Itinutulak ng Kilusang Magbubukid ng Pilipinas (KMP) at election watchdog group na Kontra Daya ang diskwalipikasyon ng mga party-list ng tiyahin ni Pangulong Aquino na si Margarita “Tingting” Cojuangco at ni Quirino Dela Torre, dating pulis heneral na namuno noong masaker sa Hacienda Luisita. Si Cojuangco ay unang nominado ng Aksyon Magsasaka-Partido Tinig ng Masa, habang si Dela Torre ay […]
Makakapasok sa bansa ang imported na bigas nang walang taripa, nang walang anumang sagka o limitasyon. Isa sa mga dahilan nito ay ang gobyernong US, na nagpetisyon sa World Trade Organization na huwag nang bigyan pa ng proteksiyon ang ating lokal na mga magsasaka.
Kung nagtagumpay ang Comprehensive Agrarian Reform Program (CARP) sa pagbibigay ng lupa sa mga magsasaka, hindi na sila babalik taun-taon sa paanan ng Mendiola para iprotesta ang umano’y huwad na repormang agraryo na pinasimulan ng ina ni Pang. Benigno Aquino III.
Dahil “sawang-sawa na” sa umano’y “retorika” ni Pang. Benigno Aquino III hinggil sa repormang agraryo, sumugod sa tahanan ng pangulo sa Times St. sa Quezon City ang mahigit-kumulang 70 magsasaka mula sa Timog Katagalugan. Nakalapit sa gate ng tahanan ng mga Aquino ang militanteng mga magsasaka mula sa Katipunan ng mga Samahang Magbubukid sa Timog Katagalugan […]
Idinetalye ng Oplan April Spring ang mga hakbang para makamit ang layuning bakuran ang lupaing inaangkin ng RCBC, kabilang na rito ang panunuhol sa pulisya, mobilisasyon, at paggamit ng midya. Ayon sa mga magsasaka, isa itong patunay ng patuloy na maniobra ng pamilya Cojuangco-Aquino, at kabiguan ng Comprehensive Agrarian Reform Program.
Tapos na ang impeachment trial laban kay Chief Justice Corona, ngunit para sa mga militanteng grupo dapat na isunod agad ang paglitis paghatol at pagkulong kay GMA dahil siya naman daw ang puno't-dulo ng isinagawang paglilitis. Hindi na rin daw dapat magpalusot si Pangulong Aquino, upang umiwas sa pagtugon sa hinaing ng mamamayan para sa kagyat na ginhawa mula sa kahirapan.
Hindi pa lubos ang tagumpay ng mga magsasaka ng Hacienda Luisita sa desisyon ng Korte Suprema. Posibleng mapasakamay ulit ng mga Cojuangco ang lupain ng asyenda, sa pamamagitan ng mga taktikang divide-and-rule, at sa pagkaladkad ng paa ng mga ahensiyang nasa ilalim ng opisina ng pangulo.
Sa naganap na Araw ng Kordilyera sa Abra, ipinagdiriwang, hindi lamang ang mayamang kultura ng Kordilyera. Isinasariwa din nila ang paglaban para sa karapatan sa lupang ansestral. Makabuluhan ito noong panahon ni Macli-ing Dulag; lalong mas makabuluhan ito ngayon
Kinatigan ng Korte Suprema ang nauna na nitong desisyon noong Nobyembre 2011 na ipamahagi ang lupa sa Hacienda Luisita, Tarlac. “Nandito na ang tagumpay para sa libu-libong magsasaka…pero noon pa dapat itong total land distribution,” ani Lito Bais ng United Luisita Workers Union (ULWU). Ang desisyon ng Korte Suprema ay malaking legal na tagumpay para […]
Nagsanib-puwersa ang mga manggagawa at magsasaka sa pagbatikos kay Pang. Benigno “Noynoy” Aquino III dahil sa kawalang aksyon ng huli sa lumalang kahirapan.
