at tagasuporta nila.
Hindi pagluluksa kundi mistulang pagdiriwang ang Undas para sa maraming Pinoy. Pinagkakagastusan, pinagkakaabalahan, pinagkakapaguran. Pero, sa mga sementeryo, nahahati pa rin ang mga tao sa iilang mayayaman karamihang mahihirap.
Nagtagpo sa Kamaynilaan ang mahigit 3,000 magsasaka na naglakbay mula sa iba't ibang rehiyon para muling hilingin sa bagong rehimen ang luma nang hiling: Tunay na reporma sa lupa, hindi mapanlinlang na ekstensiyon ng CARP. Hustisya sa mga inapi't inabuso, hindi pagpapanggap at pagpapabango ng bangong pangulo.
Biktima sila ng human trafficking sa bansang Jordan: inalipin, pinahirapan, minolestiya, ginahasa. Pero matapos makatakas sa kanilang abusadong mga amo, kahit ang mga opisyal ng pamahalaa'y inaabuso din umano sila. Giit ng mga kaanak nila: Agarang pauwiin ang mga biktima. At bigyang hustisya ang nangyari sa kanila.
Sa kabila ng mga banta ng dating nag-amu-amuhang mga Cojuangco, pinayayaman ngayon ng mga mamamayan ng Hacienda Luisita ang lupain. Kolektibong binubungkal ang lupa, pinagtatamnan at inaani ang pananim. Handa pa rin silang ipagtanggol ang tagumpay nilang ito.
Hindi ordinaryong taumbayan ang kausap ni Pangulong Aquino, kundi malalaking negosyante't mayayaman. Sa kilos-protesta noong Oktubre 8, inihayag ng mga militante kung ano ang importanteng mga usaping di pa rin tinugunan ng pamahalaan.
Mula sa unang araw ng pag-upo ni Noynoy Aquino bilang pangulo, nagbantay na ang mga magsasaka sa Timog Katagalugan. Nangako silang hihintayin, sa loob ng unang 100 araw, ang kahihinatnan ng pangakong “pagbabago” ng bagong gobyerno.
Gumuguhong pader, masisikip na bahay, malayo sa kabuhayan. Ito ang buhay na inilalako ng pamahalaang Aquino sa mga mamamayan ng Sitio San Roque, Quezon City na gusto nilang itaboy pabor sa "Quezon City Central Business District."
Ito ang "pag-aalsang EDSA" ng mga maralita ng North Triangle: Sa militanteng pagkakaisa at pagbabarikada, napatigil nila nang mahigit tatlong oras ang trapiko sa EDSA, gayundin ang pagpapademolis -- bagamat pansamantala -- sa kanilang mga tahanan.
Sa halip na mga bahay: mga mall, call centers, tanggapan ng dayuhang mga korporasyon, parke. Sa halip na disente at matinong kabuhayan: kontraktuwal na mga trabaho. Ito ang plano sa North Triangle sa Quezon City. Itataboy ang libu-libong maralita para sa isang panlabas na mga istruktura ng "kaunlaran."
