Humarap ang mga indibidwal mula sa mga rehiyon ng Kordilyera, Ilocos, Cagayan Valley, Gitnang Luzon at National Capital Region upang tumestigo sa patuloy na lumalawak na mga insidente ng panghaharas at pandarahas ng gobyernong Aquino sa mga kritiko nito.
Hindi simpleng inip at bagot ang nararamdaman ko. Hindi lang simpleng pagkasaid ng pinansya o pasensya ang aking pinagdaraanan. Habang binibilang ko ang bawat araw ng pagkakait ng kalayaan at katarungan para kay Freedom, hindi ko na matanaw ang daang matuwid na sinasabi ng Pangulo.
Isang magsasaka, at dalawang anak niya, ang walang-labang pinaslang diumano ng militar, kasama ang isang sinasabing rebelde, sa Labo, Camarines Norte noong Pebrero 24. Inanunsiyo ng militar na kagagawan daw ng mga rebelde ang masaker. Pero sila ang mismong itinuturo ng saksi.
Sa kabila ng bagong pangalan, mapanupil na dahas pa rin ang programang kontra-insurhensiya ng AFP at administrasyong Aquino. Nakita ito sa pagpapatuloy ng mga abusong militar
"Doble-kara!" Ito ang paglalarawan sa Malakanyang ng mga maralitang lungsod ng Kalipunan ng Damayang Mahihirap (Kadamay), matapos manawagan ang Palasyo na ang nagtatagong dating heneral Jovito Palparan Jr. Anila, kakatwang ipinapanawagan ng administrasyong Aquino ang pagsuko ng retiradong heneral ng Armed Forces of the Philippines (AFP) samantalang patuloy pa ring sinusupil nito ang lehitimong mga aktibista tulad ng dalawang lider ng Kadamay na dinukot ng pulis at militar noong Pebrero 7 sa Laguna.
Nagtipon muli ang mga artista, akademiko, kapwa aktibista at kaibigan ni Ericson Acosta sa Palma Hall sa Unibersidad ng Pilipinas sa Diliman, Quezon City para isagawa ang isang "haranang bayan" kaalinsabay ng isang taong pagkakakulong ni Acosta sa Calbayog, Samar.
Inatasan ng hukom sa kaso laban kay retiradong Hen. Jovito Palparan Jr., at iba pang militar, ang magkabilang panig na kasama sa korteng inspeksiyunin ang Army Custodial Management Unit sa Fort Bonifacio at PNP Custodial Center sa Camp Crame, Quezon City. Ito’y para mapag-alaman ang tunay na lagay sa naturang detention centers ng mga kapwa akusado ni Palparan na sina Lt. Col. Felipe Anotado Jr. at Staff Sgt. Edgardo Osorio, ayon kay Judge Teodoro Gonzales ng Malolos Regional Trial Court, Branch 14, sa ikatlong pagdinig sa kasong kidnapping at serious illegal detention sa dalawang aktibistang estudyante noong 2006 na sina Karen Empeno at Sherlyn Cadapan.
Ipinrotesta ng Samahan ng Ex-Detainees Laban sa Detensyon at Aresto (Selda) ang paglipat ng isang bilanggong pulitikal mula sa regular na kulungan patungo sa kampo ng militar sa Central Visayas.
Pinaalalahanan ng mga pandaigdigang grupong pangkarapatang pantao ang administrasyong Aquino na tupdin ang mga pangakong pagrespeto sa karapatang pantao ng mga mamamayan.
Dumating sa bansa ang isang opisyal ng Amnesty International (AI) para siyasatin ang patuloy na detensiyon ni Ericson Acosta, isang makata at musikero na ilegal na inaresto ng militar noong nakaraang taon sa Samar. Ayon kay Gary W. King, pinuno ng Minneapolis, USA Chapter ng AI, isang pandaigdigang grupo na nagtataguyod ng karapatang pantao, dapat […]
